Dashakam 1 - Bhagavatah Svarupam Tatha Mahatmyam

ॐ

தஶகம் 1 - பகவதஃ ஸ்வரூபம் ததா மாஹாத்ம்யம்

Tamil

ஸாந்த்ராநந்தாவபோதாத்மகமநுபமிதம் காலதேஶாவதிப்யாம்

நிர்முக்தம் நித்யமுக்தம் நிகமஶதஸஹஸ்ரேண நிர்பாஸ்யமாநம் ।

அஸ்பஷ்டம் த்ரு'ஷ்டமாத்ரே புநருருபுருஷார்தாத்மகம் ப்ரஹ்ம தத்வம்

தத்தாவத்பாதி ஸாக்ஷாத் குருபவநபுரே ஹந்த பாக்யம் ஜநாநாம் ॥ 1 ॥

ஏவந்துர்லப்யவஸ்துந்யபி ஸுலபதயா ஹஸ்தலப்தே யதந்யத்

தந்வா வாசா தியா வா பஜதி பத ஜநஃ க்ஷுத்ரதைவ ஸ்புடேயம் ।

ஏதே தாவத்வயம் து ஸ்திரதரமநஸா விஶ்வபீடாபஹத்யை

நிஶ்ஶேஷாத்மாநமேநம் குருபவநபுராதீஶமேவாஶ்ரயாமஃ ॥ 2 ॥

ஸத்த்வம் யத்தத் பராப்யாமபரிகலநதோ நிர்மலம் தேந தாவத்

பூதைர்பூதேந்த்ரியைஸ்தே வபுரிதி பஹுஶஃ ஶ்ரூயதே வ்யாஸவாக்யம்।

தத் ஸ்வச்ச்த்வாத்யதாச்சாதிதபரஸுகசித்கர்பநிர்பாஸரூபம்

தஸ்மிந் தந்யா ரமந்தே ஶ்ருதிமதிமதுரே ஸுக்ரஹே விக்ரஹே தே ॥ 3 ॥

நிஷ்கம்பே நித்யபூர்ணே நிரவதிபரமாநந்தபீயூஷரூபே

நிர்லீநாநேகமுக்தாவலிஸுபகதமே நிர்மலப்ரஹ்மஸிந்தௌ ।

கல்லோலோல்லாஸதுல்யம் கலு விமலதரம் ஸத்த்வமாஹுஸ்ததாத்மா

கஸ்மாந்நோ நிஷ்கலஸ்த்வம் ஸகல இதி வசஸ்த்வத்கலாஸ்வேவ பூமந் ॥ 4 ॥

நிர்வ்யாபாரோऽபி நிஷ்காரணமஜ பஜஸே யத்க்ரியாமீக்ஷணாக்யாம்

தேநைவோதேதி லீநா ப்ரக்ரு'திரஸதிகல்பாऽபி கல்பாதிகாலே।

தஸ்யாஃ ஸம்ஶுத்தமம்ஶம் கமபி தமதிரோதாயகம் ஸத்த்வரூபம்

ஸ த்வம் த்ரு'த்வா ததாஸி ஸ்வமஹிமவிபவாகுண்ட வைகுண்ட ரூபம்॥5॥

தத்தே ப்ரத்யக்ரதாராதரலலிதகலாயாவலீகேலிகாரம்

லாவண்யஸ்யைகஸாரம் ஸுக்ரு'திஜநத்ரு'ஶாம் பூர்ணபுண்யாவதாரம்।

லக்ஷ்மீநிஶ்ஶங்கலீலாநிலயநமம்ரு'தஸ்யந்தஸந்தோஹமந்தஃ

ஸிஞ்சத் ஸஞ்சிந்தகாநாம் வபுரநுகலயே மாருதாகாரநாத ॥6॥

கஷ்டா தே ஸ்ரு'ஷ்டிசேஷ்டா பஹுதரபவகேதாவஹா ஜீவபாஜா-

மித்யேவம் பூர்வமாலோசிதமஜித மயா நைவமத்யாபிஜாநே।

நோசேஜ்ஜீவாஃ கதம் வா மதுரதரமிதம் த்வத்வபுஶ்சித்ரஸார்த்ரம்

நேத்ரைஃ ஶ்ரோத்ரைஶ்ச பீத்வா பரமரஸஸுதாம்போதிபூரே ரமேரந்॥7॥

நம்ராணாம் ஸந்நிதத்தே ஸததமபி புரஸ்தைரநப்யர்திதாந -

ப்யர்தாந் காமாநஜஸ்ரம் விதரதி பரமாநந்தஸாந்த்ராம் கதிம் ச।

இத்தம் நிஶ்ஶேஷலப்யோ நிரவதிகபலஃ பாரிஜாதோ ஹரே த்வம்

க்ஷுத்ரம் தம் ஶக்ரவாடீத்ருமமபிலஷதி வ்யர்தமர்திவ்ரஜோऽயம்॥8॥

காருண்யாத்காமமந்யம் தததி கலு பரே ஸ்வாத்மதஸ்த்வம் விஶேஷா-

தைஶ்வர்யாதீஶதேऽந்யே ஜகதி பரஜநே ஸ்வாத்மநோऽபீஶ்வரஸ்த்வம்।

த்வய்யுச்சைராரமந்தி ப்ரதிபதமதுரே சேதநாஃ ஸ்பீதபாக்யா-

ஸ்த்வம் சாத்மாராம ஏவேத்யதுலகுணகணாதார ஶௌரே நமஸ்தே॥9॥

ஐஶ்வர்யம் ஶங்கராதீஶ்வரவிநியமநம் விஶ்வதேஜோஹராணாம்

தேஜஸ்ஸம்ஹாரி வீர்யம் விமலமபி யஶோ நிஸ்ப்ரு'ஹைஶ்சோபகீதம்।

அங்காஸங்கா ஸதா ஶ்ரீரகிலவிதஸி ந க்வாபி தே ஸங்கவார்தா

தத்வாதாகாரவாஸிந் முரஹர பகவச்சப்தமுக்யாஶ்ரயோऽஸி॥10॥

Roman (IAST) Transliteration

sāndrānandāvabodhātmakamanupamitaṃ kāladeśāvadhibhyāṃ

