1.3 - Vajapeyabrahmanam - Krishna Yajurveda Taittiriya Brahmana Pathah - Devasurah Sam Yatta

ॐ

1.3 - வாஜபேயப்ராஹ்மணம் - க்ரு'ஷ்ண யஜுர்வேத தைத்திரீய ப்ராஹ்மண பாடஃ - தேவாஸுராஃ ஸம் யத்தா

Krishna Tamil

க்ரு'ஷ்ண யஜுர்வேதீய தைத்திரீய ப்ராஹ்மணே ப்ரதமாஷ்டகே த்ரு'தீயஃ ப்ரபாடகஃ - வாஜபேயப்ராஹ்மணம்

ஓ-ந்நமஃ பரமாத்மநே, ஶ்ரீ மஹாகணபதயே நமஃ,

ஶ்ரீ குருப்யோ நமஃ । ஹ॒ரிஃ॒ ஓம் ॥

அநுவாகம் 1 - புநராதேயஶேஷஃ ஆஜ்யபாகயோர்விஶேஷஃ

தே॒வா॒ஸு॒ரா-ஸ்ஸம்-யँ॑த்தா ஆஸந்ந் । தே தே॒வா வி॑ஜ॒ய-மு॑ப॒யந்தஃ॑ । அ॒க்நீஷோம॑யோ-ஸ்தேஜ॒ஸ்விநீ᳚ஸ்த॒நூ-ஸ்ஸ-ந்ந்ய॑ததத । இ॒தமு॑ நோ பவிஷ்யதி । யதி॑ நோ ஜே॒ஷ்யந்தீதி॑ । தேநா॒க்நீஷோமா॒-வபா᳚க்ராமதாம் । தே தே॒வா வி॒ஜித்ய॑ । அ॒க்நீஷோமா॒-வந்வை᳚ச்சந்ந் । தே᳚-ऽக்நி-மந்வ॑விந்த-ந்ந்ரு'॒துஷூ-த்ஸ॑ந்நம் । தஸ்ய॒ விப॑க்தீபி-ஸ்தேஜ॒ஸ்விநீ᳚ஸ்த॒நூ-ரவா॑ருந்தத ॥ 1 ॥

தே ஸோம॒-மந்வ॑விந்தந்ந் । தம॑க்நந்ந் । தஸ்ய॑ யதா-ऽபி॒ஜ்ஞாய॑-ந்த॒நூ-ர்வ்ய॑க்ரு'ஹ்ணத । தே க்ரஹா॑ அபவந்ந் । த-த்க்ரஹா॑ணா-ங்க்ரஹ॒த்வம் । யஸ்யை॒வம்-விँ॒துஷோ॒ க்ரஹா॑ க்ரு'॒ஹ்யந்தே᳚ । தஸ்ய॒ த்வே॑வ க்ரு'॑ஹீ॒தாஃ ॥ நாநா᳚க்நேய-ம்புநரா॒தேயே॑ குர்யாத் । யதநா᳚க்நேய-ம்புநரா॒தேயே॑ கு॒ர்யாத் । வ்ய்ரு'॑த்தமே॒வ தத் ॥ 2 ॥

அநா᳚க்நேயம்॒-வாँ ஏ॒த-த்க்ரி॑யதே । ய-த்ஸ॒மித॒-ஸ்தநூ॒நபா॑தமி॒டோ ப॒ர்॒ஹி-ர்ய॑ஜதி ॥ உ॒பாவா᳚க்நே॒யா-வாஜ்ய॑பாகௌ ஸ்யாதாம் ॥ அநா᳚ஜ்யபாகௌ-பவத॒ இத்யா॑ஹுஃ । யது॒பாவா᳚க்நே॒யாவ॒ந்வஞ்சா॒விதி॑ । அ॒க்நயே॒ பவ॑மாநா॒யோத்த॑ர-ஸ்ஸ்யாத் । ய-த்பவ॑மாநாய । தேநாஜ்ய॑ பாகஃ । தேந॑ ஸௌ॒ம்யஃ ॥ புத॑ந்வத்யாக்நே॒ய-ஸ்யாஜ்ய॑-பாகஸ்ய புரோ-ऽநுவா॒க்யா॑ பவதி ॥ 3 ॥

யதா॑ ஸு॒ப்த-ம்போ॒தய॑தி । தா॒த்ரு'கே॒வ தத் ॥ அ॒க்நிந்ய॑க்தாஃ பத்நீ ஸம்யாँ॒ஜாநா॒ம்ரு'சஃ॑ ஸ்யுஃ । தேநா᳚க்நே॒யக்ம் ஸர்வ॑-ம்பவதி ॥ ஏ॒க॒தா தே॑ஜ॒ஸ்விநீ᳚-ந்தே॒வதா॒-முபை॒தீத்யா॑ஹுஃ । ஸைந॑மீஶ்வ॒ரா ப்ர॒தஹ॒ இதி॑ ॥ நேதி॑ ப்ரூயாத் । ப்ர॒ஜந॑நம்॒-வாँ அ॒க்நிஃ । ப்ர॒ஜந॑ந-மே॒வோபை॒தீதி॑ ॥ க்ரு'॒தய॑ஜு॒-ஸ்ஸம்ப்ரு'॑த ஸம்பார॒ இத்யா॑ஹுஃ ॥ 4 ॥

ந ஸ॒ப்ரு'ந்த்யா᳚-ஸ்ஸம்பா॒ராஃ । ந யஜுஃ॑ கா॒ர்ய॑மிதி॑ ॥ அதோ॒ கலு॑ । ஸ॒ப்ரு'ந்த்யா॑ ஏ॒வ ஸ॑பாம்॒ராஃ । கா॒ர்யம்॑-யँஜுஃ॑ । பு॒ந॒ரா॒தேய॑ஸ்ய॒ ஸம்ரு'॑த்த்யை ॥ தேநோ॑பா॒க்ம்॒ஶு ப்ரச॑ரதி । ஏஷ்ய॑ இவ॒ வா ஏ॒ஷஃ । ய-த்பு॑ந-ரா॒தேயஃ॑ । யதோ॑பா॒க்ம்॒ஶு ந॒ஷ்டமி॒ச்சதி॑ ॥ 5 ॥

தா॒த்ரு'கே॒வ தத் ॥ உ॒ச்சை-ஸ்ஸ்வி॑ஷ்ட॒க்ரு'த॒மு-த்ஸ்ரு'॑ஜதி । யதா॑ ந॒ஷ்டம்-விँ॒த்வா ப்ராஹா॒யமிதி॑ । தா॒த்ரு'கே॒வ தத் ॥ ஏ॒க॒தா தே॑ஜ॒ஸ்விநீ᳚-ந்தே॒வதா॒முபை॒தீத்யா॑ஹுஃ । ஸைந॑மீஶ்வ॒ரா ப்ர॒தஹ॒ இதி॑ । தத்ததா॒ நோபை॑தி । ப்ர॒யா॒ஜா॒நூ॒யா॒ஜேஷ்வே॒வ விப॑க்தீஃ குர்யாத் । ய॒தா॒பூ॒ர்வ-மாஜ்ய॑பாகௌ॒ ஸ்யாதா᳚ம் । ஏ॒வ-ம்ப॑த்நீ ஸம்யாँ॒ஜாஃ ॥ 6 ॥

த-த்வை᳚ஶ்வாந॒ரவ॑த்-ப்ர॒ஜந॑நவத்தர॒-முபை॒தீதி॑ ॥ ததா॑ஹுஃ । வ்ய்ரு'॑த்தம்॒-வாँ ஏ॒தத் । அநா᳚க்நேயம்॒-வாँ ஏ॒த-த்க்ரி॑யத॒ இதி॑ ॥ நேதி॑ ப்ரூயாத் । அ॒க்நி-ம்ப்ர॑த॒மம்-விँப॑க்தீநாம்-யँஜதி । அ॒க்நிமு॑த்த॒ம-ம்ப॑த்நீ ஸம்யாँ॒ஜாநா᳚ம் । தேநா᳚க்நே॒யம் । தேந॒ ஸம்ரு'॑த்த-ங்க்ரியத॒ இதி॑ ॥ 7 ॥

(அ॒ரு॒ந்த॒ - தை॒வ த-த்- ப॑வதி॒ - ஸம்ப்ரு'॑தஸம்பார॒ இத்யா॑ஹு - ரி॒ச்சதி॑ - பத்நீஸம்யாँ॒ஜா - +நவ॑ ச) ( ஆ1)

அநுவாகம் 2 - வாஜபேயஸ்ய விதிஃ

தே॒வா வை யதா॒தர்ஶம்॑-யँ॒ஜ்ஞாநாஹ॑ரந்த । யோ᳚-ऽக்நிஷ்டோ॒மம் । ய உ॒க்த்ய᳚ம் । யோ॑-ऽதிரா॒த்ரம் । தே ஸ॒ஹைவ ஸர்வே॑ வாஜ॒பேய॑-மபஶ்யந்ந் । தே । அ॒ந்யோ᳚ந்யஸ்மை॒ நாதி॑ஷ்டந்த । அ॒ஹம॒நேந॑ யஜா॒ இதி॑ । தே᳚-ऽப்ருவந்ந் । ஆ॒ஜிம॒ஸ்ய தா॑வா॒மேதி॑ ॥ 8 ॥

தஸ்மி॑-ந்நா॒ஜிம॑தாவந்ந் । த-ம்ப்ரு'ஹ॒ஸ்பதி॒-ருத॑ஜயத் । தேநா॑யஜத । ஸ ஸ்வாரா᳚ஜ்ய-மகச்சத் । தமிந்த்ரோ᳚-ऽப்ரவீத் । மாம॒நேந॑ யாஜ॒யேதி॑ । தேநேந்த்ர॑-மயாஜயத் । ஸோ-ऽக்ர॑-ந்தே॒வதா॑நா॒-ம்பர்யை᳚த் । அக॑ச்ச॒-த்ஸ்வாரா᳚ஜ்யம் । அதி॑ஷ்டந்தாஸ்மை॒ ஜ்யைஷ்ட்யா॑ய ॥ 9 ॥

ய ஏ॒வம்-விँ॒த்வாந். வா॑ஜ॒பேயே॑ந॒ யஜ॑தே । கச்ச॑தி॒ ஸ்வாரா᳚ஜ்யம் । அக்ரக்ம்॑ ஸமா॒நாநா॒-ம்பர்யே॑தி । திஷ்ட॑ந்தே-ऽஸ்மை॒ ஜ்யைஷ்ட்யா॑ய ॥ ஸ வா ஏ॒ஷ ப்ரா᳚ஹ்ம॒ணஸ்ய॑ சை॒வ ரா॑ஜ॒ந்ய॑ஸ்ய ச ய॒ஜ்ஞஃ ॥ தம்-வாँ ஏ॒தம்-வாँ॑ஜ॒பேய॒ இத்யா॑ஹுஃ । வா॒ஜாப்யோ॒ வா ஏ॒ஷஃ । வாஜ॒க்க்॒ ஹ்யே॑தேந॑ தே॒வா ஐப்ஸந்ந்॑ ॥ ஸோமோ॒ வை வா॑ஜ॒பேயஃ॑ । யோ வை ஸோமம்॑-வாँஜ॒பேயம்॒-வேँத॑ ॥ 10 ॥

வா॒ஜ்யே॑வைந॑-ம்பீ॒த்வா ப॑வதி । ஆ-ऽஸ்ய॑ வா॒ஜீ ஜா॑யதே ॥ அந்நம்॒-வைँ வா॑ஜ॒பேயஃ॑ । ய ஏ॒வம்-வேँத॑ । அத்த்யந்ந᳚ம் । ஆ-ऽஸ்யா᳚ந்நா॒தோ ஜா॑யதே ॥ ப்ரஹ்ம॒ வை வா॑ஜ॒பேயஃ॑ । ய ஏ॒வம்-வேँத॑ । அத்தி॒ ப்ரஹ்ம॒ணா-ऽந்ந᳚ம் । ஆ-ऽஸ்ய॑ ப்ர॒ஹ்மா ஜா॑யதே ॥ 11 ॥

வாக்வை வாஜ॑ஸ்ய ப்ரஸ॒வஃ । ய ஏ॒வம்-வேँத॑ । க॒ரோதி॑ வா॒சா வீ॒ர்ய᳚ம் । ஐநம்॑-வாँ॒சா க॑ச்சதி । அபி॑வதீம்॒-வாँசம்॑-வँததி ॥ ப்ர॒ஜாப॑தி-ர்தே॒வேப்யோ॑ ய॒ஜ்ஞாந் வ்யாதி॑ஶத் । ஸ ஆ॒த்மந் வா॑ஜ॒பேய॑-மதத்த । த-ந்தே॒வா அ॑ப்ருவந்ந் । ஏ॒ஷ வாவ ய॒ஜ்ஞஃ । ய-த்வா॑ஜ॒பேயஃ॑ ॥ 12 ॥

அப்யே॒வ நோ-ऽத்ரா॒ஸ்த்விதி॑ । தேப்ய॑ ஏ॒தா உஜ்ஜி॑தீஃ॒ ப்ராய॑ச்சத் ॥ தா வா ஏ॒தா உஜ்ஜி॑தயோ॒ வ்யாக்யா॑யந்தே । ய॒ஜ்ஞஸ்ய॑ ஸர்வ॒த்வாய॑ । தே॒வதா॑நா॒-மநி॑ர்பாகாய ॥ தே॒வா வை ப்ரஹ்ம॑ண॒ஶ்சாந்ந॑ஸ்ய ச॒ ஶம॑ல॒மபா᳚க்நந்ந் । ய-த்ப்ரஹ்ம॑ண॒-ஶ்ஶம॑ல॒மாஸீ᳚த் । ஸா காதா॑ நாராஶ॒க்க்॒ஸ்ய॑ பவத் । யதந்ந॑ஸ்ய । ஸா ஸுரா᳚ ॥ 13 ॥

தஸ்மா॒-த்காய॑தஶ்ச ம॒த்தஸ்ய॑ ச॒ ந ப்ர॑தி॒க்ரு'ஹ்ய᳚ம் । ய-த்ப்ர॑திக்ரு'ஹ்ணீ॒யாத் । ஶம॑ல॒-ம்ப்ரதி॑க்ரு'ஹ்ணீயாத் ॥ ஸர்வா॒ வா ஏ॒தஸ்ய॒ வாசோ ऽவ॑ருத்தாஃ । யோ வா॑ஜபேயயா॒ஜீ । யா ப்ரு'॑தி॒வ்யாம்-யாँ-ऽக்நௌ யா ர॑தந்த॒ரே । யா-ऽந்தரி॑க்ஷே॒ யா வா॒யௌ யா வா॑மதே॒வ்யே । யா தி॒வி யா-ऽऽதி॒த்யே யா ப்ரு'॑ஹ॒தி । யா-ऽப்ஸு யௌஷ॑தீஷு॒ யா வந॒ஸ்பதி॑ஷு ॥ தஸ்மா᳚-த்வாஜபேயயா॒ஜ்யார்த்வி॑ஜீநஃ । ஸர்வா॒ ஹ்ய॑ஸ்ய॒ வாசோ ऽவ॑ருத்தாஃ ॥ 14 ॥

(தா॒வா॒மேதி॒ - ஜ்யைஷ்ட்யா॑ய॒ - வேத॑ - ப்ர॒ஹ்மா ஜா॑யதே-வாஜ॒பேயஃ॒-ஸுரா-ऽऽர்த்வி॑ஜீந॒ ஏகம்॑ ச ) (அ. 2)

அநுவாகம் 3 - தஸ்யக்ரஹவிஶேஷாஃ

தே॒வா வை யத॒ந்யை-ர்க்ரஹை᳚-ர்ய॒ஜ்ஞஸ்ய॒ நாவாரு॑ந்தத । தத॑திக்ரா॒ஹ்யை॑-ரதி॒க்ரு'ஹ்யா-வா॑ருந்தத । தத॑திக்ரா॒ஹ்யா॑ணா-மதிக்ராஹ்ய॒த்வம் ॥ யத॑திக்ரா॒ஹ்யா॑ க்ரு'॒ஹ்யந்தே᳚ । யதே॒வாந்யை-ர்க்ரஹை᳚-ர்ய॒ஜ்ஞஸ்ய॒ நாவ॑ரு॒ந்தே । ததே॒வ தைர॑தி॒க்ரு'ஹ்யா-வ॑ருந்தே ॥ பஞ்ச॑ க்ரு'ஹ்யந்தே । பாங்க்தோ॑ ய॒ஜ்ஞஃ । யாவா॑நே॒வ ய॒ஜ்ஞஃ । தமா॒ப்த்வா ऽவ॑ருந்தே ॥ 15 ॥

