Narayaniyam Dashaka 59 - Venuganavarnanam

ॐ

நாராயணீயம் தஶக 59 - வேணுகாநவர்ணநம்

Vishnu Tamil

த்வத்வபுர்நவகலாயகோமலம் ப்ரேமதோஹநமஶேஷமோஹநம் ।

ப்ரஹ்ம தத்த்வபரசிந்முதாத்மகம் வீக்ஷ்ய ஸம்முமுஹுரந்வஹம் ஸ்த்ரியஃ ॥1॥

மந்மதோந்மதிதமாநஸாஃ க்ரமாத்த்வத்விலோகநரதாஸ்ததஸ்ததஃ ।

கோபிகாஸ்தவ ந ஸேஹிரே ஹரே காநநோபகதிமப்யஹர்முகே ॥2॥

நிர்கதே பவதி தத்தத்ரு'ஷ்டயஸ்த்வத்கதேந மநஸா ம்ரு'கேக்ஷணாஃ ।

வேணுநாதமுபகர்ண்ய தூரதஸ்த்வத்விலாஸகதயாऽபிரேமிரே ॥3॥

காநநாந்தமிதவாந் பவாநபி ஸ்நிக்தபாதபதலே மநோரமே ।

வ்யத்யயாகலிதபாதமாஸ்திதஃ ப்ரத்யபூரயத வேணுநாலிகாம் ॥4॥

மாரபாணதுதகேசரீகுலம் நிர்விகாரபஶுபக்ஷிமண்டலம் ।

த்ராவணம் ச த்ரு'ஷதாமபி ப்ரபோ தாவகம் வ்யஜநி வேணுகூஜிதம் ॥5॥

வேணுரந்த்ரதரலாங்குலீதலம் தாலஸஞ்சலிதபாதபல்லவம் ।

தத் ஸ்திதம் தவ பரோக்ஷமப்யஹோ ஸம்விசிந்த்ய முமுஹுர்வ்ரஜாங்கநாஃ ॥6॥

நிர்விஶங்கபவதங்கதர்ஶிநீஃ கேசரீஃ ககம்ரு'காந் பஶூநபி ।

த்வத்பதப்ரணயி காநநம் ச தாஃ தந்யதந்யமிதி நந்வமாநயந் ॥7॥

ஆபிபேயமதராம்ரு'தம் கதா வேணுபுக்தரஸஶேஷமேகதா ।

தூரதோ பத க்ரு'தம் துராஶயேத்யாகுலா முஹுரிமாஃ ஸமாமுஹந் ॥8॥

ப்ரத்யஹம் ச புநரித்தமங்கநாஶ்சித்தயோநிஜநிதாதநுக்ரஹாத் ।

பத்தராகவிவஶாஸ்த்வயி ப்ரபோ நித்யமாபுரிஹ க்ரு'த்யமூடதாம் ॥9॥

ராகஸ்தாவஜ்ஜாயதே ஹி ஸ்வபாவா-

ந்மோக்ஷோபாயோ யத்நதஃ ஸ்யாந்ந வா ஸ்யாத் ।

தாஸாம் த்வேகம் தத்த்வயம் லப்தமாஸீத்

பாக்யம் பாக்யம் பாஹி மாம் மாருதேஶ ॥10॥

Roman (IAST) Transliteration

tvadvapurnavakalāyakomalaṃ premadohanamaśeṣamohanam |

brahma tattvaparacinmudātmakaṃ vīkṣya sammumuhuranvahaṃ striyaḥ ||1||

manmathonmathitamānasāḥ kramāttvadvilokanaratāstatastataḥ |

gopikāstava na sehire hare kānanopagatimapyaharmukhe ||2||

nirgate bhavati dattadṛṣṭayastvadgatena manasā mṛgekṣaṇāḥ |

veṇunādamupakarṇya dūratastvadvilāsakathayā'bhiremire ||3||

kānanāntamitavān bhavānapi snigdhapādapatale manorame |

vyatyayākalitapādamāsthitaḥ pratyapūrayata veṇunālikām ||4||

mārabāṇadhutakhecarīkulaṃ nirvikārapaśupakṣimaṇḍalam |

drāvaṇaṃ ca dṛṣadāmapi prabho tāvakaṃ vyajani veṇukūjitam ||5||

veṇurandhrataralāṅgulīdalaṃ tālasañcalitapādapallavam |

tat sthitaṃ tava parokṣamapyaho saṃvicintya mumuhurvrajāṅganāḥ ||6||

nirviśaṅkabhavadaṅgadarśinīḥ khecarīḥ khagamṛgān paśūnapi |

tvatpadapraṇayi kānanaṃ ca tāḥ dhanyadhanyamiti nanvamānayan ||7||

āpibeyamadharāmṛtaṃ kadā veṇubhuktarasaśeṣamekadā |

dūrato bata kṛtaṃ durāśayetyākulā muhurimāḥ samāmuhan ||8||

pratyahaṃ ca punaritthamaṅganāścittayonijanitādanugrahāt |

baddharāgavivaśāstvayi prabho nityamāpuriha kṛtyamūḍhatām ||9||

rāgastāvajjāyate hi svabhāvā-

nmokṣopāyo yatnataḥ syānna vā syāt |

tāsāṃ tvekaṃ taddvayaṃ labdhamāsīt

bhāgyaṃ bhāgyaṃ pāhi māṃ māruteśa ||10||