Narayaniyam Dashaka 60 - Gopivastrapaharanam

ॐ

நாராயணீயம் தஶக 60 - கோபீவஸ்த்ராபஹரணம்

Vishnu Tamil

மதநாதுரசேதஸோऽந்வஹம் பவதங்க்ரித்வயதாஸ்யகாம்யயா ।

யமுநாதடஸீம்நி ஸைகதீம் தரலாக்ஷ்யோ கிரிஜாம் ஸமார்சிசந் ॥1॥

தவ நாமகதாரதாஃ ஸமம் ஸுத்ரு'ஶஃ ப்ராதருபாகதா நதீம் ।

உபஹாரஶதைரபூஜயந் தயிதோ நந்தஸுதோ பவேதிதி ॥2॥

இதி மாஸமுபாஹிதவ்ரதாஸ்தரலாக்ஷீரபிவீக்ஷ்ய தா பவாந் ।

கருணாம்ரு'துலோ நதீதடம் ஸமயாஸீத்ததநுக்ரஹேச்சயா ॥3॥

நியமாவஸிதௌ நிஜாம்பரம் தடஸீமந்யவமுச்ய தாஸ்ததா ।

யமுநாஜலகேலநாகுலாஃ புரதஸ்த்வாமவலோக்ய லஜ்ஜிதாஃ ॥4॥

த்ரபயா நமிதாநநாஸ்வதோ வநிதாஸ்வம்பரஜாலமந்திகே ।

நிஹிதம் பரிக்ரு'ஹ்ய பூருஹோ விடபம் த்வம் தரஸாऽதிரூடவாந் ॥5॥

இஹ தாவதுபேத்ய நீயதாம் வஸநம் வஃ ஸுத்ரு'ஶோ யதாயதம் ।

இதி நர்மம்ரு'துஸ்மிதே த்வயி ப்ருவதி வ்யாமுமுஹே வதூஜநைஃ ॥6॥

அயி ஜீவ சிரம் கிஶோர நஸ்தவ தாஸீரவஶீகரோஷி கிம் ।

ப்ரதிஶாம்பரமம்புஜேக்ஷணேத்யுதிதஸ்த்வம் ஸ்மிதமேவ தத்தவாந் ॥7॥

அதிருஹ்ய தடம் க்ரு'தாஞ்ஜலீஃ பரிஶுத்தாஃ ஸ்வகதீர்நிரீக்ஷ்ய தாஃ ।

வஸநாந்யகிலாந்யநுக்ரஹம் புநரேவம் கிரமப்யதா முதா ॥8॥

விதிதம் நநு வோ மநீஷிதம் வதிதாரஸ்த்விஹ யோக்யமுத்தரம் ।

யமுநாபுலிநே ஸசந்த்ரிகாஃ க்ஷணதா இத்யபலாஸ்த்வமூசிவாந் ॥9॥

உபகர்ண்ய பவந்முகச்யுதம் மதுநிஷ்யந்தி வசோ ம்ரு'கீத்ரு'ஶஃ ।

ப்ரணயாதயி வீக்ஷ்ய வீக்ஷ்ய தே வதநாப்ஜம் ஶநகைர்க்ரு'ஹம் கதாஃ ॥10॥

இதி நந்வநுக்ரு'ஹ்ய வல்லவீர்விபிநாந்தேஷு புரேவ ஸஞ்சரந் ।

கருணாஶிஶிரோ ஹரே ஹர த்வரயா மே ஸகலாமயாவலிம் ॥11॥

Roman (IAST) Transliteration

madanāturacetaso'nvahaṃ bhavadaṅghridvayadāsyakāmyayā |

yamunātaṭasīmni saikatīṃ taralākṣyo girijāṃ samārcican ||1||

tava nāmakathāratāḥ samaṃ sudṛśaḥ prātarupāgatā nadīm |

upahāraśatairapūjayan dayito nandasuto bhavediti ||2||

iti māsamupāhitavratāstaralākṣīrabhivīkṣya tā bhavān |

karuṇāmṛdulo nadītaṭaṃ samayāsīttadanugrahecchayā ||3||

niyamāvasitau nijāmbaraṃ taṭasīmanyavamucya tāstadā |

yamunājalakhelanākulāḥ puratastvāmavalokya lajjitāḥ ||4||

trapayā namitānanāsvatho vanitāsvambarajālamantike |

nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||

iha tāvadupetya nīyatāṃ vasanaṃ vaḥ sudṛśo yathāyatham |

iti narmamṛdusmite tvayi bruvati vyāmumuhe vadhūjanaiḥ ||6||

ayi jīva ciraṃ kiśora nastava dāsīravaśīkaroṣi kim |

pradiśāmbaramambujekṣaṇetyuditastvaṃ smitameva dattavān ||7||

adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |

vasanānyakhilānyanugrahaṃ punarevaṃ giramapyadā mudā ||8||

viditaṃ nanu vo manīṣitaṃ vaditārastviha yogyamuttaram |

yamunāpuline sacandrikāḥ kṣaṇadā ityabalāstvamūcivān ||9||

upakarṇya bhavanmukhacyutaṃ madhuniṣyandi vaco mṛgīdṛśaḥ |

praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||

iti nanvanugṛhya vallavīrvipinānteṣu pureva sañcaran |

karuṇāśiśiro hare hara tvarayā me sakalāmayāvalim ||11||