Narayaniyam Dashaka 37 - Shrikrishnavataropakramam

ॐ

நாராயணீயம் தஶக 37 - ஶ்ரீக்ரு'ஷ்ணாவதாரோபக்ரமம்

Vishnu Tamil

ஸாந்த்ராநந்ததநோ ஹரே நநு புரா தைவாஸுரே ஸங்கரே

த்வத்க்ரு'த்தா அபி கர்மஶேஷவஶதோ யே தே ந யாதா கதிம் ।

தேஷாம் பூதலஜந்மநாம் திதிபுவாம் பாரேண தூரார்திதா

பூமிஃ ப்ராப விரிஞ்சமாஶ்ரிதபதம் தேவைஃ புரைவாகதைஃ ॥1॥

ஹா ஹா துர்ஜநபூரிபாரமதிதாம் பாதோநிதௌ பாதுகா-

மேதாம் பாலய ஹந்த மே விவஶதாம் ஸம்ப்ரு'ச்ச தேவாநிமாந் ।

இத்யாதிப்ரசுரப்ரலாபவிவஶாமாலோக்ய தாதா மஹீம்

தேவாநாம் வதநாநி வீக்ஷ்ய பரிதோ தத்யௌ பவந்தம் ஹரே ॥2॥

ஊசே சாம்புஜபூரமூநயி ஸுராஃ ஸத்யம் தரித்ர்யா வசோ

நந்வஸ்யா பவதாம் ச ரக்ஷணவிதௌ தக்ஷோ ஹி லக்ஷ்மீபதிஃ ।

ஸர்வே ஶர்வபுரஸ்ஸரா வயமிதோ கத்வா பயோவாரிதிம்

நத்வா தம் ஸ்துமஹே ஜவாதிதி யயுஃ ஸாகம் தவாகேதநம் ॥3॥

தே முக்தாநிலஶாலிதுக்தஜலதேஸ்தீரம் கதாஃ ஸங்கதா

யாவத்த்வத்பதசிந்தநைகமநஸஸ்தாவத் ஸ பாதோஜபூஃ ।

த்வத்வாசம் ஹ்ரு'தயே நிஶம்ய ஸகலாநாநந்தயந்நூசிவா-

நாக்யாதஃ பரமாத்மநா ஸ்வயமஹம் வாக்யம் ததாகர்ண்யதாம் ॥4॥

ஜாநே தீநதஶாமஹம் திவிஷதாம் பூமேஶ்ச பீமைர்ந்ரு'பை-

ஸ்தத்க்ஷேபாய பவாமி யாதவகுலே ஸோऽஹம் ஸமக்ராத்மநா ।

தேவா வ்ரு'ஷ்ணிகுலே பவந்து கலயா தேவாங்கநாஶ்சாவநௌ

மத்ஸேவார்தமிதி த்வதீயவசநம் பாதோஜபூரூசிவாந் ॥5॥

ஶ்ருத்வா கர்ணரஸாயநம் தவ வசஃ ஸர்வேஷு நிர்வாபித-

ஸ்வாந்தேஷ்வீஶ கதேஷு தாவகக்ரு'பாபீயூஷத்ரு'ப்தாத்மஸு ।

விக்யாதே மதுராபுரே கில பவத்ஸாந்நித்யபுண்யோத்தரே

தந்யாம் தேவகநந்தநாமுதவஹத்ராஜா ஸ ஶூராத்மஜஃ ॥6॥

உத்வாஹாவஸிதௌ ததீயஸஹஜஃ கம்ஸோऽத ஸம்மாநய-

ந்நேதௌ ஸூததயா கதஃ பதி ரதே வ்யோமோத்தயா த்வத்கிரா ।

அஸ்யாஸ்த்வாமதிதுஷ்டமஷ்டமஸுதோ ஹந்தேதி ஹந்தேரிதஃ

ஸந்த்ராஸாத் ஸ து ஹந்துமந்திககதாம் தந்வீம் க்ரு'பாணீமதாத் ॥7॥

க்ரு'ஹ்ணாநஶ்சிகுரேஷு தாம் கலமதிஃ ஶௌரேஶ்சிரம் ஸாந்த்வநை-

ர்நோ முஞ்சந் புநராத்மஜார்பணகிரா ப்ரீதோऽத யாதோ க்ரு'ஹாந் ।

ஆத்யம் த்வத்ஸஹஜம் ததாऽர்பிதமபி ஸ்நேஹேந நாஹந்நஸௌ

துஷ்டாநாமபி தேவ புஷ்டகருணா த்ரு'ஷ்டா ஹி தீரேகதா ॥8॥

தாவத்த்வந்மநஸைவ நாரதமுநிஃ ப்ரோசே ஸ போஜேஶ்வரம்

யூயம் நந்வஸுராஃ ஸுராஶ்ச யதவோ ஜாநாஸி கிம் ந ப்ரபோ ।

மாயாவீ ஸ ஹரிர்பவத்வதக்ரு'தே பாவீ ஸுரப்ரார்தநா-

தித்யாகர்ண்ய யதூநதூதுநதஸௌ ஶௌரேஶ்ச ஸூநூநஹந் ॥9॥

ப்ராப்தே ஸப்தமகர்பதாமஹிபதௌ த்வத்ப்ரேரணாந்மாயயா

நீதே மாதவ ரோஹிணீம் த்வமபி போஃஸச்சித்ஸுகைகாத்மகஃ ।

தேவக்யா ஜடரம் விவேஶித விபோ ஸம்ஸ்தூயமாநஃ ஸுரைஃ

ஸ த்வம் க்ரு'ஷ்ண விதூய ரோகபடலீம் பக்திம் பராம் தேஹி மே ॥10॥

Roman (IAST) Transliteration