ஸர்வ॑ ஐ॒ந்த்ரா ப॑வந்தி । ஏ॒க॒தைவ யஜ॑மாந இந்த்ரி॒ய-ந்த॑ததி ॥ ஸ॒ப்தத॑ஶ ப்ராஜாப॒த்யா க்ரஹா॑ க்ரு'ஹ்யந்தே । ஸ॒ப்த॒த॒ஶஃ ப்ர॒ஜாப॑திஃ । ப்ர॒ஜாப॑தே॒-ராப்த்யை᳚ ॥ ஏக॑ய॒ர்சா க்ரு'॑ஹ்ணாதி । ஏ॒க॒தைவ யஜ॑மாநே வீ॒ர்ய॑-ந்ததாதி ॥ ஸோ॒ம॒க்ர॒ஹாக்ஶ்ச॑ ஸுராக்ர॒ஹாக்ஶ்ச॑ க்ரு'ஹ்ணாதி । ஏ॒த-த்வை தே॒வாநா᳚-ம்பர॒மமந்ந᳚ம் । ய-த்ஸோமஃ॑ ॥ 16 ॥

ஏ॒த-ந்ம॑நு॒ஷ்யா॑ணாம் । ய-த்ஸுரா᳚ । ப॒ர॒மேணை॒வாஸ்மா॑ அ॒ந்நாத்யே॒நாவ॑ர-ம॒ந்நாத்ய॒-மவ॑ருந்தே ॥ ஸோ॒ம॒க்ர॒ஹா-ந்க்ரு'॑ஹ்ணாதி । ப்ரஹ்ம॑ணோ॒ வா ஏ॒த-த்தேஜஃ॑ । ய-த்ஸோமஃ॑ । ப்ரஹ்ம॑ண ஏ॒வ தேஜ॑ஸா॒ தேஜோ॒ யஜ॑மாநே ததாதி । ஸு॒ரா॒க்ர॒ஹா-ந்க்ரு'॑ஹ்ணாதி । அந்ந॑ஸ்ய॒ வா ஏ॒தச்சம॑லம் । ய-த்ஸுரா᳚ ॥ 17 ॥

அந்ந॑ஸ்யை॒வ ஶம॑லேந॒ ஶம॑லம்॒-யँஜ॑மாநா॒-தப॑ஹந்தி ॥ ஸோ॒ம॒க்ர॒ஹாக்ஶ்ச॑ ஸுராக்ர॒ஹாக்ஶ்ச॑ க்ரு'ஹ்ணாதி । புமா॒ந்॒. வை ஸோமஃ॑ । ஸ்த்ரீ ஸுரா᳚ । த-ந்மி॑து॒நம் । மி॒து॒நமே॒வாஸ்ய॒ த-த்ய॒ஜ்ஞே க॑ரோதி ப்ர॒ஜந॑நாய । ஆ॒த்மாந॑மே॒வ ஸோ॑மக்ர॒ஹை-ஸ்ஸ்ப்ரு'॑ணோதி । ஜா॒யாக்ம் ஸு॑ரா க்ர॒ஹைஃ । தஸ்மா᳚-த்வாஜபேயயா॒ஜ்ய॑முஷ்மி॑ँல்லோ॒கே ஸ்த்ரிய॒க்ம்॒ ஸம்ப॑வதி । வா॒ஜ॒பேயா॑-பிஜித॒க்க்॒ ஹ்ய॑ஸ்ய ॥ 18 ॥

பூர்வே॑ ஸோமக்ர॒ஹா க்ரு'॑ஹ்யந்தே । அப॑ரே ஸுராக்ர॒ஹாஃ । பு॒ரோ॒க்ஷக்ம் ஸோ॑மக்ர॒ஹாந்த்- ஸா॑தயதி । ப॒ஶ்சா॒த॒க்ஷக்ம் ஸு॑ராக்ர॒ஹாந் । பா॒ப॒வ॒ஸ்ய॒ஸஸ்ய॒ வித்ரு'॑த்யை ॥ ஏ॒ஷ வை யஜ॑மாநஃ । ய-த்ஸோமஃ॑ । அந்ந॒க்ம்॒ ஸுரா᳚ । ஸோ॒ம॒க்ர॒ஹாக்ஶ்ச॑ ஸுராக்ர॒ஹாக்ஶ்ச॒ வ்யதி॑ஷஜதி । அ॒ந்நாத்யே॑நை॒வைநம்॒-வ்யँதி॑ஷஜதி ॥ 19 ॥

ஸ॒ப்ரு'ஞ்சஃ॑ ஸ்த॒ ஸ-ம்மா॑ ப॒த்ரேண॑ ப்ரு'॒ங்க்தேத்யா॑ஹ । அந்நம்॒-வைँ ப॒த்ரம் । அ॒ந்நாத்யே॑நை॒வைந॒க்ம்॒ ஸக்ம்ஸ்ரு'॑ஜதி ॥ அந்ந॑ஸ்ய॒ வா ஏ॒தச்சம॑லம் । ய-த்ஸுரா᳚ । பா॒ப்மெவ॒ கலு॒ வை ஶம॑லம் । பா॒ப்மநா॒ வா ஏ॑நமே॒தச்சம॑லேந॒ வ்யதி॑ஷஜதி । ய-த்ஸோ॑மக்ர॒ஹாக்ஶ்ச॑ ஸுராக்ர॒ஹாக்ஶ்ச॑ வ்யதி॒ஷஜ॑தி ॥ வி॒ப்ரு'சஃ॑ ஸ்த॒ வி மா॑ பா॒ப்மநா॑ ப்ரு'॒ங்க்தேத்யா॑ஹ । பா॒ப்மநை॒வைந॒க்ம்॒ ஶம॑லேந॒ வ்யாவ॑ர்தயதி ॥ 20 ॥

தஸ்மா᳚-த்வாஜபேயயா॒ஜீ பூ॒தோ மேத்த்யோ॑ தக்ஷி॒ண்யஃ॑ ॥ ப்ராம்உ-த்த்ர॑வதி ஸோமக்ர॒ஹைஃ । அ॒முமே॒வ தை-ர்லோ॒க-ம॒பிஜ॑யதி । ப்ர॒த்யங்க்ஸு॑ரா க்ர॒ஹைஃ । இ॒மமே॒வ தை-ர்லோ॒க-ம॒பிஜ॑யதி ॥ ப்ரதி॑ஷ்டந்தி ஸோமக்ர॒ஹைஃ । யாவ॑தே॒வ ஸ॒த்யம் । தேந॑ ஸூயதே ॥ வா॒ஜ॒ஸ்ரு'த்ப்யஃ॑ ஸுராக்ர॒ஹாந். ஹ॑ரந்தி । அந்ரு'॑தேநை॒வ விஶ॒க்ம்॒ ஸக்ம்ஸ்ரு'॑ஜதி ॥ ஹி॒ர॒ண்ய॒பா॒த்ர-ம்மதோஃ᳚ பூ॒ர்ண-ந்த॑தாதி । ம॒த॒வ்யோ॑-ऽஸா॒நீதி॑ ॥ ஏ॒க॒தா ப்ர॒ஹ்மண॒ உப॑ ஹரதி । ஏ॒க॒தைவ யஜ॑மாந॒ ஆயு॒ஸ்தேஜோ॑ ததாதி ॥ 21 ॥

(ஆ॒ப்த்வா-ऽவ॑ருந்தே॒ - ஸோமஃ॒ - ஶம॑லம்॒-யँ-த்ஸுரா॒ - ஹ்ய॑-ஸ்யைநம்॒-வ்யँதி॑ஷஜதி॒ - வ்யாவ॑ர்தயதி - ஸ்ரு'ஜதி ச॒த்வாரி॑ ச ) (அ. 3)

அநுவாகம் 4 - பஶவ-ஸ்ஸப்ததஶ

ப்ர॒ஹ்ம॒வா॒திநோ॑ வதந்தி । நாக்நி॑ஷ்டோ॒மோ நோக்த்யஃ॑ । ந ஷோ॑ட॒ஶீ நாதி॑ரா॒த்ரஃ । அத॒ கஸ்மா᳚-த்வாஜ॒பேயே॒ ஸர்வே॑ யஜ்ஞக்ர॒தவோ-ऽவ॑ருத்த்யந்த॒ இதி॑ । ப॒ஶுபி॒ரிதி॑ ப்ரூயாத் ॥ ஆ॒க்நே॒ய-ம்ப॒ஶுமால॑பதே । அ॒க்நி॒ஷ்டோ॒மமே॒வ தேநாவ॑ருந்தே । ஐ॒ந்த்ரா॒க்நேநோ॒க்த்ய᳚ம் । ஐ॒ந்த்ரேண॑ ஷோட॒ஶிநஃ॑ ஸ்தோ॒த்ரம் । ஸா॒ர॒ஸ்வ॒த்யா-ऽதி॑ரா॒த்ரம் ॥ 22 ॥

மா॒ரு॒த்யா ப்ரு'॑ஹ॒த-ஸ்ஸ்தோ॒த்ரம் । ஏ॒தாவ॑ந்தோ॒ வை ய॑ஜ்ஞக்ர॒தவஃ॑ । தா-ந்ப॒ஶுபி॑ரே॒வா-வ॑ருந்தே ॥ ஆ॒த்மாந॑மே॒வ ஸ்ப்ரு'॑ணோ-த்யக்நிஷ்டோ॒மேந॑ । ப்ரா॒ணா॒பா॒நா-வு॒க்த்யே॑ந । வீ॒ர்யக்ம்॑ ஷோட॒ஶிநஃ॑ ஸ்தோ॒த்ரேண॑ । வாச॑-மதிரா॒த்ரேண॑ । ப்ர॒ஜா-ம்ப்ரு'॑ஹ॒த-ஸ்ஸ்தோ॒த்ரேண॑ । இ॒மமே॒வ லோ॒கம॒பி ஜ॑யத்யக்நிஷ்டோ॒மேந॑ । அ॒ந்தரி॑க்ஷ-மு॒க்த்யே॑ந ॥ 23 ॥

ஸு॒வ॒ர்கம்-லோँ॒கக்ம் ஷோ॑ட॒ஶிநஃ॑ ஸ்தோ॒த்ரேண॑ । தே॒வ॒யாநா॑நே॒வ ப॒த ஆரோ॑ஹ-த்யதிரா॒த்ரேண॑ । நாகக்ம்॑ ரோஹதி ப்ரு'ஹ॒த-ஸ்ஸ்தோ॒த்ரேண॑ । தேஜ॑ ஏ॒வாத்ம-ந்த॑த்த ஆக்நே॒யேந॑ ப॒ஶுநா᳚ । ஓஜோ॒ பல॑மைந்த்ரா॒க்நேந॑ । இ॒ந்த்ரி॒ய-மை॒ந்த்ரேண॑ । வாசக்ம்॑ ஸாரஸ்வ॒த்யா । உ॒பாவே॒வ தே॑வலோ॒க-ஞ்ச॑ மநுஷ்யலோ॒க-ஞ்சா॒பிஜ॑யதி மாரு॒த்யா வ॒ஶயா᳚ ॥ ஸ॒ப்தத॑ஶ ப்ராஜாப॒த்யா-ந்ப॒ஶூநால॑பதே । ஸ॒ப்த॒த॒ஶஃ ப்ர॒ஜாப॑திஃ ॥ 24 ॥

ப்ர॒ஜாப॑தே॒ராப்த்யை᳚ ॥ ஶ்யா॒மா ஏக॑ரூபா பவந்தி । ஏ॒வமி॑வ॒ ஹி ப்ர॒ஜாப॑தி॒-ஸ்ஸம்ரு'॑த்த்யை ॥ தா-ந்பர்ய॑க்நிக்ரு'தா॒-நுத்ஸ்ரு'॑ஜதி ॥ ம॒ருதோ॑ ய॒ஜ்ஞம॑ஜிகாக்ம்ஸ-ந்ப்ர॒ஜாப॑தேஃ । தேப்ய॑ ஏ॒தா-ம்மா॑ரு॒தீம்-வँ॒ஶாமால॑பத । தயை॒வைநா॑-நஶமயத் ॥ மா॒ரு॒த்யா ப்ர॒சர்ய॑ । ஏ॒தாந்-த்ஸஞ்ஜ்ஞ॑பயேத் । ம॒ருத॑ ஏ॒வ ஶ॑மயி॒த்வா ॥ 25 ॥

ஏ॒தைஃ ப்ரச॑ரதி । ய॒ஜ்ஞஸ்யாகா॑தாய ॥ ஏ॒க॒தா வ॒பா ஜு॑ஹோதி । ஏ॒க॒தே॒வ॒த்யா॑ ஹி । ஏ॒தே । அதோ॑ ஏக॒தைவ யஜ॑மாநே வீ॒ர்ய॑-ந்ததாதி ॥ நை॒வா॒ரேண॑ ஸ॒ப்தத॑ஶஶராவே-ணை॒தர்ஹி॒ ப்ரச॑ரதி । ஏ॒த-த்பு॑ரோடாஶா॒ ஹ்யே॑தே । அதோ॑ பஶூ॒நாமே॒வ சி॒த்ரமபி॑ததாதி ॥ ஸா॒ர॒ஸ்வ॒த்யோத்த॒மயா॒ ப்ரச॑ரதி । வாக் வை ஸர॑ஸ்வதீ । தஸ்மா᳚-த்ப்ரா॒ணாநாம்॒-வாँகு॑த்த॒மா । அதோ᳚ ப்ர॒ஜாப॑தாவே॒வ ய॒ஜ்ஞ-ம்ப்ரதி॑ஷ்டாபயதி । ப்ர॒ஜாப॑தி॒ர்॒ ஹி வாக் ॥ அப॑ந்நததீ பவதி । தஸ்மா᳚-ந்மநு॒ஷ்யா᳚-ஸ்ஸர்வாம்॒-வாँசம்॑-வँதந்தி ॥ 26 ॥

(அ॒தி॒ரா॒த்ர - ம॒ந்தரி॑க்ஷமு॒க்த்யே॑ந - ப்ர॒ஜாப॑திஃ - ஶமயி॒த்வோத் - த॒மயா॒ ப்ரச॑ரதி॒ ஷட் ச॑) (அ. 4)

அநுவாகம் 5 - ரதயாஜநம்

ஸா॒வி॒த்ர-ஞ்ஜு॑ஹோதி॒ கர்ம॑ணஃ கர்மணஃ பு॒ரஸ்தா᳚த் ॥ கஸ்த-த்வே॒தேத்யா॑ஹுஃ । ய-த்வா॑ஜ॒பேய॑ஸ்ய॒ பூர்வம்॒-யँதப॑ர॒மிதி॑ । ஸ॒வி॒த்ரு'ப்ர॑ஸூத ஏ॒வ ய॑தாபூ॒ர்வ-ங்கர்மா॑ணி கரோதி ॥ ஸவ॑நே ஸவநே ஜுஹோதி । ஆ॒க்ரம॑ணமே॒வ த-த்ஸேதும்॒-யँஜ॑மாநஃ குருதே । ஸு॒வ॒ர்கஸ்ய॑ லோ॒கஸ்ய॒ ஸம॑ஷ்ட்யை ॥ வா॒சஸ்பதி॒-ர்வாச॑ம॒த்ய ஸ்வ॑தாதி ந॒ இத்யா॑ஹ । வாக்வை தே॒வாநா᳚-ம்பு॒ரா-ऽந்ந॑மாஸீத் । வாச॑மே॒வாஸ்மா॒ அந்நக்க்॑ ஸ்வதயதி ॥ 27 ॥

