Krishna Stutih (brahma Krita Bhagavata Purana)

ॐ

க்ரு'ஷ்ண ஸ்துதிஃ (ப்ரஹ்ம க்ரு'தா பாகவத புராண)

Krishna Vyasa Tamil

ப்ரஹ்மோவாச ।

நௌமீட்ய தேऽப்ரவபுஷே தடிதம்பராய

குஞ்ஜாவதம்ஸபரிபிச்சலஸந்முகாய ।

வந்யஸ்ரஜே கவலவேத்ரவிஷாணவேணு-

லக்ஷ்மஶ்ரியே ம்ரு'துபதே பஶுபாங்கஜாய ॥ 1 ॥

அஸ்யாபி தேவ வபுஷோ மதநுக்ரஹஸ்ய

ஸ்வேச்சாமயஸ்ய ந து பூதமயஸ்ய கோऽபி ।

நேஶேமஹி த்வவஸிதும் மநஸாந்தரேண

ஸாக்ஷாத்தவைவ கிமுதாத்மஸுகாநுபூதேஃ ॥ 2 ॥

ஜ்ஞாநே ப்ரயாஸமுதபாஸ்ய நமந்த ஏவ

ஜீவந்தி ஸந்முகரிதாம் பவதீயவார்தாம் ।

ஸ்தாநே ஸ்திதாஃ ஶ்ருதிகதாம் தநுவாம்மநோபிஃ

யே ப்ராயஶோऽஜித ஜிதோऽப்யஸி தைஸ்த்ரிலோக்யாம் ॥ 3 ॥

ஶ்ரேயஃஸ்ருதிம் பக்திமுதஸ்ய தே விபோ க்லிஶ்யந்தி யே கேவலபோதலப்தயே ।

தேஷாமஸௌ க்லேஶல ஏவ ஶிஷ்யதே நாந்யத்யதா ஸ்தூலதுஷாவகாதிநாம் ॥ 4 ॥

புரேஹ பூமந் பஹவோऽபி யோகிநஸ்த்வதர்பிதேஹா நிஜகர்மலப்தயா ।

விபுத்ய பக்த்யைவ கதோபநீதயா ப்ரபேதிரேऽஞ்ஜோऽச்யுத தே கதிம் பராம் ॥ 5 ॥

ததாபி பூமந் மஹிமாऽகுணஸ்ய தே விபோத்துமர்ஹத்யமலாந்தராத்மபிஃ ।

அவிக்ரியாத்ஸ்வாநுபவாதரூபதோ ஹ்யநந்யபோத்யாத்மதயா ந சாந்யதா ॥ 6 ॥

குணாத்மநஸ்தேऽபி குணாந் விமாதும் ஹிதாவதீர்ணஸ்ய க ஈஶிரேऽஸ்ய ।

காலேந யைர்வா விமிதாஃ ஸுகல்பைர்பூபாம்ஸவஃ கே மிஹிகா த்யுபாஸஃ ॥ 7 ॥

தத்தேऽநுகம்பாம் ஸுஸமீக்ஷமாணோ புஞ்ஜாந ஏவாத்மக்ரு'தம் விபாகம் ।

ஹ்ரு'த்வாக்வபுர்பிர்விததந்நமஸ்தே ஜீவேத யோ முக்திபதே ஸ தாயபாக் ॥ 8 ॥

பஶ்யேஶ மேऽநார்யமநந்த ஆத்யே பராத்மநி த்வய்யபி மாயிமாயிநி ।

மாயாம் விதத்யேக்ஷிதுமாத்மவைபவம் ஹ்யஹம் கியாநைச்சமிவார்சிரக்நௌ ॥ 9 ॥

அதஃ க்ஷமஸ்வாச்யுத மே ரஜோபுவோ ஹ்யஜாநதஸ்த்வத்ப்ரு'தகீஶமாநிநஃ ।

அஜாவலேபாந்ததமோऽந்தசக்ஷுஷ ஏஷோऽநுகம்ப்யோ மயி நாதவாநிதி ॥ 10 ॥

க்வாஹம் தமோமஹதஹங்கசராக்நிவார்பூஸம்வேஷ்டிதாண்டகடஸப்தவிதஸ்தகாயஃ ।

க்வேத்ரு'க்விதாவிகணிதாண்டபராணுசர்யாவாதாத்வரோமவிவரஸ்ய ச தே மஹித்வம் ॥ 11 ॥

உத்க்ஷேபணம் கர்பகதஸ்ய பாதயோஃ கிம் கல்பதே மாதுரதோऽக்ஷஜாகஸே ।

கிமஸ்தி நாஸ்திவ்யபதேஶபூஷிதம் தவாஸ்தி குக்ஷேஃ கியதப்யநந்தஃ ॥ 12 ॥

ஜகத்த்ரயாந்தோததிஸம்ப்லவோதே நாராயணஸ்யோதரநாபிநாலாத் ।

விநிர்கதோऽஜஸ்த்விதி வாந்ந வை ம்ரு'ஷா கிம் த்வீஶ்வரத்வாந்ந விநிர்கதோऽஸ்மி . ।

