Narayaniyam Dashaka 75 - Kamsavadha

ॐ

நாராயணீயம் தஶக 75 - கம்ஸவத

Vishnu Tamil

ப்ராதஃ ஸந்த்ரஸ்தபோஜக்ஷிதிபதிவசஸா ப்ரஸ்துதே மல்லதூர்யே

ஸங்கே ராஜ்ஞாம் ச மஞ்சாநபியயுஷி கதே நந்தகோபேऽபி ஹர்ம்யம் ।

கம்ஸே ஸௌதாதிரூடே த்வமபி ஸஹபலஃ ஸாநுகஶ்சாருவேஷோ

ரங்கத்வாரம் கதோऽபூஃ குபிதகுவலயாபீடநாகாவலீடம் ॥1॥

பாபிஷ்டாபேஹி மார்காத்த்ருதமிதி வசஸா நிஷ்டுரக்ருத்தபுத்தே-

ரம்பஷ்டஸ்ய ப்ரணோதாததிகஜவஜுஷா ஹஸ்திநா க்ரு'ஹ்யமாணஃ ।

கேலீமுக்தோऽத கோபீகுசகலஶசிரஸ்பர்திநம் கும்பமஸ்ய

வ்யாஹத்யாலீயதாஸ்த்வம் சரணபுவி புநர்நிர்கதோ வல்குஹாஸீ ॥2॥

ஹஸ்தப்ராப்யோऽப்யகம்யோ சடிதி முநிஜநஸ்யேவ தாவந் கஜேந்த்ரம்

க்ரீடந்நாபாத்ய பூமௌ புநரபிபததஸ்தஸ்ய தந்தம் ஸஜீவம் ।

மூலாதுந்மூல்ய தந்மூலகமஹிதமஹாமௌக்திகாந்யாத்மமித்ரே

ப்ராதாஸ்த்வம் ஹாரமேபிர்லலிதவிரசிதம் ராதிகாயை திஶேதி ॥3॥

க்ரு'ஹ்ணாநம் தந்தமம்ஸே யுதமத ஹலிநா ரங்கமங்காவிஶந்தம்

த்வாம் மங்கல்யாங்கபங்கீரபஸஹ்ரு'தமநோலோசநா வீக்ஷ்ய லோகாஃ ।

ஹம்ஹோ தந்யோ ஹி நந்தோ நஹி நஹி பஶுபாலாங்கநா நோ யஶோதா

நோ நோ தந்யேக்ஷணாஃ ஸ்மஸ்த்ரிஜகதி வயமேவேதி ஸர்வே ஶஶம்ஸுஃ ॥4॥

பூர்ணம் ப்ரஹ்மைவ ஸாக்ஷாந்நிரவதி பரமாநந்தஸாந்த்ரப்ரகாஶம்

கோபேஶு த்வம் வ்யலாஸீர்ந கலு பஹுஜநைஸ்தாவதாவேதிதோऽபூஃ ।

த்ரு'ஷ்ட்வாऽத த்வாம் ததேதம்ப்ரதமமுபகதே புண்யகாலே ஜநௌகாஃ

பூர்ணாநந்தா விபாபாஃ ஸரஸமபிஜகுஸ்த்வத்க்ரு'தாநி ஸ்ம்ரு'தாநி ॥5॥

சாணூரோ மல்லவீரஸ்ததநு ந்ரு'பகிரா முஷ்டிகோ முஷ்டிஶாலீ

த்வாம் ராமம் சாபிபேதே சடசடிதி மிதோ முஷ்டிபாதாதிரூக்ஷம் ।

உத்பாதாபாதநாகர்ஷணவிவிதரணாந்யாஸதாம் தத்ர சித்ரம்

ம்ரு'த்யோஃ ப்ராகேவ மல்லப்ரபுரகமதயம் பூரிஶோ பந்தமோக்ஷாந் ॥6॥

ஹா திக் கஷ்டம் குமாரௌ ஸுலலிதவபுஷௌ மல்லவீரௌ கடோரௌ

ந த்ரக்ஷ்யாமோ வ்ரஜாமஸ்த்வரிதமிதி ஜநே பாஷமாணே ததாநீம் ।

சாணூரம் தம் கரோத்ப்ராமணவிகலதஸும் போதயாமாஸிதோர்வ்யாம்

பிஷ்டோऽபூந்முஷ்டிகோऽபி த்ருதமத ஹலிநா நஷ்டஶிஷ்டைர்ததாவே ॥7॥

கம்ஸ ஸம்வார்ய தூர்யம் கலமதிரவிதந் கார்யமார்யாந் பித்ரு'ம்ஸ்தா-

நாஹந்தும் வ்யாப்தமூர்தேஸ்தவ ச ஸமஶிஷத்தூரமுத்ஸாரணாய ।

ருஷ்டோ துஷ்டோக்திபிஸ்த்வம் கருட இவ கிரிம் மஞ்சமஞ்சந்நுதஞ்சத்-

கட்கவ்யாவல்கதுஸ்ஸங்க்ரஹமபி ச ஹடாத் ப்ராக்ரஹீரௌக்ரஸேநிம் ॥8॥

ஸத்யோ நிஷ்பிஷ்டஸந்திம் புவி நரபதிமாபாத்ய தஸ்யோபரிஷ்டா-

த்த்வய்யாபாத்யே ததைவ த்வதுபரி பதிதா நாகிநாம் புஷ்பவ்ரு'ஷ்டிஃ ।

கிம் கிம் ப்ரூமஸ்ததாநீம் ஸததமபி பியா த்வத்கதாத்மா ஸ பேஜே

ஸாயுஜ்யம் த்வத்வதோத்தா பரம பரமியம் வாஸநா காலநேமேஃ ॥9॥

தத்ப்ராத்ரு'நஷ்ட பிஷ்ட்வா த்ருதமத பிதரௌ ஸந்நமந்நுக்ரஸேநம்

க்ரு'த்வா ராஜாநமுச்சைர்யதுகுலமகிலம் மோதயந் காமதாநைஃ ।

பக்தாநாமுத்தமம் சோத்தவமமரகுரோராப்தநீதிம் ஸகாயம்

லப்த்வா துஷ்டோ நகர்யாம் பவநபுரபதே ருந்தி மே ஸர்வரோகாந் ॥10॥

Roman (IAST) Transliteration