இந்த்ர॑ஸ்ய॒ வஜ்ரோ॑-ऽஸி॒ வார்த்ர॑க்ந॒ இதி॒ ரத॑மு॒பாவ॑ஹரதி॒ விஜி॑த்யை ॥ வாஜ॑ஸ்ய॒ நு ப்ர॑ஸ॒வே மா॒தர॑-ம்ம॒ஹீமித்யா॑ஹ । யச்சை॒வேயம் । யச்சா॒ஸ்யாமதி॑ । ததே॒வா-வ॑ருந்தே । அதோ॒ தஸ்மி॑ந்நே॒வோபயே॒-ऽபிஷி॑ச்யதே ॥ அ॒ப்ஸ்வ॑ந்தர॒-ம்ரு'த॑ம॒ப்ஸு பே॑ஷ॒ஜமித்யஶ்வா᳚-ந்பல்பூலயதி । அ॒ப்ஸு வா அஶ்வ॑ஸ்ய॒ த்ரு'தீ॑ய॒-ம்ப்ரவி॑ஷ்டம் । தத॑நு॒வேந॒ந்வவ॑ப்லவதே । யத॒ப்ஸு ப॑ல்பூ॒லய॑தி ॥ 28 ॥

யதே॒வாஸ்யா॒ப்ஸு ப்ரவி॑ஷ்டம் । ததே॒வாவ॑ருந்தே ॥ ப॒ஹு வா அஶ்வோ॑-ऽமே॒த்த்ய-முப॑கச்சதி । யத॒ப்ஸு ப॑ல்பூ॒லய॑தி । மேத்த்யா॑நே॒வைநா᳚ந் கரோதி ॥ வா॒யுர்வா᳚ த்வா॒ மநு॑ர்வா॒ த்வேத்யா॑ஹ । ஏ॒தா வா ஏ॒த-ந்தே॒வதா॒ அக்ரே॒ அஶ்வ॑மயுஞ்ஜந்ந் । தாபி॑ரே॒வைநாந்॑. யுநக்தி । ஸ॒வஸ்யோஜ்ஜி॑த்யை ॥ யஜு॑ஷா யுநக்தி॒ வ்யாவ்ரு'॑த்த்யை ॥ 29 ॥

அபா᳚-ந்ந பாதாஶுஹேம॒ந்நிதி॒ ஸம்மா᳚ர்ஷ்டி । மேத்த்யா॑நே॒வைநா᳚ந் கரோதி । அதோ॒ ஸ்தௌத்யே॒வைநா॑நா॒ஜிக்ம் ஸ॑ரிஷ்ய॒தஃ ॥ வி॒ஷ்ணு॒ க்ர॒மாந் க்ர॑மதே । விஷ்ணு॑ரே॒வ பூ॒த்வேமாँல்லோ॒கா-ந॒பிஜ॑யதி ॥ வை॒ஶ்வ॒தே॒வோ வை ரதஃ॑ । அ॒ங்கௌ ந்ய॒ங்காவ॒பிதோ॒ ரதம்॒-யாँவித்யா॑ஹ । யா ஏ॒வ தே॒வதா॒ ரதே॒ ப்ரவி॑ஷ்டாஃ । தாப்ய॑ ஏ॒வ நம॑ஸ்கரோதி । ஆ॒த்மநோ-ऽநா᳚ர்த்யை ॥ அஶ॑மரத-ம்பாவுகோ-ऽஸ்ய॒ ரதோ॑ பவதி । ய ஏ॒வம்-வேँத॑ ॥ 30 ॥

(ஸ்வ॒த॒ய॒தி॒ - ப॒ல்பூ॒லய॑தி॒ - வ்யாவ்ரு'॑த்த்யா॒ - அநா᳚ர்த்யை॒ த்வே ச॑) (அ. 5)

அநுவாகம் 6 - ரததாவநம்

தே॒வஸ்யா॒ஹக்ம் ஸ॑வி॒துஃ ப்ர॑ஸ॒வே ப்ரு'ஹ॒ஸ்பதி॑நா வாஜ॒ஜிதா॒ வாஜ॑-ஞ்ஜேஷ॒மித்யா॑ஹ । ஸ॒வி॒த்ரு'ப்ர॑ஸூத ஏ॒வ ப்ரஹ்ம॑ணா॒ வாஜ॒முஜ்ஜ॑யதி ॥ தே॒வஸ்யா॒ஹக்ம் ஸ॑வி॒துஃ ப்ர॑ஸ॒வே ப்ரு'ஹ॒ஸ்பதி॑நா வாஜ॒ஜிதா॒ வர்ஷி॑ஷ்ட॒-ந்நாகக்ம்॑ ருஹேய॒மித்யா॑ஹ । ஸ॒வி॒த்ரு'ப்ர॑ஸூத ஏ॒வ ப்ரஹ்ம॑ணா॒ வர்ஷி॑ஷ்ட॒-ந்நாகக்ம்॑ ரோஹதி ॥ சாத்வா॑லே ரதச॒க்ர-ந்நிமி॑தக்ம் ரோஹதி । அதோ॒ வா அங்கி॑ரஸ உத்த॒மா-ஸ்ஸு॑வ॒ர்கம்-லோँ॒கமா॑யந்ந் । ஸா॒க்ஷாதே॒வ யஜ॑மாந-ஸ்ஸுவ॒ர்கம்-லோँ॒கமே॑தி ॥ ஆவே᳚ஷ்டயதி । வஜ்ரோ॒ வை ரதஃ॑ । வஜ்ரே॑ணை॒வ திஶோ॒-ऽபிஜ॑யதி ॥ 31 ॥

வா॒ஜிநா॒க்ம்॒ ஸாம॑ காயதே । அந்நம்॒-வைँ வாஜஃ॑ । அந்ந॑மே॒-வாவ॑ருந்தே ॥ வா॒சோ வர்ஷ்ம॑ தே॒வேப்யோ-ऽபா᳚க்ராமத் । த-த்வந॒ஸ்பதீ॒-ந்ப்ராவி॑ஶத் । ஸைஷா வாக்-வந॒ஸ்பதி॑ஷு வததி । யா து॑ந்து॒பௌ । தஸ்மா᳚-த்துந்து॒பி-ஸ்ஸர்வா॒ வாசோதி॑ வததி ॥ து॒ந்து॒பீந்-த்ஸ॒மாக்ந॑ந்தி । ப॒ர॒மா வா ஏ॒ஷா வாக் ॥ 32 ॥

யா து॑ந்து॒பௌ । ப॒ர॒மயை॒வ வா॒சா-ऽவ॑ராம்॒-வாँச॒ம-வ॑ருந்தே । அதோ॑ வா॒ச ஏ॒வ வர்ஷ்ம॒ யஜ॑மா॒நோ ऽவ॑ருந்தே ॥ இந்த்ரா॑ய॒ வாசம்॑-வँத॒தேந்த்ரம்॒-வாँஜ॑-ஞ்ஜாபய॒தேந்த்ரோ॒ வாஜ॑மஜயி॒-தித்யா॑ஹ । ஏ॒ஷ வா ஏ॒தர்ஹீந்த்ரஃ॑ । யோ யஜ॑தே । யஜ॑மாந ஏ॒வ வாஜ॒முஜ்ஜ॑யதி ॥ ஸ॒ப்தத॑ஶ ப்ரவ்யா॒தாநா॒ஜி-ந்தா॑வந்தி । ஸ॒ப்த॒த॒ஶக்க் ஸ்தோ॒த்ர-ம்ப॑வதி । ஸ॒ப்தத॑ஶ ஸப்ததஶ தீயந்தே ॥ 33 ॥

ஸ॒ப்த॒த॒ஶஃ ப்ர॒ஜாப॑திஃ । ப்ர॒ஜாப॑தே॒-ராப்த்யை᳚ ॥ அர்வா॑-ऽஸி॒ ஸப்தி॑ரஸி வா॒ஜ்ய॑ஸீத்யா॑ஹ । அ॒க்நிர்வா அர்வா᳚ । வா॒யு-ஸ்ஸப்திஃ॑ । ஆ॒தி॒த்யோ வா॒ஜீ । ஏ॒தாபி॑ரே॒வாஸ்மை॑ தே॒வதா॑பி-ர்தேவர॒தம்-யுँ॑நக்தி ॥ ப்ர॒ஷ்டி॒வா॒ஹிநம்॑-யுँநக்தி । ப்ர॒ஷ்டி॒வா॒ஹீ வை தே॑வர॒தஃ । தே॒வ॒ர॒தமே॒வாஸ்மை॑ யுநக்தி ॥ 34 ॥

வாஜி॑நோ॒ வாஜ॑-ந்தாவத॒ காஷ்டா᳚-ங்கச்ச॒தேத்யா॑ஹ । ஸு॒வ॒ர்கோ வை லோ॒கஃ காஷ்டா᳚ । ஸு॒வ॒ர்கமே॒வ லோ॒கம்-யँ॑ந்தி ॥ ஸு॒வ॒ர்கம்-வாँ ஏ॒தே லோ॒கம்-யँ॑ந்தி । ய ஆ॒ஜி-ந்தாவ॑ந்தி ॥ ப்ராஞ்சோ॑ தாவந்தி । ப்ராம்இ॑வ॒ ஹி ஸு॑வ॒ர்கோ லோ॒கஃ ॥ ச॒த॒ஸ்ரு'பி॒ரநு॑ மந்த்ரயதே । ச॒த்வாரி॒ சந்தாக்ம்॑ஸி । சந்தோ॑பிரே॒வைநா᳚ந்-த்ஸுவ॒ர்கம்-லோँ॒க-ங்க॑மயதி ॥ 35 ॥

ப்ர வா ஏ॒தே᳚-ऽஸ்மால்-லோ॒காச்ச்ய॑வந்தே । ய ஆ॒ஜி-ந்தாவ॑ந்தி । உத॑ஞ்ச॒ ஆவ॑ர்தந்தே । அ॒ஸ்மாதே॒வ தேந॑ லோ॒காந்நய॑ந்தி ॥ ர॒த॒வி॒மோ॒ச॒நீய॑-ஞ்ஜுஹோதி॒ ப்ரதி॑ஷ்டித்யை ॥ ஆ மா॒ வாஜ॑ஸ்ய ப்ரஸ॒வோ ஜ॑கம்யா॒தித்யா॑ஹ । அந்நம்॒-வைँ வாஜஃ॑ । அந்ந॑மே॒வாவ॑ருந்தே ॥ ய॒தா॒லோ॒கம்-வாँ ஏ॒த உஜ்ஜ॑யந்தி । ய ஆ॒ஜி-ந்தாவ॑ந்தி ॥ 36 ॥

க்ரு'॒ஷ்ணல॑-ங்க்ரு'ஷ்ணலம்-வாँஜ॒ஸ்ரு'த்ப்யஃ॒ ப்ரய॑ச்சதி । யமே॒வ தே வாஜம்॑-லோँ॒கமு॒ஜ்ஜய॑ந்தி । த-ம்ப॑ரி॒க்ரீயா-வ॑ருந்தே ॥ ஏ॒க॒தா ப்ர॒ஹ்மண॒ உப॑ஹரதி । ஏ॒க॒தைவ யஜ॑மாநே வீ॒ர்ய॑-ந்ததாதி ॥ தே॒வா வா ஓஷ॑தீஷ்வா॒ஜிம॑யுஃ । தா ப்ரு'ஹ॒ஸ்பதி॒-ருத॑ஜயத் । ஸ நீ॒வாரா॒ந்நிர॑வ்ரு'ணீத । தந்நீ॒வாரா॑ணா-ந்நீவார॒த்வம் ॥ நை॒வா॒ரஶ்ச॒ரு-ர்ப॑வதி ॥ 37 ॥

ஏ॒தத்வை தே॒வாநா᳚-ம்பர॒மமந்ந᳚ம் । யந்நீ॒வாராஃ᳚ । ப॒ர॒மேணை॒வாஸ்மா॑ அ॒ந்நாத்யே॒-நாவ॑ர-ம॒ந்நாத்ய॒மவ॑ருந்தே ॥ ஸ॒ப்தத॑ஶஶராவோ பவதி । ஸ॒ப்த॒த॒ஶஃ ப்ர॒ஜாப॑திஃ । ப்ர॒ஜாப॑தே॒-ராப்த்யை᳚ ॥ க்ஷீ॒ரே ப॑வதி । ருச॑மே॒வாஸ்மி॑ந்-ததாதி ॥ ஸ॒ர்பிஷ்வா᳚-ந்பவதி மேத்த்ய॒த்வாய॑ ॥ பா॒ர்॒ஹ॒ஸ்ப॒த்யோ வா ஏ॒ஷ தே॒வத॑யா ॥ 38 ॥

யோ வா॑ஜ॒பேயே॑ந॒ யஜ॑தே । பா॒ர்॒ஹ॒ஸ்ப॒த்ய ஏ॒ஷ ச॒ருஃ ॥ அஶ்வா᳚ந்-த்ஸரிஷ்ய॒த-ஸ்ஸ॒ஸ்ருஷ॒ஶ்சாவ॑-க்ராபயதி । யமே॒வ தே வாஜம்॑-லோँ॒கமு॒ஜ்ஜய॑ந்தி । தமே॒வாவ॑ருந்தே ॥ அஜீ॑ஜிபத வநஸ்பதய॒ இந்த்ரம்॒-வாँஜம்॒-விँமு॑ச்யத்த்வ॒மிதி॑ துந்து॒பீந். விமு॑ஞ்சதி । யமே॒வ தே வாஜம்॑-லோँ॒கமி॑ந்த்ரி॒ய-ந்து॑ந்து॒பய॑ உ॒ஜ்ஜய॑ந்தி । தமே॒வா-வ॑ருந்தே ॥ 39 ॥

(அ॒பிஜ॑யதி॒ - வா ஏ॒ஷா வாக் - தீ॑யந்தே - ऽஸ்மை யுநக்தி - கமயதி॒ - ய ஆ॒ஜி-ந்தாவ॑ந்தி - பவதி - தே॒வத॑யா॒ - +-ऽஷ்டௌ ச॑) (அ. 6)

அநுவாகம் 7 - யூபாரோஹணம்

தா॒ர்ப்யம்-யँஜ॑மாந॒-ம்பரி॑தாபயதி । ய॒ஜ்ஞோ வை தா॒ர்ப்யம் । ய॒ஜ்ஞேநை॒வைந॒க்ம்॒ ஸம॑ர்தயதி । த॒ர்ப॒மய॒-ம்பரி॑தாபயதி । ப॒வித்ரம்॒-வைँ த॒ர்பாஃ । பு॒நாத்யே॒வைந᳚ம் । வாஜம்॒-வாँ ஏ॒ஷோ-ऽவ॑ருருத்ஸதே । யோ வா॑ஜ॒பேயே॑ந॒ யஜ॑தே । ஓஷ॑தயஃ॒ கலு॒ வை வாஜஃ॑ । ய-த்த॑ர்ப॒மய॑-ம்பரிதா॒பய॑தி ॥ 40 ॥

வாஜ॒ஸ்யாவ॑-ருத்த்யை ॥ ஜாய॒ ஏஹி॒ ஸுவோ॒ ரோஹா॒வேத்யா॑ஹ । பத்நி॑யா ஏ॒வைஷ ய॒ஜ்ஞஸ்யா᳚ந்-வார॒ம்போ-ऽந॑வச்சித்யை ॥ ஸ॒ப்தத॑ஶா-ரத்நி॒ர்யூபோ॑ பவதி । ஸ॒ப்த॒த॒ஶஃ ப்ர॒ஜாப॑திஃ । ப்ர॒ஜாப॑தே॒ராப்த்யை᳚ ॥ தூ॒ப॒ர-ஶ்சது॑ரஶ்ரி-ர்பவதி ॥ கௌ॒தூ॒ம-ஞ்ச॒ஷால᳚ம் । ந வா ஏ॒தே வ்ரீ॒ஹயோ॒ ந யவாஃ᳚ । ய-த்கோ॒தூமாஃ᳚ ॥ 41 ॥