நாராயணஸ்த்வம் ந ஹி ஸர்வதேஹிநாமாத்மாஸ்யதீஶாகிலலோகஸாக்ஷீ ।

நாராயணோऽங்கம் நரபூஜலாயநாத்தச்சாபி ஸத்யம் ந தவைவ மாயா ॥ 14 ॥

தச்சேஜ்ஜலஸ்தம் தவ ஸஜ்ஜகத்வபுஃ கிம் மே ந த்ரு'ஷ்டம் பகவம்ஸ்ததைவ ।

கிம் வா ஸுத்ரு'ஷ்டம் ஹ்ரு'தி மே ததைவ கிம் நோ ஸபத்யேவ புநர்வ்யதர்ஶி ॥ 15 ॥

அத்ரைவ மாயாதமநாவதாரே ஹ்யஸ்ய ப்ரபஞ்சஸ்ய பஹிஃ ஸ்புடஸ்ய ।

க்ரு'த்ஸ்நஸ்ய சாந்தர்ஜடரே ஜநந்யா மாயாத்வமேவ ப்ரகடீக்ரு'தம் தே ॥ 16 ॥

யஸ்ய குக்ஷாவிதம் ஸர்வம் ஸாத்மம் பாதி யதா ததா ।

தத்த்வய்யபீஹ தத்ஸர்வம் கிமிதம் மாயயா விநா ॥ 17 ॥

அத்யைவ த்வத்ரு'தேऽஸ்ய கிம் மம ந தே மாயாத்வமாதர்ஶிதம்

ஏகோऽஸி ப்ரதமம் ததோ வ்ரஜஸுஹ்ரு'த்வத்ஸாஃ ஸமஸ்தா அபி ।

தாவந்தோऽஸி சதுர்புஜாஸ்ததகிலைஃ ஸாகம் மயோபாஸிதா-

ஸ்தாவந்த்யேவ ஜகந்த்யபூஸ்ததமிதம் ப்ரஹ்மாத்வயம் ஶிஷ்யதே ॥ 18 ॥

அஜாநதாம் த்வத்பதவீமநாத்மந்யாத்மாऽத்மநா பாஸி விதத்ய மாயாம் ।

ஸ்ரு'ஷ்டாவிவாஹம் ஜகதோ விதாந இவ த்வமேஷோऽந்த இவ த்ரிநேத்ரஃ ॥ 19 ॥

ஸுரேஷ்வ்ரு'ஷிஷ்வீஶ ததைவ ந்ரு'ஷ்வபி திர்யக்ஷு யாதஃஸ்வபி தேऽஜநஸ்ய ।

ஜந்மாஸதாம் துர்மதநிக்ரஹாய ப்ரபோ விதாதஃ ஸதநுக்ரஹாய ச ॥ 20 ॥

கோ வேத்தி பூமந் பகவந் பராத்மந் யோகேஶ்வரோதீர்பவதஸ்த்ரிலோக்யாம் ।

க்வ வா கதம் வா கதி வா கதேதி விஸ்தாரயந் க்ரீடஸி யோகமாயாம் ॥ 21 ॥

தஸ்மாதிதம் ஜகதஶேஷமஸத்ஸ்வரூபம் ஸ்வப்நாபமஸ்ததிஷணம் புருதுஃகதுஃகம் ।

த்வய்யேவ நித்யஸுகபோததநாவநந்தே மாயாத உத்யதபி யத்ஸதிவாவபாதி ॥ 22 ॥

ஏகஸ்த்வமாத்மா புருஷஃ புராணஃ ஸத்யஃ ஸ்வயஞ்ஜ்யோதிரநந்த ஆத்யஃ ।

நித்யோऽக்ஷரோऽஜஸ்ரஸுகோ நிரஞ்ஜநஃ பூர்ணோऽத்வயோ முக்த உபாதிதோऽம்ரு'தஃ ॥ 23 ॥

ஏவம்விதம் த்வாம் ஸகலாத்மநாமபி ஸ்வாத்மாநமாத்மாऽத்மதயா விசக்ஷதே ।

குர்வர்கலப்தோபநிஷத்ஸுசக்ஷுஷா யே தே தரந்தீவ பவாந்ரு'தாம்புதிம் ॥ 24 ॥

ஆத்மாநமேவாத்மதயாऽவிஜாநதாம் தேநைவ ஜாதம் நிகிலம் ப்ரபஞ்சிதம் ।

ஜ்ஞாநேந பூயோऽபி ச தத்ப்ரலீயதே ரஜ்ஜ்வாமஹேர்போகபவாபவௌ யதா ॥ 25 ॥

அஜ்ஞாநஸஞ்ஜ்ஞௌ பவபந்தமோக்ஷௌ த்வௌ நாம நாந்யௌ ஸ்த ரு'தஜ்ஞபாவாத் ।

அஜஸ்ரசித்யாऽத்மநி கேவலே பரே விசார்யமாணே தரணாவிவாஹநீ ॥ 26 ॥

த்வாமாத்மாநம் பரம் மத்வா பரமாத்மாநமேவ ச ।

ஆத்மா புநர்பஹிர்ம்ரு'க்ய அஹோऽஜ்ஞஜநதாऽஜ்ஞதா ॥ 27 ॥

அந்தர்பவேऽநந்த பவந்தமேவ ஹ்யதத்த்யஜந்தோ ம்ரு'கயந்தி ஸந்தஃ ।

