Narayaniyam Dashaka 53 - Dhenukasuravadham

ॐ

நாராயணீயம் தஶக 53 - தேநுகாஸுரவதம்

Vishnu Tamil

அதீத்ய பால்யம் ஜகதாம் பதே த்வமுபேத்ய பௌகண்டவயோ மநோஜ்ஞம் ।

உபேக்ஷ்ய வத்ஸாவநமுத்ஸவேந ப்ராவர்ததா கோகணபாலநாயாம் ॥1॥

உபக்ரமஸ்யாநுகுணைவ ஸேயம் மருத்புராதீஶ தவ ப்ரவ்ரு'த்திஃ ।

கோத்ராபரித்ராணக்ரு'தேऽவதீர்ணஸ்ததேவ தேவாऽऽரபதாஸ்ததா யத் ॥2॥

கதாபி ராமேண ஸமம் வநாந்தே வநஶ்ரியம் வீக்ஷ்ய சரந் ஸுகேந ।

ஶ்ரீதாமநாம்நஃ ஸ்வஸகஸ்ய வாசா மோதாதகா தேநுககாநநம் த்வம் ॥3॥

உத்தாலதாலீநிவஹே த்வதுக்த்யா பலேந தூதேऽத பலேந தோர்ப்யாம் ।

ம்ரு'துஃ கரஶ்சாப்யபதத்புரஸ்தாத் பலோத்கரோ தேநுகதாநவோऽபி ॥4॥

ஸமுத்யதோ தைநுகபாலநேऽஹம் கதம் வதம் தைநுகமத்ய குர்வே ।

இதீவ மத்வா த்ருவமக்ரஜேந ஸுரௌகயோத்தாரமஜீகநஸ்த்வம் ॥5॥

ததீயப்ரு'த்யாநபி ஜம்புகத்வேநோபாகதாநக்ரஜஸம்யுதஸ்த்வம் ।

ஜம்பூபலாநீவ ததா நிராஸ்தஸ்தாலேஷு கேலந் பகவந் நிராஸ்தஃ ॥6॥

விநிக்நதி த்வய்யத ஜம்புகௌகம் ஸநாமகத்வாத்வருணஸ்ததாநீம் ।

பயாகுலோ ஜம்புகநாமதேயம் ஶ்ருதிப்ரஸித்தம் வ்யதிதேதி மந்யே ॥7॥

தவாவதாரஸ்ய பலம் முராரே ஸஞ்ஜாதமத்யேதி ஸுரைர்நுதஸ்த்வம் ।

ஸத்யம் பலம் ஜாதமிஹேதி ஹாஸீ பாலைஃ ஸமம் தாலபலாந்யபுங்க்தாஃ ॥8॥

மதுத்ரவஸ்ருந்தி ப்ரு'ஹந்தி தாநி பலாநி மேதோபரப்ரு'ந்தி புக்த்வா ।

த்ரு'ப்தைஶ்ச த்ரு'ப்தைர்பவநம் பலௌகம் வஹத்பிராகாஃ கலு பாலகைஸ்த்வம் ॥9॥

ஹதோ ஹதோ தேநுக இத்யுபேத்ய பலாந்யதத்பிர்மதுராணி லோகைஃ ।

ஜயேதி ஜீவேதி நுதோ விபோ த்வம் மருத்புராதீஶ்வர பாஹி ரோகாத் ॥10॥

Roman (IAST) Transliteration

atītya bālyaṃ jagatāṃ pate tvamupetya paugaṇḍavayo manojñam |

upekṣya vatsāvanamutsavena prāvartathā gogaṇapālanāyām ||1||

upakramasyānuguṇaiva seyaṃ marutpurādhīśa tava pravṛttiḥ |

gotrāparitrāṇakṛte'vatīrṇastadeva devā''rabhathāstadā yat ||2||

kadāpi rāmeṇa samaṃ vanānte vanaśriyaṃ vīkṣya caran sukhena |

śrīdāmanāmnaḥ svasakhasya vācā modādagā dhenukakānanaṃ tvam ||3||

uttālatālīnivahe tvaduktyā balena dhūte'tha balena dorbhyām |

mṛduḥ kharaścābhyapatatpurastāt phalotkaro dhenukadānavo'pi ||4||

samudyato dhainukapālane'haṃ kathaṃ vadhaṃ dhainukamadya kurve |

itīva matvā dhruvamagrajena suraughayoddhāramajīghanastvam ||5||

tadīyabhṛtyānapi jambukatvenopāgatānagrajasaṃyutastvam |

jambūphalānīva tadā nirāsthastāleṣu khelan bhagavan nirāsthaḥ ||6||

vinighnati tvayyatha jambukaughaṃ sanāmakatvādvaruṇastadānīm |

bhayākulo jambukanāmadheyaṃ śrutiprasiddhaṃ vyadhiteti manye ||7||

tavāvatārasya phalaṃ murāre sañjātamadyeti surairnutastvam |

satyaṃ phalaṃ jātamiheti hāsī bālaiḥ samaṃ tālaphalānyabhuṅkthāḥ ||8||

madhudravasrunti bṛhanti tāni phalāni medobharabhṛnti bhuktvā |

tṛptaiśca dṛptairbhavanaṃ phalaughaṃ vahadbhirāgāḥ khalu bālakaistvam ||9||

hato hato dhenuka ityupetya phalānyadadbhirmadhurāṇi lokaiḥ |

jayeti jīveti nuto vibho tvaṃ marutpurādhīśvara pāhi rogāt ||10||