Laghu Stavah — InfoLyter.in

ॐ

லகு ஸ்தவஃ

Laghu Stavah

Tamil

ஐந்த்ரஸ்யேவ ஶராஸநஸ்ய தததீ மத்யேலலாடம் ப்ரபாம்

ஶௌக்லீம் காந்திமநுஷ்ணகோரிவ ஶிரஸ்யாதந்வதீ ஸர்வதஃ ।

ஏஷாஸௌ த்ரிபுரா ஹ்ரு'தி த்யுதிரிவோஷ்ணாம்ஶோஃ ஸதாஹஃ ஸ்திதாத்

சிந்த்யாந்நஃ ஸஹஸா பதைஸ்த்ரிபிரகம் ஜ்யோதிர்மயீ வாங்மயீ ॥ 1 ॥

யா மாத்ரா த்ரபுஸீலதாதநுலஸத்தந்தூத்திதிஸ்பர்திநீ

வாக்பீஜே ப்ரதமே ஸ்திதா தவ ஸதா தாம் மந்மஹே தே வயம் ।

ஶக்திஃ குண்டலிநீதி விஶ்வஜநநவ்யாபாரபத்தோத்யமாஃ

ஜ்ஞாத்வேத்தம் ந புநஃ ஸ்ப்ரு'ஶந்தி ஜநநீகர்பேऽர்பகத்வம் நராஃ ॥ 2 ॥

த்ரு'ஷ்ட்வா ஸம்ப்ரமகாரி வஸ்து ஸஹஸா ஐ ஐ இதி வ்யாஹ்ரு'தம்

யேநாகூதவஶாதபீஹ வரதே பிந்தும் விநாப்யக்ஷரம் ।

தஸ்யாபி த்ருவமேவ தேவி தரஸா ஜாதே தவாநுக்ரஹே

வாசஃஸூக்திஸுதாரஸத்ரவமுசோ நிர்யாந்தி வக்த்ராம்புஜாத் ॥ 3 ॥

யந்நித்யே தவ காமராஜமபரம் மந்த்ராக்ஷரம் நிஷ்கலம்

தத்ஸாரஸ்வதமித்யவைதி விரலஃ கஶ்சித்புதஶ்சேத்புவி ।

ஆக்யாநம் ப்ரதிபர்வ ஸத்யதபஸோ யத்கீர்தயந்தோ த்விஜாஃ

ப்ராரம்பே ப்ரணவாஸ்பதப்ரணயிதாம் நீத்வோச்சரந்தி ஸ்புடம் ॥ 4 ॥

யத்ஸத்யோ வசஸாம் ப்ரவ்ரு'த்திகரணே த்ரு'ஷ்டப்ரபாவம் புதைஃ

தார்தீயம் ததஹம் நமாமி மநஸா த்வத்பீஜமிந்துப்ரபம் ।

அஸ்த்யௌர்வோऽபி ஸரஸ்வதீமநுகதோ ஜாட்யாம்புவிச்சித்தயே

கோஶப்தோ கிரி வர்ததே ஸநியதம் யோகம் விநா ஸித்திதஃ ॥ 5 ॥

ஏகைகம் தவ தேவி பீஜமநகம் ஸவ்யஞ்ஜநாவ்யஞ்ஜநம்

கூடஸ்தம் யதி வா ப்ரு'தக் க்ரமகதம் யத்வா ஸ்திதம் வ்யுத்க்ரமாத் ।

யம் யம் காமமபேக்ஷ்ய யேந விதிநா கேநாபி வா சிந்திதம்

ஜப்தம் வா ஸபலீகரோதி ஸததம் தம் தம் ஸமஸ்தம் ந்ரு'ணாம் ॥ 6 ॥

வாமே புஸ்தகதாரிணீமபயதாம் ஸாக்ஷஸ்ரஜம் தக்ஷிணே

பக்தேப்யோ வரதாநபேஶலகராம் கர்பூரகுந்தோஜ்ஜ்வலாம் ।

உஜ்ஜ்ரு'ம்பாம்புஜபத்ரகாந்திநயநஸ்நிக்தப்ரபாலோகிநீம்

யே த்வாமம்ப ந ஶீலயந்தி மநஸா தேஷாம் கவித்வம் குதஃ ॥ 7 ॥

யே த்வாம் பாண்டுரபுண்டரீகபடலஸ்பஷ்டாபிராமப்ரபாம்

ஸிஞ்சந்தீமம்ரு'தத்ரவைரிவ ஶிரோ த்யாயந்தி மூர்த்நி ஸ்திதாம் ।

அஶ்ராந்தா விகடஸ்புடாக்ஷரபதா நிர்யாதி வக்த்ராம்புஜாத்

தேஷாம் பாரதி பாரதீ ஸுரஸரித்கல்லோலலோலோர்மிவத் ॥ 8 ॥

யே ஸிந்தூரபராகபிஞ்ஜபிஹிதாம் த்வத்தேஜஸாத்யாமிமாம்

உர்வீம் சாபி விலீநயாவகரஸப்ரஸ்தாரமக்நாமிவ ।

