Narayaniyam Dashaka 2 - Bhagavatah Svarupamadhuryam Tatha Bhaktimahattvam

ॐ

நாராயணீயம் தஶக 2 - பகவதஃ ஸ்வரூபமாதுர்யம் ததா பக்திமஹத்த்வம்

Vishnu Narayana Bhattathiri Tamil

ஸூர்யஸ்பர்திகிரீடமூர்த்வதிலகப்ரோத்பாஸிபாலாந்தரம்

காருண்யாகுலநேத்ரமார்த்ரஹஸிதோல்லாஸம் ஸுநாஸாபுடம்।

கண்டோத்யந்மகராபகுண்டலயுகம் கண்டோஜ்வலத்கௌஸ்துபம்

த்வத்ரூபம் வநமால்யஹாரபடலஶ்ரீவத்ஸதீப்ரம் பஜே॥1॥

கேயூராங்கதகங்கணோத்தமமஹாரத்நாங்குலீயாங்கித-

ஶ்ரீமத்பாஹுசதுஷ்கஸங்கதகதாஶங்காரிபங்கேருஹாம் ।

காஞ்சித் காஞ்சநகாஞ்சிலாஞ்ச்சிதலஸத்பீதாம்பராலம்பிநீ-

மாலம்பே விமலாம்புஜத்யுதிபதாம் மூர்திம் தவார்திச்சிதம் ॥2॥

யத்த்த்ரைலோக்யமஹீயஸோऽபி மஹிதம் ஸம்மோஹநம் மோஹநாத்

காந்தம் காந்திநிதாநதோऽபி மதுரம் மாதுர்யதுர்யாதபி ।

ஸௌந்தர்யோத்தரதோऽபி ஸுந்தரதரம் த்வத்ரூபமாஶ்சர்யதோऽ-

ப்யாஶ்சர்யம் புவநே ந கஸ்ய குதுகம் புஷ்ணாதி விஷ்ணோ விபோ ॥3॥

தத்தாத்ரு'ங்மதுராத்மகம் தவ வபுஃ ஸம்ப்ராப்ய ஸம்பந்மயீ

ஸா தேவீ பரமோத்ஸுகா சிரதரம் நாஸ்தே ஸ்வபக்தேஷ்வபி ।

தேநாஸ்யா பத கஷ்டமச்யுத விபோ த்வத்ரூபமாநோஜ்ஞக -

ப்ரேமஸ்தைர்யமயாதசாபலபலாச்சாபல்யவார்தோதபூத் ॥4॥

லக்ஷ்மீஸ்தாவகராமணீயகஹ்ரு'தைவேயம் பரேஷ்வஸ்திரே-

த்யஸ்மிந்நந்யதபி ப்ரமாணமதுநா வக்ஷ்யாமி லக்ஷ்மீபதே ।

யே த்வத்த்யாநகுணாநுகீர்தநரஸாஸக்தா ஹி பக்தா ஜநா-

ஸ்தேஷ்வேஷா வஸதி ஸ்திரைவ தயிதப்ரஸ்தாவதத்தாதரா ॥5॥

ஏவம்பூதமநோஜ்ஞதாநவஸுதாநிஷ்யந்தஸந்தோஹநம்

த்வத்ரூபம் பரசித்ரஸாயநமயம் சேதோஹரம் ஶ்ரு'ண்வதாம் ।

ஸத்யஃ ப்ரேரயதே மதிம் மதயதே ரோமாஞ்சயத்யங்ககம்

வ்யாஸிஞ்சத்யபி ஶீதவாஷ்பவிஸரைராநந்தமூர்சோத்பவைஃ ॥6॥

ஏவம்பூததயா ஹி பக்த்யபிஹிதோ யோகஸ்ஸ யோகத்வயாத்

கர்மஜ்ஞாநமயாத் ப்ரு'ஶோத்தமதரோ யோகீஶ்வரைர்கீயதே ।

ஸௌந்தர்யைகரஸாத்மகே த்வயி கலு ப்ரேமப்ரகர்ஷாத்மிகா

பக்திர்நிஶ்ரமமேவ விஶ்வபுருஷைர்லப்யா ரமாவல்லப ॥7॥

நிஷ்காமம் நியதஸ்வதர்மசரணம் யத் கர்மயோகாபிதம்

தத்தூரேத்யபலம் யதௌபநிஷதஜ்ஞாநோபலப்யம் புநஃ ।

தத்த்வவ்யக்ததயா ஸுதுர்கமதரம் சித்தஸ்ய தஸ்மாத்விபோ

த்வத்ப்ரேமாத்மகபக்திரேவ ஸததம் ஸ்வாதீயஸீ ஶ்ரேயஸீ ॥8॥

அத்யாயாஸகராணி கர்மபடலாந்யாசர்ய நிர்யந்மலா

போதே பக்திபதேऽதவாऽப்யுசிததாமாயாந்தி கிம் தாவதா ।

க்லிஷ்ட்வா தர்கபதே பரம் தவ வபுர்ப்ரஹ்மாக்யமந்யே புந-

ஶ்சித்தார்த்ரத்வம்ரு'தே விசிந்த்ய பஹுபிஸ்ஸித்த்யந்தி ஜந்மாந்தரைஃ ॥9॥

த்வத்பக்திஸ்து கதாரஸாம்ரு'தசரீநிர்மஜ்ஜநேந ஸ்வயம்

ஸித்த்யந்தீ விமலப்ரபோதபதவீமக்லேஶதஸ்தந்வதீ ।

ஸத்யஸ்ஸித்திகரீ ஜயத்யயி விபோ ஸைவாஸ்து மே த்வத்பத-

ப்ரேமப்ரௌடிரஸார்த்ரதா த்ருததரம் வாதாலயாதீஶ்வர ॥10॥

