Narayaniyam Dashaka 34 - Shriramavataram

ॐ

நாராயணீயம் தஶக 34 - ஶ்ரீராமாவதாரம்

Vishnu Tamil

கீர்வாணைரர்த்யமாநோ தஶமுகநிதநம் கோஸலேஷ்வ்ரு'ஶ்யஶ்ரு'ங்கே

புத்ரீயாமிஷ்டிமிஷ்ட்வா ததுஷி தஶரதக்ஷ்மாப்ரு'தே பாயஸாக்ர்யம் ।

தத்புக்த்யா தத்புரந்த்ரீஷ்வபி திஸ்ரு'ஷு ஸமம் ஜாதகர்பாஸு ஜாதோ

ராமஸ்த்வம் லக்ஷ்மணேந ஸ்வயமத பரதேநாபி ஶத்ருக்நநாம்நா ॥1॥

கோதண்டீ கௌஶிகஸ்ய க்ரதுவரமவிதும் லக்ஷ்மணேநாநுயாதோ

யாதோऽபூஸ்தாதவாசா முநிகதிதமநுத்வந்த்வஶாந்தாத்வகேதஃ ।

ந்ரு'ணாம் த்ராணாய பாணைர்முநிவசநபலாத்தாடகாம் பாடயித்வா

லப்த்வாஸ்மாதஸ்த்ரஜாலம் முநிவநமகமோ தேவ ஸித்தாஶ்ரமாக்யம் ॥2॥

மாரீசம் த்ராவயித்வா மகஶிரஸி ஶரைரந்யரக்ஷாம்ஸி நிக்நந்

கல்யாம் குர்வந்நஹல்யாம் பதி பதரஜஸா ப்ராப்ய வைதேஹகேஹம் ।

பிந்தாநஶ்சாந்த்ரசூடம் தநுரவநிஸுதாமிந்திராமேவ லப்த்வா

ராஜ்யம் ப்ராதிஷ்டதாஸ்த்வம் த்ரிபிரபி ச ஸமம் ப்ராத்ரு'வீரைஸ்ஸதாரைஃ ॥3॥

ஆருந்தாநே ருஷாந்தே ப்ரு'குகுல திலகே ஸங்க்ரமய்ய ஸ்வதேஜோ

யாதே யாதோऽஸ்யயோத்யாம் ஸுகமிஹ நிவஸந் காந்தயா காந்தமூர்தே ।

ஶத்ருக்நேநைகதாதோ கதவதி பரதே மாதுலஸ்யாதிவாஸம்

தாதாரப்தோऽபிஷேகஸ்தவ கில விஹதஃ கேகயாதீஶபுத்ர்யா ॥4॥

தாதோக்த்யா யாதுகாமோ வநமநுஜவதூஸம்யுதஶ்சாபதாரஃ

பௌராநாருத்ய மார்கே குஹநிலயகதஸ்த்வம் ஜடாசீரதாரீ।

நாவா ஸந்தீர்ய கங்காமதிபதவி புநஸ்தம் பரத்வாஜமாரா-

ந்நத்வா தத்வாக்யஹேதோரதிஸுகமவஸஶ்சித்ரகூடே கிரீந்த்ரே ॥5॥

ஶ்ருத்வா புத்ரார்திகிந்நம் கலு பரதமுகாத் ஸ்வர்கயாதம் ஸ்வதாதம்

தப்தோ தத்வாऽம்பு தஸ்மை நிததித பரதே பாதுகாம் மேதிநீம் ச

அத்ரிம் நத்வாऽத கத்வா வநமதிவிபுலம் தண்டகம் சண்டகாயம்

ஹத்வா தைத்யம் விராதம் ஸுகதிமகலயஶ்சாரு போஃ ஶாரபங்கீம் ॥6॥

நத்வாऽகஸ்த்யம் ஸமஸ்தாஶரநிகரஸபத்ராக்ரு'திம் தாபஸேப்யஃ

ப்ரத்யஶ்ரௌஷீஃ ப்ரியைஷீ ததநு ச முநிநா வைஷ்ணவே திவ்யசாபே ।

ப்ரஹ்மாஸ்த்ரே சாபி தத்தே பதி பித்ரு'ஸுஹ்ரு'தம் வீக்ஷ்ய பூயோ ஜடாயும்

மோதாத் கோதாதடாந்தே பரிரமஸி புரா பஞ்சவட்யாம் வதூட்யா ॥7॥

ப்ராப்தாயாஃ ஶூர்பணக்யா மதநசலத்ரு'தேரர்தநைர்நிஸ்ஸஹாத்மா

தாம் ஸௌமித்ரௌ விஸ்ரு'ஜ்ய ப்ரபலதமருஷா தேந நிர்லூநநாஸாம் ।

த்ரு'ஷ்ட்வைநாம் ருஷ்டசித்தம் கரமபிபதிதம் தூஷணம் ச த்ரிமூர்தம்

வ்யாஹிம்ஸீராஶராநப்யயுதஸமதிகாம்ஸ்தத்க்ஷணாதக்ஷதோஷ்மா ॥8॥

ஸோதர்யாப்ரோக்தவார்தாவிவஶதஶமுகாதிஷ்டமாரீசமாயா-

ஸாரங்க ஸாரஸாக்ஷ்யா ஸ்ப்ரு'ஹிதமநுகதஃ ப்ராவதீர்பாணகாதம் ।

தந்மாயாக்ரந்தநிர்யாபிதபவதநுஜாம் ராவணஸ்தாமஹார்ஷீ-

த்தேநார்தோऽபி த்வமந்தஃ கிமபி முதமதாஸ்தத்வதோபாயலாபாத் ॥9॥

பூயஸ்தந்வீம் விசிந்வந்நஹ்ரு'த தஶமுகஸ்த்வத்வதூம் மத்வதேநே-

த்யுக்த்வா யாதே ஜடாயௌ திவமத ஸுஹ்ரு'தஃ ப்ராதநோஃ ப்ரேதகார்யம் ।

க்ரு'ஹ்ணாநம் தம் கபந்தம் ஜகநித ஶபரீம் ப்ரேக்ஷ்ய பம்பாதடே த்வம்

ஸம்ப்ராப்தோ வாதஸூநும் ப்ரு'ஶமுதிதமநாஃ பாஹி வாதாலயேஶ ॥10॥

Roman (IAST) Transliteration