ஏ॒வமி॑வ॒ ஹி ப்ர॒ஜாப॑தி॒-ஸ்ஸம்ரு'॑த்த்யை । அதோ॑ அ॒முமே॒வாஸ்மை॑ லோ॒கமந்ந॑வந்த-ங்கரோதி ॥ வாஸோ॑பி-ர்வேஷ்டயதி । ஏ॒ஷ வை யஜ॑மாநஃ । யத்யூபஃ॑ । ஸ॒ர்வ॒தே॒வ॒த்யம்॑-வாँஸஃ॑ । ஸர்வா॑பிரே॒வைந॑-ந்தே॒வதா॑பி॒-ஸ்ஸம॑ர்தயதி । அதோ॑ ஆ॒க்ரம॑ணமே॒வ தத்ஸேதும்॒-யँஜ॑மாநஃ குருதே । ஸு॒வ॒ர்கஸ்ய॑ லோ॒கஸ்ய॒ ஸம॑ஷ்ட்யை ॥ த்வாத॑ஶ வாஜப்ரஸ॒வீயா॑நி ஜுஹோதி ॥ 42 ॥

த்வாத॑ஶ॒ மாஸா᳚-ஸ்ஸம்வँத்ஸ॒ரஃ । ஸம்॒வँ॒த்ஸ॒ரமே॒வ ப்ரீ॑ணாதி । அதோ॑ ஸம்வँத்ஸ॒ரமே॒வாஸ்மா॒ உப॑ ததாதி । ஸு॒வ॒ர்கஸ்ய॑ லோ॒கஸ்ய॒ ஸம॑ஷ்ட்யை ॥ த॒ஶபிஃ॒ கல்பை॑ ரோஹதி । நவ॒ வை புரு॑ஷே ப்ரா॒ணாஃ । நாபி॑ர்தஶ॒மீ । ப்ரா॒ணாநே॒வ ய॑தாஸ்தா॒ந-ங்க॑ல்பயி॒த்வா । ஸு॒வ॒ர்கம்-லோँ॒கமே॑தி । ஏ॒தாவ॒த்வை புரு॑ஷஸ்ய॒ ஸ்வம் ॥ 43 ॥

யாவ॑த்-ப்ரா॒ணாஃ । யாவ॑தே॒வாஸ்யாஸ்தி॑ । தேந॑ ஸ॒ஹ ஸு॑வ॒ர்கம்-லோँ॒கமே॑தி ॥ ஸுவ॑ர்தே॒வாக்ம் அ॑க॒ந்மேத்யா॑ஹ । ஸு॒வ॒ர்கமே॒வ லோ॒கமே॑தி । அ॒ம்ரு'தா॑ அபூ॒மேத்யா॑ஹ । அ॒ம்ரு'த॑மிவ॒ ஹி ஸு॑வ॒ர்கோ லோ॒கஃ । ப்ர॒ஜாப॑தேஃ ப்ர॒ஜா அ॑பூ॒மேத்யா॑ஹ । ப்ரா॒ஜா॒ப॒த்யோ வா அ॒யம்-லோँ॒கஃ । அ॒ஸ்மாதே॒வ தேந॑ லோ॒காந்நைதி॑ ॥ 44 ॥

ஸம॒ஹ-ம்ப்ர॒ஜயா॒ ஸ-ம்மயா᳚ ப்ர॒ஜேத்யா॑ஹ । ஆ॒ஶிஷ॑மே॒வைதா-மாஶா᳚ஸ்தே ॥ ஆ॒ஸ॒பு॒டை-ர்க்ந॑ந்தி । அந்நம்॒-வாँ இ॒யம் । அ॒ந்நாத்யே॑நை॒வைந॒க்ம்॒ ஸம॑ர்தயந்தி । ஊஷை᳚-ர்க்நந்தி । ஏ॒தே ஹி ஸா॒க்ஷாதந்ந᳚ம் । யதூஷாஃ᳚ । ஸா॒க்ஷாதே॒வைந॑-ம॒ந்நாத்யே॑ந॒ ஸம॑ர்தயந்தி ॥ பு॒ரஸ்தா᳚த்-ப்ர॒த்யஞ்ச᳚-ங்க்நந்தி ॥ 45 ॥

பு॒ரஸ்தா॒த்தி ப்ர॑தீ॒சீந॒-மந்ந॑ம॒த்யதே᳚ ॥ ஶீ॒ர்॒ஷ॒தோ க்ந॑ந்தி । ஶீ॒ர்॒ஷ॒தோ ஹ்யந்ந॑ம॒த்யதே᳚ ॥ தி॒க்ப்யோ க்ந॑ந்தி । தி॒க்ப்ய ஏ॒வாஸ்மா॑ அ॒ந்நாத்ய॒-மவ॑ருந்ததே ॥ ஈ॒ஶ்வ॒ரோ வா ஏ॒ஷ பராம்᳚-ப்ர॒தகஃ॑ । யோ யூப॒க்ம்॒ ரோஹ॑தி ॥ ஹிர॑ண்யம॒த்த்ய-வ॑ரோஹதி । அ॒ம்ரு'தம்॒-வைँ ஹிர॑ண்யம் । அ॒ம்ரு'தக்ம்॑ ஸுவ॒ர்கோ லோ॒கஃ ॥ 46 ॥

அ॒ம்ரு'த॑ ஏ॒வ ஸு॑வ॒ர்கே லோ॒கே ப்ரதி॑ திஷ்டதி ॥ ஶ॒தமா॑ந-ம்பவதி । ஶ॒தாயுஃ॒ புரு॑ஷ-ஶ்ஶ॒தேந்த்ரி॑யஃ । ஆயு॑ஷ்யே॒வேந்த்ரி॒யே ப்ரதி॑ திஷ்டதி ॥ புஷ்ட்யை॒ வா ஏ॒த-த்ரூ॒பம் । யத॒ஜா । த்ரி-ஸ்ஸம்॑வँத்ஸ॒ரஸ்யா॒ந்யாந்-ப॒ஶூ-ந்பரி॒ ப்ரஜா॑யதே ॥ ப॒ஸ்தா॒ஜி॒ந-ம॒த்த்யவ॑ ரோஹதி । புஷ்ட்யா॑மே॒வ ப்ர॒ஜந॑நே॒ ப்ரதி॑திஷ்டதி ॥ 47 ॥

(ப॒ரி॒தா॒பய॑தி - கோ॒தூமா॑ - ஜுஹோதி॒ - ஸ்வம் - நைதி॑ - ப்ர॒த்யஞ்ஜ॑-ங்க்நந்தி - லோ॒கோ - +நவ॑ ச (அ. 7)

அநுவாகம் 8 - அந்நஹோமாஃ, அபிஷேகஶ்ச

ஸ॒ப்தாந்ந॑-ஹோ॒மாஞ்ஜு॑ஹோதி । ஸ॒ப்த வா அந்நா॑நி । யாவ॑ந்த்யே॒வாந்நா॑நி । தாந்யே॒வாவ॑ருந்தே । ஸ॒ப்த க்ரா॒ம்யா ஓஷ॑தயஃ । ஸ॒ப்தார॒ண்யாஃ । உ॒பயீ॑ஷா॒-மவ॑ருத்த்யை ॥ அந்ந॑ஸ்யா-ந்நஸ்ய ஜுஹோதி । அந்ந॑ஸ்யாந்ந॒ஸ்யா-வ॑ருத்த்யை ॥ ய-த்வா॑ஜபேயயா॒ஜ்ய-ந॑வருத்தஸ்யாஶ்ஞீ॒யாத் ॥ 48 ॥

அவ॑ருத்தேந॒ வ்ய்ரு'॑த்த்யேத । ஸர்வ॑ஸ்ய ஸமவ॒தாய॑ ஜுஹோதி । அந॑வருத்த॒-ஸ்யாவ॑ருத்த்யை ॥ ஔது॑ம்பரேண ஸ்ரு॒வேண॑ ஜுஹோதி । ஊர்க்வா அந்ந॑-முது॒ம்பரஃ॑ । ஊ॒ர்ஜ ஏ॒வாந்நாத்ய॒ஸ்யாவ॑ருத்த்யை ॥ தே॒வஸ்ய॑ த்வா ஸவி॒துஃ ப்ர॑ஸ॒வ இத்யா॑ஹ । ஸ॒வி॒த்ரு' ப்ர॑ஸூத ஏ॒வைந॒-ம்ப்ரஹ்ம॑ணா தே॒வதா॑பி-ர॒பிஷி॑ஞ்சதி ॥ அந்ந॑ஸ்யாந்நஸ்யா॒பிஷி॑ஞ்சதி । அந்ந॑ஸ்யாந்ந॒ஸ்யாவ॑ருத்த்யை ॥ 49 ॥

பு॒ரஸ்தா᳚த்-ப்ர॒த்யஞ்ச॑-ம॒பிஷி॑ஞ்சதி । பு॒ரஸ்தா॒த்தி-ப்ர॑தீ॒சீந॒-மந்ந॑ம॒த்யதே᳚ । ஶீ॒ர்॒ஷ॒தோ॑-ऽபிஷி॑ஞ்சதி । ஶீ॒ர்॒ஷ॒தோ ஹ்யந்ந॑ம॒த்யதே᳚ ॥ ஆமுகா॑த॒ந்வவ॑ ஸ்ராவயதி । மு॒க॒த ஏ॒வாஸ்மா॑ அ॒ந்நாத்ய॑-ந்ததாதி ॥ அ॒க்நேஸ்த்வா॒ ஸாம்ரா᳚ஜ்யேநா॒பிஷி॑ஞ்சா॒மீத்யா॑ஹ । ஏ॒ஷ வா அ॒க்நே-ஸ்ஸ॒வஃ । தேநை॒வைந॑-ம॒பிஷி॑ஞ்சதி । இந்த்ர॑ஸ்ய த்வா॒ ஸாம்ரா᳚ஜ்யேநா॒பிஷி॑ஞ்சா॒மீத்யா॑ஹ ॥ 50 ॥

இ॒ந்த்ரி॒ய-மே॒வாஸ்மி॑-ந்நே॒தேந॑ ததாதி । ப்ரு'ஹ॒ஸ்பதே᳚ஸ்த்வா॒ ஸாம்ரா᳚ஜ்யேநா॒பிஷி॑ஞ்சா॒-மீத்யா॑ஹ । ப்ரஹ்ம॒ வை தே॒வாநா॒-ம்ப்ரு'ஹ॒ஸ்பதிஃ॑ । ப்ரஹ்ம॑ணை॒வைந॑-ம॒பிஷி॑ஞ்சதி ॥ ஸோ॒ம॒க்ர॒ஹாக்ஶ்சா॑-வதாநீ॒யாநி॑ ச॒ர்த்விக்ப்ய॒ உப॑ ஹரந்தி । அ॒முமே॒வ தை-ர்லோ॒க-மந்ந॑வந்த-ங்கரோதி । ஸு॒ரா॒க்ர॒ஹாக்ஶ்சா॑-நவதாநீ॒யாநி॑ ச வாஜ॒ஸ்ரு'த்ப்யஃ॑ । இ॒மமே॒வ தை-ர்லோ॒க-மந்ந॑வந்த-ங்கரோதி । அதோ॑ உ॒பயீ᳚ஷ்வே॒வாபிஷி॑ச்யதே ॥ வி॒மா॒த-ங்கு॑ர்வதே வாஜ॒ஸ்ரு'தஃ॑ ॥ 51 ॥

இ॒ந்த்ரி॒யஸ்யாவ॑ருத்த்யை ॥ அநி॑ருக்தாபிஃ ப்ராதஸ்ஸவ॒நே ஸ்து॑வதே । அநி॑ருக்தஃ ப்ர॒ஜாப॑திஃ । ப்ர॒ஜாப॑தே॒ராப்த்யை᳚ । வாஜ॑வதீபி॒-ர்மாத்த்ய॑ந்திநே । அந்நம்॒-வைँ வாஜஃ॑ । அந்ந॑மே॒வா-வ॑ருந்தே । ஶி॒பி॒வி॒ஷ்டவ॑தீபி-ஸ்த்ரு'தீயஸவ॒நே । ய॒ஜ்ஞோ வை விஷ்ணுஃ॑ । ப॒ஶவ॒-ஶ்ஶிபிஃ॑ । ய॒ஜ்ஞ ஏ॒வ ப॒ஶுஷு॒ ப்ரதி॑ திஷ்டதி ॥ ப்ரு'॒ஹதந்த்ய॑-ம்பவதி । அந்த॑மே॒வைநக்க்॑ ஶ்ரி॒யை க॑மயதி ॥ 52 ॥

(அ॒ஶ்ஞீ॒யா - தந்ந॑ஸ்யாந்ந॒ஸ்யா வ॑ருத்த்யா॒ - இந்த்ர॑ஸ்ய த்வா॒ ஸாம்ரா᳚ஜ்யேநா॒பிஷி॑ஞ்சா॒ மீத்யா॑ஹ-வாஜ॒ஸ்ரு'தஃ॒ - ஶிபி॒ ஸ்த்ரீணி॑ ச) (அ. 8)

அநுவாகம் 9 - அதிக்ராஹ்யாஃ, பஞ்சைந்த்ராஃ

ந்ரு'॒ஷத॒-ந்த்வேத்யா॑ஹ । ப்ர॒ஜா வை ந்ரூ'ந் । ப்ர॒ஜாநா॑மே॒வைதேந॑ ஸூயதே । த்ரு॒ஷத॒மித்யா॑ஹ । வந॒ஸ்பத॑யோ॒ வை த்ரு । வந॒ஸ்பதீ॑நாமே॒வை தேந॑ ஸூயதே । பு॒வ॒ந॒ஸத॒-மித்யா॑ஹ । ய॒தா வை வஸீ॑யா॒-ந்பவ॑தி । புவ॑நமக॒ந்நிதி॒ வை தமா॑ஹுஃ । புவ॑நமே॒வைதேந॑ கச்சதி ॥ 53 ॥

அ॒ப்ஸு॒ஷத॑-ந்த்வா க்ரு'த॒ஸத॒-மித்யா॑ஹ । அ॒பாமே॒வைதேந॑ க்ரு'॒தஸ்ய॑ ஸூயதே । வ்யோ॒ம॒ஸத॒-மித்யா॑ஹ । ய॒தா வை வஸீ॑யா॒-ந்பவ॑தி । வ்யோ॑மாக॒ந்நிதி॒ வை தமா॑ஹுஃ । வ்யோ॑மை॒வைதேந॑ கச்சதி ॥ ப்ரு'॒தி॒வி॒ஷத॑-ந்த்வா-ऽந்தரிக்ஷ॒ஸத॒-மித்யா॑ஹ । ஏ॒ஷாமே॒வைதேந॑ லோ॒காநாக்ம்॑ ஸூயதே । தஸ்மா᳚-த்வாஜபே-யயா॒ஜீ ந க-ஞ்ச॒ந ப்ர॒த்யவ॑ரோஹதி । அபீ॑வ॒ ஹி தே॒வதா॑நாக்ம் ஸூ॒யதே᳚ ॥ 54 ॥

நா॒க॒ஸத॒-மித்யா॑ஹ । ய॒தாவை வஸீ॑யா॒-ந்பவ॑தி । நாக॑மக॒ந்நிதி॒ வை தமா॑ஹுஃ । நாக॑மே॒வைதேந॑ கச்சதி ॥ யே க்ரஹாஃ᳚ பஞ்சஜ॒நீநா॒ இத்யா॑ஹ । ப॒ஞ்ச॒ஜ॒நாநா॑-மே॒வைதேந॑ ஸூயதே ॥ அ॒பாக்ம் ரஸ॒முத்வ॑யஸ॒-மித்யா॑ஹ । அ॒பாமே॒வைதேந॒ ரஸ॑ஸ்ய ஸூயதே । ஸூர்ய॑ரஶ்மிக்ம் ஸ॒மாப்ரு'॑த॒-மித்யா॑ஹ ஸஶுக்ர॒த்வாய॑ ॥ 55 ॥

(க॒ச்ச॒தி॒ - ஸூ॒யதே॒ - +நவ॑ ச) (அ. 9)

