Narayaniyam Dashaka 78 - Dvarakavasah Tatha Rukmanisandeshapraptih

ॐ

நாராயணீயம் தஶக 78 - த்வாரகாவாஸஃ ததா ருக்மணீஸந்தேஶப்ராப்திஃ

Vishnu Tamil

த்ரிதிவவர்தகிவர்திதகௌஶலம் த்ரிதஶதத்தஸமஸ்தவிபூதிமத் ।

ஜலதிமத்யகதம் த்வமபூஷயோ நவபுரம் வபுரஞ்சிதரோசிஷா ॥1॥

ததுஷி ரேவதபூப்ரு'தி ரேவதீம் ஹலப்ரு'தே தநயாம் விதிஶாஸநாத் ।

மஹிதமுத்ஸவகோஷமபூபுஷஃ ஸமுதிதைர்முதிதைஃ ஸஹ யாதவைஃ ॥2॥

அத விதர்பஸுதாம் கலு ருக்மிணீம் ப்ரணயிநீம் த்வயி தேவ ஸஹோதரஃ ।

ஸ்வயமதித்ஸத சேதிமஹீபுஜே ஸ்வதமஸா தமஸாதுமுபாஶ்ரயந் ॥3॥

சிரத்ரு'தப்ரணயா த்வயி பாலிகா ஸபதி காங்க்ஷிதபங்கஸமாகுலா ।

தவ நிவேதயிதும் த்விஜமாதிஶத் ஸ்வகதநம் கதநங்கவிநிர்மிதம் ॥4॥

த்விஜஸுதோऽபி ச தூர்ணமுபாயயௌ தவ புரம் ஹி துராஶதுராஸதம் ।

முதமவாப ச ஸாதரபூஜிதஃ ஸ பவதா பவதாபஹ்ரு'தா ஸ்வயம் ॥5॥

ஸ ச பவந்தமவோசத குண்டிநே ந்ரு'பஸுதா கலு ராஜதி ருக்மிணீ ।

த்வயி ஸமுத்ஸுகயா நிஜதீரதாரஹிதயா ஹி தயா ப்ரஹிதோऽஸ்ம்யஹம் ॥6॥

தவ ஹ்ரு'தாऽஸ்மி புரைவ குணைரஹம் ஹரதி மாம் கில சேதிந்ரு'போऽதுநா ।

அயி க்ரு'பாலய பாலய மாமிதி ப்ரஜகதே ஜகதேகபதே தயா ॥7॥

அஶரணாம் யதி மாம் த்வமுபேக்ஷஸே ஸபதி ஜீவிதமேவ ஜஹாம்யஹம் ।

இதி கிரா ஸுதநோரதநோத் ப்ரு'ஶம் ஸுஹ்ரு'தயம் ஹ்ரு'தயம் தவ காதரம் ॥8॥

அகதயஸ்த்வமதைநமயே ஸகே தததிகா மம மந்மதவேதநா ।

ந்ரு'பஸமக்ஷமுபேத்ய ஹராம்யஹம் ததயி தாம் தயிதாமஸிதேக்ஷணாம் ॥9॥

ப்ரமுதிதேந ச தேந ஸமம் ததா ரதகதோ லகு குண்டிநமேயிவாந் ।

குருமருத்புரநாயக மே பவாந் விதநுதாம் தநுதாம் நிகிலாபதாம் ॥10॥

Roman (IAST) Transliteration

tridivavardhakivardhitakauśalaṃ tridaśadattasamastavibhūtimat |

jaladhimadhyagataṃ tvamabhūṣayo navapuraṃ vapurañcitarociṣā ||1||

daduṣi revatabhūbhṛti revatīṃ halabhṛte tanayāṃ vidhiśāsanāt |

mahitamutsavaghoṣamapūpuṣaḥ samuditairmuditaiḥ saha yādavaiḥ ||2||

atha vidarbhasutāṃ khalu rukmiṇīṃ praṇayinīṃ tvayi deva sahodaraḥ |

svayamaditsata cedimahībhuje svatamasā tamasādhumupāśrayan ||3||

ciradhṛtapraṇayā tvayi bālikā sapadi kāṅkṣitabhaṅgasamākulā |

tava nivedayituṃ dvijamādiśat svakadanaṃ kadanaṅgavinirmitam ||4||

dvijasuto'pi ca tūrṇamupāyayau tava puraṃ hi durāśadurāsadam |

mudamavāpa ca sādarapūjitaḥ sa bhavatā bhavatāpahṛtā svayam ||5||

sa ca bhavantamavocata kuṇḍine nṛpasutā khalu rājati rukmiṇī |

tvayi samutsukayā nijadhīratārahitayā hi tayā prahito'smyaham ||6||

tava hṛtā'smi puraiva guṇairahaṃ harati māṃ kila cedinṛpo'dhunā |

ayi kṛpālaya pālaya māmiti prajagade jagadekapate tayā ||7||

aśaraṇāṃ yadi māṃ tvamupekṣase sapadi jīvitameva jahāmyaham |

iti girā sutanoratanot bhṛśaṃ suhṛdayaṃ hṛdayaṃ tava kātaram ||8||

akathayastvamathainamaye sakhe tadadhikā mama manmathavedanā |

nṛpasamakṣamupetya harāmyahaṃ tadayi tāṃ dayitāmasitekṣaṇām ||9||

pramuditena ca tena samaṃ tadā rathagato laghu kuṇḍinameyivān |

gurumarutpuranāyaka me bhavān vitanutāṃ tanutāṃ nikhilāpadām ||10||