பஶ்யந்தி க்ஷணமப்யநந்யமநஸஸ்தேஷாமநங்கஜ்வர-

-க்லாந்தஸ்ரஸ்தகுரங்கஶாபகத்ரு'ஶோ வஶ்யா பவந்தி ஸ்புடம் ॥ 9 ॥

சஞ்சத்காஞ்சநகுண்டலாங்கததராமாபத்தகாஞ்சீஸ்ரஜம்

யே த்வாம் சேதஸி தத்கதே க்ஷணமபி த்யாயந்தி க்ரு'த்வா ஸ்திராம் ।

தேஷாம் வேஶ்மஸு விப்ரமாதஹரஹஃ ஸ்பாரீபவந்த்யஶ்சிரம்

மாத்யத்குஞ்ஜரகர்ணதாலதரலாஃ ஸ்தைர்யம் பஜந்தே ஶ்ரியஃ ॥ 10 ॥

ஆர்பட்யா ஶஶிகண்டமண்டிதஜடாஜூடாம் ந்ரு'முண்டஸ்ரஜம்

பந்தூகப்ரஸவாருணாம்பரதராம் ப்ரேதாஸநாத்யாஸிநீம் ।

த்வாம் த்யாயந்தி சதுர்புஜாம் த்ரிநயநாமாபீநதுங்கஸ்தநீம்

மத்யே நிம்நவலித்ரயாங்கிததநும் த்வத்ரூபஸம்வித்தயே ॥ 11 ॥

ஜாதோऽப்யல்பபரிச்சதே க்ஷிதிபுஜாம் ஸாமாந்யமாத்ரே குலே

நிஃஶேஷாவநிசக்ரவர்திபதவீம் லப்த்வா ப்ரதாபோந்நதஃ ।

யத்வித்யாதர ப்ரு'ந்தவந்திதபதஃ ஶ்ரீவத்ஸராஜோऽபவத்

தேவி த்வச்சரணாம்புஜ ப்ரணதிஜஃ ஸோऽயம் ப்ரஸாதோதயஃ ॥ 12 ॥

சண்டி த்வச்சரணாம்புஜார்சநக்ரு'தே பில்வாதிலோல்லுண்டந-

-த்ருட்யத்கண்டககோடிபிஃ பரிசயம் யேஷாம் ந ஜக்முஃ கராஃ ।

தே தண்டாங்குஶசக்ரசாபகுலிஶஶ்ரீவத்ஸமத்ஸ்யாங்கிதைஃ

ஜாயந்தே ப்ரு'திவீபுஜஃ கதமிவாம்போஜப்ரபைஃ பாணிபிஃ ॥ 13 ॥

விப்ராஃ க்ஷோணிபுஜோ விஶஸ்ததிதரே க்ஷீராஜ்யமத்வாஸவைஃ ।

த்வாம் தேவி த்ரிபுரே பராபரமயீம் ஸந்தர்ப்ய பூஜாவிதௌ ।

யாம் யாம் ப்ரார்தயதே மநஃ ஸ்திரதியாம் தேஷாம் த ஏவ த்ருவம்

தாம் தாம் ஸித்திமவாப்நுவந்தி தரஸா விக்நைரவிக்நீக்ரு'தாஃ ॥ 14 ॥

ஶப்தாநாம் ஜநநீ த்வமத்ர புவநே வாக்வாதிநீத்யுச்யஸே

த்வத்தஃ கேஶவவாஸவ ப்ரப்ரு'தயோऽப்யாவிர்பவந்தி ஸ்புடம் ।

லீயந்தே கலு யத்ர கல்பவிரமே ப்ரஹ்மாதயஸ்தேऽப்யமீ

ஸா த்வம் காசிதசிந்த்யரூபமஹிமா ஶக்திஃ பரா கீயஸே ॥ 15 ॥

தேவாநாம் த்ரிதயம் த்ரயீ ஹுதபுஜாம் ஶக்தித்ரயம் த்ரிஃ ஸ்வராஃ

த்ரைலோக்யம் த்ரிபதீ த்ரிபுஷ்கரமதோ த்ரிப்ரஹ்ம வர்ணாஸ்த்ரயஃ ।

யத்கிஞ்சிஜ்ஜகதி த்ரிதா நியமிதம் வஸ்து த்ரிவர்காதிகம்

தத்ஸர்வம் த்ரிபுரேதி நாம பகவத்யந்வேதி தே தத்த்வதஃ ॥ 16 ॥

லக்ஷ்மீம் ராஜகுலே ஜயாம் ரணபுவி க்ஷேமங்கரீமத்வநி

க்ரவ்யாதத்விபஸர்பபாஜி ஶபரீம் காந்தாரதுர்கே கிரௌ ।

பூதப்ரேதபிஶாசஜம்புகபயே ஸ்ம்ரு'த்வா மஹாபைரவீம்

வ்யாமோஹே த்ரிபுராம் தரந்தி விபதஸ்தாராம் ச தோயப்லவே ॥ 17 ॥

மாயா குண்டலிநீ க்ரியா மதுமதீ காலீ கலாமாலிநீ

மாதங்கீ விஜயா ஜயா பகவதீ தேவீ ஶிவா ஶாம்பவீ ।

