Narayaniyam Dashaka 47 - Ulukhalabandhanam

ॐ

நாராயணீயம் தஶக 47 - உலூகலபந்தநம்

Vishnu Tamil

ஏகதா ததிவிமாதகாரிணீம் மாதரம் ஸமுபஸேதிவாந் பவாந் ।

ஸ்தந்யலோலுபதயா நிவாரயந்நங்கமேத்ய பபிவாந் பயோதரௌ ॥1॥

அர்தபீதகுசகுட்மலே த்வயி ஸ்நிக்தஹாஸமதுராநநாம்புஜே ।

துக்தமீஶ தஹநே பரிஸ்ருதம் தர்துமாஶு ஜநநீ ஜகாம தே ॥2॥

ஸாமிபீதரஸபங்கஸங்கதக்ரோதபாரபரிபூதசேதஸா।

மந்ததண்டமுபக்ரு'ஹ்ய பாடிதம் ஹந்த தேவ ததிபாஜநம் த்வயா ॥3॥

உச்சலத்த்வநிதமுச்சகைஸ்ததா ஸந்நிஶம்ய ஜநநீ ஸமாத்ருதா ।

த்வத்யஶோவிஸரவத்ததர்ஶ ஸா ஸத்ய ஏவ ததி விஸ்த்ரு'தம் க்ஷிதௌ ॥4॥

வேதமார்கபரிமார்கிதம் ருஷா த்வமவீக்ஷ்ய பரிமார்கயந்த்யஸௌ ।

ஸந்ததர்ஶ ஸுக்ரு'திந்யுலூகலே தீயமாநநவநீதமோதவே ॥5॥

த்வாம் ப்ரக்ரு'ஹ்ய பத பீதிபாவநாபாஸுராநநஸரோஜமாஶு ஸா ।

ரோஷரூஷிதமுகீ ஸகீபுரோ பந்தநாய ரஶநாமுபாததே ॥6॥

பந்துமிச்சதி யமேவ ஸஜ்ஜநஸ்தம் பவந்தமயி பந்துமிச்சதீ ।

ஸா நியுஜ்ய ரஶநாகுணாந் பஹூந் த்வ்யங்குலோநமகிலம் கிலைக்ஷத ॥7॥

விஸ்மிதோத்ஸ்மிதஸகீஜநேக்ஷிதாம் ஸ்விந்நஸந்நவபுஷம் நிரீக்ஷ்ய தாம் ।

நித்யமுக்தவபுரப்யஹோ ஹரே பந்தமேவ க்ரு'பயாऽந்வமந்யதாஃ ॥8॥

ஸ்தீயதாம் சிரமுலூகலே கலேத்யாகதா பவநமேவ ஸா யதா।

ப்ராகுலூகலபிலாந்தரே ததா ஸர்பிரர்பிதமதந்நவாஸ்திதாஃ ॥9॥

யத்யபாஶஸுகமோ விபோ பவாந் ஸம்யதஃ கிமு ஸபாஶயாऽநயா ।

ஏவமாதி திவிஜைரபிஷ்டுதோ வாதநாத பரிபாஹி மாம் கதாத் ॥10॥

Roman (IAST) Transliteration

ekadā dadhivimāthakāriṇīṃ mātaraṃ samupasedivān bhavān |

stanyalolupatayā nivārayannaṅkametya papivān payodharau ||1||

ardhapītakucakuḍmale tvayi snigdhahāsamadhurānanāmbuje |

dugdhamīśa dahane parisrutaṃ dhartumāśu jananī jagāma te ||2||

sāmipītarasabhaṅgasaṅgatakrodhabhāraparibhūtacetasā|

manthadaṇḍamupagṛhya pāṭitaṃ hanta deva dadhibhājanaṃ tvayā ||3||

uccaladdhvanitamuccakaistadā sanniśamya jananī samādrutā |

tvadyaśovisaravaddadarśa sā sadya eva dadhi vistṛtaṃ kṣitau ||4||

vedamārgaparimārgitaṃ ruṣā tvamavīkṣya parimārgayantyasau |

sandadarśa sukṛtinyulūkhale dīyamānanavanītamotave ||5||

tvāṃ pragṛhya bata bhītibhāvanābhāsurānanasarojamāśu sā |

roṣarūṣitamukhī sakhīpuro bandhanāya raśanāmupādade ||6||

bandhumicchati yameva sajjanastaṃ bhavantamayi bandhumicchatī |

sā niyujya raśanāguṇān bahūn dvyaṅgulonamakhilaṃ kilaikṣata ||7||

vismitotsmitasakhījanekṣitāṃ svinnasannavapuṣaṃ nirīkṣya tām |

nityamuktavapurapyaho hare bandhameva kṛpayā'nvamanyathāḥ ||8||

sthīyatāṃ ciramulūkhale khaletyāgatā bhavanameva sā yadā|

prāgulūkhalabilāntare tadā sarpirarpitamadannavāsthithāḥ ||9||

yadyapāśasugamo vibho bhavān saṃyataḥ kimu sapāśayā'nayā |

evamādi divijairabhiṣṭuto vātanātha paripāhi māṃ gadāt ||10||