Narayaniyam Dashaka 43 - Trinavartavadham

ॐ

நாராயணீயம் தஶக 43 - த்ரு'ணாவர்தவதம்

Vishnu Tamil

த்வாமேகதா குருமருத்புரநாத வோடும்

காடாதிரூடகரிமாணமபாரயந்தீ ।

மாதா நிதாய ஶயநே கிமிதம் பதேதி

த்யாயந்த்யசேஷ்டத க்ரு'ஹேஷு நிவிஷ்டஶங்கா ॥1॥

தாவத்விதூரமுபகர்ணிதகோரகோஷ-

வ்யாஜ்ரு'ம்பிபாம்ஸுபடலீபரிபூரிதாஶஃ ।

வாத்யாவபுஸ்ஸ கில தைத்யவரஸ்த்ரு'ணாவ-

ர்தாக்யோ ஜஹார ஜநமாநஸஹாரிணம் த்வாம் ॥2॥

உத்தாமபாம்ஸுதிமிராஹதத்ரு'ஷ்டிபாதே

த்ரஷ்டும் கிமப்யகுஶலே பஶுபாலலோகே ।

ஹா பாலகஸ்ய கிமிதி த்வதுபாந்தமாப்தா

மாதா பவந்தமவிலோக்ய ப்ரு'ஶம் ருரோத ॥3॥

தாவத் ஸ தாநவவரோऽபி ச தீநமூர்தி-

ர்பாவத்கபாரபரிதாரணலூநவேகஃ ।

ஸங்கோசமாப ததநு க்ஷதபாம்ஸுகோஷே

கோஷே வ்யதாயத பவஜ்ஜநநீநிநாதஃ ॥4॥

ரோதோபகர்ணநவஶாதுபகம்ய கேஹம்

க்ரந்தத்ஸு நந்தமுககோபகுலேஷு தீநஃ ।

த்வாம் தாநவஸ்த்வகிலமுக்திகரம் முமுக்ஷு-

ஸ்த்வய்யப்ரமுஞ்சதி பபாத வியத்ப்ரதேஶாத் ॥5॥

ரோதாகுலாஸ்ததநு கோபகணா பஹிஷ்ட-

பாஷாணப்ரு'ஷ்டபுவி தேஹமதிஸ்தவிஷ்டம் ।

ப்ரைக்ஷந்த ஹந்த நிபதந்தமமுஷ்ய வக்ஷ-

ஸ்யக்ஷீணமேவ ச பவந்தமலம் ஹஸந்தம் ॥6॥

க்ராவப்ரபாதபரிபிஷ்டகரிஷ்டதேஹ-

ப்ரஷ்டாஸுதுஷ்டதநுஜோபரி த்ரு'ஷ்டஹாஸம் ।

ஆக்நாநமம்புஜகரேண பவந்தமேத்ய

கோபா ததுர்கிரிவராதிவ நீலரத்நம் ॥7॥

ஏகைகமாஶு பரிக்ரு'ஹ்ய நிகாமநந்த-

ந்நந்தாதிகோபபரிரப்தவிசும்பிதாங்கம் ।

ஆதாதுகாமபரிஶங்கிதகோபநாரீ-

ஹஸ்தாம்புஜப்ரபதிதம் ப்ரணுமோ பவந்தம் ॥8॥

பூயோऽபி கிந்நு க்ரு'ணுமஃ ப்ரணதார்திஹாரீ

கோவிந்த ஏவ பரிபாலயதாத் ஸுதம் நஃ ।

இத்யாதி மாதரபித்ரு'ப்ரமுகைஸ்ததாநீம்

ஸம்ப்ரார்திதஸ்த்வதவநாய விபோ த்வமேவ ॥9॥

வாதாத்மகம் தநுஜமேவமயி ப்ரதூந்வந்

வாதோத்பவாந் மம கதாந் கிமு நோ துநோஷி ।

கிம் வா கரோமி புநரப்யநிலாலயேஶ

நிஶ்ஶேஷரோகஶமநம் முஹுரர்தயே த்வாம் ॥10॥

Roman (IAST) Transliteration

tvāmekadā gurumarutpuranātha voḍhuṃ

gāḍhādhirūḍhagarimāṇamapārayantī |

mātā nidhāya śayane kimidaṃ bateti

dhyāyantyaceṣṭata gṛheṣu niviṣṭaśaṅkā ||1||

tāvadvidūramupakarṇitaghoraghoṣa-

vyājṛmbhipāṃsupaṭalīparipūritāśaḥ |

vātyāvapussa kila daityavarastṛṇāva-

rtākhyo jahāra janamānasahāriṇaṃ tvām ||2||

uddāmapāṃsutimirāhatadṛṣṭipāte

draṣṭuṃ kimapyakuśale paśupālaloke |

hā bālakasya kimiti tvadupāntamāptā

mātā bhavantamavilokya bhṛśaṃ ruroda ||3||

tāvat sa dānavavaro'pi ca dīnamūrti-

rbhāvatkabhāraparidhāraṇalūnavegaḥ |

saṅkocamāpa tadanu kṣatapāṃsughoṣe

ghoṣe vyatāyata bhavajjananīninādaḥ ||4||

rodopakarṇanavaśādupagamya gehaṃ

krandatsu nandamukhagopakuleṣu dīnaḥ |

tvāṃ dānavastvakhilamuktikaraṃ mumukṣu-

stvayyapramuñcati papāta viyatpradeśāt ||5||

rodākulāstadanu gopagaṇā bahiṣṭha-

pāṣāṇapṛṣṭhabhuvi dehamatisthaviṣṭham |

praikṣanta hanta nipatantamamuṣya vakṣa-

syakṣīṇameva ca bhavantamalaṃ hasantam ||6||

grāvaprapātaparipiṣṭagariṣṭhadeha-

bhraṣṭāsuduṣṭadanujopari dhṛṣṭahāsam |

āghnānamambujakareṇa bhavantametya

gopā dadhurgirivarādiva nīlaratnam ||7||

ekaikamāśu parigṛhya nikāmananda-

nnandādigopaparirabdhavicumbitāṅgam |

ādātukāmapariśaṅkitagopanārī-

hastāmbujaprapatitaṃ praṇumo bhavantam ||8||

bhūyo'pi kinnu kṛṇumaḥ praṇatārtihārī

govinda eva paripālayatāt sutaṃ naḥ |

ityādi mātarapitṛpramukhaistadānīṃ

samprārthitastvadavanāya vibho tvameva ||9||

vātātmakaṃ danujamevamayi pradhūnvan

vātodbhavān mama gadān kimu no dhunoṣi |

kiṃ vā karomi punarapyanilālayeśa

niśśeṣarogaśamanaṃ muhurarthaye tvām ||10||