Roman (IAST) Transliteration

sūryaspardhikirīṭamūrdhvatilakaprodbhāsiphālāntaraṃ

kāruṇyākulanetramārdrahasitollāsaṃ sunāsāpuṭam|

gaṇḍodyanmakarābhakuṇḍalayugaṃ kaṇṭhojvalatkaustubhaṃ

tvadrūpaṃ vanamālyahārapaṭalaśrīvatsadīpraṃ bhaje||1||

keyūrāṅgadakaṅkaṇottamamahāratnāṅgulīyāṅkita-

śrīmadbāhucatuṣkasaṅgatagadāśaṅkhāripaṅkeruhām |

kāñcit kāñcanakāñcilāñcchitalasatpītāmbarālambinī-

mālambe vimalāmbujadyutipadāṃ mūrtiṃ tavārticchidam ||2||

yatttrailokyamahīyaso'pi mahitaṃ sammohanaṃ mohanāt

kāntaṃ kāntinidhānato'pi madhuraṃ mādhuryadhuryādapi |

saundaryottarato'pi sundarataraṃ tvadrūpamāścaryato'-

pyāścaryaṃ bhuvane na kasya kutukaṃ puṣṇāti viṣṇo vibho ||3||

tattādṛṅmadhurātmakaṃ tava vapuḥ samprāpya sampanmayī

sā devī paramotsukā cirataraṃ nāste svabhakteṣvapi |

tenāsyā bata kaṣṭamacyuta vibho tvadrūpamānojñaka -

premasthairyamayādacāpalabalāccāpalyavārtodabhūt ||4||

lakṣmīstāvakarāmaṇīyakahṛtaiveyaṃ pareṣvasthire-

tyasminnanyadapi pramāṇamadhunā vakṣyāmi lakṣmīpate |

ye tvaddhyānaguṇānukīrtanarasāsaktā hi bhaktā janā-

steṣveṣā vasati sthiraiva dayitaprastāvadattādarā ||5||

evambhūtamanojñatānavasudhāniṣyandasandohanaṃ

tvadrūpaṃ paracidrasāyanamayaṃ cetoharaṃ śṛṇvatām |

sadyaḥ prerayate matiṃ madayate romāñcayatyaṅgakaṃ

vyāsiñcatyapi śītavāṣpavisarairānandamūrchodbhavaiḥ ||6||

evambhūtatayā hi bhaktyabhihito yogassa yogadvayāt

karmajñānamayāt bhṛśottamataro yogīśvarairgīyate |

saundaryaikarasātmake tvayi khalu premaprakarṣātmikā

bhaktirniśramameva viśvapuruṣairlabhyā ramāvallabha ||7||

niṣkāmaṃ niyatasvadharmacaraṇaṃ yat karmayogābhidhaṃ

taddūretyaphalaṃ yadaupaniṣadajñānopalabhyaṃ punaḥ |

tattvavyaktatayā sudurgamataraṃ cittasya tasmādvibho

tvatpremātmakabhaktireva satataṃ svādīyasī śreyasī ||8||

atyāyāsakarāṇi karmapaṭalānyācarya niryanmalā

bodhe bhaktipathe'thavā'pyucitatāmāyānti kiṃ tāvatā |

kliṣṭvā tarkapathe paraṃ tava vapurbrahmākhyamanye puna-

ścittārdratvamṛte vicintya bahubhissiddhyanti janmāntaraiḥ ||9||

tvadbhaktistu kathārasāmṛtajharīnirmajjanena svayaṃ

siddhyantī vimalaprabodhapadavīmakleśatastanvatī |

sadyassiddhikarī jayatyayi vibho saivāstu me tvatpada-

premaprauḍhirasārdratā drutataraṃ vātālayādhīśvara ||10||