Narayaniyam Dashaka 3 - Uttamabhaktasya Gunah

ॐ

நாராயணீயம் தஶக 3 - உத்தமபக்தஸ்ய குணாஃ

Vishnu Tamil

படந்தோ நாமாநி ப்ரமதபரஸிந்தௌ நிபதிதாஃ

ஸ்மரந்தோ ரூபம் தே வரத கதயந்தோ குணகதாஃ ।

சரந்தோ யே பக்தாஸ்த்வயி கலு ரமந்தே பரமமூ-

நஹம் தந்யாந் மந்யே ஸமதிகதஸர்வாபிலஷிதாந் ॥1॥

கதக்லிஷ்டம் கஷ்டம் தவ சரணஸேவாரஸபரேऽ-

ப்யநாஸக்தம் சித்தம் பவதி பத விஷ்ணோ குரு தயாம் ।

பவத்பாதாம்போஜஸ்மரணரஸிகோ நாமநிவஹா-

நஹம் காயம் காயம் குஹசந விவத்ஸ்யாமி விஜநே ॥2॥

க்ரு'பா தே ஜாதா சேத்கிமிவ ந ஹி லப்யம் தநுப்ரு'தாம்

மதீயக்லேஶௌகப்ரஶமநதஶா நாம கியதீ ।

ந கே கே லோகேऽஸ்மிந்நநிஶமயி ஶோகாபிரஹிதா

பவத்பக்தா முக்தாஃ ஸுககதிமஸக்தா விதததே ॥3॥

முநிப்ரௌடா ரூடா ஜகதி கலு கூடாத்மகதயோ

பவத்பாதாம்போஜஸ்மரணவிருஜோ நாரதமுகாஃ ।

சரந்தீஶ ஸ்வைரம் ஸததபரிநிர்பாதபரசி -

த்ஸதாநந்தாத்வைதப்ரஸரபரிமக்நாஃ கிமபரம் ॥4॥

பவத்பக்திஃ ஸ்பீதா பவது மம ஸைவ ப்ரஶமயே-

தஶேஷக்லேஶௌகம் ந கலு ஹ்ரு'தி ஸந்தேஹகணிகா ।

ந சேத்வ்யாஸஸ்யோக்திஸ்தவ ச வசநம் நைகமவசோ

பவேந்மித்யா ரத்யாபுருஷவசநப்ராயமகிலம் ॥5॥

பவத்பக்திஸ்தாவத் ப்ரமுகமதுரா த்வத் குணரஸாத்

கிமப்யாரூடா சேதகிலபரிதாபப்ரஶமநீ ।

புநஶ்சாந்தே ஸ்வாந்தே விமலபரிபோதோதயமில-

ந்மஹாநந்தாத்வைதம் திஶதி கிமதஃ ப்ரார்த்யமபரம் ॥6॥

விதூய க்லேஶாந்மே குரு சரணயுக்மம் த்ரு'தரஸம்

பவத்க்ஷேத்ரப்ராப்தௌ கரமபி ச தே பூஜநவிதௌ ।

பவந்மூர்த்யாலோகே நயநமத தே பாததுலஸீ-

பரிக்ராணே க்ராணம் ஶ்ரவணமபி தே சாருசரிதே ॥7॥

ப்ரபூதாதிவ்யாதிப்ரஸபசலிதே மாமகஹ்ரு'தி

த்வதீயம் தத்ரூபம் பரமஸுகசித்ரூபமுதியாத் ।

உதஞ்சத்ரோமாஞ்சோ கலிதபஹுஹர்ஷாஶ்ருநிவஹோ

யதா விஸ்மர்யாஸம் துருபஶமபீடாபரிபவாந் ॥8॥

மருத்கேஹாதீஶ த்வயி கலு பராஞ்சோऽபி ஸுகிநோ

பவத்ஸ்நேஹீ ஸோऽஹம் ஸுபஹு பரிதப்யே ச கிமிதம் ।

அகீர்திஸ்தே மா பூத்வரத கதபாரம் ப்ரஶமயந்

பவத் பக்தோத்தம்ஸம் சடிதி குரு மாம் கம்ஸதமந ॥9॥

கிமுக்தைர்பூயோபிஸ்தவ ஹி கருணா யாவதுதியா-

தஹம் தாவத்தேவ ப்ரஹிதவிவிதார்தப்ரலபிதஃ ।

புரஃ க்ல்ரு'ப்தே பாதே வரத தவ நேஷ்யாமி திவஸா-

ந்யதாஶக்தி வ்யக்தம் நதிநுதிநிஷேவா விரசயந் ॥10॥

Roman (IAST) Transliteration

paṭhanto nāmāni pramadabharasindhau nipatitāḥ

