Narayaniyam Dashaka 83 - Paundrakavadham - Dninidavadham

ॐ

நாராயணீயம் தஶக 83 - பௌண்ட்ரகவதம் - த்நிநிதவதம்

Vishnu Tamil

ராமேऽத கோகுலகதே ப்ரமதாப்ரஸக்தே

ஹூதாநுபேதயமுநாதமநே மதாந்தே ।

ஸ்வைரம் ஸமாரமதி ஸேவகவாதமூடோ

தூதம் ந்யயுங்க்த தவ பௌண்ட்ரகவாஸுதேவஃ ॥1॥

நாராயணோऽஹமவதீர்ண இஹாஸ்மி பூமௌ

தத்ஸே கில த்வமபி மாமகலக்ஷணாநி ।

உத்ஸ்ரு'ஜ்ய தாநி ஶரணம் வ்ரஜ மாமிதி த்வாம்

தூதோ ஜகாத ஸகலைர்ஹஸிதஃ ஸபாயாம் ॥2॥

தூதேऽத யாதவதி யாதவஸைநிகைஸ்த்வம்

யாதோ ததர்ஶித வபுஃ கில பௌண்ட்ரகீயம் ।

தாபேந வக்ஷஸி க்ரு'தாங்கமநல்பமூல்ய-

ஶ்ரீகௌஸ்துபம் மகரகுண்டலபீதசேலம் ॥3॥

காலாயஸம் நிஜஸுதர்ஶநமஸ்யதோऽஸ்ய

காலாநலோத்கரகிரேண ஸுதர்ஶநேந ।

ஶீர்ஷம் சகர்தித மமர்தித சாஸ்ய ஸேநாம்

தந்மித்ரகாஶிபஶிரோऽபி சகர்த காஶ்யாம் ॥4॥

ஜால்யேந பாலககிராऽபி கிலாஹமேவ

ஶ்ரீவாஸுதேவ இதி ரூடமதிஶ்சிரம் ஸஃ ।

ஸாயுஜ்யமேவ பவதைக்யதியா கதோऽபூத்

கோ நாம கஸ்ய ஸுக்ரு'தம் கதமித்யவேயாத் ॥5॥

காஶீஶ்வரஸ்ய தநயோऽத ஸுதக்ஷிணாக்யஃ

ஶர்வம் ப்ரபூஜ்ய பவதே விஹிதாபிசாரஃ ।

க்ரு'த்யாநலம் கமபி பாண்ரரணாதிபீதை-

ர்பூதைஃ கதஞ்சந வ்ரு'தைஃ ஸமமப்யமுஞ்சத் ॥6॥

தாலப்ரமாணசரணாமகிலம் தஹந்தீம்

க்ரு'த்யாம் விலோக்ய சகிதைஃ கதிதோऽபி பௌரைஃ ।

த்யூதோத்ஸவே கிமபி நோ சலிதோ விபோ த்வம்

பார்ஶ்வஸ்தமாஶு விஸஸர்ஜித காலசக்ரம் ॥7॥

அப்யாபதத்யமிததாம்நி பவந்மஹாஸ்த்ரே

ஹா ஹேதி வித்ருதவதீ கலு கோரக்ரு'த்யா।

ரோஷாத் ஸுதக்ஷிணமதக்ஷிணசேஷ்டிதம் தம்

புப்லோஷ சக்ரமபி காஶிபுரீமதாக்ஷீத் ॥8॥

ஸ கலு விவிதோ ரக்ஷோகாதே க்ரு'தோபக்ரு'திஃ புரா

தவ து கலயா ம்ரு'த்யும் ப்ராப்தும் ததா கலதாம் கதஃ ।

நரகஸசிவோ தேஶக்லேஶம் ஸ்ரு'ஜந் நகராந்திகே

சடிதி ஹலிநா யுத்யந்நத்தா பபாத தலாஹதஃ ॥9॥

ஸாம்பம் கௌரவ்யபுத்ரீஹரணநியமிதம் ஸாந்த்வநார்தீ குரூணாம்

யாதஸ்தத்வாக்யரோஷோத்த்ரு'தகரிநகரோ மோசயாமாஸ ராமஃ ।

தே காத்யாஃ பாண்டவேயைரிதி யதுப்ரு'தநாம் நாமுசஸ்த்வம் ததாநீம்

தம் த்வாம் துர்போதலீலம் பவநபுரபதே தாபஶாந்த்யை நிஷேவே ॥10॥

Roman (IAST) Transliteration

rāme'tha gokulagate pramadāprasakte

hūtānupetayamunādamane madāndhe |

svairaṃ samāramati sevakavādamūḍho

dūtaṃ nyayuṅkta tava pauṇḍrakavāsudevaḥ ||1||

nārāyaṇo'hamavatīrṇa ihāsmi bhūmau

dhatse kila tvamapi māmakalakṣaṇāni |

utsṛjya tāni śaraṇaṃ vraja māmiti tvāṃ

dūto jagāda sakalairhasitaḥ sabhāyām ||2||

dūte'tha yātavati yādavasainikaistvaṃ

yāto dadarśitha vapuḥ kila pauṇḍrakīyam |

tāpena vakṣasi kṛtāṅkamanalpamūlya-

śrīkaustubhaṃ makarakuṇḍalapītacelam ||3||

kālāyasaṃ nijasudarśanamasyato'sya

kālānalotkarakireṇa sudarśanena |

śīrṣaṃ cakartitha mamarditha cāsya senāṃ

tanmitrakāśipaśiro'pi cakartha kāśyām ||4||

jālyena bālakagirā'pi kilāhameva

śrīvāsudeva iti rūḍhamatiściraṃ saḥ |

sāyujyameva bhavadaikyadhiyā gato'bhūt

ko nāma kasya sukṛtaṃ kathamityaveyāt ||5||

kāśīśvarasya tanayo'tha sudakṣiṇākhyaḥ

śarvaṃ prapūjya bhavate vihitābhicāraḥ |

kṛtyānalaṃ kamapi bāṇraraṇātibhītai-

rbhūtaiḥ kathañcana vṛtaiḥ samamabhyamuñcat ||6||

tālapramāṇacaraṇāmakhilaṃ dahantīṃ

kṛtyāṃ vilokya cakitaiḥ kathito'pi pauraiḥ |

dyūtotsave kimapi no calito vibho tvaṃ

pārśvasthamāśu visasarjitha kālacakram ||7||

abhyāpatatyamitadhāmni bhavanmahāstre

hā heti vidrutavatī khalu ghorakṛtyā|

roṣāt sudakṣiṇamadakṣiṇaceṣṭitaṃ taṃ

puploṣa cakramapi kāśipurīmadhākṣīt ||8||

sa khalu vivido rakṣoghāte kṛtopakṛtiḥ purā

tava tu kalayā mṛtyuṃ prāptuṃ tadā khalatāṃ gataḥ |

narakasacivo deśakleśaṃ sṛjan nagarāntike

jhaṭiti halinā yudhyannaddhā papāta talāhataḥ ||9||

sāmbaṃ kauravyaputrīharaṇaniyamitaṃ sāntvanārthī kurūṇāṃ

yātastadvākyaroṣoddhṛtakarinagaro mocayāmāsa rāmaḥ |

te ghātyāḥ pāṇḍaveyairiti yadupṛtanāṃ nāmucastvaṃ tadānīṃ

taṃ tvāṃ durbodhalīlaṃ pavanapurapate tāpaśāntyai niṣeve ||10||