sāndrānandatano hare nanu purā daivāsure saṅgare

tvatkṛttā api karmaśeṣavaśato ye te na yātā gatim |

teṣāṃ bhūtalajanmanāṃ ditibhuvāṃ bhāreṇa dūrārditā

bhūmiḥ prāpa viriñcamāśritapadaṃ devaiḥ puraivāgataiḥ ||1||

hā hā durjanabhūribhāramathitāṃ pāthonidhau pātukā-

metāṃ pālaya hanta me vivaśatāṃ sampṛccha devānimān |

ityādipracurapralāpavivaśāmālokya dhātā mahīṃ

devānāṃ vadanāni vīkṣya parito dadhyau bhavantaṃ hare ||2||

ūce cāmbujabhūramūnayi surāḥ satyaṃ dharitryā vaco

nanvasyā bhavatāṃ ca rakṣaṇavidhau dakṣo hi lakṣmīpatiḥ |

sarve śarvapurassarā vayamito gatvā payovāridhiṃ

natvā taṃ stumahe javāditi yayuḥ sākaṃ tavāketanam ||3||

te mugdhānilaśālidugdhajaladhestīraṃ gatāḥ saṅgatā

yāvattvatpadacintanaikamanasastāvat sa pāthojabhūḥ |

tvadvācaṃ hṛdaye niśamya sakalānānandayannūcivā-

nākhyātaḥ paramātmanā svayamahaṃ vākyaṃ tadākarṇyatām ||4||

jāne dīnadaśāmahaṃ diviṣadāṃ bhūmeśca bhīmairnṛpai-

statkṣepāya bhavāmi yādavakule so'haṃ samagrātmanā |

devā vṛṣṇikule bhavantu kalayā devāṅganāścāvanau

matsevārthamiti tvadīyavacanaṃ pāthojabhūrūcivān ||5||

śrutvā karṇarasāyanaṃ tava vacaḥ sarveṣu nirvāpita-

svānteṣvīśa gateṣu tāvakakṛpāpīyūṣatṛptātmasu |

vikhyāte madhurāpure kila bhavatsānnidhyapuṇyottare

dhanyāṃ devakanandanāmudavahadrājā sa śūrātmajaḥ ||6||

udvāhāvasitau tadīyasahajaḥ kaṃso'tha sammānaya-

nnetau sūtatayā gataḥ pathi rathe vyomotthayā tvadgirā |

asyāstvāmatiduṣṭamaṣṭamasuto hanteti hanteritaḥ

santrāsāt sa tu hantumantikagatāṃ tanvīṃ kṛpāṇīmadhāt ||7||

gṛhṇānaścikureṣu tāṃ khalamatiḥ śaureściraṃ sāntvanai-

rno muñcan punarātmajārpaṇagirā prīto'tha yāto gṛhān |

ādyaṃ tvatsahajaṃ tathā'rpitamapi snehena nāhannasau

duṣṭānāmapi deva puṣṭakaruṇā dṛṣṭā hi dhīrekadā ||8||

tāvattvanmanasaiva nāradamuniḥ proce sa bhojeśvaraṃ

yūyaṃ nanvasurāḥ surāśca yadavo jānāsi kiṃ na prabho |

māyāvī sa harirbhavadvadhakṛte bhāvī suraprārthanā-

dityākarṇya yadūnadūdhunadasau śaureśca sūnūnahan ||9||

prāpte saptamagarbhatāmahipatau tvatpreraṇānmāyayā

nīte mādhava rohiṇīṃ tvamapi bhoḥsaccitsukhaikātmakaḥ |

devakyā jaṭharaṃ viveśitha vibho saṃstūyamānaḥ suraiḥ

sa tvaṃ kṛṣṇa vidhūya rogapaṭalīṃ bhaktiṃ parāṃ dehi me ||10||