Narayaniyam Dashaka 57 - Pralambasuravadham

ॐ

நாராயணீயம் தஶக 57 - ப்ரலம்பாஸுரவதம்

Vishnu Melpathur Narayana Bhattathiri Tamil

ராமஸகஃ க்வாபி திநே காமத பகவந் கதோ பவாந் விபிநம் ।

ஸூநுபிரபி கோபாநாம் தேநுபிரபிஸம்வ்ரு'தோ லஸத்வேஷஃ ॥1॥

ஸந்தர்ஶயந் பலாய ஸ்வைரம் வ்ரு'ந்தாவநஶ்ரியம் விமலாம் ।

காண்டீரைஃ ஸஹ பாலைர்பாண்டீரகமாகமோ வடம் க்ரீடந் ॥2॥

தாவத்தாவகநிதநஸ்ப்ரு'ஹயாலுர்கோபமூர்திரதயாலுஃ ।

தைத்யஃ ப்ரலம்பநாமா ப்ரலம்பபாஹும் பவந்தமாபேதே ॥3॥

ஜாநந்நப்யவிஜாநந்நிவ தேந ஸமம் நிபத்தஸௌஹார்தஃ ।

வடநிகடே படுபஶுபவ்யாபத்தம் த்வந்த்வயுத்தமாரப்தாஃ ॥4॥

கோபாந் விபஜ்ய தந்வந் ஸங்கம் பலபத்ரகம் பவத்கமபி ।

த்வத்பலபீரும் தைத்யம் த்வத்பலகதமந்வமந்யதா பகவந் ॥5॥

கல்பிதவிஜேத்ரு'வஹநே ஸமரே பரயூதகம் ஸ்வதயிததரம் ।

ஶ்ரீதாமாநமதத்தாஃ பராஜிதோ பக்ததாஸதாம் ப்ரதயந் ॥6॥

ஏவம் பஹுஷு விபூமந் பாலேஷு வஹத்ஸு வாஹ்யமாநேஷு ।

ராமவிஜிதஃ ப்ரலம்போ ஜஹார தம் தூரதோ பவத்பீத்யா ॥7॥

த்வத்தூரம் கமயந்தம் தம் த்ரு'ஷ்ட்வா ஹலிநி விஹிதகரிமபரே ।

தைத்யஃ ஸ்வரூபமாகாத்யத்ரூபாத் ஸ ஹி பலோऽபி சகிதோऽபூத் ॥8॥

உச்சதயா தைத்யதநோஸ்த்வந்முகமாலோக்ய தூரதோ ராமஃ ।

விகதபயோ த்ரு'டமுஷ்ட்யா ப்ரு'ஶதுஷ்டம் ஸபதி பிஷ்டவாநேநம் ॥9॥

ஹத்வா தாநவவீரம் ப்ராப்தம் பலமாலிலிங்கித ப்ரேம்ணா ।

தாவந்மிலதோர்யுவயோஃ ஶிரஸி க்ரு'தா புஷ்பவ்ரு'ஷ்டிரமரகணைஃ ॥10॥

ஆலம்போ புவநாநாம் ப்ராலம்பம் நிதநமேவமாரசயந் ।

காலம் விஹாய ஸத்யோ லோலம்பருசே ஹரே ஹரேஃ க்லேஶாந் ॥11॥

Roman (IAST) Transliteration

rāmasakhaḥ kvāpi dine kāmada bhagavan gato bhavān vipinam |

sūnubhirapi gopānāṃ dhenubhirabhisaṃvṛto lasadveṣaḥ ||1||

sandarśayan balāya svairaṃ vṛndāvanaśriyaṃ vimalām |

kāṇḍīraiḥ saha bālairbhāṇḍīrakamāgamo vaṭaṃ krīḍan ||2||

tāvattāvakanidhanaspṛhayālurgopamūrtiradayāluḥ |

daityaḥ pralambanāmā pralambabāhuṃ bhavantamāpede ||3||

jānannapyavijānanniva tena samaṃ nibaddhasauhārdaḥ |

vaṭanikaṭe paṭupaśupavyābaddhaṃ dvandvayuddhamārabdhāḥ ||4||

gopān vibhajya tanvan saṅghaṃ balabhadrakaṃ bhavatkamapi |

tvadbalabhīruṃ daityaṃ tvadbalagatamanvamanyathā bhagavan ||5||

kalpitavijetṛvahane samare parayūthagaṃ svadayitataram |

śrīdāmānamadhatthāḥ parājito bhaktadāsatāṃ prathayan ||6||

evaṃ bahuṣu vibhūman bāleṣu vahatsu vāhyamāneṣu |

rāmavijitaḥ pralambo jahāra taṃ dūrato bhavadbhītyā ||7||

tvaddūraṃ gamayantaṃ taṃ dṛṣṭvā halini vihitagarimabhare |

daityaḥ svarūpamāgādyadrūpāt sa hi balo'pi cakito'bhūt ||8||

uccatayā daityatanostvanmukhamālokya dūrato rāmaḥ |

vigatabhayo dṛḍhamuṣṭyā bhṛśaduṣṭaṃ sapadi piṣṭavānenam ||9||

hatvā dānavavīraṃ prāptaṃ balamāliliṅgitha premṇā |

tāvanmilatoryuvayoḥ śirasi kṛtā puṣpavṛṣṭiramaragaṇaiḥ ||10||

ālambo bhuvanānāṃ prālambaṃ nidhanamevamāracayan |

kālaṃ vihāya sadyo lolambaruce hare hareḥ kleśān ||11||