அநுவாகம் 10 - பிண்டபித்ரு'யஜ்ஞஃ தர்ஶபூர்ணமாஸப்ராஹ்மணஶேஷஃ

இந்த்ரோ வ்ரு'॒த்ரக்ம் ஹ॒த்வா । அஸு॑ரா-ந்பரா॒பாவ்ய॑ । ஸோ॑-ऽமாவா॒ஸ்யா᳚-ம்ப்ரத்யாக॑ச்சத் । தே பி॒தரஃ॑ பூர்வே॒த்யு-ராக॑ச்சந்ந் । பி॒த்ரூ'ந். ய॒ஜ்ஞோ॑-ऽகச்சத் । த-ந்தே॒வாஃ புந॑ரயாசந்த । தமே᳚ப்யோ॒ ந புந॑ரததுஃ । தே᳚-ऽப்ருவ॒ந் வரம்॑-வ்ரு'ँணாமஹை । அத॑ வஃ॒ புந॑ர்தாஸ்யாமஃ । அ॒ஸ்மப்ய॑மே॒வ பூ᳚ர்வே॒த்யுஃ க்ரி॑யாதா॒ இதி॑ ॥ 56 ॥

தமே᳚ப்யஃ॒ புந॑ரததுஃ । தஸ்மா᳚த்-பி॒த்ரு'ப்யஃ॑ பூர்வே॒த்யுஃ க்ரி॑யதே । ய-த்பி॒த்ரு'ப்யஃ॑ பூர்வே॒த்யுஃ க॒ரோதி॑ । பி॒த்ரு'ப்ய॑ ஏ॒வ த-த்ய॒ஜ்ஞ-ந்நி॒ஷ்க்ரீய॒ யஜ॑மாநஃ॒ ப்ரத॑நுதே ॥ ஸோமா॑ய பி॒த்ரு'பீ॑தாய ஸ்வ॒தா நம॒ இத்யா॑ஹ । பி॒துரே॒வாதி॑ ஸோமபீ॒தமவ॑ ருந்தே । ந ஹி பி॒தா ப்ர॒மீய॑மாண॒ ஆஹை॒ஷ ஸோ॑மபீ॒த இதி॑ । இ॒ந்த்ரி॒யம்-வைँ ஸோ॑மபீ॒தஃ । இ॒ந்த்ரி॒யமே॒வ ஸோ॑மபீ॒தமவ॑-ருந்தே । தேந᳚ந்த்ரி॒யேண॑ த்வி॒தீயா᳚-ஞ்ஜா॒யாம॒ப்ய॑ஶ்ஞுதே ॥ 57 ॥

ஏ॒த-த்வை ப்ராஹ்ம॑ண-ம்பு॒ரா வா॑ஜஶ்ரவ॒ஸா வி॒தாம॑க்ரந்ந் । தஸ்மா॒-த்தே த்வேத்வே॑ ஜா॒யே அ॒ப்யா᳚க்ஷத । ய ஏ॒வம்-வேँத॑ । அ॒பி த்வி॒தீயா᳚-ஞ்ஜா॒யாம॑ஶ்ஞுதே ॥ அ॒க்நயே॑ கவ்ய॒வாஹ॑நாய ஸ்வ॒தா நம॒ இத்யா॑ஹ । ய ஏ॒வ பி॑த்ரு'॒ணாம॒க்நிஃ । த-ம்ப்ரீ॑ணாதி ॥ தி॒ஸ்ர ஆஹு॑தீ-ர்ஜுஹோதி ॥ த்ரிர்நித॑தாதி ॥ ஷட்-த்ஸம்ப॑த்யந்தே ॥ 58 ॥

ஷட்வா ரு'॒தவஃ॑ । ரு'॒தூநே॒வ ப்ரீ॑ணாதி ॥ தூ॒ஷ்ணீ-ம்மேக்ஷ॑ண॒-மாத॑தாதி । அஸ்தி॑ வா॒ ஹி ஷ॒ஷ்ட ரு'॒துர்ந வா᳚ ॥ தே॒வாந். வை பி॒த்ரூ'-ந்ப்ரீ॒தாந் । ம॒நு॒ஷ்யாஃ᳚ பி॒தரோ-ऽநு॒ ப்ரபி॑பதே । தி॒ஸ்ர ஆஹு॑தீ-ர்ஜுஹோதி । த்ரிர்நித॑தாதி । ஷட்-த்ஸம்ப॑த்யந்தே । ஷட்வா ரு'॒தவஃ॑ ॥ 59 ॥

ரு'॒தவஃ॒ கலு॒ வை தே॒வாஃ பி॒தரஃ॑ । ரு'॒தூநே॒வ தே॒வா-ந்பி॒த்ரூ'-ந்ப்ரீ॑ணாதி । தாந்ப்ரீ॒தாந் । ம॒நு॒ஷ்யாஃ᳚ பி॒தரோ-ऽநு॒ ப்ரபி॑பதே ॥ ஸ॒க்ரு'॒தா॒ச்சி॒ந்ந-ம்ப॒ர்॒ஹி-ர்ப॑வதி । ஸ॒க்ரு'தி॑வ॒ ஹி பி॒தரஃ॑ ॥ த்ரிர்நித॑தாதி । த்ரு'॒தீயே॒ வா இ॒தோ லோ॒கே பி॒தரஃ॑ । தாநே॒வ ப்ரீ॑ணாதி ॥ பராம்॒ஆவ॑ர்ததே ॥ 60 ॥

ஹ்லீகா॒ ஹி பி॒தரஃ॑ ॥ ஒஷ்மணோ᳚ வ்யா॒வ்ரு'த॒ உபா᳚ஸ்தே । ஊ॒ஷ்மபா॑கா॒ ஹி பி॒தரஃ॑ ॥ ப்ர॒ஹ்ம॒வா॒திநோ॑ வதந்தி । ப்ராஶ்யாம்(3)ந ப்ராஶ்யா(3)மிதி॑ । ய-த்ப்ரா᳚ஶ்ஞீ॒யாத் । ஜந்ய॒மந்ந॑மத்யாத் । ப்ர॒மாயு॑க-ஸ்ஸ்யாத் । யந்ந ப்ரா᳚ஶ்ஞீ॒யாத் । அஹ॑வி-ஸ்ஸ்யாத் ॥ 61 ॥

பி॒த்ரு'ப்ய॒ ஆவ்ரு'॑ஶ்ச்யேத । அ॒வ॒க்ரேய॑மே॒வ । தந்நேவ॒ ப்ராஶி॑த॒-ந்நேவாப்ரா॑ஶிதம் ॥ வீ॒ரம்-வாँ॒ வை பி॒தரஃ॑ ப்ர॒யந்தோ॒ ஹர॑ந்தி । வீ॒ரம்-வாँ॑ தததி । த॒ஶா-ஞ்சி॑நத்தி । ஹர॑ணபாகா॒ ஹி பி॒தரஃ॑ । பி॒த்ரூ'நே॒வ நி॒ரவ॑தயதே ॥ உத்த॑ர॒ ஆயு॑ஷி॒ லோம॑ சிந்தீத । பி॒த்ரு'॒ணாக் ஹ்யே॑தர்ஹி॒ நேதீ॑யஃ ॥ 62 ॥

நம॑ஸ்கரோதி । ந॒ம॒ஸ்கா॒ரோ ஹி பி॑த்ரு'॒ணாம் ॥ நமோ॑ வஃ பிதரோ॒ ரஸா॑ய । நமோ॑ வஃ பிதர॒-ஶ்ஶுஷ்மா॑ய । நமோ॑ வஃ பிதரோ ஜீ॒வாய॑ । நமோ॑ வஃ பிதர-ஸ்ஸ்வ॒தாயை᳚ । நமோ॑ வஃ பிதரோ ம॒ந்யவே᳚ । நமோ॑ வஃ பிதரோ கோ॒ராய॑ । பித॑ரோ॒ நமோ॑ வஃ । ய ஏ॒தஸ்மி॑ந் ँலோ॒கே ஸ்த ॥ 63 ॥

யு॒ஷ்மாக்ஸ்தே-ऽநு॑ । யே᳚-ऽஸ்மிँல்லோ॒கே । மா-ந்தே நு॑ । ய ஏ॒தஸ்மி॑ँல்லோ॒கே ஸ்த । யூ॒ய-ந்தேஷாம்॒-வँஸி॑ஷ்டா பூயாஸ்த । யே᳚-ऽஸ்மிँல்லோ॒கே । அ॒ஹ-ந்தேஷாம்॒-வँஸி॑ஷ்டோ பூயாஸ॒மித்யா॑ஹ । வஸி॑ஷ்ட-ஸ்ஸமா॒நாநா᳚-ம்பவதி । ய ஏ॒வம்-விँ॒த்வாந்-பி॒த்ரு'ப்யஃ॑ க॒ரோதி॑ ॥ ஏ॒ஷ வை ம॑நு॒ஷ்யா॑ணாம்-யँ॒ஜ்ஞஃ ॥ 64 ॥

தே॒வாநாம்॒-வாँ இத॑ரே ய॒ஜ்ஞாஃ । தேந॒ வா ஏ॒த-த்பி॑த்ரு'லோ॒கே ச॑ரதி ॥ ய-த்பி॒த்ரு'ப்யஃ॑ க॒ரோதி॑ । ஸ ஈ᳚ஶ்வ॒ரஃ ப்ரமே॑தோஃ । ப்ரா॒ஜா॒ப॒த்யய॒ர்சா புந॒ரைதி॑ । ய॒ஜ்ஞோ வை ப்ர॒ஜாப॑திஃ । ய॒ஜ்ஞேநை॒வ ஸ॒ஹ புந॒ரைதி॑ । ந ப்ர॒மாயு॑கோ பவதி ॥ பி॒த்ரு'॒லோ॒கே வா ஏ॒த-த்யஜ॑மாநஶ்சரதி । ய-த்பி॒த்ரு'ப்யஃ॑ க॒ரோதி॑ । ஸ ஈ᳚ஶ்வ॒ர ஆர்தி॒மார்தோஃ᳚ । ப்ர॒ஜாப॑தி॒-ஸ்த்வாவைந॒-ந்தத॒ உந்நே॑துமர்ஹ॒தீத்யா॑ஹுஃ । ய-த்ப்ரா॑ஜாப॒த்யய॒ர்சா புந॒ரைதி॑ । ப்ர॒ஜாப॑திரே॒வைந॒-ந்தத॒ உந்ந॑யதி । நார்தி॒மார்ச்ச॑தி॒ யஜ॑மாநஃ ॥ 65 ॥

(இத்ய॑ - ஶ்ஞுதே - பத்யந்தே - பத்யந்தே॒ ஷட்வா ரு'॒தவோ॑ - வர்த॒தே-ऽ - ஹ॑வி-ஸ்ஸ்யா॒ந் - நேதீ॑யஃ॒ - ஸ்த - ய॒ஜ்ஞோ - யஜ॑மாநஶ்சரதி॒ ய-த்பி॒த்ரு'ப்யஃ॑ க॒ரோதி॒ பஞ்ச॑ ச) (அ. 10)

(தே॒வா॒ஸு॒ரா அ॒க்நீஷோம॑யோ--ர் தே॒வா வை யதா॒ தர்ஶம்॑ - தே॒வா வை யத॒ந்யை-ர்க்ரஹை᳚--ர் ப்ரஹ்மவா॒திநோ॒ நாக்நி॑ஷ்டோ॒மோ ந - ஸா॑வி॒த்ரம் - தே॒வஸ்யா॒ஹம் - தா॒ர்ப்யக்ம் - ஸ॒ப்தாந்ந॑ஹோ॒மாந் - ந்ரு'॒ஷதம்॒ - த்வேந்த்ரோ॑ வ்ரு'॒த்ரக்ம் ஹ॒த்வா தஶ॑)

(தே॒வா॒ஸு॒ரா - வா॒ஜ்யே॑வைநம்॒ - தஸ்மா᳚-த்வாஜபேயயா॒ஜீ - தே॒வஸ்யா॒ஹம் - ँவாஜ॒ஸ்யாவ॑ருத்த்யா- இந்த்ரி॒யமே॒வாஸ்மி॒ந்॒. - ஹ்லீகா॒ ஹி பி॒தரஃ॒ பஞ்ச॑ஷஷ்டிஃ)

(தே॒வா॒ஸு॒ரா - யஜ॑மாநஃ)

॥ ஹரிஃ॑ ஓம் ॥

॥ க்ரு'ஷ்ண யஜுர்வேதீய தைத்திரீய ப்ராஹ்மணே ப்ரதமாஷ்டகே த்ரு'தீயஃ ப்ரபாடக-ஸ்ஸமாப்தஃ ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhakaḥ - vājapeyabrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - punarādheyaśeṣaḥ ājyabhāgayorviśeṣaḥ

de॒vā॒su॒rā-ssaṃ-ya~̭ttā āsann | te de॒vā vi̭ja॒ya-mṷpa॒yantaḥ̭ | a॒gnīṣoma̭yo-steja॒svinī᳚sta॒nū-ssa-nnya̭dadhata | i॒damṷ no bhaviṣyati | yadi̭ no je॒ṣyantīti̭ | tenā॒gnīṣomā॒-vapā᳚krāmatām | te de॒vā vi॒jitya̭ | a॒gnīṣomā॒-vanvai᳚cchann | te᳚-'gni-manva̭vinda-nnṛ॒tuṣū-thsa̭nnam | tasya॒ vibha̭ktībhi-steja॒svinī᳚sta॒nū-ravā̭rundhata || 1 ||

te soma॒-manva̭vindann | tama̭ghnann | tasya̭ yathā-'bhi॒jñāya̭-nta॒nū-rvya̭gṛhṇata | te grahā̭ abhavann | ta-dgrahā̭ṇā-ṅgraha॒tvam | yasyai॒vaṃ-vi~॒duṣo॒ grahā̭ gṛ॒hyante᳚ | tasya॒ tvḙva gṛ̭hī॒tāḥ || nānā᳚gneya-mpunarā॒dheyḙ kuryāt | yadanā᳚gneya-mpunarā॒dheyḙ ku॒ryāt | vyṛ̭ddhame॒va tat || 2 ||

anā᳚gneyaṃ॒-vā~ e॒ta-tkri̭yate | ya-thsa॒midha॒-stanū॒napā̭tami॒ḍo ba॒r॒hi-rya̭jati || u॒bhāvā᳚gne॒yā-vājya̭bhāgau syātām || anā᳚jyabhāgau-bhavata॒ ityā̭huḥ | yadu॒bhāvā᳚gne॒yāva॒nvañcā॒viti̭ | a॒gnaye॒ pava̭mānā॒yotta̭ra-ssyāt | ya-tpava̭mānāya | tenājya̭ bhāgaḥ | tena̭ sau॒myaḥ || budha̭nvatyāgne॒ya-syājya̭-bhāgasya puro-'nuvā॒kyā̭ bhavati || 3 ||

yathā̭ su॒pta-mbo॒dhaya̭ti | tā॒dṛge॒va tat || a॒gninya̭ktāḥ patnī saṃyā~॒jānā॒mṛcaḥ̭ syuḥ | tenā᳚gne॒yagṃ sarva̭-mbhavati || e॒ka॒dhā tḙja॒svinī᳚-nde॒vatā॒-mupai॒tītyā̭huḥ | saina̭mīśva॒rā pra॒daha॒ iti̭ || neti̭ brūyāt | pra॒jana̭naṃ॒-vā~ a॒gniḥ | pra॒jana̭na-me॒vopai॒tīti̭ || kṛ॒taya̭ju॒-ssambhṛ̭ta sambhāra॒ ityā̭huḥ || 4 ||

na sa॒bhṛntyā᳚-ssambhā॒rāḥ | na yajuḥ̭ kā॒rya̭miti̭ || atho॒ khalṷ | sa॒bhṛntyā̭ e॒va sa̭bhāṃ॒rāḥ | kā॒ryaṃ̭-ya~juḥ̭ | pu॒na॒rā॒dheya̭sya॒ samṛ̭ddhyai || teno̭pā॒gṃ॒śu praca̭rati | eṣya̭ iva॒ vā e॒ṣaḥ | ya-tpṷna-rā॒dheyaḥ̭ | yatho̭pā॒gṃ॒śu na॒ṣṭami॒cchati̭ || 5 ||

tā॒dṛge॒va tat || u॒ccai-ssvi̭ṣṭa॒kṛta॒mu-thsṛ̭jati | yathā̭ na॒ṣṭaṃ-vi~॒tvā prāhā॒yamiti̭ | tā॒dṛge॒va tat || e॒ka॒dhā tḙja॒svinī᳚-nde॒vatā॒mupai॒tītyā̭huḥ | saina̭mīśva॒rā pra॒daha॒ iti̭ | tattathā॒ nopai̭ti | pra॒yā॒jā॒nū॒yā॒jeṣve॒va vibha̭ktīḥ kuryāt | ya॒thā॒pū॒rva-mājya̭bhāgau॒ syātā᳚m | e॒va-mpa̭tnī saṃyā~॒jāḥ || 6 ||

ta-dvai᳚śvāna॒rava̭t-pra॒jana̭navattara॒-mupai॒tīti̭ || tadā̭huḥ | vyṛ̭ddhaṃ॒-vā~ e॒tat | anā᳚gneyaṃ॒-vā~ e॒ta-tkri̭yata॒ iti̭ || neti̭ brūyāt | a॒gni-mpra̭tha॒maṃ-vi~bha̭ktīnāṃ-ya~jati | a॒gnimṷtta॒ma-mpa̭tnī saṃyā~॒jānā᳚m | tenā᳚gne॒yam | tena॒ samṛ̭ddha-ṅkriyata॒ iti̭ || 7 ||