அஸந்தமப்யந்த்யஹிமந்தரேண ஸந்தம் குணம் தம் கிமு யந்தி ஸந்தஃ ॥ 28 ॥

அதாபி தே தேவ பதாம்புஜத்வயப்ரஸாதலேஶாநுக்ரு'ஹீத ஏவ ஹி ।

ஜாநாதி தத்த்வம் பகவந் மஹிம்நோ ந சாந்ய ஏகோऽபி சிரம் விசிந்வந் ॥ 29 ॥

ததஸ்து மே நாத ஸ பூரிபாகோ பவேऽத்ர வாந்யத்ர து வா திரஶ்சாம் ।

யேநாஹமேகோऽபி பவஜ்ஜநாநாம் பூத்வா நிஷேவே தவ பாதபல்லவம் ॥ 30 ॥

அஹோऽதிதந்யா வ்ரஜகோரமண்யஃ ஸ்தந்யாம்ரு'தம் பீதமதீவ தே முதா ।

யாஸாம் விபோ வத்ஸதராத்மஜாத்மநா யத்த்ரு'ப்தயேऽத்யாபி ந சாலமத்வராஃ ॥ 31 ॥

அஹோ பாக்யமஹோ பாக்யம் நந்தகோபவ்ரஜௌகஸாம் ।

யந்மித்ரம் பரமாநந்தம் பூர்ணம் ப்ரஹ்ம ஸநாதநம் ॥ 32 ॥

ஏஷாம் து பாக்யமஹிமாऽச்யுத தாவதாஸ்தா-

மேகாதஶைவ ஹி வயம் பத பூரிபாகாஃ ।

ஏதத்த்ரு'ஷீகசஷகைரஸக்ரு'த்பிபாமஃ

ஶர்வாதயோऽங்க்ர்யுதஜமத்வம்ரு'தாஸவம் தே ॥ 33 ॥

தத்பூரிபாக்யமிஹ ஜந்ம கிமப்யடவ்யாம்

யத்கோகுலேऽபி கதமாங்க்ரிரஜோऽபிஷேகம் ।

யஜ்ஜீவிதம் து நிகிலம் பகவாந் முகுந்த-

ஸ்த்வத்யாபி யத்பதரஜஃ ஶ்ருதிம்ரு'க்யமேவ ॥ 34 ॥

ஏஷாம் கோஷநிவாஸிநாமுத பவாந் கிம் தேவ ராதேதி நஃ

சேதோ விஶ்வபலாத்பலம் த்வதபரம் குத்ராப்யயந் முஹ்யதி ।

ஸத்வேஷாதிவ பூதநாऽபி ஸகுலா த்வாமேவ தேவாபிதா

யத்தாமார்தஸுஹ்ரு'த்ப்ரியாத்மதநயப்ராணாஶயாஸ்த்வத்க்ரு'தே ॥ 35 ॥

தாவத்ராகாதயஃ ஸ்தேநாஸ்தாவத்காராக்ரு'ஹம் க்ரு'ஹம் ।

தாவந்மோஹோऽங்க்ரிநிகடோ யாவத்க்ரு'ஷ்ண ந தே ஜநாஃ ॥ 36 ॥

ப்ரபஞ்சம் நிஷ்ப்ரபஞ்சோऽபி விடம்பயஸி பூதலே ।

ப்ரபந்நஜநதாநந்தஸந்தோஹம் ப்ரதிதும் ப்ரபோ ॥ 37 ॥

ஜாநந்த ஏவ ஜாநந்து கிம் பஹூக்த்யா ந மே ப்ரபோ ।

மநஸோ வபுஷோ வாசோ வைபவம் தவ கோசரஃ ॥ 38 ॥

அநுஜாநீஹி மாம் க்ரு'ஷ்ண ஸர்வம் த்வம் வேத்ஸி ஸர்வத்ரு'க் ।

த்வமேவ ஜகதாம் நாதோ ஜகதேதத்தவார்பிதம் ॥ 39 ॥

ஶ்ரீக்ரு'ஷ்ண வ்ரு'ஷ்ணிகுலபுஷ்கரஜோஷதாயிந்

க்ஷ்மாநிர்ஜரத்விஜபஶூததிவ்ரு'த்திகாரிந் ।

உத்தர்மஶார்வரஹர க்ஷிதிராக்ஷஸத்ருக்

ஆகல்பமார்கமர்ஹந் பகவந் நமஸ்தே ॥ 40 ॥

இதி ஶ்ரீமத்பாகவதமஹாபுராணே தஶமஸ்கந்தே பூர்வார்தே

சதுர்தஶாத்யாயாந்தர்கதம் ப்ரஹ்மக்ரு'தம் ஶ்ரீக்ரு'ஷ்ணஸ்துதிஃ ஸமாப்தா ।

பாகவதபுராண . அத்யாய 10/14/1-40 . ।

Roman (IAST) Transliteration

brahmovāca |

naumīḍya te'bhravapuṣe taḍidambarāya

guñjāvataṃsaparipicchalasanmukhāya |

vanyasraje kavalavetraviṣāṇaveṇu-

