Narayaniyam Dashaka 74 - Bhagavatah Mathurapuripravesham

ॐ

நாராயணீயம் தஶக 74 - பகவதஃ மதுராபுரீப்ரவேஶம்

Vishnu Tamil

ஸம்ப்ராப்தோ மதுராம் திநார்தவிகமே தத்ராந்தரஸ்மிந் வஸ-

ந்நாராமே விஹிதாஶநஃ ஸகிஜநைர்யாதஃ புரீமீக்ஷிதும் ।

ப்ராபோ ராஜபதம் சிரஶ்ருதித்ரு'தவ்யாலோககௌதூஹல-

ஸ்த்ரீபும்ஸோத்யதகண்யபுண்யநிகலைராக்ரு'ஷ்யமாணோ நு கிம் ॥1॥

த்வத்பாதத்யுதிவத் ஸராகஸுபகாஃ த்வந்மூர்திவத்யோஷிதஃ

ஸம்ப்ராப்தா விலஸத்பயோதரருசோ லோலா பவத் த்ரு'ஷ்டிவத் ।

ஹாரிண்யஸ்த்வதுரஃஸ்தலீவதயி தே மந்தஸ்மிதப்ரௌடிவ-

ந்நைர்மல்யோல்லஸிதாஃ கசௌகருசிவத்ராஜத்கலாபாஶ்ரிதாஃ ॥2॥

தாஸாமாகலயந்நபாங்கவலநைர்மோதம் ப்ரஹர்ஷாத்புத-

வ்யாலோலேஷு ஜநேஷு தத்ர ரஜகம் கஞ்சித் படீம் ப்ரார்தயந் ।

கஸ்தே தாஸ்யதி ராஜகீயவஸநம் யாஹீதி தேநோதிதஃ

ஸத்யஸ்தஸ்ய கரேண ஶீர்ஷமஹ்ரு'தாஃ ஸோऽப்யாப புண்யாம் கதிம் ॥3॥

பூயோ வாயகமேகமாயதமதிம் தோஷேண வேஷோசிதம்

தாஶ்வாம்ஸம் ஸ்வபதம் நிநேத ஸுக்ரு'தம் கோ வேத ஜீவாத்மநாம் ।

மாலாபிஃ ஸ்தபகைஃ ஸ்தவைரபி புநர்மாலாக்ரு'தா மாநிதோ

பக்திம் தேந வ்ரு'தாம் திதேஶித பராம் லக்ஷ்மீம் ச லக்ஷ்மீபதே ॥4॥

குப்ஜாமப்ஜவிலோசநாம் பதிபுநர்த்ரு'ஷ்ட்வாऽங்கராகே தயா

தத்தே ஸாது கிலாங்கராகமததாஸ்தஸ்யா மஹாந்தம் ஹ்ரு'தி ।

சித்தஸ்தாம்ரு'ஜுதாமத ப்ரதயிதும் காத்ரேऽபி தஸ்யாஃ ஸ்புடம்

க்ரு'ஹ்ணந் மஞ்ஜு கரேண தாமுதநயஸ்தாவஜ்ஜகத்ஸுந்தரீம் ॥5॥

தாவந்நிஶ்சிதவைபவாஸ்தவ விபோ நாத்யந்தபாபா ஜநா

யத்கிஞ்சித்தததே ஸ்ம ஶக்த்யநுகுணம் தாம்பூலமால்யாதிகம் ।

க்ரு'ஹ்ணாநஃ குஸுமாதி கிஞ்சந ததா மார்கே நிபத்தாஞ்ஜலி-

ர்நாதிஷ்டம் பத ஹா யதோऽத்ய விபுலாமார்திம் வ்ரஜாமி ப்ரபோ ॥6॥

ஏஷ்யாமீதி விமுக்தயாऽபி பகவந்நாலேபதாத்ர்யா தயா

தூராத் காதரயா நிரீக்ஷிதகதிஸ்த்வம் ப்ராவிஶோ கோபுரம் ।

ஆகோஷாநுமிதத்வதாகமமஹாஹர்ஷோல்லலத்தேவகீ-

வக்ஷோஜப்ரகலத்பயோரஸமிஷாத்த்வத்கீர்திரந்தர்கதா ॥7॥

ஆவிஷ்டோ நகரீம் மஹோத்ஸவவதீம் கோதண்டஶாலாம் வ்ரஜந்

மாதுர்யேண நு தேஜஸா நு புருஷைர்தூரேண தத்தாந்தரஃ ।

ஸ்ரக்பிர்பூஷிதமர்சிதம் வரதநுர்மா மேதி வாதாத் புரஃ

ப்ராக்ரு'ஹ்ணாஃ ஸமரோபயஃ கில ஸமாக்ராக்ஷீரபாங்க்ஷீரபி ॥8॥

ஶ்வஃ கம்ஸக்ஷபணோத்ஸவஸ்ய புரதஃ ப்ராரம்பதூர்யோபம-

ஶ்சாபத்வம்ஸமஹாத்வநிஸ்தவ விபோ தேவாநரோமாஞ்சயத் ।

கம்ஸஸ்யாபி ச வேபதுஸ்ததுதிதஃ கோதண்டகண்டத்வயீ-

சண்டாப்யாஹதரக்ஷிபூருஷரவைருத்கூலிதோऽபூத் த்வயா ॥9॥

ஶிஷ்டைர்துஷ்டஜநைஶ்ச த்ரு'ஷ்டமஹிமா ப்ரீத்யா ச பீத்யா ததஃ

ஸம்பஶ்யந் புரஸம்பதம் ப்ரவிசரந் ஸாயம் கதோ வாடிகாம் ।

ஶ்ரீதாம்நா ஸஹ ராதிகாவிரஹஜம் கேதம் வதந் ப்ரஸ்வப-

ந்நாநந்தந்நவதாரகார்யகடநாத்வாதேஶ ஸம்ரக்ஷ மாம் ॥10॥

