Narayaniyam Dashaka 40 - Putanamoksham

ॐ

நாராயணீயம் தஶக 40 - பூதநாமோக்ஷம்

Vishnu Tamil

ததநு நந்தமமந்தஶுபாஸ்பதம் ந்ரு'பபுரீம் கரதாநக்ரு'தே கதம்।

ஸமவலோக்ய ஜகாத பவத்பிதா விதிதகம்ஸஸஹாயஜநோத்யமஃ ॥1॥

அயி ஸகே தவ பாலகஜந்ம மாம் ஸுகயதேऽத்ய நிஜாத்மஜஜந்மவத் ।

இதி பவத்பித்ரு'தாம் வ்ரஜநாயகே ஸமதிரோப்ய ஶஶம்ஸ தமாதராத் ॥2॥

இஹ ச ஸந்த்யநிமித்தஶதாநி தே கடகஸீம்நி ததோ லகு கம்யதாம் ।

இதி ச தத்வசஸா வ்ரஜநாயகோ பவதபாயபியா த்ருதமாயயௌ ॥3॥

அவஸரே கலு தத்ர ச காசந வ்ரஜபதே மதுராக்ரு'திரங்கநா ।

தரலஷட்பதலாலிதகுந்தலா கபடபோதக தே நிகடம் கதா ॥4॥

ஸபதி ஸா ஹ்ரு'தபாலகசேதநா நிஶிசராந்வயஜா கில பூதநா ।

வ்ரஜவதூஷ்விஹ கேயமிதி க்ஷணம் விம்ரு'ஶதீஷு பவந்தமுபாததே ॥5॥

லலிதபாவவிலாஸஹ்ரு'தாத்மபிர்யுவதிபிஃ ப்ரதிரோத்துமபாரிதா ।

ஸ்தநமஸௌ பவநாந்தநிஷேதுஷீ ப்ரததுஷீ பவதே கபடாத்மநே ॥5॥

ஸமதிருஹ்ய ததங்கமஶங்கிதஸ்த்வமத பாலகலோபநரோஷிதஃ ।

மஹதிவாம்ரபலம் குசமண்டலம் ப்ரதிசுசூஷித துர்விஷதூஷிதம் ॥7॥

அஸுபிரேவ ஸமம் தயதி த்வயி ஸ்தநமஸௌ ஸ்தநிதோபமநிஸ்வநா ।

நிரபதத்பயதாயி நிஜம் வபுஃ ப்ரதிகதா ப்ரவிஸார்ய புஜாவுபௌ ॥8॥

பயதகோஷணபீஷணவிக்ரஹஶ்ரவணதர்ஶநமோஹிதவல்லவே ।

வ்ரஜபதே ததுரஃஸ்தலகேலநம் நநு பவந்தமக்ரு'ஹ்ணத கோபிகாஃ ॥9॥

புவநமங்கலநாமபிரேவ தே யுவதிபிர்பஹுதா க்ரு'தரக்ஷணஃ ।

த்வமயி வாதநிகேதநநாத மாமகதயந் குரு தாவகஸேவகம் ॥10॥

Roman (IAST) Transliteration

tadanu nandamamandaśubhāspadaṃ nṛpapurīṃ karadānakṛte gatam|

samavalokya jagāda bhavatpitā viditakaṃsasahāyajanodyamaḥ ||1||

ayi sakhe tava bālakajanma māṃ sukhayate'dya nijātmajajanmavat |

iti bhavatpitṛtāṃ vrajanāyake samadhiropya śaśaṃsa tamādarāt ||2||

iha ca santyanimittaśatāni te kaṭakasīmni tato laghu gamyatām |

iti ca tadvacasā vrajanāyako bhavadapāyabhiyā drutamāyayau ||3||

avasare khalu tatra ca kācana vrajapade madhurākṛtiraṅganā |

taralaṣaṭpadalālitakuntalā kapaṭapotaka te nikaṭaṃ gatā ||4||

sapadi sā hṛtabālakacetanā niśicarānvayajā kila pūtanā |

vrajavadhūṣviha keyamiti kṣaṇaṃ vimṛśatīṣu bhavantamupādade ||5||

lalitabhāvavilāsahṛtātmabhiryuvatibhiḥ pratiroddhumapāritā |

stanamasau bhavanāntaniṣeduṣī pradaduṣī bhavate kapaṭātmane ||5||

samadhiruhya tadaṅkamaśaṅkitastvamatha bālakalopanaroṣitaḥ |

mahadivāmraphalaṃ kucamaṇḍalaṃ praticucūṣitha durviṣadūṣitam ||7||

asubhireva samaṃ dhayati tvayi stanamasau stanitopamanisvanā |

nirapatadbhayadāyi nijaṃ vapuḥ pratigatā pravisārya bhujāvubhau ||8||

bhayadaghoṣaṇabhīṣaṇavigrahaśravaṇadarśanamohitavallave |

vrajapade taduraḥsthalakhelanaṃ nanu bhavantamagṛhṇata gopikāḥ ||9||

bhuvanamaṅgalanāmabhireva te yuvatibhirbahudhā kṛtarakṣaṇaḥ |

tvamayi vātaniketananātha māmagadayan kuru tāvakasevakam ||10||