ஶக்திஃ ஶங்கரவல்லபா த்ரிநயநா வாக்வாதிநீ பைரவீ

ஹ்ரீங்காரீ த்ரிபுரா பராபரமயீ மாதா குமாரீத்யஸி ॥ 18 ॥

ஆஈபல்லவிதைஃ பரஸ்பரயுதைர்த்வித்ரிக்ரமாத்யக்ஷரை

காத்யைஃ க்ஷாந்தகதைஃ ஸ்வராதிபிரத க்ஷாந்தைஶ்ச தைஃ ஸஸ்வரைஃ ।

நாமாநி த்ரிபுரே பவந்தி கலு யாந்யத்யந்தகுஹ்யாநி தே

தேப்யோ பைரவபத்நி விம்ஶதிஸஹஸ்ரேப்யஃ பரேப்யோ நமஃ ॥ 19 ॥

போத்தவ்யா நிபுணம் புதைஃ ஸ்துதிரியம் க்ரு'த்வா மநஸ்தத்கதம்

பாரத்யாஸ்த்ரிபுரேத்யநந்யமநஸா யத்ராத்யவ்ரு'த்தே ஸ்புடம் ।

ஏகத்வித்ரிபதக்ரமேண கதிதஸ்தத்பாதஸங்க்யாக்ஷரைஃ

மந்த்ரோத்தார விதிர்விஶேஷஸஹிதஃ ஸத்ஸம்ப்ரதாயாந்விதஃ ॥ 20 ॥

ஸாவத்யம் நிரவத்யமஸ்து யதி வா கிம் வாநயா சிந்தயா

நூநம் ஸ்தோத்ரமிதம் படிஷ்யதி ஜநோ யஸ்யாஸ்தி பக்திஸ்த்வயி ।

ஸஞ்சிந்த்யாபி லகுத்வமாத்மநி த்ரு'டம் ஸஞ்ஜாயமாநம் ஹடாத்

த்வத்பக்த்யா முகரீக்ரு'தேந ரசிதம் யஸ்மாந்மயாபி த்ரு'வம் ॥ 21 ॥

இதி ஶ்ரீகாலிதாஸ விரசித பஞ்சஸ்தவ்யாம் ப்ரதமஃ லகுஸ்தவஃ ।

Roman (IAST) Transliteration

aindrasyeva śarāsanasya dadhatī madhyelalāṭaṃ prabhāṃ

śauklīṃ kāntimanuṣṇagoriva śirasyātanvatī sarvataḥ |

eṣāsau tripurā hṛdi dyutirivoṣṇāṃśoḥ sadāhaḥ sthitāt

chindyānnaḥ sahasā padaistribhiraghaṃ jyotirmayī vāṅmayī || 1 ||

yā mātrā trapusīlatātanulasattantūtthitispardhinī

vāgbīje prathame sthitā tava sadā tāṃ manmahe te vayam |

śaktiḥ kuṇḍalinīti viśvajananavyāpārabaddhodyamāḥ

jñātvetthaṃ na punaḥ spṛśanti jananīgarbhe'rbhakatvaṃ narāḥ || 2 ||

dṛṣṭvā sambhramakāri vastu sahasā ai ai iti vyāhṛtaṃ

yenākūtavaśādapīha varade binduṃ vināpyakṣaram |

tasyāpi dhruvameva devi tarasā jāte tavānugrahe

vācaḥsūktisudhārasadravamuco niryānti vaktrāmbujāt || 3 ||

yannitye tava kāmarājamaparaṃ mantrākṣaraṃ niṣkalaṃ

tatsārasvatamityavaiti viralaḥ kaścidbudhaścedbhuvi |

ākhyānaṃ pratiparva satyatapaso yatkīrtayanto dvijāḥ

prārambhe praṇavāspadapraṇayitāṃ nītvoccaranti sphuṭam || 4 ||

yatsadyo vacasāṃ pravṛttikaraṇe dṛṣṭaprabhāvaṃ budhaiḥ

tārtīyaṃ tadahaṃ namāmi manasā tvadbījaminduprabham |