(a॒ru॒ndha॒ - tai॒va ta-d- bha̭vati॒ - sambhṛ̭tasambhāra॒ ityā̭hu - ri॒cchati̭ - patnīsaṃyā~॒jā - +nava̭ ca) ( ā1)

anuvākaṃ 2 - vājapeyasya vidhiḥ

de॒vā vai yathā॒darśaṃ̭-ya~॒jñānāha̭ranta | yo᳚-'gniṣṭo॒mam | ya u॒kthya᳚m | yo̭-'tirā॒tram | te sa॒haiva sarvḙ vāja॒peya̭-mapaśyann | te | a॒nyo᳚nyasmai॒ nāti̭ṣṭhanta | a॒hama॒nena̭ yajā॒ iti̭ | te᳚-'bruvann | ā॒jima॒sya dhā̭vā॒meti̭ || 8 ||

tasmi̭-nnā॒jima̭dhāvann | ta-mbṛha॒spati॒-ruda̭jayat | tenā̭yajata | sa svārā᳚jya-magacchat | tamindro᳚-'bravīt | māma॒nena̭ yāja॒yeti̭ | tenendra̭-mayājayat | so-'gra̭-nde॒vatā̭nā॒-mparyai᳚t | aga̭ccha॒-thsvārā᳚jyam | ati̭ṣṭhantāsmai॒ jyaiṣṭhyā̭ya || 9 ||

ya e॒vaṃ-vi~॒dvān. vā̭ja॒peyḙna॒ yaja̭te | gaccha̭ti॒ svārā᳚jyam | agragṃ̭ samā॒nānā॒-mparyḙti | tiṣṭha̭nte-'smai॒ jyaiṣṭhyā̭ya || sa vā e॒ṣa brā᳚hma॒ṇasya̭ cai॒va rā̭ja॒nya̭sya ca ya॒jñaḥ || taṃ-vā~ e॒taṃ-vā~̭ja॒peya॒ ityā̭huḥ | vā॒jāpyo॒ vā e॒ṣaḥ | vāja॒gg॒ hyḙtena̭ de॒vā aiphsanṋ || somo॒ vai vā̭ja॒peyaḥ̭ | yo vai somaṃ̭-vā~ja॒peyaṃ॒-ve~da̭ || 10 ||

vā॒jyḙvaina̭-mpī॒tvā bha̭vati | ā-'sya̭ vā॒jī jā̭yate || annaṃ॒-vai~ vā̭ja॒peyaḥ̭ | ya e॒vaṃ-ve~da̭ | attyanna᳚m | ā-'syā᳚nnā॒do jā̭yate || brahma॒ vai vā̭ja॒peyaḥ̭ | ya e॒vaṃ-ve~da̭ | atti॒ brahma॒ṇā-'nna᳚m | ā-'sya̭ bra॒hmā jā̭yate || 11 ||

vāgvai vāja̭sya prasa॒vaḥ | ya e॒vaṃ-ve~da̭ | ka॒roti̭ vā॒cā vī॒rya᳚m | ainaṃ̭-vā~॒cā ga̭cchati | api̭vatīṃ॒-vā~caṃ̭-va~dati || pra॒jāpa̭ti-rde॒vebhyo̭ ya॒jñān vyādi̭śat | sa ā॒tman vā̭ja॒peya̭-madhatta | ta-nde॒vā a̭bruvann | e॒ṣa vāva ya॒jñaḥ | ya-dvā̭ja॒peyaḥ̭ || 12 ||

apye॒va no-'trā॒stviti̭ | tebhya̭ e॒tā ujji̭tīḥ॒ prāya̭cchat || tā vā e॒tā ujji̭tayo॒ vyākhyā̭yante | ya॒jñasya̭ sarva॒tvāya̭ | de॒vatā̭nā॒-mani̭rbhāgāya || de॒vā vai brahma̭ṇa॒ścānna̭sya ca॒ śama̭la॒mapā᳚ghnann | ya-dbrahma̭ṇa॒-śśama̭la॒māsī᳚t | sā gāthā̭ nārāśa॒gg॒sya̭ bhavat | yadanna̭sya | sā surā᳚ || 13 ||

tasmā॒-dgāya̭taśca ma॒ttasya̭ ca॒ na pra̭ti॒gṛhya᳚m | ya-tpra̭tigṛhṇī॒yāt | śama̭la॒-mprati̭gṛhṇīyāt || sarvā॒ vā e॒tasya॒ vāco 'va̭ruddhāḥ | yo vā̭japeyayā॒jī | yā pṛ̭thi॒vyāṃ-yā~-'gnau yā ra̭thanta॒re | yā-'ntari̭kṣe॒ yā vā॒yau yā vā̭made॒vye | yā di॒vi yā-''di॒tye yā bṛ̭ha॒ti | yā-'phsu yauṣa̭dhīṣu॒ yā vana॒spati̭ṣu || tasmā᳚-dvājapeyayā॒jyārtvi̭jīnaḥ | sarvā॒ hya̭sya॒ vāco 'va̭ruddhāḥ || 14 ||

(dhā॒vā॒meti॒ - jyaiṣṭhyā̭ya॒ - veda̭ - bra॒hmā jā̭yate-vāja॒peyaḥ॒-surā-''rtvi̭jīna॒ ekaṃ̭ ca ) (a. 2)

anuvākaṃ 3 - tasyagrahaviśeṣāḥ

de॒vā vai yada॒nyai-rgrahai᳚-rya॒jñasya॒ nāvārṷndhata | tada̭tigrā॒hyai̭-rati॒gṛhyā-vā̭rundhata | tada̭tigrā॒hyā̭ṇā-matigrāhya॒tvam || yada̭tigrā॒hyā̭ gṛ॒hyante᳚ | yade॒vānyai-rgrahai᳚-rya॒jñasya॒ nāva̭ru॒ndhe | tade॒va taira̭ti॒gṛhyā-va̭rundhe || pañca̭ gṛhyante | pāṅkto̭ ya॒jñaḥ | yāvā̭ne॒va ya॒jñaḥ | tamā॒ptvā 'va̭rundhe || 15 ||

sarva̭ ai॒ndrā bha̭vanti | e॒ka॒dhaiva yaja̭māna indri॒ya-nda̭dhati || sa॒ptada̭śa prājāpa॒tyā grahā̭ gṛhyante | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || eka̭ya॒rcā gṛ̭hṇāti | e॒ka॒dhaiva yaja̭māne vī॒rya̭-ndadhāti || so॒ma॒gra॒hāgśca̭ surāgra॒hāgśca̭ gṛhṇāti | e॒ta-dvai de॒vānā᳚-mpara॒mamanna᳚m | ya-thsomaḥ̭ || 16 ||

e॒ta-nma̭nu॒ṣyā̭ṇām | ya-thsurā᳚ | pa॒ra॒meṇai॒vāsmā̭ a॒nnādye॒nāva̭ra-ma॒nnādya॒-mava̭rundhe || so॒ma॒gra॒hā-ngṛ̭hṇāti | brahma̭ṇo॒ vā e॒ta-ttejaḥ̭ | ya-thsomaḥ̭ | brahma̭ṇa e॒va teja̭sā॒ tejo॒ yaja̭māne dadhāti | su॒rā॒gra॒hā-ngṛ̭hṇāti | anna̭sya॒ vā e॒tacchama̭lam | ya-thsurā᳚ || 17 ||

anna̭syai॒va śama̭lena॒ śama̭laṃ॒-ya~ja̭mānā॒-dapa̭hanti || so॒ma॒gra॒hāgśca̭ surāgra॒hāgśca̭ gṛhṇāti | pumā॒n॒. vai somaḥ̭ | strī surā᳚ | ta-nmi̭thu॒nam | mi॒thu॒name॒vāsya॒ ta-dya॒jñe ka̭roti pra॒jana̭nāya | ā॒tmāna̭me॒va so̭magra॒hai-sspṛ̭ṇoti | jā॒yāgṃ sṷrā gra॒haiḥ | tasmā᳚-dvājapeyayā॒jya̭muṣmi̭~llo॒ke striya॒gṃ॒ sambha̭vati | vā॒ja॒peyā̭-bhijita॒gg॒ hya̭sya || 18 ||

pūrvḙ somagra॒hā gṛ̭hyante | apa̭re surāgra॒hāḥ | pu॒ro॒kṣagṃ so̭magra॒hānth- sā̭dayati | pa॒ścā॒da॒kṣagṃ sṷrāgra॒hān | pā॒pa॒va॒sya॒sasya॒ vidhṛ̭tyai || e॒ṣa vai yaja̭mānaḥ | ya-thsomaḥ̭ | anna॒gṃ॒ surā᳚ | so॒ma॒gra॒hāgśca̭ surāgra॒hāgśca॒ vyati̭ṣajati | a॒nnādyḙnai॒vainaṃ॒-vya~ti̭ṣajati || 19 ||

sa॒pṛñcaḥ̭ stha॒ sa-mmā̭ bha॒dreṇa̭ pṛ॒ṅktetyā̭ha | annaṃ॒-vai~ bha॒dram | a॒nnādyḙnai॒vaina॒gṃ॒ sagṃsṛ̭jati || anna̭sya॒ vā e॒tacchama̭lam | ya-thsurā᳚ | pā॒pmèva॒ khalu॒ vai śama̭lam | pā॒pmanā॒ vā ḙname॒tacchama̭lena॒ vyati̭ṣajati | ya-thso̭magra॒hāgśca̭ surāgra॒hāgśca̭ vyati॒ṣaja̭ti || vi॒pṛcaḥ̭ stha॒ vi mā̭ pā॒pmanā̭ pṛ॒ṅktetyā̭ha | pā॒pmanai॒vaina॒gṃ॒ śama̭lena॒ vyāva̭rtayati || 20 ||

tasmā᳚-dvājapeyayā॒jī pū॒to meddhyo̭ dakṣi॒ṇyaḥ̭ || prāṃu-ddra̭vati somagra॒haiḥ | a॒mume॒va tai-rlo॒ka-ma॒bhija̭yati | pra॒tyaṅkhsṷrā gra॒haiḥ | i॒mame॒va tai-rlo॒ka-ma॒bhija̭yati || prati̭ṣṭhanti somagra॒haiḥ | yāva̭de॒va sa॒tyam | tena̭ sūyate || vā॒ja॒sṛdbhyaḥ̭ surāgra॒hān. ha̭ranti | anṛ̭tenai॒va viśa॒gṃ॒ sagṃsṛ̭jati || hi॒ra॒ṇya॒pā॒tra-mmadhoḥ᳚ pū॒rṇa-nda̭dāti | ma॒dha॒vyo̭-'sā॒nīti̭ || e॒ka॒dhā bra॒hmaṇa॒ upa̭ harati | e॒ka॒dhaiva yaja̭māna॒ āyu॒stejo̭ dadhāti || 21 ||

(ā॒ptvā-'va̭rundhe॒ - somaḥ॒ - śama̭laṃ॒-ya~-thsurā॒ - hya̭-syainaṃ॒-vya~ti̭ṣajati॒ - vyāva̭rtayati - sṛjati ca॒tvāri̭ ca ) (a. 3)

anuvākaṃ 4 - paśava-ssaptadaśa

bra॒hma॒vā॒dino̭ vadanti | nāgni̭ṣṭo॒mo nokthyaḥ̭ | na ṣo̭ḍa॒śī nāti̭rā॒traḥ | atha॒ kasmā᳚-dvāja॒peye॒ sarvḙ yajñakra॒tavo-'va̭ruddhyanta॒ iti̭ | pa॒śubhi॒riti̭ brūyāt || ā॒gne॒ya-mpa॒śumāla̭bhate | a॒gni॒ṣṭo॒mame॒va tenāva̭rundhe | ai॒ndrā॒gneno॒kthya᳚m | ai॒ndreṇa̭ ṣoḍa॒śinaḥ̭ sto॒tram | sā॒ra॒sva॒tyā-'ti̭rā॒tram || 22 ||

mā॒ru॒tyā bṛ̭ha॒ta-ssto॒tram | e॒tāva̭nto॒ vai ya̭jñakra॒tavaḥ̭ | tā-npa॒śubhi̭re॒vā-va̭rundhe || ā॒tmāna̭me॒va spṛ̭ṇo-tyagniṣṭo॒mena̭ | prā॒ṇā॒pā॒nā-vu॒kthyḙna | vī॒ryagṃ̭ ṣoḍa॒śinaḥ̭ sto॒treṇa̭ | vāca̭-matirā॒treṇa̭ | pra॒jā-mbṛ̭ha॒ta-ssto॒treṇa̭ | i॒mame॒va lo॒kama॒bhi ja̭yatyagniṣṭo॒mena̭ | a॒ntari̭kṣa-mu॒kthyḙna || 23 ||

su॒va॒rgaṃ-lo~॒kagṃ ṣo̭ḍa॒śinaḥ̭ sto॒treṇa̭ | de॒va॒yānā̭ne॒va pa॒tha āro̭ha-tyatirā॒treṇa̭ | nākagṃ̭ rohati bṛha॒ta-ssto॒treṇa̭ | teja̭ e॒vātma-ndha̭tta āgne॒yena̭ pa॒śunā᳚ | ojo॒ bala̭maindrā॒gnena̭ | i॒ndri॒ya-mai॒ndreṇa̭ | vācagṃ̭ sārasva॒tyā | u॒bhāve॒va dḙvalo॒ka-ñca̭ manuṣyalo॒ka-ñcā॒bhija̭yati māru॒tyā va॒śayā᳚ || sa॒ptada̭śa prājāpa॒tyā-npa॒śūnāla̭bhate | sa॒pta॒da॒śaḥ pra॒jāpa̭tiḥ || 24 ||

pra॒jāpa̭te॒rāptyai᳚ || śyā॒mā eka̭rūpā bhavanti | e॒vami̭va॒ hi pra॒jāpa̭ti॒-ssamṛ̭ddhyai || tā-nparya̭gnikṛtā॒-nuthsṛ̭jati || ma॒ruto̭ ya॒jñama̭jighāgṃsa-npra॒jāpa̭teḥ | tebhya̭ e॒tā-mmā̭ru॒tīṃ-va~॒śāmāla̭bhata | tayai॒vainā̭-naśamayat || mā॒ru॒tyā pra॒carya̭ | e॒tān-thsañjña̭payet | ma॒ruta̭ e॒va śa̭mayi॒tvā || 25 ||

e॒taiḥ praca̭rati | ya॒jñasyāghā̭tāya || e॒ka॒dhā va॒pā jṷhoti | e॒ka॒de॒va॒tyā̭ hi | e॒te | atho̭ eka॒dhaiva yaja̭māne vī॒rya̭-ndadhāti || nai॒vā॒reṇa̭ sa॒ptada̭śaśarāve-ṇai॒tarhi॒ praca̭rati | e॒ta-tpṷroḍāśā॒ hyḙte | atho̭ paśū॒nāme॒va chi॒dramapi̭dadhāti || sā॒ra॒sva॒tyotta॒mayā॒ praca̭rati | vāg vai sara̭svatī | tasmā᳚-tprā॒ṇānāṃ॒-vā~gṷtta॒mā | atho᳚ pra॒jāpa̭tāve॒va ya॒jña-mprati̭ṣṭhāpayati | pra॒jāpa̭ti॒r॒ hi vāk || apa̭nnadatī bhavati | tasmā᳚-nmanu॒ṣyā᳚-ssarvāṃ॒-vā~caṃ̭-va~danti || 26 ||

