Jagannathashtakam — InfoLyter.in

ॐ

ஜகந்நாதாஷ்டகம்

Jagannathashtakam

Vishnu Ashtakam Adi Shankaracharya Tamil

கதாசித்-காலிந்தீ தடவிபிந ஸங்கீதகரவோ

முதாபீரீ நாரீவதந கமலாஸ்வாதமதுபஃ ।

ரமா ஶம்பு ப்ரஹ்மாமரபதி கணேஶார்சித பதோ

ஜகந்நாதஃ ஸ்வாமீ நயநபதகாமீ பவது மே ॥ 1 ॥

புஜே ஸவ்யே வேணும் ஶிரஸி ஶிகிபிஞ்சம் கடிதடே

துகூலம் நேத்ராந்தே ஸஹசரகடாக்ஷம் விதததே ।

ஸதா ஶ்ரீமத்வ்ரு'ந்தாவநவஸதிலீலாபரிசயோ

ஜகந்நாதஃ ஸ்வாமீ நயநபதகாமீ பவது மே ॥ 2 ॥

மஹாம்போதேஸ்தீரே கநகருசிரே நீலஶிகரே

வஸந் ப்ராஸாதாந்தஸ்ஸஹஜ பலபத்ரேண பலிநா ।

ஸுபத்ரா மத்யஸ்தஸ்ஸகலஸுர ஸேவாவஸரதோ

ஜகந்நாதஃ ஸ்வாமீ நயநபதகாமீ பவது மே ॥ 3 ॥

க்ரு'பா பாராவாராஸ்ஸஜல ஜலத ஶ்ரேணிருசிரோ

ரமாவாணீ ராமஸ்புரதமல பங்கெருஹமுகஃ ।

ஸுரேந்த்ரைராராத்யஃ ஶ்ருதிகணஶிகா கீத சரிதோ

ஜகந்நாதஃ ஸ்வாமீ நயநபதகாமீ பவது மே ॥ 4 ॥

ரதாரூடோ கச்சந் பதி மிலித பூதேவபடலைஃ

ஸ்துதி ப்ராதுர்பாவம் ப்ரதிபதமுபாகர்ண்ய ஸதயஃ ।

தயாஸிந்துர்பந்துஸ்ஸகல ஜகதா ஸிந்துஸுதயா

ஜகந்நாதஃ ஸ்வாமீ நயநபதகாமீ பவது மே ॥ 5 ॥

பரப்ரஹ்மாபீடஃ குவலய-தலோத்புல்லநயநோ

நிவாஸீ நீலாத்ரௌ நிஹித-சரணோऽநந்த-ஶிரஸி ।

ரஸாநந்தோ ராதா-ஸரஸ-வபுராலிங்கந-ஸகோ

ஜகந்நாதஃ ஸ்வாமீ நயநபதகாமீ பவது மே ॥ 6 ॥

ந வை யாசே ராஜ்யம் ந ச கநக மாணிக்ய விபவம்

ந யாசேऽஹம் ரம்யாம் நிகிலஜந-காம்யாம் வரவதூம் ।

ஸதா காலே காலே ப்ரமத-பதிநா கீதசரிதோ

ஜகந்நாதஃ ஸ்வாமீ நயநபதகாமீ பவது மே ॥ 7 ॥

ஹர த்வம் ஸம்ஸாரம் த்ருததரமஸாரம் ஸுரபதே

ஹர த்வம் பாபாநாம் விததிமபராம் யாதவபதே ।

அஹோ தீநோऽநாதே நிஹிதசரணோ நிஶ்சிதமிதம்

ஜகந்நாதஃ ஸ்வாமீ நயநபதகாமீ பவது மே ॥ 8 ॥

ஜகந்நாதாஷ்டகம் புண்யம் யஃ படேத் ப்ரயதஃ ஶுசிஃ ।

ஸர்வபாப விஶுத்தாத்மா விஷ்ணுலோகம் ஸ கச்சதி ॥

இதி ஶ்ரீமத் ஶங்கராசார்யவிரசிதம் ஜகந்நாதாஷ்டகம் ஸம்பூர்ணம்॥

Roman (IAST) Transliteration

kadācit-kālindī taṭavipina saṅgītakaravo

mudābhīrī nārīvadana kamalāsvādamadhupaḥ |

ramā śambhu brahmāmarapati gaṇeśārcita pado

jagannāthaḥ svāmī nayanapathagāmī bhavatu me || 1 ||

bhuje savye veṇuṃ śirasi śikhipiñchaṃ kaṭitaṭe

dukūlaṃ netrānte sahacarakaṭākṣaṃ vidadhate |

sadā śrīmadvṛndāvanavasatilīlāparicayo

jagannāthaḥ svāmī nayanapathagāmī bhavatu me || 2 ||

mahāmbhodhestīre kanakarucire nīlaśikhare

vasan prāsādāntassahaja balabhadreṇa balinā |

subhadrā madhyasthassakalasura sevāvasarado

jagannāthaḥ svāmī nayanapathagāmī bhavatu me || 3 ||

kṛpā pārāvārāssajala jalada śreṇiruciro

ramāvāṇī rāmasphuradamala paṅkèruhamukhaḥ |

surendrairārādhyaḥ śrutigaṇaśikhā gīta carito

jagannāthaḥ svāmī nayanapathagāmī bhavatu me || 4 ||

rathārūḍho gacchan pathi milita bhūdevapaṭalaiḥ

stuti prādurbhāvaṃ pratipadamupākarṇya sadayaḥ |

dayāsindhurbandhussakala jagatā sindhusutayā

jagannāthaḥ svāmī nayanapathagāmī bhavatu me || 5 ||

parabrahmāpīḍaḥ kuvalaya-dalotphullanayano

nivāsī nīlādrau nihita-caraṇo'nanta-śirasi |

rasānando rādhā-sarasa-vapurāliṅgana-sakho

jagannāthaḥ svāmī nayanapathagāmī bhavatu me || 6 ||

na vai yāce rājyaṃ na ca kanaka māṇikya vibhavaṃ

na yāce'haṃ ramyāṃ nikhilajana-kāmyāṃ varavadhūm |

sadā kāle kāle pramatha-patinā gītacarito

jagannāthaḥ svāmī nayanapathagāmī bhavatu me || 7 ||

hara tvaṃ saṃsāraṃ drutataramasāraṃ surapate

hara tvaṃ pāpānāṃ vitatimaparāṃ yādavapate |

aho dīno'nāthe nihitacaraṇo niścitamidaṃ

jagannāthaḥ svāmī nayanapathagāmī bhavatu me || 8 ||

jagannāthāṣṭakaṃ puṇyaṃ yaḥ paṭhet prayataḥ śuciḥ |

sarvapāpa viśuddhātmā viṣṇulokaṃ sa gacchati ||

iti śrīmad śaṅkarācāryaviracitaṃ jagannāthāṣṭakaṃ sampūrṇaṃ||