astyaurvo'pi sarasvatīmanugato jāḍyāmbuvicchittaye

gośabdo giri vartate saniyataṃ yogaṃ vinā siddhidaḥ || 5 ||

ekaikaṃ tava devi bījamanaghaṃ savyañjanāvyañjanaṃ

kūṭasthaṃ yadi vā pṛthak kramagataṃ yadvā sthitaṃ vyutkramāt |

yaṃ yaṃ kāmamapekṣya yena vidhinā kenāpi vā cintitaṃ

japtaṃ vā saphalīkaroti satataṃ taṃ taṃ samastaṃ nṛṇām || 6 ||

vāme pustakadhāriṇīmabhayadāṃ sākṣasrajaṃ dakṣiṇe

bhaktebhyo varadānapeśalakarāṃ karpūrakundojjvalām |

ujjṛmbhāmbujapatrakāntinayanasnigdhaprabhālokinīṃ

ye tvāmamba na śīlayanti manasā teṣāṃ kavitvaṃ kutaḥ || 7 ||

ye tvāṃ pāṇḍurapuṇḍarīkapaṭalaspaṣṭābhirāmaprabhāṃ

siñcantīmamṛtadravairiva śiro dhyāyanti mūrdhni sthitām |

aśrāntā vikaṭasphuṭākṣarapadā niryāti vaktrāmbujāt

teṣāṃ bhārati bhāratī surasaritkallolalolormivat || 8 ||

ye sindūraparāgapiñjapihitāṃ tvattejasādyāmimāṃ

urvīṃ cāpi vilīnayāvakarasaprastāramagnāmiva |

paśyanti kṣaṇamapyananyamanasasteṣāmanaṅgajvara-

-klāntasrastakuraṅgaśābakadṛśo vaśyā bhavanti sphuṭam || 9 ||

cañcatkāñcanakuṇḍalāṅgadadharāmābaddhakāñcīsrajaṃ

ye tvāṃ cetasi tadgate kṣaṇamapi dhyāyanti kṛtvā sthirām |

teṣāṃ veśmasu vibhramādaharahaḥ sphārībhavantyaściraṃ

mādyatkuñjarakarṇatālataralāḥ sthairyaṃ bhajante śriyaḥ || 10 ||

ārbhaṭyā śaśikhaṇḍamaṇḍitajaṭājūṭāṃ nṛmuṇḍasrajaṃ

bandhūkaprasavāruṇāmbaradharāṃ pretāsanādhyāsinīm |

tvāṃ dhyāyanti caturbhujāṃ trinayanāmāpīnatuṅgastanīṃ

madhye nimnavalitrayāṅkitatanuṃ tvadrūpasaṃvittaye || 11 ||

jāto'pyalpaparicchade kṣitibhujāṃ sāmānyamātre kule

niḥśeṣāvanicakravartipadavīṃ labdhvā pratāponnataḥ |

yadvidyādhara bṛndavanditapadaḥ śrīvatsarājo'bhavat

devi tvaccaraṇāmbuja praṇatijaḥ so'yaṃ prasādodayaḥ || 12 ||

caṇḍi tvaccaraṇāmbujārcanakṛte bilvādilolluṇṭhana-

-truṭyatkaṇṭakakoṭibhiḥ paricayaṃ yeṣāṃ na jagmuḥ karāḥ |

te daṇḍāṅkuśacakracāpakuliśaśrīvatsamatsyāṅkitaiḥ

jāyante pṛthivībhujaḥ kathamivāmbhojaprabhaiḥ pāṇibhiḥ || 13 ||