lakṣmaśriye mṛdupade paśupāṅgajāya || 1 ||

asyāpi deva vapuṣo madanugrahasya

svecchāmayasya na tu bhūtamayasya ko'pi |

neśemahi tvavasituṃ manasāntareṇa

sākṣāttavaiva kimutātmasukhānubhūteḥ || 2 ||

jñāne prayāsamudapāsya namanta eva

jīvanti sanmukharitāṃ bhavadīyavārtām |

sthāne sthitāḥ śrutigatāṃ tanuvāmmanobhiḥ

ye prāyaśo'jita jito'pyasi taistrilokyām || 3 ||

śreyaḥsrutiṃ bhaktimudasya te vibho kliśyanti ye kevalabodhalabdhaye |

teṣāmasau kleśala eva śiṣyate nānyadyathā sthūlatuṣāvaghātinām || 4 ||

pureha bhūman bahavo'pi yoginastvadarpitehā nijakarmalabdhayā |

vibudhya bhaktyaiva kathopanītayā prapedire'ñjo'cyuta te gatiṃ parām || 5 ||

tathāpi bhūman mahimā'guṇasya te viboddhumarhatyamalāntarātmabhiḥ |

avikriyātsvānubhavādarūpato hyananyabodhyātmatayā na cānyathā || 6 ||

guṇātmanaste'pi guṇān vimātuṃ hitāvatīrṇasya ka īśire'sya |

kālena yairvā vimitāḥ sukalpairbhūpāṃsavaḥ khe mihikā dyubhāsaḥ || 7 ||

tatte'nukampāṃ susamīkṣamāṇo bhuñjāna evātmakṛtaṃ vipākam |

hṛdvāgvapurbhirvidadhannamaste jīveta yo muktipade sa dāyabhāk || 8 ||

paśyeśa me'nāryamananta ādye parātmani tvayyapi māyimāyini |

māyāṃ vitatyekṣitumātmavaibhavaṃ hyahaṃ kiyānaicchamivārciragnau || 9 ||

ataḥ kṣamasvācyuta me rajobhuvo hyajānatastvatpṛthagīśamāninaḥ |

ajāvalepāndhatamo'ndhacakṣuṣa eṣo'nukampyo mayi nāthavāniti || 10 ||

kvāhaṃ tamomahadahaṅkhacarāgnivārbhūsaṃveṣṭitāṇḍaghaṭasaptavitastakāyaḥ |

kvedṛgvidhāvigaṇitāṇḍaparāṇucaryāvātādhvaromavivarasya ca te mahitvam || 11 ||

utkṣepaṇaṃ garbhagatasya pādayoḥ kiṃ kalpate māturadho'kṣajāgase |

kimasti nāstivyapadeśabhūṣitaṃ tavāsti kukṣeḥ kiyadapyanantaḥ || 12 ||

jagattrayāntodadhisamplavode nārāyaṇasyodaranābhinālāt |

vinirgato'jastviti vānna vai mṛṣā kiṃ tvīśvaratvānna vinirgato'smi . |

nārāyaṇastvaṃ na hi sarvadehināmātmāsyadhīśākhilalokasākṣī |

nārāyaṇo'ṅgaṃ narabhūjalāyanāttaccāpi satyaṃ na tavaiva māyā || 14 ||

