Narayaniyam Dashaka 5 - Viratpurushotpattih

ॐ

நாராயணீயம் தஶக 5 - விராட்புருஷோத்பத்திஃ

Vishnu Tamil

வ்யக்தாவ்யக்தமிதம் ந கிஞ்சிதபவத்ப்ராக்ப்ராக்ரு'தப்ரக்ஷயே

மாயாயாம் குணஸாம்யருத்தவிக்ரு'தௌ த்வய்யாகதாயாம் லயம் ।

நோ ம்ரு'த்யுஶ்ச ததாऽம்ரு'தம் ச ஸமபூந்நாஹ்நோ ந ராத்ரேஃ ஸ்திதி-

ஸ்தத்ரைகஸ்த்வமஶிஷ்யதாஃ கில பராநந்தப்ரகாஶாத்மநா ॥1॥

காலஃ கர்ம குணாஶ்ச ஜீவநிவஹா விஶ்வம் ச கார்யம் விபோ

சில்லீலாரதிமேயுஷி த்வயி ததா நிர்லீநதாமாயயுஃ ।

தேஷாம் நைவ வதந்த்யஸத்த்வமயி போஃ ஶக்த்யாத்மநா திஷ்டதாம்

நோ சேத் கிம் ககநப்ரஸூநஸத்ரு'ஶாம் பூயோ பவேத்ஸம்பவஃ ॥2॥

ஏவம் ச த்விபரார்தகாலவிகதாவீக்ஷாம் ஸிஸ்ரு'க்ஷாத்மிகாம்

பிப்ராணே த்வயி சுக்ஷுபே த்ரிபுவநீபாவாய மாயா ஸ்வயம் ।

மாயாதஃ கலு காலஶக்திரகிலாத்ரு'ஷ்டம் ஸ்வபாவோऽபி ச

ப்ராதுர்பூய குணாந்விகாஸ்ய விததுஸ்தஸ்யாஸ்ஸஹாயக்ரியாம் ॥3॥

மாயாஸந்நிஹிதோऽப்ரவிஷ்டவபுஷா ஸாக்ஷீதி கீதோ பவாந்

பேதைஸ்தாம் ப்ரதிபிம்பதோ விவிஶிவாந் ஜீவோऽபி நைவாபரஃ ।

காலாதிப்ரதிபோதிதாऽத பவதா ஸஞ்சோதிதா ச ஸ்வயம்

மாயா ஸா கலு புத்திதத்த்வமஸ்ரு'ஜத்யோऽஸௌ மஹாநுச்யதே ॥4॥

தத்ராஸௌ த்ரிகுணாத்மகோऽபி ச மஹாந் ஸத்த்வப்ரதாநஃ ஸ்வயம்

ஜீவேऽஸ்மிந் கலு நிர்விகல்பமஹமித்யுத்போதநிஷ்பாத்கஃ ।

சக்ரேऽஸ்மிந் ஸவிகல்பபோதகமஹந்தத்த்வம் மஹாந் கல்வஸௌ

ஸம்புஷ்டம் த்ரிகுணைஸ்தமோऽதிபஹுலம் விஷ்ணோ பவத்ப்ரேரணாத் ॥5॥

ஸோऽஹம் ச த்ரிகுணக்ரமாத் த்ரிவிததாமாஸாத்ய வைகாரிகோ

பூயஸ்தைஜஸதாமஸாவிதி பவந்நாத்யேந ஸத்த்வாத்மநா

தேவாநிந்த்ரியமாநிநோऽக்ரு'த திஶாவாதார்கபாஶ்யஶ்விநோ

வஹ்நீந்த்ராச்யுதமித்ரகாந் விதுவிதிஶ்ரீருத்ரஶாரீரகாந் ॥6॥

பூமந் மாநஸபுத்த்யஹங்க்ரு'திமிலச்சித்தாக்யவ்ரு'த்த்யந்விதம்

தச்சாந்தஃகரணம் விபோ தவ பலாத் ஸத்த்வாம்ஶ ஏவாஸ்ரு'ஜத் ।

ஜாதஸ்தைஜஸதோ தஶேந்த்ரியகணஸ்தத்தாமஸாம்ஶாத்புந-

ஸ்தந்மாத்ரம் நபஸோ மருத்புரபதே ஶப்தோऽஜநி த்வத்பலாத் ॥7॥

ஶ்ப்தாத்வ்யோம ததஃ ஸஸர்ஜித விபோ ஸ்பர்ஶம் ததோ மாருதம்

தஸ்மாத்ரூபமதோ மஹோऽத ச ரஸம் தோயம் ச கந்தம் மஹீம் ।

ஏவம் மாதவ பூர்வபூர்வகலநாதாத்யாத்யதர்மாந்விதம்

பூதக்ராமமிமம் த்வமேவ பகவந் ப்ராகாஶயஸ்தாமஸாத் ॥8॥

ஏதே பூதகணாஸ்ததேந்த்ரியகணா தேவாஶ்ச ஜாதாஃ ப்ரு'தங்-

நோ ஶேகுர்புவநாண்டநிர்மிதிவிதௌ தேவைரமீபிஸ்ததா ।

த்வம் நாநாவிதஸூக்திபிர்நுதகுணஸ்தத்த்வாந்யமூந்யாவிஶம்-

ஶ்சேஷ்டாஶக்திமுதீர்ய தாநி கடயந் ஹைரண்யமண்டம் வ்யதாஃ ॥9॥

அண்டம் தத்கலு பூர்வஸ்ரு'ஷ்டஸலிலேऽதிஷ்டத் ஸஹஸ்ரம் ஸமாஃ

நிர்பிந்தந்நக்ரு'தாஶ்சதுர்தஶஜகத்ரூபம் விராடாஹ்வயம் ।

ஸாஹஸ்ரைஃ கரபாதமூர்தநிவஹைர்நிஶ்ஶேஷஜீவாத்மகோ

நிர்பாதோऽஸி மருத்புராதிப ஸ மாம் த்ராயஸ்வ ஸர்வாமயாத் ॥10॥

