Narayaniyam Dashaka 79 - Rukminiharanam Vivaham Cha

ॐ

நாராயணீயம் தஶக 79 - ருக்மிணீஹரணம் விவாஹம் ச

Vishnu Tamil

பலஸமேதபலாநுகதோ பவாந் புரமகாஹத பீஷ்மகமாநிதஃ ।

த்விஜஸுதம் த்வதுபாகமவாதிநம் த்ரு'தரஸா தரஸா ப்ரணநாம ஸா ॥1॥

புவநகாந்தமவேக்ஷ்ய பவத்வபுர்ந்ரு'பஸுதஸ்ய நிஶம்ய ச சேஷ்டிதம் ।

விபுலகேதஜுஷாம் புரவாஸிநாம் ஸருதிதைருதிதைரகமந்நிஶா ॥2॥

ததநு வந்திதுமிந்துமுகீ ஶிவாம் விஹிதமங்கலபூஷணபாஸுரா ।

நிரகமத் பவதர்பிதஜீவிதா ஸ்வபுரதஃ புரதஃ ஸுபடாவ்ரு'தா ॥3॥

குலவதூபிருபேத்ய குமாரிகா கிரிஸுதாம் பரிபூஜ்ய ச ஸாதரம் ।

முஹுரயாசத தத்பதபங்கஜே நிபதிதா பதிதாம் தவ கேவலம் ॥4॥

ஸமவலோககுதூஹலஸங்குலே ந்ரு'பகுலே நிப்ரு'தம் த்வயி ச ஸ்திதே ।

ந்ரு'பஸுதா நிரகாத்கிரிஜாலயாத் ஸுருசிரம் ருசிரஞ்ஜிததிங்முகா ॥5॥

புவநமோஹநரூபருசா ததா விவஶிதாகிலராஜகதம்பயா ।

த்வமபி தேவ கடாக்ஷவிமோக்ஷணைஃ ப்ரமதயா மதயாஞ்சக்ரு'ஷே மநாக் ॥6॥

க்வநு கமிஷ்யஸி சந்த்ரமுகீதி தாம் ஸரஸமேத்ய கரேண ஹரந் க்ஷணாத் ।

ஸமதிரோப்ய ரதம் த்வமபாஹ்ரு'தா புவி ததோ விததோ நிநதோ த்விஷாம் ॥7॥

க்வ நு கதஃ பஶுபால இதி க்ருதா க்ரு'தரணா யதுபிஶ்ச ஜிதா ந்ரு'பாஃ ।

ந து பவாநுதசால்யத தைரஹோ பிஶுநகைஃ ஶுநகைரிவ கேஸரீ ॥8॥

ததநு ருக்மிணமாகதமாஹவே வதமுபேக்ஷ்ய நிபத்ய விரூபயந் ।

ஹ்ரு'தமதம் பரிமுச்ய பலோக்திபிஃ புரமயா ரமயா ஸஹ காந்தயா ॥9॥

நவஸமாகமலஜ்ஜிதமாநஸாம் ப்ரணயகௌதுகஜ்ரு'ம்பிதமந்மதாம் ।

அரமயஃ கலு நாத யதாஸுகம் ரஹஸி தாம் ஹஸிதாம்ஶுலஸந்முகீம் ॥10॥

விவிதநர்மபிரேவமஹர்நிஶம் ப்ரமதமாகலயந் புநரேகதா ।

ரு'ஜுமதேஃ கில வக்ரகிரா பவாந் வரதநோரதநோததிலோலதாம் ॥11॥

தததிகைரத லாலநகௌஶலைஃ ப்ரணயிநீமதிகம் ஸுகயந்நிமாம் ।

அயி முகுந்த பவச்சரிதாநி நஃ ப்ரகததாம் கததாந்திமபாகுரு ॥12॥

Roman (IAST) Transliteration

balasametabalānugato bhavān puramagāhata bhīṣmakamānitaḥ |

dvijasutaṃ tvadupāgamavādinaṃ dhṛtarasā tarasā praṇanāma sā ||1||

bhuvanakāntamavekṣya bhavadvapurnṛpasutasya niśamya ca ceṣṭitam |

vipulakhedajuṣāṃ puravāsināṃ saruditairuditairagamanniśā ||2||

tadanu vanditumindumukhī śivāṃ vihitamaṅgalabhūṣaṇabhāsurā |

niragamat bhavadarpitajīvitā svapurataḥ purataḥ subhaṭāvṛtā ||3||

kulavadhūbhirupetya kumārikā girisutāṃ paripūjya ca sādaram |

muhurayācata tatpadapaṅkaje nipatitā patitāṃ tava kevalam ||4||

samavalokakutūhalasaṅkule nṛpakule nibhṛtaṃ tvayi ca sthite |

nṛpasutā niragādgirijālayāt suruciraṃ rucirañjitadiṅmukhā ||5||

bhuvanamohanarūparucā tadā vivaśitākhilarājakadambayā |

tvamapi deva kaṭākṣavimokṣaṇaiḥ pramadayā madayāñcakṛṣe manāk ||6||

kvanu gamiṣyasi candramukhīti tāṃ sarasametya kareṇa haran kṣaṇāt |

samadhiropya rathaṃ tvamapāhṛthā bhuvi tato vitato ninado dviṣām ||7||

kva nu gataḥ paśupāla iti krudhā kṛtaraṇā yadubhiśca jitā nṛpāḥ |

na tu bhavānudacālyata tairaho piśunakaiḥ śunakairiva kesarī ||8||

tadanu rukmiṇamāgatamāhave vadhamupekṣya nibadhya virūpayan |

hṛtamadaṃ parimucya baloktibhiḥ puramayā ramayā saha kāntayā ||9||

navasamāgamalajjitamānasāṃ praṇayakautukajṛmbhitamanmathām |

aramayaḥ khalu nātha yathāsukhaṃ rahasi tāṃ hasitāṃśulasanmukhīm ||10||

vividhanarmabhirevamaharniśaṃ pramadamākalayan punarekadā |

ṛjumateḥ kila vakragirā bhavān varatanoratanodatilolatām ||11||

tadadhikairatha lālanakauśalaiḥ praṇayinīmadhikaṃ sukhayannimām |

ayi mukunda bhavaccaritāni naḥ pragadatāṃ gadatāntimapākuru ||12||