Roman (IAST) Transliteration

samprāpto mathurāṃ dinārdhavigame tatrāntarasmin vasa-

nnārāme vihitāśanaḥ sakhijanairyātaḥ purīmīkṣitum |

prāpo rājapathaṃ ciraśrutidhṛtavyālokakautūhala-

strīpuṃsodyadagaṇyapuṇyanigalairākṛṣyamāṇo nu kim ||1||

tvatpādadyutivat sarāgasubhagāḥ tvanmūrtivadyoṣitaḥ

samprāptā vilasatpayodhararuco lolā bhavat dṛṣṭivat |

hāriṇyastvaduraḥsthalīvadayi te mandasmitaprauḍhiva-

nnairmalyollasitāḥ kacaugharucivadrājatkalāpāśritāḥ ||2||

tāsāmākalayannapāṅgavalanairmodaṃ praharṣādbhuta-

vyāloleṣu janeṣu tatra rajakaṃ kañcit paṭīṃ prārthayan |

kaste dāsyati rājakīyavasanaṃ yāhīti tenoditaḥ

sadyastasya kareṇa śīrṣamahṛthāḥ so'pyāpa puṇyāṃ gatim ||3||

bhūyo vāyakamekamāyatamatiṃ toṣeṇa veṣocitaṃ

dāśvāṃsaṃ svapadaṃ ninetha sukṛtaṃ ko veda jīvātmanām |

mālābhiḥ stabakaiḥ stavairapi punarmālākṛtā mānito

bhaktiṃ tena vṛtāṃ dideśitha parāṃ lakṣmīṃ ca lakṣmīpate ||4||

kubjāmabjavilocanāṃ pathipunardṛṣṭvā'ṅgarāge tayā

datte sādhu kilāṅgarāgamadadāstasyā mahāntaṃ hṛdi |

cittasthāmṛjutāmatha prathayituṃ gātre'pi tasyāḥ sphuṭaṃ

gṛhṇan mañju kareṇa tāmudanayastāvajjagatsundarīm ||5||

tāvanniścitavaibhavāstava vibho nātyantapāpā janā

yatkiñciddadate sma śaktyanuguṇaṃ tāmbūlamālyādikam |

gṛhṇānaḥ kusumādi kiñcana tadā mārge nibaddhāñjali-

rnātiṣṭhaṃ bata hā yato'dya vipulāmārtiṃ vrajāmi prabho ||6||

eṣyāmīti vimuktayā'pi bhagavannālepadātryā tayā

dūrāt kātarayā nirīkṣitagatistvaṃ prāviśo gopuram |

āghoṣānumitatvadāgamamahāharṣollaladdevakī-

vakṣojapragalatpayorasamiṣāttvatkīrtirantargatā ||7||

āviṣṭo nagarīṃ mahotsavavatīṃ kodaṇḍaśālāṃ vrajan

mādhuryeṇa nu tejasā nu puruṣairdūreṇa dattāntaraḥ |

sragbhirbhūṣitamarcitaṃ varadhanurmā meti vādāt puraḥ

prāgṛhṇāḥ samaropayaḥ kila samākrākṣīrabhāṅkṣīrapi ||8||

śvaḥ kaṃsakṣapaṇotsavasya purataḥ prārambhatūryopama-

ścāpadhvaṃsamahādhvanistava vibho devānaromāñcayat |

kaṃsasyāpi ca vepathustaduditaḥ kodaṇḍakhaṇḍadvayī-

caṇḍābhyāhatarakṣipūruṣaravairutkūlito'bhūt tvayā ||9||

śiṣṭairduṣṭajanaiśca dṛṣṭamahimā prītyā ca bhītyā tataḥ

sampaśyan purasampadaṃ pravicaran sāyaṃ gato vāṭikām |

śrīdāmnā saha rādhikāvirahajaṃ khedaṃ vadan prasvapa-

nnānandannavatārakāryaghaṭanādvāteśa saṃrakṣa mām ||10||