prātaḥ santrastabhojakṣitipativacasā prastute mallatūrye

saṅghe rājñāṃ ca mañcānabhiyayuṣi gate nandagope'pi harmyam |

kaṃse saudhādhirūḍhe tvamapi sahabalaḥ sānugaścāruveṣo

raṅgadvāraṃ gato'bhūḥ kupitakuvalayāpīḍanāgāvalīḍham ||1||

pāpiṣṭhāpehi mārgāddrutamiti vacasā niṣṭhurakruddhabuddhe-

rambaṣṭhasya praṇodādadhikajavajuṣā hastinā gṛhyamāṇaḥ |

kelīmukto'tha gopīkucakalaśaciraspardhinaṃ kumbhamasya

vyāhatyālīyathāstvaṃ caraṇabhuvi punarnirgato valguhāsī ||2||

hastaprāpyo'pyagamyo jhaṭiti munijanasyeva dhāvan gajendraṃ

krīḍannāpātya bhūmau punarabhipatatastasya dantaṃ sajīvam |

mūlādunmūlya tanmūlagamahitamahāmauktikānyātmamitre

prādāstvaṃ hāramebhirlalitaviracitaṃ rādhikāyai diśeti ||3||

gṛhṇānaṃ dantamaṃse yutamatha halinā raṅgamaṅgāviśantaṃ

tvāṃ maṅgalyāṅgabhaṅgīrabhasahṛtamanolocanā vīkṣya lokāḥ |

haṃho dhanyo hi nando nahi nahi paśupālāṅganā no yaśodā

no no dhanyekṣaṇāḥ smastrijagati vayameveti sarve śaśaṃsuḥ ||4||

pūrṇaṃ brahmaiva sākṣānniravadhi paramānandasāndraprakāśaṃ

gopeśu tvaṃ vyalāsīrna khalu bahujanaistāvadāvedito'bhūḥ |

dṛṣṭvā'tha tvāṃ tadedamprathamamupagate puṇyakāle janaughāḥ

pūrṇānandā vipāpāḥ sarasamabhijagustvatkṛtāni smṛtāni ||5||

cāṇūro mallavīrastadanu nṛpagirā muṣṭiko muṣṭiśālī

tvāṃ rāmaṃ cābhipede jhaṭajhaṭiti mitho muṣṭipātātirūkṣam |

utpātāpātanākarṣaṇavividharaṇānyāsatāṃ tatra citraṃ

mṛtyoḥ prāgeva mallaprabhuragamadayaṃ bhūriśo bandhamokṣān ||6||

hā dhik kaṣṭaṃ kumārau sulalitavapuṣau mallavīrau kaṭhorau

na drakṣyāmo vrajāmastvaritamiti jane bhāṣamāṇe tadānīm |

cāṇūraṃ taṃ karodbhrāmaṇavigaladasuṃ pothayāmāsithorvyāṃ

piṣṭo'bhūnmuṣṭiko'pi drutamatha halinā naṣṭaśiṣṭairdadhāve ||7||

kaṃsa saṃvārya tūryaṃ khalamatiravidan kāryamāryān pitṛṃstā-

nāhantuṃ vyāptamūrtestava ca samaśiṣaddūramutsāraṇāya |

ruṣṭo duṣṭoktibhistvaṃ garuḍa iva giriṃ mañcamañcannudañcat-

khaḍgavyāvalgadussaṅgrahamapi ca haṭhāt prāgrahīraugrasenim ||8||

sadyo niṣpiṣṭasandhiṃ bhuvi narapatimāpātya tasyopariṣṭā-

ttvayyāpātye tadaiva tvadupari patitā nākināṃ puṣpavṛṣṭiḥ |

kiṃ kiṃ brūmastadānīṃ satatamapi bhiyā tvadgatātmā sa bheje

sāyujyaṃ tvadvadhotthā parama paramiyaṃ vāsanā kālanemeḥ ||9||

tadbhrātṛnaṣṭa piṣṭvā drutamatha pitarau sannamannugrasenaṃ

kṛtvā rājānamuccairyadukulamakhilaṃ modayan kāmadānaiḥ |

bhaktānāmuttamaṃ coddhavamamaragurorāptanītiṃ sakhāyaṃ

labdhvā tuṣṭo nagaryāṃ pavanapurapate rundhi me sarvarogān ||10||