(a॒ti॒rā॒tra - ma॒ntari̭kṣamu॒kthyḙna - pra॒jāpa̭tiḥ - śamayi॒tvot - ta॒mayā॒ praca̭rati॒ ṣaṭ ca̭) (a. 4)

anuvākaṃ 5 - rathayājanam

sā॒vi॒tra-ñjṷhoti॒ karma̭ṇaḥ karmaṇaḥ pu॒rastā᳚t || kasta-dve॒detyā̭huḥ | ya-dvā̭ja॒peya̭sya॒ pūrvaṃ॒-ya~dapa̭ra॒miti̭ | sa॒vi॒tṛpra̭sūta e॒va ya̭thāpū॒rva-ṅkarmā̭ṇi karoti || sava̭ne savane juhoti | ā॒krama̭ṇame॒va ta-thsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || vā॒caspati॒-rvāca̭ma॒dya sva̭dāti na॒ ityā̭ha | vāgvai de॒vānā᳚-mpu॒rā-'nna̭māsīt | vāca̭me॒vāsmā॒ annagg̭ svadayati || 27 ||

indra̭sya॒ vajro̭-'si॒ vārtra̭ghna॒ iti॒ ratha̭mu॒pāva̭harati॒ viji̭tyai || vāja̭sya॒ nu pra̭sa॒ve mā॒tara̭-mma॒hīmityā̭ha | yaccai॒veyam | yaccā॒syāmadhi̭ | tade॒vā-va̭rundhe | atho॒ tasmi̭nne॒vobhaye॒-'bhiṣi̭cyate || a॒phsva̭ntara॒-mṛta̭ma॒phsu bhḙṣa॒jamityaśvā᳚-npalpūlayati | a॒phsu vā aśva̭sya॒ tṛtī̭ya॒-mpravi̭ṣṭam | tada̭nu॒vena॒nvava̭plavate | yada॒phsu pa̭lpū॒laya̭ti || 28 ||

yade॒vāsyā॒phsu pravi̭ṣṭam | tade॒vāva̭rundhe || ba॒hu vā aśvo̭-'me॒ddhya-mupa̭gacchati | yada॒phsu pa̭lpū॒laya̭ti | meddhyā̭ne॒vainā᳚n karoti || vā॒yurvā᳚ tvā॒ manṷrvā॒ tvetyā̭ha | e॒tā vā e॒ta-nde॒vatā॒ agre॒ aśva̭mayuñjann | tābhi̭re॒vaināṋ. yunakti | sa॒vasyojji̭tyai || yajṷṣā yunakti॒ vyāvṛ̭ttyai || 29 ||

apā᳚-nna pādāśuhema॒nniti॒ sammā᳚rṣṭi | meddhyā̭ne॒vainā᳚n karoti | atho॒ stautye॒vainā̭nā॒jigṃ sa̭riṣya॒taḥ || vi॒ṣṇu॒ kra॒mān kra̭mate | viṣṇṷre॒va bhū॒tvemā~llo॒kā-na॒bhija̭yati || vai॒śva॒de॒vo vai rathaḥ̭ | a॒ṅkau nya॒ṅkāva॒bhito॒ rathaṃ॒-yā~vityā̭ha | yā e॒va de॒vatā॒ rathe॒ pravi̭ṣṭāḥ | tābhya̭ e॒va nama̭skaroti | ā॒tmano-'nā᳚rtyai || aśa̭maratha-mbhāvuko-'sya॒ ratho̭ bhavati | ya e॒vaṃ-ve~da̭ || 30 ||

(sva॒da॒ya॒ti॒ - pa॒lpū॒laya̭ti॒ - vyāvṛ̭ttyā॒ - anā᳚rtyai॒ dve ca̭) (a. 5)

anuvākaṃ 6 - rathadhāvanam

de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ vāja̭-ñjeṣa॒mityā̭ha | sa॒vi॒tṛpra̭sūta e॒va brahma̭ṇā॒ vāja॒mujja̭yati || de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ varṣi̭ṣṭha॒-nnākagṃ̭ ruheya॒mityā̭ha | sa॒vi॒tṛpra̭sūta e॒va brahma̭ṇā॒ varṣi̭ṣṭha॒-nnākagṃ̭ rohati || cātvā̭le rathaca॒kra-nnimi̭tagṃ rohati | ato॒ vā aṅgi̭rasa utta॒mā-ssṷva॒rgaṃ-lo~॒kamā̭yann | sā॒kṣāde॒va yaja̭māna-ssuva॒rgaṃ-lo~॒kamḙti || āve᳚ṣṭayati | vajro॒ vai rathaḥ̭ | vajrḙṇai॒va diśo॒-'bhija̭yati || 31 ||

vā॒jinā॒gṃ॒ sāma̭ gāyate | annaṃ॒-vai~ vājaḥ̭ | anna̭me॒-vāva̭rundhe || vā॒co varṣma̭ de॒vebhyo-'pā᳚krāmat | ta-dvana॒spatī॒-nprāvi̭śat | saiṣā vāg-vana॒spati̭ṣu vadati | yā dṷndu॒bhau | tasmā᳚-ddundu॒bhi-ssarvā॒ vācoti̭ vadati || du॒ndu॒bhīn-thsa॒māghna̭nti | pa॒ra॒mā vā e॒ṣā vāk || 32 ||

yā dṷndu॒bhau | pa॒ra॒mayai॒va vā॒cā-'va̭rāṃ॒-vā~ca॒ma-va̭rundhe | atho̭ vā॒ca e॒va varṣma॒ yaja̭mā॒no 'va̭rundhe || indrā̭ya॒ vācaṃ̭-va~da॒tendraṃ॒-vā~ja̭-ñjāpaya॒tendro॒ vāja̭majayi॒-dityā̭ha | e॒ṣa vā e॒tarhīndraḥ̭ | yo yaja̭te | yaja̭māna e॒va vāja॒mujja̭yati || sa॒ptada̭śa pravyā॒dhānā॒ji-ndhā̭vanti | sa॒pta॒da॒śagg sto॒tra-mbha̭vati | sa॒ptada̭śa saptadaśa dīyante || 33 ||

sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || arvā̭-'si॒ sapti̭rasi vā॒jya̭sītyā̭ha | a॒gnirvā arvā᳚ | vā॒yu-ssaptiḥ̭ | ā॒di॒tyo vā॒jī | e॒tābhi̭re॒vāsmai̭ de॒vatā̭bhi-rdevara॒thaṃ-yu~̭nakti || pra॒ṣṭi॒vā॒hinaṃ̭-yu~nakti | pra॒ṣṭi॒vā॒hī vai dḙvara॒thaḥ | de॒va॒ra॒thame॒vāsmai̭ yunakti || 34 ||

vāji̭no॒ vāja̭-ndhāvata॒ kāṣṭhā᳚-ṅgaccha॒tetyā̭ha | su॒va॒rgo vai lo॒kaḥ kāṣṭhā᳚ | su॒va॒rgame॒va lo॒kaṃ-ya~̭nti || su॒va॒rgaṃ-vā~ e॒te lo॒kaṃ-ya~̭nti | ya ā॒ji-ndhāva̭nti || prāñco̭ dhāvanti | prāṃi̭va॒ hi sṷva॒rgo lo॒kaḥ || ca॒ta॒sṛbhi॒ranṷ mantrayate | ca॒tvāri॒ chandāgṃ̭si | chando̭bhire॒vainā᳚n-thsuva॒rgaṃ-lo~॒ka-ṅga̭mayati || 35 ||

pra vā e॒te᳚-'smāl-lo॒kāccya̭vante | ya ā॒ji-ndhāva̭nti | uda̭ñca॒ āva̭rtante | a॒smāde॒va tena̭ lo॒kānnaya̭nti || ra॒tha॒vi॒mo॒ca॒nīya̭-ñjuhoti॒ prati̭ṣṭhityai || ā mā॒ vāja̭sya prasa॒vo ja̭gamyā॒dityā̭ha | annaṃ॒-vai~ vājaḥ̭ | anna̭me॒vāva̭rundhe || ya॒thā॒lo॒kaṃ-vā~ e॒ta ujja̭yanti | ya ā॒ji-ndhāva̭nti || 36 ||

kṛ॒ṣṇala̭-ṅkṛṣṇalaṃ-vā~ja॒sṛdbhyaḥ॒ praya̭cchati | yame॒va te vājaṃ̭-lo~॒kamu॒jjaya̭nti | ta-mpa̭ri॒krīyā-va̭rundhe || e॒ka॒dhā bra॒hmaṇa॒ upa̭harati | e॒ka॒dhaiva yaja̭māne vī॒rya̭-ndadhāti || de॒vā vā oṣa̭dhīṣvā॒jima̭yuḥ | tā bṛha॒spati॒-ruda̭jayat | sa nī॒vārā॒nnira̭vṛṇīta | tannī॒vārā̭ṇā-nnīvāra॒tvam || nai॒vā॒raśca॒ru-rbha̭vati || 37 ||

e॒tadvai de॒vānā᳚-mpara॒mamanna᳚m | yannī॒vārāḥ᳚ | pa॒ra॒meṇai॒vāsmā̭ a॒nnādye॒-nāva̭ra-ma॒nnādya॒mava̭rundhe || sa॒ptada̭śaśarāvo bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || kṣī॒re bha̭vati | ruca̭me॒vāsmi̭n-dadhāti || sa॒rpiṣvā᳚-nbhavati meddhya॒tvāya̭ || bā॒r॒ha॒spa॒tyo vā e॒ṣa de॒vata̭yā || 38 ||

yo vā̭ja॒peyḙna॒ yaja̭te | bā॒r॒ha॒spa॒tya e॒ṣa ca॒ruḥ || aśvā᳚n-thsariṣya॒ta-ssa॒sruṣa॒ścāva̭-ghrāpayati | yame॒va te vājaṃ̭-lo~॒kamu॒jjaya̭nti | tame॒vāva̭rundhe || ajī̭jipata vanaspataya॒ indraṃ॒-vā~jaṃ॒-vi~mṷcyaddhva॒miti̭ dundu॒bhīn. vimṷñcati | yame॒va te vājaṃ̭-lo~॒kami̭ndri॒ya-ndṷndu॒bhaya̭ u॒jjaya̭nti | tame॒vā-va̭rundhe || 39 ||

(a॒bhija̭yati॒ - vā e॒ṣā vāg - dī̭yante - 'smai yunakti - gamayati॒ - ya ā॒ji-ndhāva̭nti - bhavati - de॒vata̭yā॒ - +-'ṣṭau ca̭) (a. 6)

anuvākaṃ 7 - yūpārohaṇam

tā॒rpyaṃ-ya~ja̭māna॒-mpari̭dhāpayati | ya॒jño vai tā॒rpyam | ya॒jñenai॒vaina॒gṃ॒ sama̭rdhayati | da॒rbha॒maya॒-mpari̭dhāpayati | pa॒vitraṃ॒-vai~ da॒rbhāḥ | pu॒nātye॒vaina᳚m | vājaṃ॒-vā~ e॒ṣo-'va̭ruruthsate | yo vā̭ja॒peyḙna॒ yaja̭te | oṣa̭dhayaḥ॒ khalu॒ vai vājaḥ̭ | ya-dda̭rbha॒maya̭-mparidhā॒paya̭ti || 40 ||

vāja॒syāva̭-ruddhyai || jāya॒ ehi॒ suvo॒ rohā॒vetyā̭ha | patni̭yā e॒vaiṣa ya॒jñasyā᳚n-vāra॒mbho-'na̭vacchityai || sa॒ptada̭śā-ratni॒ryūpo̭ bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒rāptyai᳚ || tū॒pa॒ra-ścatṷraśri-rbhavati || gau॒dhū॒ma-ñca॒ṣāla᳚m | na vā e॒te vrī॒hayo॒ na yavāḥ᳚ | ya-dgo॒dhūmāḥ᳚ || 41 ||

e॒vami̭va॒ hi pra॒jāpa̭ti॒-ssamṛ̭ddhyai | atho̭ a॒mume॒vāsmai̭ lo॒kamanna̭vanta-ṅkaroti || vāso̭bhi-rveṣṭayati | e॒ṣa vai yaja̭mānaḥ | yadyūpaḥ̭ | sa॒rva॒de॒va॒tyaṃ̭-vā~saḥ̭ | sarvā̭bhire॒vaina̭-nde॒vatā̭bhi॒-ssama̭rdhayati | atho̭ ā॒krama̭ṇame॒va tathsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || dvāda̭śa vājaprasa॒vīyā̭ni juhoti || 42 ||

dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒rame॒va prī̭ṇāti | atho̭ saṃva~thsa॒rame॒vāsmā॒ upa̭ dadhāti | su॒va॒rgasya̭ lo॒kasya॒ sama̭ṣṭyai || da॒śabhiḥ॒ kalpai̭ rohati | nava॒ vai purṷṣe prā॒ṇāḥ | nābhi̭rdaśa॒mī | prā॒ṇāne॒va ya̭thāsthā॒na-ṅka̭lpayi॒tvā | su॒va॒rgaṃ-lo~॒kamḙti | e॒tāva॒dvai purṷṣasya॒ svam || 43 ||

yāva̭t-prā॒ṇāḥ | yāva̭de॒vāsyāsti̭ | tena̭ sa॒ha sṷva॒rgaṃ-lo~॒kamḙti || suva̭rde॒vāgṃ a̭ga॒nmetyā̭ha | su॒va॒rgame॒va lo॒kamḙti | a॒mṛtā̭ abhū॒metyā̭ha | a॒mṛta̭miva॒ hi sṷva॒rgo lo॒kaḥ | pra॒jāpa̭teḥ pra॒jā a̭bhū॒metyā̭ha | prā॒jā॒pa॒tyo vā a॒yaṃ-lo~॒kaḥ | a॒smāde॒va tena̭ lo॒kānnaiti̭ || 44 ||

sama॒ha-mpra॒jayā॒ sa-mmayā᳚ pra॒jetyā̭ha | ā॒śiṣa̭me॒vaitā-māśā᳚ste || ā॒sa॒pu॒ṭai-rghna̭nti | annaṃ॒-vā~ i॒yam | a॒nnādyḙnai॒vaina॒gṃ॒ sama̭rdhayanti | ūṣai᳚-rghnanti | e॒te hi sā॒kṣādanna᳚m | yadūṣāḥ᳚ | sā॒kṣāde॒vaina̭-ma॒nnādyḙna॒ sama̭rdhayanti || pu॒rastā᳚t-pra॒tyañca᳚-ṅghnanti || 45 ||

pu॒rastā॒ddhi pra̭tī॒cīna॒-manna̭ma॒dyate᳚ || śī॒r॒ṣa॒to ghna̭nti | śī॒r॒ṣa॒to hyanna̭ma॒dyate᳚ || di॒gbhyo ghna̭nti | di॒gbhya e॒vāsmā̭ a॒nnādya॒-mava̭rundhate || ī॒śva॒ro vā e॒ṣa parāṃ᳚-pra॒daghaḥ̭ | yo yūpa॒gṃ॒ roha̭ti || hira̭ṇyama॒ddhya-va̭rohati | a॒mṛtaṃ॒-vai~ hira̭ṇyam | a॒mṛtagṃ̭ suva॒rgo lo॒kaḥ || 46 ||

a॒mṛta̭ e॒va sṷva॒rge lo॒ke prati̭ tiṣṭhati || śa॒tamā̭na-mbhavati | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭ tiṣṭhati || puṣṭyai॒ vā e॒ta-drū॒pam | yada॒jā | tri-ssaṃ̭va~thsa॒rasyā॒nyān-pa॒śū-npari॒ prajā̭yate || ba॒stā॒ji॒na-ma॒ddhyava̭ rohati | puṣṭyā̭me॒va pra॒jana̭ne॒ prati̭tiṣṭhati || 47 ||