gīrvāṇairarthyamāno daśamukhanidhanaṃ kosaleṣvṛśyaśṛṅge

putrīyāmiṣṭimiṣṭvā daduṣi daśarathakṣmābhṛte pāyasāgryam |

tadbhuktyā tatpurandhrīṣvapi tisṛṣu samaṃ jātagarbhāsu jāto

rāmastvaṃ lakṣmaṇena svayamatha bharatenāpi śatrughnanāmnā ||1||

kodaṇḍī kauśikasya kratuvaramavituṃ lakṣmaṇenānuyāto

yāto'bhūstātavācā munikathitamanudvandvaśāntādhvakhedaḥ |

nṛṇāṃ trāṇāya bāṇairmunivacanabalāttāṭakāṃ pāṭayitvā

labdhvāsmādastrajālaṃ munivanamagamo deva siddhāśramākhyam ||2||

mārīcaṃ drāvayitvā makhaśirasi śarairanyarakṣāṃsi nighnan

kalyāṃ kurvannahalyāṃ pathi padarajasā prāpya vaidehageham |

bhindānaścāndracūḍaṃ dhanuravanisutāmindirāmeva labdhvā

rājyaṃ prātiṣṭhathāstvaṃ tribhirapi ca samaṃ bhrātṛvīraissadāraiḥ ||3||

ārundhāne ruṣāndhe bhṛgukula tilake saṅkramayya svatejo

yāte yāto'syayodhyāṃ sukhamiha nivasan kāntayā kāntamūrte |

śatrughnenaikadātho gatavati bharate mātulasyādhivāsaṃ

tātārabdho'bhiṣekastava kila vihataḥ kekayādhīśaputryā ||4||

tātoktyā yātukāmo vanamanujavadhūsaṃyutaścāpadhāraḥ

paurānārudhya mārge guhanilayagatastvaṃ jaṭācīradhārī|

nāvā santīrya gaṅgāmadhipadavi punastaṃ bharadvājamārā-

nnatvā tadvākyahetoratisukhamavasaścitrakūṭe girīndre ||5||

śrutvā putrārtikhinnaṃ khalu bharatamukhāt svargayātaṃ svatātaṃ

tapto datvā'mbu tasmai nidadhitha bharate pādukāṃ medinīṃ ca

atriṃ natvā'tha gatvā vanamativipulaṃ daṇḍakaṃ caṇḍakāyaṃ

hatvā daityaṃ virādhaṃ sugatimakalayaścāru bhoḥ śārabhaṅgīm ||6||

natvā'gastyaṃ samastāśaranikarasapatrākṛtiṃ tāpasebhyaḥ

pratyaśrauṣīḥ priyaiṣī tadanu ca muninā vaiṣṇave divyacāpe |

brahmāstre cāpi datte pathi pitṛsuhṛdaṃ vīkṣya bhūyo jaṭāyuṃ

modāt godātaṭānte pariramasi purā pañcavaṭyāṃ vadhūṭyā ||7||

prāptāyāḥ śūrpaṇakhyā madanacaladhṛterarthanairnissahātmā

tāṃ saumitrau visṛjya prabalatamaruṣā tena nirlūnanāsām |

dṛṣṭvaināṃ ruṣṭacittaṃ kharamabhipatitaṃ dūṣaṇaṃ ca trimūrdhaṃ

vyāhiṃsīrāśarānapyayutasamadhikāṃstatkṣaṇādakṣatoṣmā ||8||

sodaryāproktavārtāvivaśadaśamukhādiṣṭamārīcamāyā-

sāraṅga sārasākṣyā spṛhitamanugataḥ prāvadhīrbāṇaghātam |

tanmāyākrandaniryāpitabhavadanujāṃ rāvaṇastāmahārṣī-

ttenārto'pi tvamantaḥ kimapi mudamadhāstadvadhopāyalābhāt ||9||

bhūyastanvīṃ vicinvannahṛta daśamukhastvadvadhūṃ madvadhene-

tyuktvā yāte jaṭāyau divamatha suhṛdaḥ prātanoḥ pretakāryam |

gṛhṇānaṃ taṃ kabandhaṃ jaghanitha śabarīṃ prekṣya pampātaṭe tvaṃ

samprāpto vātasūnuṃ bhṛśamuditamanāḥ pāhi vātālayeśa ||10||