taccejjalasthaṃ tava sajjagadvapuḥ kiṃ me na dṛṣṭaṃ bhagavaṃstadaiva |

kiṃ vā sudṛṣṭaṃ hṛdi me tadaiva kiṃ no sapadyeva punarvyadarśi || 15 ||

atraiva māyādamanāvatāre hyasya prapañcasya bahiḥ sphuṭasya |

kṛtsnasya cāntarjaṭhare jananyā māyātvameva prakaṭīkṛtaṃ te || 16 ||

yasya kukṣāvidaṃ sarvaṃ sātmaṃ bhāti yathā tathā |

tattvayyapīha tatsarvaṃ kimidaṃ māyayā vinā || 17 ||

adyaiva tvadṛte'sya kiṃ mama na te māyātvamādarśitaṃ

eko'si prathamaṃ tato vrajasuhṛdvatsāḥ samastā api |

tāvanto'si caturbhujāstadakhilaiḥ sākaṃ mayopāsitā-

stāvantyeva jagantyabhūstadamitaṃ brahmādvayaṃ śiṣyate || 18 ||

ajānatāṃ tvatpadavīmanātmanyātmā'tmanā bhāsi vitatya māyām |

sṛṣṭāvivāhaṃ jagato vidhāna iva tvameṣo'nta iva trinetraḥ || 19 ||

sureṣvṛṣiṣvīśa tathaiva nṛṣvapi tiryakṣu yādaḥsvapi te'janasya |

janmāsatāṃ durmadanigrahāya prabho vidhātaḥ sadanugrahāya ca || 20 ||

ko vetti bhūman bhagavan parātman yogeśvarotīrbhavatastrilokyām |

kva vā kathaṃ vā kati vā kadeti vistārayan krīḍasi yogamāyām || 21 ||

tasmādidaṃ jagadaśeṣamasatsvarūpaṃ svapnābhamastadhiṣaṇaṃ puruduḥkhaduḥkham |

tvayyeva nityasukhabodhatanāvanante māyāta udyadapi yatsadivāvabhāti || 22 ||

ekastvamātmā puruṣaḥ purāṇaḥ satyaḥ svayañjyotirananta ādyaḥ |

nityo'kṣaro'jasrasukho nirañjanaḥ pūrṇo'dvayo mukta upādhito'mṛtaḥ || 23 ||

evaṃvidhaṃ tvāṃ sakalātmanāmapi svātmānamātmā'tmatayā vicakṣate |

gurvarkalabdhopaniṣatsucakṣuṣā ye te tarantīva bhavānṛtāmbudhim || 24 ||

ātmānamevātmatayā'vijānatāṃ tenaiva jātaṃ nikhilaṃ prapañcitam |

jñānena bhūyo'pi ca tatpralīyate rajjvāmaherbhogabhavābhavau yathā || 25 ||

ajñānasañjñau bhavabandhamokṣau dvau nāma nānyau sta ṛtajñabhāvāt |

ajasracityā'tmani kevale pare vicāryamāṇe taraṇāvivāhanī || 26 ||

tvāmātmānaṃ paraṃ matvā paramātmānameva ca |

ātmā punarbahirmṛgya aho'jñajanatā'jñatā || 27 ||

antarbhave'nanta bhavantameva hyatattyajanto mṛgayanti santaḥ |