nirmuktaṃ nityamuktaṃ nigamaśatasahasreṇa nirbhāsyamānam |

aspaṣṭaṃ dṛṣṭamātre punarurupuruṣārthātmakaṃ brahma tatvaṃ

tattāvadbhāti sākṣād gurupavanapure hanta bhāgyaṃ janānām || 1 ||

evandurlabhyavastunyapi sulabhatayā hastalabdhe yadanyat

tanvā vācā dhiyā vā bhajati bata janaḥ kṣudrataiva sphuṭeyam |

ete tāvadvayaṃ tu sthirataramanasā viśvapīḍāpahatyai

niśśeṣātmānamenaṃ gurupavanapurādhīśamevāśrayāmaḥ || 2 ||

sattvaṃ yattat parābhyāmaparikalanato nirmalaṃ tena tāvat

bhūtairbhūtendriyaiste vapuriti bahuśaḥ śrūyate vyāsavākyam|

tat svacchtvādyadācchāditaparasukhacidgarbhanirbhāsarūpaṃ

tasmin dhanyā ramante śrutimatimadhure sugrahe vigrahe te || 3 ||

niṣkampe nityapūrṇe niravadhiparamānandapīyūṣarūpe

nirlīnānekamuktāvalisubhagatame nirmalabrahmasindhau |

kallolollāsatulyaṃ khalu vimalataraṃ sattvamāhustadātmā

kasmānno niṣkalastvaṃ sakala iti vacastvatkalāsveva bhūman || 4 ||

nirvyāpāro'pi niṣkāraṇamaja bhajase yatkriyāmīkṣaṇākhyāṃ

tenaivodeti līnā prakṛtirasatikalpā'pi kalpādikāle|

tasyāḥ saṃśuddhamaṃśaṃ kamapi tamatirodhāyakaṃ sattvarūpaṃ

sa tvaṃ dhṛtvā dadhāsi svamahimavibhavākuṇṭha vaikuṇṭha rūpaṃ||5||

tatte pratyagradhārādharalalitakalāyāvalīkelikāraṃ

lāvaṇyasyaikasāraṃ sukṛtijanadṛśāṃ pūrṇapuṇyāvatāram|

lakṣmīniśśaṅkalīlānilayanamamṛtasyandasandohamantaḥ

siñcat sañcintakānāṃ vapuranukalaye mārutāgāranātha ||6||

kaṣṭā te sṛṣṭiceṣṭā bahutarabhavakhedāvahā jīvabhājā-

mityevaṃ pūrvamālocitamajita mayā naivamadyābhijāne|

nocejjīvāḥ kathaṃ vā madhurataramidaṃ tvadvapuścidrasārdraṃ

netraiḥ śrotraiśca pītvā paramarasasudhāmbhodhipūre rameran||7||

namrāṇāṃ sannidhatte satatamapi purastairanabhyarthitāna -

pyarthān kāmānajasraṃ vitarati paramānandasāndrāṃ gatiṃ ca|

itthaṃ niśśeṣalabhyo niravadhikaphalaḥ pārijāto hare tvaṃ

kṣudraṃ taṃ śakravāṭīdrumamabhilaṣati vyarthamarthivrajo'yam||8||

kāruṇyātkāmamanyaṃ dadati khalu pare svātmadastvaṃ viśeṣā-

daiśvaryādīśate'nye jagati parajane svātmano'pīśvarastvam|

tvayyuccairāramanti pratipadamadhure cetanāḥ sphītabhāgyā-

stvaṃ cātmārāma evetyatulaguṇagaṇādhāra śaure namaste||9||

aiśvaryaṃ śaṅkarādīśvaraviniyamanaṃ viśvatejoharāṇāṃ

tejassaṃhāri vīryaṃ vimalamapi yaśo nispṛhaiścopagītam|

aṅgāsaṅgā sadā śrīrakhilavidasi na kvāpi te saṅgavārtā

tadvātāgāravāsin murahara bhagavacchabdamukhyāśrayo'si||10||