Narayaniyam Dashaka 41 - Putanadahanam Tatha Krishnalalanahladam

ॐ

நாராயணீயம் தஶக 41 - பூதநாதஹநம் ததா க்ரு'ஷ்ணலாலநாஹ்லாதம்

Vishnu Tamil

வ்ரஜேஶ்வரைஃ ஶௌரிவசோ நிஶம்ய ஸமாவ்ரஜந்நத்வநி பீதசேதாஃ ।

நிஷ்பிஷ்டநிஶ்ஶேஷதரும் நிரீக்ஷ்ய கஞ்சித்பதார்தம் ஶரணம் கதஸ்வாம் ॥1॥

நிஶம்ய கோபீவசநாதுதந்தம் ஸர்வேऽபி கோபா பயவிஸ்மயாந்தாஃ ।

த்வத்பாதிதம் கோரபிஶாசதேஹம் தேஹுர்விதூரேऽத குடாரக்ரு'த்தம் ॥2॥

த்வத்பீதபூதஸ்தநதச்சரீராத் ஸமுச்சலந்நுச்சதரோ ஹி தூமஃ ।

ஶங்காமதாதாகரவஃ கிமேஷ கிம் சாந்தநோ கௌல்குலவோऽதவேதி ॥3॥

மதங்கஸங்கஸ்ய பலம் ந தூரே க்ஷணேந தாவத் பவதாமபி ஸ்யாத் ।

இத்யுல்லபந் வல்லவதல்லஜேப்யஃ த்வம் பூதநாமாதநுதாஃ ஸுகந்திம் ॥4॥

சித்ரம் பிஶாச்யா ந ஹதஃ குமாரஃ சித்ரம் புரைவாகதி ஶௌரிணேதம் ।

இதி ப்ரஶம்ஸந் கில கோபலோகோ பவந்முகாலோகரஸே ந்யமாங்க்ஷீத் ॥5॥

திநேதிநேऽத ப்ரதிவ்ரு'த்தலக்ஷ்மீரக்ஷீணமாங்கல்யஶதோ வ்ரஜோऽயம் ।

பவந்நிவாஸாதயி வாஸுதேவ ப்ரமோதஸாந்த்ரஃ பரிதோ விரேஜே ॥6॥

க்ரு'ஹேஷு தே கோமலரூபஹாஸமிதஃகதாஸங்குலிதாஃ கமந்யஃ ।

வ்ரு'த்தேஷு க்ரு'த்யேஷு பவந்நிரீக்ஷாஸமாகதாஃ ப்ரத்யஹமத்யநந்தந் ॥7॥

அஹோ குமாரோ மயி தத்தத்ரு'ஷ்டிஃ ஸ்மிதம் க்ரு'தம் மாம் ப்ரதி வத்ஸகேந ।

ஏஹ்யேஹி மாமித்யுபஸார்ய பாணீ த்வயீஶ கிம் கிம் ந க்ரு'தம் வதூபிஃ ॥8॥

பவத்வபுஃஸ்பர்ஶநகௌதுகேந கராத்கரம் கோபவதூஜநேந ।

நீதஸ்த்வமாதாம்ரஸரோஜமாலாவ்யாலம்பிலோலம்பதுலாமலாஸீஃ ॥9॥

நிபாயயந்தீ ஸ்தநமங்ககம் த்வாம் விலோகயந்தீ வதநம் ஹஸந்தீ ।

தஶாம் யஶோதா கதமாம் ந பேஜே ஸ தாத்ரு'ஶஃ பாஹி ஹரே கதாந்மாம் ॥10॥

Roman (IAST) Transliteration

vrajeśvaraiḥ śaurivaco niśamya samāvrajannadhvani bhītacetāḥ |

niṣpiṣṭaniśśeṣataruṃ nirīkṣya kañcitpadārthaṃ śaraṇaṃ gatasvām ||1||

niśamya gopīvacanādudantaṃ sarve'pi gopā bhayavismayāndhāḥ |

tvatpātitaṃ ghorapiśācadehaṃ dehurvidūre'tha kuṭhārakṛttam ||2||

tvatpītapūtastanataccharīrāt samuccalannuccataro hi dhūmaḥ |

śaṅkāmadhādāgaravaḥ kimeṣa kiṃ cāndano gaulgulavo'thaveti ||3||

madaṅgasaṅgasya phalaṃ na dūre kṣaṇena tāvat bhavatāmapi syāt |

ityullapan vallavatallajebhyaḥ tvaṃ pūtanāmātanuthāḥ sugandhim ||4||

citraṃ piśācyā na hataḥ kumāraḥ citraṃ puraivākathi śauriṇedam |

iti praśaṃsan kila gopaloko bhavanmukhālokarase nyamāṅkṣīt ||5||

dinedine'tha prativṛddhalakṣmīrakṣīṇamāṅgalyaśato vrajo'yam |

bhavannivāsādayi vāsudeva pramodasāndraḥ parito vireje ||6||

gṛheṣu te komalarūpahāsamithaḥkathāsaṅkulitāḥ kamanyaḥ |

vṛtteṣu kṛtyeṣu bhavannirīkṣāsamāgatāḥ pratyahamatyanandan ||7||

aho kumāro mayi dattadṛṣṭiḥ smitaṃ kṛtaṃ māṃ prati vatsakena |

ehyehi māmityupasārya pāṇī tvayīśa kiṃ kiṃ na kṛtaṃ vadhūbhiḥ ||8||

bhavadvapuḥsparśanakautukena karātkaraṃ gopavadhūjanena |

nītastvamātāmrasarojamālāvyālambilolambatulāmalāsīḥ ||9||

nipāyayantī stanamaṅkagaṃ tvāṃ vilokayantī vadanaṃ hasantī |

daśāṃ yaśodā katamāṃ na bheje sa tādṛśaḥ pāhi hare gadānmām ||10||