smaranto rūpaṃ te varada kathayanto guṇakathāḥ |

caranto ye bhaktāstvayi khalu ramante paramamū-

nahaṃ dhanyān manye samadhigatasarvābhilaṣitān ||1||

gadakliṣṭaṃ kaṣṭaṃ tava caraṇasevārasabhare'-

pyanāsaktaṃ cittaṃ bhavati bata viṣṇo kuru dayām |

bhavatpādāmbhojasmaraṇarasiko nāmanivahā-

nahaṃ gāyaṃ gāyaṃ kuhacana vivatsyāmi vijane ||2||

kṛpā te jātā cetkimiva na hi labhyaṃ tanubhṛtāṃ

madīyakleśaughapraśamanadaśā nāma kiyatī |

na ke ke loke'sminnaniśamayi śokābhirahitā

bhavadbhaktā muktāḥ sukhagatimasaktā vidadhate ||3||

muniprauḍhā rūḍhā jagati khalu gūḍhātmagatayo

bhavatpādāmbhojasmaraṇavirujo nāradamukhāḥ |

carantīśa svairaṃ satataparinirbhātaparaci -

tsadānandādvaitaprasaraparimagnāḥ kimaparam ||4||

bhavadbhaktiḥ sphītā bhavatu mama saiva praśamaye-

daśeṣakleśaughaṃ na khalu hṛdi sandehakaṇikā |

na cedvyāsasyoktistava ca vacanaṃ naigamavaco

bhavenmithyā rathyāpuruṣavacanaprāyamakhilam ||5||

bhavadbhaktistāvat pramukhamadhurā tvat guṇarasāt

kimapyārūḍhā cedakhilaparitāpapraśamanī |

punaścānte svānte vimalaparibodhodayamila-

nmahānandādvaitaṃ diśati kimataḥ prārthyamaparam ||6||

vidhūya kleśānme kuru caraṇayugmaṃ dhṛtarasaṃ

bhavatkṣetraprāptau karamapi ca te pūjanavidhau |

bhavanmūrtyāloke nayanamatha te pādatulasī-

parighrāṇe ghrāṇaṃ śravaṇamapi te cārucarite ||7||

prabhūtādhivyādhiprasabhacalite māmakahṛdi

tvadīyaṃ tadrūpaṃ paramasukhacidrūpamudiyāt |

udañcadromāñco galitabahuharṣāśrunivaho

yathā vismaryāsaṃ durupaśamapīḍāparibhavān ||8||

marudgehādhīśa tvayi khalu parāñco'pi sukhino

bhavatsnehī so'haṃ subahu paritapye ca kimidam |

akīrtiste mā bhūdvarada gadabhāraṃ praśamayan

bhavat bhaktottaṃsaṃ jhaṭiti kuru māṃ kaṃsadamana ||9||

kimuktairbhūyobhistava hi karuṇā yāvadudiyā-

dahaṃ tāvaddeva prahitavividhārtapralapitaḥ |

puraḥ klṛpte pāde varada tava neṣyāmi divasā-

nyathāśakti vyaktaṃ natinutiniṣevā viracayan ||10||