viprāḥ kṣoṇibhujo viśastaditare kṣīrājyamadhvāsavaiḥ |

tvāṃ devi tripure parāparamayīṃ santarpya pūjāvidhau |

yāṃ yāṃ prārthayate manaḥ sthiradhiyāṃ teṣāṃ ta eva dhruvaṃ

tāṃ tāṃ siddhimavāpnuvanti tarasā vighnairavighnīkṛtāḥ || 14 ||

śabdānāṃ jananī tvamatra bhuvane vāgvādinītyucyase

tvattaḥ keśavavāsava prabhṛtayo'pyāvirbhavanti sphuṭam |

līyante khalu yatra kalpavirame brahmādayaste'pyamī

sā tvaṃ kācidacintyarūpamahimā śaktiḥ parā gīyase || 15 ||

devānāṃ tritayaṃ trayī hutabhujāṃ śaktitrayaṃ triḥ svarāḥ

trailokyaṃ tripadī tripuṣkaramatho tribrahma varṇāstrayaḥ |

yatkiñcijjagati tridhā niyamitaṃ vastu trivargādikaṃ

tatsarvaṃ tripureti nāma bhagavatyanveti te tattvataḥ || 16 ||

lakṣmīṃ rājakule jayāṃ raṇabhuvi kṣemaṅkarīmadhvani

kravyādadvipasarpabhāji śabarīṃ kāntāradurge girau |

bhūtapretapiśācajambukabhaye smṛtvā mahābhairavīṃ

vyāmohe tripurāṃ taranti vipadastārāṃ ca toyaplave || 17 ||

māyā kuṇḍalinī kriyā madhumatī kālī kalāmālinī

mātaṅgī vijayā jayā bhagavatī devī śivā śāmbhavī |

śaktiḥ śaṅkaravallabhā trinayanā vāgvādinī bhairavī

hrīṅkārī tripurā parāparamayī mātā kumārītyasi || 18 ||

āīpallavitaiḥ parasparayutairdvitrikramādyakṣarai

kādyaiḥ kṣāntagataiḥ svarādibhiratha kṣāntaiśca taiḥ sasvaraiḥ |

nāmāni tripure bhavanti khalu yānyatyantaguhyāni te

tebhyo bhairavapatni viṃśatisahasrebhyaḥ parebhyo namaḥ || 19 ||

boddhavyā nipuṇaṃ budhaiḥ stutiriyaṃ kṛtvā manastadgataṃ

bhāratyāstripuretyananyamanasā yatrādyavṛtte sphuṭam |

ekadvitripadakrameṇa kathitastatpādasaṅkhyākṣaraiḥ

mantroddhāra vidhirviśeṣasahitaḥ satsampradāyānvitaḥ || 20 ||

sāvadyaṃ niravadyamastu yadi vā kiṃ vānayā cintayā

nūnaṃ stotramidaṃ paṭhiṣyati jano yasyāsti bhaktistvayi |

sañcintyāpi laghutvamātmani dṛḍhaṃ sañjāyamānaṃ haṭhāt

tvadbhaktyā mukharīkṛtena racitaṃ yasmānmayāpi dhṛvam || 21 ||

iti śrīkālidāsa viracita pañcastavyāṃ prathamaḥ laghustavaḥ |