உத்யத்பாநுஸஹஸ்ரகோடிஸத்ரு'ஶாம் கேயூரஹாரோஜ்ஜ்வலாம்
பிம்போஷ்டீம் ஸ்மிததந்தபங்க்திருசிராம் பீதாம்பராலங்க்ரு'தாம் ।
விஷ்ணுப்ரஹ்மஸுரேந்த்ரஸேவிதபதாம் தத்த்வஸ்வரூபாம் ஶிவாம்
மீநாக்ஷீம் ப்ரணதோऽஸ்மி ஸந்ததமஹம் காருண்யவாராந்நிதிம் ॥ 1 ॥
முக்தாஹாரலஸத்கிரீடருசிராம் பூர்ணேந்துவக்த்ரப்ரபாம்
ஶிஞ்ஜந்நூபுரகிங்கிணீமணிதராம் பத்மப்ரபாபாஸுராம் ।
ஸர்வாபீஷ்டபலப்ரதாம் கிரிஸுதாம் வாணீரமாஸேவிதாம்
மீநாக்ஷீம் ப்ரணதோऽஸ்மி ஸந்ததமஹம் காருண்யவாராந்நிதிம் ॥ 2 ॥
ஶ்ரீவித்யாம் ஶிவவாமபாகநிலயாம் ஹ்ரீங்காரமந்த்ரோஜ்ஜ்வலாம்
ஶ்ரீசக்ராங்கிதபிந்துமத்யவஸதிம் ஶ்ரீமத்ஸபாநாயகீம் ।
ஶ்ரீமத்ஷண்முகவிக்நராஜஜநநீம் ஶ்ரீமஜ்ஜகந்மோஹிநீம்
மீநாக்ஷீம் ப்ரணதோऽஸ்மி ஸந்ததமஹம் காருண்யவாராந்நிதிம் ॥ 3 ॥
ஶ்ரீமத்ஸுந்தரநாயிகாம் பயஹராம் ஜ்ஞாநப்ரதாம் நிர்மலாம்
ஶ்யாமாபாம் கமலாஸநார்சிதபதாம் நாராயணஸ்யாநுஜாம் ।
வீணாவேணும்ரு'தங்கவாத்யரஸிகாம் நாநாவிதாமம்பிகாம்
மீநாக்ஷீம் ப்ரணதோऽஸ்மி ஸந்ததமஹம் காருண்யவாராந்நிதிம் ॥ 4 ॥
நாநாயோகிமுநீந்த்ரஹ்ரு'த்ஸுவஸதீம் நாநார்தஸித்திப்ரதாம்
நாநாபுஷ்பவிராஜிதாங்க்ரியுகலாம் நாராயணேநார்சிதாம் ।
நாதப்ரஹ்மமயீம் பராத்பரதராம் நாநார்ததத்வாத்மிகாம்
மீநாக்ஷீம் ப்ரணதோऽஸ்மி ஸந்ததமஹம் காருண்யவாராந்நிதிம் ॥ 5 ॥
Roman (IAST) Transliteration
udyadbhānusahasrakoṭisadṛśāṃ keyūrahārojjvalāṃ
bimboṣṭhīṃ smitadantapaṅktirucirāṃ pītāmbarālaṅkṛtām |
viṣṇubrahmasurendrasevitapadāṃ tattvasvarūpāṃ śivāṃ
mīnākṣīṃ praṇato'smi santatamahaṃ kāruṇyavārānnidhim || 1 ||
muktāhāralasatkirīṭarucirāṃ pūrṇenduvaktraprabhāṃ
śiñjannūpurakiṅkiṇīmaṇidharāṃ padmaprabhābhāsurām |
sarvābhīṣṭaphalapradāṃ girisutāṃ vāṇīramāsevitāṃ
mīnākṣīṃ praṇato'smi santatamahaṃ kāruṇyavārānnidhim || 2 ||
śrīvidyāṃ śivavāmabhāganilayāṃ hrīṅkāramantrojjvalāṃ
śrīcakrāṅkitabindumadhyavasatiṃ śrīmatsabhānāyakīm |
śrīmatṣaṇmukhavighnarājajananīṃ śrīmajjaganmohinīṃ
mīnākṣīṃ praṇato'smi santatamahaṃ kāruṇyavārānnidhim || 3 ||
śrīmatsundaranāyikāṃ bhayaharāṃ jñānapradāṃ nirmalāṃ
śyāmābhāṃ kamalāsanārcitapadāṃ nārāyaṇasyānujām |
vīṇāveṇumṛdaṅgavādyarasikāṃ nānāvidhāmambikāṃ
mīnākṣīṃ praṇato'smi santatamahaṃ kāruṇyavārānnidhim || 4 ||
nānāyogimunīndrahṛtsuvasatīṃ nānārthasiddhipradāṃ
nānāpuṣpavirājitāṅghriyugalāṃ nārāyaṇenārcitām |
nādabrahmamayīṃ parātparatarāṃ nānārthatatvātmikāṃ
mīnākṣīṃ praṇato'smi santatamahaṃ kāruṇyavārānnidhim || 5 ||