Narayaniyam Dashaka 46 - Vishvarupadarshanam

ॐ

நாராயணீயம் தஶக 46 - விஶ்வரூபதர்ஶநம்

Vishnu Tamil

அயி தேவ புரா கில த்வயி ஸ்வயமுத்தாநஶயே ஸ்தநந்தயே ।

பரிஜ்ரு'ம்பணதோ வ்யபாவ்ரு'தே வதநே விஶ்வமசஷ்ட வல்லவீ ॥1॥

புநரப்யத பாலகைஃ ஸமம் த்வயி லீலாநிரதே ஜகத்பதே ।

பலஸஞ்சயவஞ்சநக்ருதா தவ ம்ரு'த்போஜநமூசுரர்பகாஃ ॥2॥

அயி தே ப்ரலயாவதௌ விபோ க்ஷிதிதோயாதிஸமஸ்தபக்ஷிணஃ ।

ம்ரு'துபாஶநதோ ருஜா பவேதிதி பீதா ஜநநீ சுகோப ஸா ॥3॥

அயி துர்விநயாத்மக த்வயா கிமு ம்ரு'த்ஸா பத வத்ஸ பக்ஷிதா ।

இதி மாத்ரு'கிரம் சிரம் விபோ விததாம் த்வம் ப்ரதிஜஜ்ஞிஷே ஹஸந் ॥4॥

அயி தே ஸகலைர்விநிஶ்சிதே விமதிஶ்சேத்வதநம் விதார்யதாம் ।

இதி மாத்ரு'விபர்த்ஸிதோ முகம் விகஸத்பத்மநிபம் வ்யதாரயஃ ॥5॥

அபி ம்ரு'ல்லவதர்ஶநோத்ஸுகாம் ஜநநீம் தாம் பஹு தர்பயந்நிவ ।

ப்ரு'திவீம் நிகிலாம் ந கேவலம் புவநாந்யப்யகிலாந்யதீத்ரு'ஶஃ ॥6॥

குஹசித்வநமம்புதிஃ க்வசித் க்வசிதப்ரம் குஹசித்ரஸாதலம் ।

மநுஜா தநுஜாஃ க்வசித் ஸுரா தத்ரு'ஶே கிம் ந ததா த்வதாநநே ॥7॥

கலஶாம்புதிஶாயிநம் புநஃ பரவைகுண்டபதாதிவாஸிநம் ।

ஸ்வபுரஶ்ச நிஜார்பகாத்மகம் கதிதா த்வாம் ந ததர்ஶ ஸா முகே ॥8॥

விகஸத்புவநே முகோதரே நநு பூயோऽபி ததாவிதாநநஃ ।

அநயா ஸ்புடமீக்ஷிதோ பவாநநவஸ்தாம் ஜகதாம் பதாதநோத் ॥9॥

த்ரு'ததத்த்வதியம் ததா க்ஷணம் ஜநநீம் தாம் ப்ரணயேந மோஹயந் ।

ஸ்தநமம்ப திஶேத்யுபாஸஜந் பகவந்நத்புதபால பாஹி மாம் ॥10॥

Roman (IAST) Transliteration

ayi deva purā kila tvayi svayamuttānaśaye stanandhaye |

parijṛmbhaṇato vyapāvṛte vadane viśvamacaṣṭa vallavī ||1||

punarapyatha bālakaiḥ samaṃ tvayi līlānirate jagatpate |

phalasañcayavañcanakrudhā tava mṛdbhojanamūcurarbhakāḥ ||2||

ayi te pralayāvadhau vibho kṣititoyādisamastabhakṣiṇaḥ |

mṛdupāśanato rujā bhavediti bhītā jananī cukopa sā ||3||

ayi durvinayātmaka tvayā kimu mṛtsā bata vatsa bhakṣitā |

iti mātṛgiraṃ ciraṃ vibho vitathāṃ tvaṃ pratijajñiṣe hasan ||4||

ayi te sakalairviniścite vimatiścedvadanaṃ vidāryatām |

iti mātṛvibhartsito mukhaṃ vikasatpadmanibhaṃ vyadārayaḥ ||5||

api mṛllavadarśanotsukāṃ jananīṃ tāṃ bahu tarpayanniva |

pṛthivīṃ nikhilāṃ na kevalaṃ bhuvanānyapyakhilānyadīdṛśaḥ ||6||

kuhacidvanamambudhiḥ kvacit kvacidabhraṃ kuhacidrasātalam |

manujā danujāḥ kvacit surā dadṛśe kiṃ na tadā tvadānane ||7||

kalaśāmbudhiśāyinaṃ punaḥ paravaikuṇṭhapadādhivāsinam |

svapuraśca nijārbhakātmakaṃ katidhā tvāṃ na dadarśa sā mukhe ||8||

vikasadbhuvane mukhodare nanu bhūyo'pi tathāvidhānanaḥ |

anayā sphuṭamīkṣito bhavānanavasthāṃ jagatāṃ batātanot ||9||

dhṛtatattvadhiyaṃ tadā kṣaṇaṃ jananīṃ tāṃ praṇayena mohayan |

stanamamba diśetyupāsajan bhagavannadbhutabāla pāhi mām ||10||