Narayaniyam Dashaka 67 - Shrikrishnatirodhanam Tatha Punah Pratyakshibhuya Gopikah Prinanam

ॐ

நாராயணீயம் தஶக 67 - ஶ்ரீக்ரு'ஷ்ணதிரோதாநம் ததா புநஃ ப்ரத்யக்ஷீபூய கோபிகாஃ ப்ரீணநம்

Vishnu Tamil

ஸ்புரத்பராநந்தரஸாத்மகேந த்வயா ஸமாஸாதிதபோகலீலாஃ ।

அஸீமமாநந்தபரம் ப்ரபந்நா மஹாந்தமாபுர்மதமம்புஜாக்ஷ்யஃ ॥1॥

நிலீயதேऽஸௌ மயி மய்யமாயம் ரமாபதிர்விஶ்வமநோபிராமஃ ।

இதி ஸ்ம ஸர்வாஃ கலிதாபிமாநா நிரீக்ஷ்ய கோவிந்த் திரோஹிதோऽபூஃ ॥2॥

ராதாபிதாம் தாவதஜாதகர்வாமதிப்ரியாம் கோபவதூம் முராரே ।

பவாநுபாதாய கதோ விதூரம் தயா ஸஹ ஸ்வைரவிஹாரகாரீ ॥3॥

திரோஹிதேऽத த்வயி ஜாததாபாஃ ஸமம் ஸமேதாஃ கமலாயதாக்ஷ்யஃ ।

வநே வநே த்வாம் பரிமார்கயந்த்யோ விஷாதமாபுர்பகவந்நபாரம் ॥4॥

ஹா சூத ஹா சம்பக கர்ணிகார ஹா மல்லிகே மாலதி பாலவல்யஃ ।

கிம் வீக்ஷிதோ நோ ஹ்ரு'தயைகசோரஃ இத்யாதி தாஸ்த்வத்ப்ரவணா விலேபுஃ ॥5॥

நிரீக்ஷிதோऽயம் ஸகி பங்கஜாக்ஷஃ புரோ மமேத்யாகுலமாலபந்தீ ।

த்வாம் பாவநாசக்ஷுஷி வீக்ஷ்ய காசித்தாபம் ஸகீநாம் த்விகுணீசகார ॥6॥

த்வதாத்மிகாஸ்தா யமுநாதடாந்தே தவாநுசக்ருஃ கில சேஷ்டிதாநி ।

விசித்ய பூயோऽபி ததைவ மாநாத்த்வயா விமுக்தாம் தத்ரு'ஶுஶ்ச ராதாம் ॥7॥

ததஃ ஸமம் தா விபிநே ஸமந்தாத்தமோவதாராவதி மார்கயந்த்யஃ ।

புநர்விமிஶ்ரா யமுநாதடாந்தே ப்ரு'ஶம் விலேபுஶ்ச ஜகுர்குணாம்ஸ்தே ॥8॥

ததா வ்யதாஸங்குலமாநஸாநாம் வ்ரஜாங்கநாநாம் கருணைகஸிந்தோ ।

ஜகத்த்ரயீமோஹநமோஹநாத்மா த்வம் ப்ராதுராஸீரயி மந்தஹாஸீ ॥9॥

ஸந்திக்தஸந்தர்ஶநமாத்மகாந்தம் த்வாம் வீக்ஷ்ய தந்வ்யஃ ஸஹஸா ததாநீம் ।

கிம் கிம் ந சக்ருஃ ப்ரமதாதிபாராத் ஸ த்வம் கதாத் பாலய மாருதேஶ ॥10॥

Roman (IAST) Transliteration

sphuratparānandarasātmakena tvayā samāsāditabhogalīlāḥ |

asīmamānandabharaṃ prapannā mahāntamāpurmadamambujākṣyaḥ ||1||

nilīyate'sau mayi mayyamāyaṃ ramāpatirviśvamanobhirāmaḥ |

iti sma sarvāḥ kalitābhimānā nirīkṣya govind tirohito'bhūḥ ||2||

rādhābhidhāṃ tāvadajātagarvāmatipriyāṃ gopavadhūṃ murāre |

bhavānupādāya gato vidūraṃ tayā saha svairavihārakārī ||3||

tirohite'tha tvayi jātatāpāḥ samaṃ sametāḥ kamalāyatākṣyaḥ |

vane vane tvāṃ parimārgayantyo viṣādamāpurbhagavannapāram ||4||

hā cūta hā campaka karṇikāra hā mallike mālati bālavalyaḥ |

kiṃ vīkṣito no hṛdayaikacoraḥ ityādi tāstvatpravaṇā vilepuḥ ||5||

nirīkṣito'yaṃ sakhi paṅkajākṣaḥ puro mametyākulamālapantī |

tvāṃ bhāvanācakṣuṣi vīkṣya kācittāpaṃ sakhīnāṃ dviguṇīcakāra ||6||

tvadātmikāstā yamunātaṭānte tavānucakruḥ kila ceṣṭitāni |

vicitya bhūyo'pi tathaiva mānāttvayā vimuktāṃ dadṛśuśca rādhām ||7||

tataḥ samaṃ tā vipine samantāttamovatārāvadhi mārgayantyaḥ |

punarvimiśrā yamunātaṭānte bhṛśaṃ vilepuśca jagurguṇāṃste ||8||

tathā vyathāsaṅkulamānasānāṃ vrajāṅganānāṃ karuṇaikasindho |

jagattrayīmohanamohanātmā tvaṃ prādurāsīrayi mandahāsī ||9||

sandigdhasandarśanamātmakāntaṃ tvāṃ vīkṣya tanvyaḥ sahasā tadānīm |

kiṃ kiṃ na cakruḥ pramadātibhārāt sa tvaṃ gadāt pālaya māruteśa ||10||