Roman (IAST) Transliteration

vyaktāvyaktamidaṃ na kiñcidabhavatprākprākṛtaprakṣaye

māyāyāṃ guṇasāmyaruddhavikṛtau tvayyāgatāyāṃ layam |

no mṛtyuśca tadā'mṛtaṃ ca samabhūnnāhno na rātreḥ sthiti-

statraikastvamaśiṣyathāḥ kila parānandaprakāśātmanā ||1||

kālaḥ karma guṇāśca jīvanivahā viśvaṃ ca kāryaṃ vibho

cillīlāratimeyuṣi tvayi tadā nirlīnatāmāyayuḥ |

teṣāṃ naiva vadantyasattvamayi bhoḥ śaktyātmanā tiṣṭhatāṃ

no cet kiṃ gaganaprasūnasadṛśāṃ bhūyo bhavetsambhavaḥ ||2||

evaṃ ca dviparārdhakālavigatāvīkṣāṃ sisṛkṣātmikāṃ

bibhrāṇe tvayi cukṣubhe tribhuvanībhāvāya māyā svayam |

māyātaḥ khalu kālaśaktirakhilādṛṣṭaṃ svabhāvo'pi ca

prādurbhūya guṇānvikāsya vidadhustasyāssahāyakriyām ||3||

māyāsannihito'praviṣṭavapuṣā sākṣīti gīto bhavān

bhedaistāṃ pratibimbato viviśivān jīvo'pi naivāparaḥ |

kālādipratibodhitā'tha bhavatā sañcoditā ca svayaṃ

māyā sā khalu buddhitattvamasṛjadyo'sau mahānucyate ||4||

tatrāsau triguṇātmako'pi ca mahān sattvapradhānaḥ svayaṃ

jīve'smin khalu nirvikalpamahamityudbodhaniṣpādkaḥ |

cakre'smin savikalpabodhakamahantattvaṃ mahān khalvasau

sampuṣṭaṃ triguṇaistamo'tibahulaṃ viṣṇo bhavatpreraṇāt ||5||

so'haṃ ca triguṇakramāt trividhatāmāsādya vaikāriko

bhūyastaijasatāmasāviti bhavannādyena sattvātmanā

devānindriyamānino'kṛta diśāvātārkapāśyaśvino

vahnīndrācyutamitrakān vidhuvidhiśrīrudraśārīrakān ||6||

bhūman mānasabuddhyahaṅkṛtimilaccittākhyavṛttyanvitaṃ

taccāntaḥkaraṇaṃ vibho tava balāt sattvāṃśa evāsṛjat |

jātastaijasato daśendriyagaṇastattāmasāṃśātpuna-

stanmātraṃ nabhaso marutpurapate śabdo'jani tvadbalāt ||7||

śbdādvyoma tataḥ sasarjitha vibho sparśaṃ tato mārutaṃ

tasmādrūpamato maho'tha ca rasaṃ toyaṃ ca gandhaṃ mahīm |

evaṃ mādhava pūrvapūrvakalanādādyādyadharmānvitaṃ

bhūtagrāmamimaṃ tvameva bhagavan prākāśayastāmasāt ||8||

ete bhūtagaṇāstathendriyagaṇā devāśca jātāḥ pṛthaṅ-

no śekurbhuvanāṇḍanirmitividhau devairamībhistadā |

tvaṃ nānāvidhasūktibhirnutaguṇastattvānyamūnyāviśaṃ-

śceṣṭāśaktimudīrya tāni ghaṭayan hairaṇyamaṇḍaṃ vyadhāḥ ||9||

aṇḍaṃ tatkhalu pūrvasṛṣṭasalile'tiṣṭhat sahasraṃ samāḥ

nirbhindannakṛthāścaturdaśajagadrūpaṃ virāḍāhvayam |

sāhasraiḥ karapādamūrdhanivahairniśśeṣajīvātmako

nirbhāto'si marutpurādhipa sa māṃ trāyasva sarvāmayāt ||10||