asantamapyantyahimantareṇa santaṃ guṇaṃ taṃ kimu yanti santaḥ || 28 ||

athāpi te deva padāmbujadvayaprasādaleśānugṛhīta eva hi |

jānāti tattvaṃ bhagavan mahimno na cānya eko'pi ciraṃ vicinvan || 29 ||

tadastu me nātha sa bhūribhāgo bhave'tra vānyatra tu vā tiraścām |

yenāhameko'pi bhavajjanānāṃ bhūtvā niṣeve tava pādapallavam || 30 ||

aho'tidhanyā vrajagoramaṇyaḥ stanyāmṛtaṃ pītamatīva te mudā |

yāsāṃ vibho vatsatarātmajātmanā yattṛptaye'dyāpi na cālamadhvarāḥ || 31 ||

aho bhāgyamaho bhāgyaṃ nandagopavrajaukasām |

yanmitraṃ paramānandaṃ pūrṇaṃ brahma sanātanam || 32 ||

eṣāṃ tu bhāgyamahimā'cyuta tāvadāstā-

mekādaśaiva hi vayaṃ bata bhūribhāgāḥ |

etaddhṛṣīkacaṣakairasakṛtpibāmaḥ

śarvādayo'ṅghryudajamadhvamṛtāsavaṃ te || 33 ||

tadbhūribhāgyamiha janma kimapyaṭavyāṃ

yadgokule'pi katamāṅghrirajo'bhiṣekam |

yajjīvitaṃ tu nikhilaṃ bhagavān mukunda-

stvadyāpi yatpadarajaḥ śrutimṛgyameva || 34 ||

eṣāṃ ghoṣanivāsināmuta bhavān kiṃ deva rāteti naḥ

ceto viśvaphalātphalaṃ tvadaparaṃ kutrāpyayan muhyati |

sadveṣādiva pūtanā'pi sakulā tvāmeva devāpitā

yaddhāmārthasuhṛtpriyātmatanayaprāṇāśayāstvatkṛte || 35 ||

tāvadrāgādayaḥ stenāstāvatkārāgṛhaṃ gṛham |

tāvanmoho'ṅghrinigaḍo yāvatkṛṣṇa na te janāḥ || 36 ||

prapañcaṃ niṣprapañco'pi viḍambayasi bhūtale |

prapannajanatānandasandohaṃ prathituṃ prabho || 37 ||

jānanta eva jānantu kiṃ bahūktyā na me prabho |

manaso vapuṣo vāco vaibhavaṃ tava gocaraḥ || 38 ||

anujānīhi māṃ kṛṣṇa sarvaṃ tvaṃ vetsi sarvadṛk |

tvameva jagatāṃ nātho jagadetattavārpitam || 39 ||

śrīkṛṣṇa vṛṣṇikulapuṣkarajoṣadāyin

kṣmānirjaradvijapaśūdadhivṛddhikārin |

uddharmaśārvarahara kṣitirākṣasadhrug

ākalpamārkamarhan bhagavan namaste || 40 ||

iti śrīmadbhāgavatamahāpurāṇe daśamaskandhe pūrvārdhe

caturdaśādhyāyāntargataṃ brahmakṛtaṃ śrīkṛṣṇastutiḥ samāptā |

bhāgavatapurāṇa . adhyāya 10/14/1-40 . |