(pa॒ri॒dhā॒paya̭ti - go॒dhūmā̭ - juhoti॒ - svaṃ - naiti̭ - pra॒tyañja̭-ṅghnanti - lo॒ko - +nava̭ ca (a. 7)

anuvākaṃ 8 - annahomāḥ, abhiṣekaśca

sa॒ptānna̭-ho॒māñjṷhoti | sa॒pta vā annā̭ni | yāva̭ntye॒vānnā̭ni | tānye॒vāva̭rundhe | sa॒pta grā॒myā oṣa̭dhayaḥ | sa॒ptāra॒ṇyāḥ | u॒bhayī̭ṣā॒-mava̭ruddhyai || anna̭syā-nnasya juhoti | anna̭syānna॒syā-va̭ruddhyai || ya-dvā̭japeyayā॒jya-na̭varuddhasyāśñī॒yāt || 48 ||

ava̭ruddhena॒ vyṛ̭ddhyeta | sarva̭sya samava॒dāya̭ juhoti | ana̭varuddha॒-syāva̭ruddhyai || audṷmbareṇa sru॒veṇa̭ juhoti | ūrgvā anna̭-mudu॒mbaraḥ̭ | ū॒rja e॒vānnādya॒syāva̭ruddhyai || de॒vasya̭ tvā savi॒tuḥ pra̭sa॒va ityā̭ha | sa॒vi॒tṛ pra̭sūta e॒vaina॒-mbrahma̭ṇā de॒vatā̭bhi-ra॒bhiṣi̭ñcati || anna̭syānnasyā॒bhiṣi̭ñcati | anna̭syānna॒syāva̭ruddhyai || 49 ||

pu॒rastā᳚t-pra॒tyañca̭-ma॒bhiṣi̭ñcati | pu॒rastā॒ddhi-pra̭tī॒cīna॒-manna̭ma॒dyate᳚ | śī॒r॒ṣa॒to̭-'bhiṣi̭ñcati | śī॒r॒ṣa॒to hyanna̭ma॒dyate᳚ || āmukhā̭da॒nvava̭ srāvayati | mu॒kha॒ta e॒vāsmā̭ a॒nnādya̭-ndadhāti || a॒gnestvā॒ sāmrā᳚jyenā॒bhiṣi̭ñcā॒mītyā̭ha | e॒ṣa vā a॒gne-ssa॒vaḥ | tenai॒vaina̭-ma॒bhiṣi̭ñcati | indra̭sya tvā॒ sāmrā᳚jyenā॒bhiṣi̭ñcā॒mītyā̭ha || 50 ||

i॒ndri॒ya-me॒vāsmi̭-nne॒tena̭ dadhāti | bṛha॒spate᳚stvā॒ sāmrā᳚jyenā॒bhiṣi̭ñcā॒-mītyā̭ha | brahma॒ vai de॒vānā॒-mbṛha॒spatiḥ̭ | brahma̭ṇai॒vaina̭-ma॒bhiṣi̭ñcati || so॒ma॒gra॒hāgścā̭-vadānī॒yāni̭ ca॒rtvigbhya॒ upa̭ haranti | a॒mume॒va tai-rlo॒ka-manna̭vanta-ṅkaroti | su॒rā॒gra॒hāgścā̭-navadānī॒yāni̭ ca vāja॒sṛdbhyaḥ̭ | i॒mame॒va tai-rlo॒ka-manna̭vanta-ṅkaroti | atho̭ u॒bhayī᳚ṣve॒vābhiṣi̭cyate || vi॒mā॒tha-ṅkṷrvate vāja॒sṛtaḥ̭ || 51 ||

i॒ndri॒yasyāva̭ruddhyai || ani̭ruktābhiḥ prātassava॒ne stṷvate | ani̭ruktaḥ pra॒jāpa̭tiḥ | pra॒jāpa̭te॒rāptyai᳚ | vāja̭vatībhi॒-rmāddhya̭ndine | annaṃ॒-vai~ vājaḥ̭ | anna̭me॒vā-va̭rundhe | śi॒pi॒vi॒ṣṭava̭tībhi-stṛtīyasava॒ne | ya॒jño vai viṣṇuḥ̭ | pa॒śava॒-śśipiḥ̭ | ya॒jña e॒va pa॒śuṣu॒ prati̭ tiṣṭhati || bṛ॒hadantya̭-mbhavati | anta̭me॒vainagg̭ śri॒yai ga̭mayati || 52 ||

(a॒śñī॒yā - danna̭syānna॒syā va̭ruddhyā॒ - indra̭sya tvā॒ sāmrā᳚jyenā॒bhiṣi̭ñcā॒ mītyā̭ha-vāja॒sṛtaḥ॒ - śipi॒ strīṇi̭ ca) (a. 8)

anuvākaṃ 9 - atigrāhyāḥ, pañcaindrāḥ

nṛ॒ṣada॒-ntvetyā̭ha | pra॒jā vai nṝn | pra॒jānā̭me॒vaitena̭ sūyate | dru॒ṣada॒mityā̭ha | vana॒spata̭yo॒ vai dru | vana॒spatī̭nāme॒vai tena̭ sūyate | bhu॒va॒na॒sada॒-mityā̭ha | ya॒dā vai vasī̭yā॒-nbhava̭ti | bhuva̭namaga॒nniti॒ vai tamā̭huḥ | bhuva̭name॒vaitena̭ gacchati || 53 ||

a॒phsu॒ṣada̭-ntvā ghṛta॒sada॒-mityā̭ha | a॒pāme॒vaitena̭ ghṛ॒tasya̭ sūyate | vyo॒ma॒sada॒-mityā̭ha | ya॒dā vai vasī̭yā॒-nbhava̭ti | vyo̭māga॒nniti॒ vai tamā̭huḥ | vyo̭mai॒vaitena̭ gacchati || pṛ॒thi॒vi॒ṣada̭-ntvā-'ntarikṣa॒sada॒-mityā̭ha | e॒ṣāme॒vaitena̭ lo॒kānāgṃ̭ sūyate | tasmā᳚-dvājape-yayā॒jī na ka-ñca॒na pra॒tyava̭rohati | apī̭va॒ hi de॒vatā̭nāgṃ sū॒yate᳚ || 54 ||

nā॒ka॒sada॒-mityā̭ha | ya॒dāvai vasī̭yā॒-nbhava̭ti | nāka̭maga॒nniti॒ vai tamā̭huḥ | nāka̭me॒vaitena̭ gacchati || ye grahāḥ᳚ pañcaja॒nīnā॒ ityā̭ha | pa॒ñca॒ja॒nānā̭-me॒vaitena̭ sūyate || a॒pāgṃ rasa॒mudva̭yasa॒-mityā̭ha | a॒pāme॒vaitena॒ rasa̭sya sūyate | sūrya̭raśmigṃ sa॒mābhṛ̭ta॒-mityā̭ha saśukra॒tvāya̭ || 55 ||

(ga॒ccha॒ti॒ - sū॒yate॒ - +nava̭ ca) (a. 9)

anuvākaṃ 10 - piṇḍapitṛyajñaḥ darśapūrṇamāsabrāhmaṇaśeṣaḥ

indro vṛ॒tragṃ ha॒tvā | asṷrā-nparā॒bhāvya̭ | so̭-'māvā॒syā᳚-mpratyāga̭cchat | te pi॒taraḥ̭ pūrve॒dyu-rāga̭cchann | pi॒tṝn. ya॒jño̭-'gacchat | ta-nde॒vāḥ puna̭rayācanta | tame᳚bhyo॒ na puna̭radaduḥ | te᳚-'bruva॒n varaṃ̭-vṛ~ṇāmahai | atha̭ vaḥ॒ puna̭rdāsyāmaḥ | a॒smabhya̭me॒va pū᳚rve॒dyuḥ kri̭yātā॒ iti̭ || 56 ||

tame᳚bhyaḥ॒ puna̭radaduḥ | tasmā᳚t-pi॒tṛbhyaḥ̭ pūrve॒dyuḥ kri̭yate | ya-tpi॒tṛbhyaḥ̭ pūrve॒dyuḥ ka॒roti̭ | pi॒tṛbhya̭ e॒va ta-dya॒jña-nni॒ṣkrīya॒ yaja̭mānaḥ॒ prata̭nute || somā̭ya pi॒tṛpī̭tāya sva॒dhā nama॒ ityā̭ha | pi॒ture॒vādhi̭ somapī॒thamava̭ rundhe | na hi pi॒tā pra॒mīya̭māṇa॒ āhai॒ṣa so̭mapī॒tha iti̭ | i॒ndri॒yaṃ-vai~ so̭mapī॒thaḥ | i॒ndri॒yame॒va so̭mapī॒thamava̭-rundhe | tena᳚ndri॒yeṇa̭ dvi॒tīyā᳚-ñjā॒yāma॒bhya̭śñute || 57 ||

e॒ta-dvai brāhma̭ṇa-mpu॒rā vā̭jaśrava॒sā vi॒dāma̭krann | tasmā॒-tte dvedvḙ jā॒ye a॒bhyā᳚kṣata | ya e॒vaṃ-ve~da̭ | a॒bhi dvi॒tīyā᳚-ñjā॒yāma̭śñute || a॒gnayḙ kavya॒vāha̭nāya sva॒dhā nama॒ ityā̭ha | ya e॒va pi̭tṛ॒ṇāma॒gniḥ | ta-mprī̭ṇāti || ti॒sra āhṷtī-rjuhoti || trirnida̭dhāti || ṣaṭ-thsampa̭dyante || 58 ||

ṣaḍvā ṛ॒tavaḥ̭ | ṛ॒tūne॒va prī̭ṇāti || tū॒ṣṇī-mmekṣa̭ṇa॒-māda̭dhāti | asti̭ vā॒ hi ṣa॒ṣṭha ṛ॒turna vā᳚ || de॒vān. vai pi॒tṝ-nprī॒tān | ma॒nu॒ṣyāḥ᳚ pi॒taro-'nu॒ prapi̭pate | ti॒sra āhṷtī-rjuhoti | trirnida̭dhāti | ṣaṭ-thsampa̭dyante | ṣaḍvā ṛ॒tavaḥ̭ || 59 ||

ṛ॒tavaḥ॒ khalu॒ vai de॒vāḥ pi॒taraḥ̭ | ṛ॒tūne॒va de॒vā-npi॒tṝ-nprī̭ṇāti | tānprī॒tān | ma॒nu॒ṣyāḥ᳚ pi॒taro-'nu॒ prapi̭pate || sa॒kṛ॒dā॒cchi॒nna-mba॒r॒hi-rbha̭vati | sa॒kṛdi̭va॒ hi pi॒taraḥ̭ || trirnida̭dhāti | tṛ॒tīye॒ vā i॒to lo॒ke pi॒taraḥ̭ | tāne॒va prī̭ṇāti || parāṃ॒āva̭rtate || 60 ||

hlīkā॒ hi pi॒taraḥ̭ || òṣmaṇo᳚ vyā॒vṛta॒ upā᳚ste | ū॒ṣmabhā̭gā॒ hi pi॒taraḥ̭ || bra॒hma॒vā॒dino̭ vadanti | prāśyāṃ(3)na prāśyā(3)miti̭ | ya-tprā᳚śñī॒yāt | janya॒manna̭madyāt | pra॒māyṷka-ssyāt | yanna prā᳚śñī॒yāt | aha̭vi-ssyāt || 61 ||

pi॒tṛbhya॒ āvṛ̭ścyeta | a॒va॒ghreya̭me॒va | tanneva॒ prāśi̭ta॒-nnevāprā̭śitam || vī॒raṃ-vā~॒ vai pi॒taraḥ̭ pra॒yanto॒ hara̭nti | vī॒raṃ-vā~̭ dadati | da॒śā-ñchi̭natti | hara̭ṇabhāgā॒ hi pi॒taraḥ̭ | pi॒tṝne॒va ni॒rava̭dayate || utta̭ra॒ āyṷṣi॒ loma̭ chindīta | pi॒tṛ॒ṇāg hyḙtarhi॒ nedī̭yaḥ || 62 ||

nama̭skaroti | na॒ma॒skā॒ro hi pi̭tṛ॒ṇām || namo̭ vaḥ pitaro॒ rasā̭ya | namo̭ vaḥ pitara॒-śśuṣmā̭ya | namo̭ vaḥ pitaro jī॒vāya̭ | namo̭ vaḥ pitara-ssva॒dhāyai᳚ | namo̭ vaḥ pitaro ma॒nyave᳚ | namo̭ vaḥ pitaro gho॒rāya̭ | pita̭ro॒ namo̭ vaḥ | ya e॒tasmi̭n ~lo॒ke stha || 63 ||

yu॒ṣmāgste-'nṷ | ye᳚-'smi~llo॒ke | mā-nte nṷ | ya e॒tasmi̭~llo॒ke stha | yū॒ya-nteṣāṃ॒-va~si̭ṣṭhā bhūyāsta | ye᳚-'smi~llo॒ke | a॒ha-nteṣāṃ॒-va~si̭ṣṭho bhūyāsa॒mityā̭ha | vasi̭ṣṭha-ssamā॒nānā᳚-mbhavati | ya e॒vaṃ-vi~॒dvān-pi॒tṛbhyaḥ̭ ka॒roti̭ || e॒ṣa vai ma̭nu॒ṣyā̭ṇāṃ-ya~॒jñaḥ || 64 ||

de॒vānāṃ॒-vā~ ita̭re ya॒jñāḥ | tena॒ vā e॒ta-tpi̭tṛlo॒ke ca̭rati || ya-tpi॒tṛbhyaḥ̭ ka॒roti̭ | sa ī᳚śva॒raḥ pramḙtoḥ | prā॒jā॒pa॒tyaya॒rcā puna॒raiti̭ | ya॒jño vai pra॒jāpa̭tiḥ | ya॒jñenai॒va sa॒ha puna॒raiti̭ | na pra॒māyṷko bhavati || pi॒tṛ॒lo॒ke vā e॒ta-dyaja̭mānaścarati | ya-tpi॒tṛbhyaḥ̭ ka॒roti̭ | sa ī᳚śva॒ra ārti॒mārtoḥ᳚ | pra॒jāpa̭ti॒-stvāvaina॒-ntata॒ unnḙtumarha॒tītyā̭huḥ | ya-tprā̭jāpa॒tyaya॒rcā puna॒raiti̭ | pra॒jāpa̭tire॒vaina॒-ntata॒ unna̭yati | nārti॒mārccha̭ti॒ yaja̭mānaḥ || 65 ||

(itya̭ - śñute - padyante - padyante॒ ṣaḍvā ṛ॒tavo̭ - varta॒te-' - ha̭vi-ssyā॒n - nedī̭yaḥ॒ - stha - ya॒jño - yaja̭mānaścarati॒ ya-tpi॒tṛbhyaḥ̭ ka॒roti॒ pañca̭ ca) (a. 10)

(de॒vā॒su॒rā a॒gnīṣoma̭yo--r de॒vā vai yathā॒ darśaṃ̭ - de॒vā vai yada॒nyai-rgrahai᳚--r brahmavā॒dino॒ nāgni̭ṣṭo॒mo na - sā̭vi॒traṃ - de॒vasyā॒haṃ - tā॒rpyagṃ - sa॒ptānna̭ho॒mān - nṛ॒ṣadaṃ॒ - tvendro̭ vṛ॒tragṃ ha॒tvā daśa̭)

(de॒vā॒su॒rā - vā॒jyḙvainaṃ॒ - tasmā᳚-dvājapeyayā॒jī - de॒vasyā॒haṃ - ~vāja॒syāva̭ruddhyā- indri॒yame॒vāsmi॒n॒. - hlīkā॒ hi pi॒taraḥ॒ pañca̭ṣaṣṭiḥ)

(de॒vā॒su॒rā - yaja̭mānaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhaka-ssamāptaḥ ||