Narayaniyam Dashaka 27 - Kshirabdhimathanam Tatha Kurmavataram

ॐ

நாராயணீயம் தஶக 27 - க்ஷீராப்திமதநம் ததா கூர்மாவதாரம்

Vishnu Tamil

தூர்வாஸாஸ்ஸுரவநிதாப்ததிவ்யமால்யம்

ஶக்ராய ஸ்வயமுபதாய தத்ர பூயஃ ।

நாகேந்த்ரப்ரதிம்ரு'திதே ஶஶாப ஶக்ரம்

கா க்ஷாந்திஸ்த்வதிதரதேவதாம்ஶஜாநாம் ॥1॥

ஶாபேந ப்ரதிதஜரேऽத நிர்ஜரேந்த்ரே

தேவேஷ்வப்யஸுரஜிதேஷு நிஷ்ப்ரபேஷு ।

ஶர்வாத்யாஃ கமலஜமேத்ய ஸர்வதேவா

நிர்வாணப்ரபவ ஸமம் பவந்தமாபுஃ ॥2॥

ப்ரஹ்மாத்யைஃ ஸ்துதமஹிமா சிரம் ததாநீம்

ப்ராதுஷ்ஷந் வரத புரஃ பரேண தாம்நா ।

ஹே தேவா திதிஜகுலைர்விதாய ஸந்திம்

பீயூஷம் பரிமததேதி பர்யஶாஸ்த்வம் ॥3॥

ஸந்தாநம் க்ரு'தவதி தாநவைஃ ஸுரௌகே

மந்தாநம் நயதி மதேந மந்தராத்ரிம் ।

ப்ரஷ்டேऽஸ்மிந் பதரமிவோத்வஹந் ககேந்த்ரே

ஸத்யஸ்த்வம் விநிஹிதவாந் பயஃபயோதௌ ॥4॥

ஆதாய த்ருதமத வாஸுகிம் வரத்ராம்

பாதோதௌ விநிஹிதஸர்வபீஜஜாலே ।

ப்ராரப்தே மதநவிதௌ ஸுராஸுரைஸ்தை-

ர்வ்யாஜாத்த்வம் புஜகமுகேऽகரோஸ்ஸுராரீந் ॥5॥

க்ஷுப்தாத்ரௌ க்ஷுபிதஜலோதரே ததாநீம்

துக்தாப்தௌ குருதரபாரதோ நிமக்நே ।

தேவேஷு வ்யதிததமேஷு தத்ப்ரியைஷீ

ப்ராணைஷீஃ கமடதநும் கடோரப்ரு'ஷ்டாம் ॥6॥

வஜ்ராதிஸ்திரதரகர்பரேண விஷ்ணோ

விஸ்தாராத்பரிகதலக்ஷயோஜநேந ।

அம்போதேஃ குஹரகதேந வர்ஷ்மணா த்வம்

நிர்மக்நம் க்ஷிதிதரநாதமுந்நிநேத ॥7॥

உந்மக்நே சடிதி ததா தராதரேந்த்ரே

நிர்மேதுர்த்ரு'டமிஹ ஸம்மதேந ஸர்வே ।

ஆவிஶ்ய த்விதயகணேऽபி ஸர்பராஜே

வைவஶ்யம் பரிஶமயந்நவீவ்ரு'தஸ்தாந் ॥8॥

உத்தாமப்ரமணஜவோந்நமத்கிரீந்த்ர-

ந்யஸ்தைகஸ்திரதரஹஸ்தபங்கஜம் த்வாம் ।

அப்ராந்தே விதிகிரிஶாதயஃ ப்ரமோதா-

துத்ப்ராந்தா நுநுவுருபாத்தபுஷ்பவர்ஷாஃ ॥9॥

தைத்யௌகே புஜகமுகாநிலேந தப்தே

தேநைவ த்ரிதஶகுலேऽபி கிஞ்சிதார்தே ।

காருண்யாத்தவ கில தேவ வாரிவாஹாஃ

ப்ராவர்ஷந்நமரகணாந்ந தைத்யஸங்காந் ॥10॥

உத்ப்ராம்யத்பஹுதிமிநக்ரசக்ரவாலே

தத்ராப்தௌ சிரமதிதேऽபி நிர்விகாரே ।

ஏகஸ்த்வம் கரயுகக்ரு'ஷ்டஸர்பராஜஃ

ஸம்ராஜந் பவநபுரேஶ பாஹி ரோகாத் ॥11॥

Roman (IAST) Transliteration

dūrvāsāssuravanitāptadivyamālyaṃ

śakrāya svayamupadāya tatra bhūyaḥ |

nāgendrapratimṛdite śaśāpa śakraṃ

kā kṣāntistvaditaradevatāṃśajānām ||1||

śāpena prathitajare'tha nirjarendre

deveṣvapyasurajiteṣu niṣprabheṣu |

śarvādyāḥ kamalajametya sarvadevā

nirvāṇaprabhava samaṃ bhavantamāpuḥ ||2||

brahmādyaiḥ stutamahimā ciraṃ tadānīṃ

prāduṣṣan varada puraḥ pareṇa dhāmnā |

he devā ditijakulairvidhāya sandhiṃ

pīyūṣaṃ parimathateti paryaśāstvam ||3||

sandhānaṃ kṛtavati dānavaiḥ suraughe

manthānaṃ nayati madena mandarādrim |

bhraṣṭe'smin badaramivodvahan khagendre

sadyastvaṃ vinihitavān payaḥpayodhau ||4||

ādhāya drutamatha vāsukiṃ varatrāṃ

pāthodhau vinihitasarvabījajāle |

prārabdhe mathanavidhau surāsuraistai-

rvyājāttvaṃ bhujagamukhe'karossurārīn ||5||

kṣubdhādrau kṣubhitajalodare tadānīṃ

dugdhābdhau gurutarabhārato nimagne |

deveṣu vyathitatameṣu tatpriyaiṣī

prāṇaiṣīḥ kamaṭhatanuṃ kaṭhorapṛṣṭhām ||6||

vajrātisthiratarakarpareṇa viṣṇo

vistārātparigatalakṣayojanena |

ambhodheḥ kuharagatena varṣmaṇā tvaṃ

nirmagnaṃ kṣitidharanāthamunninetha ||7||

unmagne jhaṭiti tadā dharādharendre

nirmethurdṛḍhamiha sammadena sarve |

āviśya dvitayagaṇe'pi sarparāje

vaivaśyaṃ pariśamayannavīvṛdhastān ||8||

uddāmabhramaṇajavonnamadgirīndra-

nyastaikasthiratarahastapaṅkajaṃ tvām |

abhrānte vidhigiriśādayaḥ pramodā-

dudbhrāntā nunuvurupāttapuṣpavarṣāḥ ||9||

daityaughe bhujagamukhānilena tapte

tenaiva tridaśakule'pi kiñcidārte |

kāruṇyāttava kila deva vārivāhāḥ

prāvarṣannamaragaṇānna daityasaṅghān ||10||

udbhrāmyadbahutiminakracakravāle

tatrābdhau ciramathite'pi nirvikāre |

ekastvaṃ karayugakṛṣṭasarparājaḥ

saṃrājan pavanapureśa pāhi rogāt ||11||