Shri Hanumatkavacham — InfoLyter.in

ॐ

ஶ்ரீ ஹநுமத்கவசம்

Shri Hanumatkavacham

Hanuman Kavacham Tamil

அஸ்ய ஶ்ரீ ஹநுமத் கவசஸ்தோத்ரமஹாமந்த்ரஸ்ய வஸிஷ்ட ரு'ஷிஃ அநுஷ்டுப் சந்தஃ ஶ்ரீ ஹநுமாந் தேவதா மாருதாத்மஜ இதி பீஜம் அஞ்ஜநாஸூநுரிதி ஶக்திஃ வாயுபுத்ர இதி கீலகம் ஹநுமத்ப்ரஸாத ஸித்த்யர்தே ஜபே விநியோகஃ ॥

உல்லங்க்ய ஸிந்தோஸ்ஸலிலம் ஸலீலம்

யஶ்ஶோகவஹ்நிம் ஜநகாத்மஜாயாஃ ।

ஆதாய தேநைவ ததாஹ லங்காம்

நமாமி தம் ப்ராஞ்ஜலிராஞ்ஜநேயம் ॥ 1

மநோஜவம் மாருததுல்யவேகம்

ஜிதேந்த்ரியம் புத்திமதாம் வரிஷ்டம் ।

வாதாத்மஜம் வாநரயூதமுக்யம்

ஶ்ரீராமதூதம் ஶிரஸா நமாமி ॥ 2

உத்யதாதித்யஸங்காஶம் உதாரபுஜவிக்ரமம் ।

கந்தர்பகோடிலாவண்யம் ஸர்வவித்யாவிஶாரதம் ॥ 3

ஶ்ரீராமஹ்ரு'தயாநந்தம் பக்தகல்பமஹீருஹம் ।

அபயம் வரதம் தோர்ப்யாம் கலயே மாருதாத்மஜம் ॥ 4

ஶ்ரீராம ராம ராமேதி ரமே ராமே மநோரமே ।

ஸஹஸ்ரநாம தத்துல்யம் ராமநாம வராநநே ॥ 5

பாதௌ வாயுஸுதஃ பாது ராமதூதஸ்ததங்குலீஃ ।

குல்பௌ ஹரீஶ்வரஃ பாது ஜங்கே சார்ணவலங்கநஃ ॥ 6

ஜாநுநீ மாருதிஃ பாது ஊரூ பாத்வஸுராந்தகஃ ।

குஹ்யம் வஜ்ரதநுஃ பாது ஜகநம் து ஜகத்திதஃ ॥ 7

ஆஞ்ஜநேயஃ கடிம் பாது நாபிம் ஸௌமித்ரிஜீவநஃ ।

உதரம் பாது ஹ்ரு'த்கேஹீ ஹ்ரு'தயம் ச மஹாபலஃ ॥ 8

வக்ஷோ வாலாயுதஃ பாது ஸ்தநௌ சாऽமிதவிக்ரமஃ ।

பார்ஶ்வௌ ஜிதேந்த்ரியஃ பாது பாஹூ ஸுக்ரீவமந்த்ரக்ரு'த் ॥ 9

கராவக்ஷ ஜயீ பாது ஹநுமாம்ஶ்ச ததங்குலீஃ ।

ப்ரு'ஷ்டம் பவிஷ்யத்ர்பஹ்மா ச ஸ்கந்தௌ மதி மதாம் வரஃ ॥ 10

கண்டம் பாது கபிஶ்ரேஷ்டோ முகம் ராவணதர்பஹா ।

வக்த்ரம் ச வக்த்ரு'ப்ரவணோ நேத்ரே தேவகணஸ்துதஃ ॥ 11

ப்ரஹ்மாஸ்த்ரஸந்மாநகரோ ப்ருவௌ மே பாது ஸர்வதா ।

காமரூபஃ கபோலே மே பாலம் வஜ்ரநகோऽவது ॥ 12

ஶிரோ மே பாது ஸததம் ஜாநகீஶோகநாஶநஃ ।

ஶ்ரீராமபக்தப்ரவரஃ பாது ஸர்வகலேபரம் ॥ 13

மாமஹ்நி பாது ஸர்வஜ்ஞஃ பாது ராத்ரௌ மஹாயஶாஃ ।

விவஸ்வதந்தேவாஸீ ச ஸந்த்யயோஃ பாது ஸர்வதா ॥ 14

ப்ரஹ்மாதிதேவதாதத்தவரஃ பாது நிரந்தரம் ।

ய இதம் கவசம் நித்யம் படேச்ச ஶ்ரு'ணுயாந்நரஃ ॥ 15

தீர்கமாயுரவாப்நோதி பலம் த்ரு'ஷ்டிம் ச விந்ததி ।

பாதாக்ராந்தா பவிஷ்யந்தி படதஸ்தஸ்ய ஶத்ரவஃ ।

ஸ்திராம் ஸுகீர்திமாரோக்யம் லபதே ஶாஶ்வதம் ஸுகம் ॥ 16

இதி நிகதிதவாக்யவ்ரு'த்த துப்யம்

ஸகலமபி ஸ்வயமாஞ்ஜநேய வ்ரு'த்தம் ।

அபி நிஜஜநரக்ஷணைகதீக்ஷோ

வஶக ததீய மஹாமநுப்ரபாவஃ ॥ 17

இதி ஶ்ரீ ஹநுமத் கவசம் ॥

Roman (IAST) Transliteration

asya śrī hanumat kavacastotramahāmantrasya vasiṣṭha ṛṣiḥ anuṣṭup chandaḥ śrī hanumān devatā mārutātmaja iti bījaṃ añjanāsūnuriti śaktiḥ vāyuputra iti kīlakaṃ hanumatprasāda siddhyarthe jape viniyogaḥ ||

ullaṅghya sindhossalilaṃ salīlaṃ

yaśśokavahniṃ janakātmajāyāḥ |

ādāya tenaiva dadāha laṅkāṃ

namāmi taṃ prāñjalirāñjaneyam || 1

manojavaṃ mārutatulyavegaṃ

jitendriyaṃ buddhimatāṃ variṣṭham |

vātātmajaṃ vānarayūthamukhyaṃ

śrīrāmadūtaṃ śirasā namāmi || 2

udyadādityasaṅkāśaṃ udārabhujavikramam |

kandarpakoṭilāvaṇyaṃ sarvavidyāviśāradam || 3

śrīrāmahṛdayānandaṃ bhaktakalpamahīruham |

abhayaṃ varadaṃ dorbhyāṃ kalaye mārutātmajam || 4

śrīrāma rāma rāmeti rame rāme manorame |

sahasranāma tattulyaṃ rāmanāma varānane || 5

pādau vāyusutaḥ pātu rāmadūtastadaṅgulīḥ |

gulphau harīśvaraḥ pātu jaṅghe cārṇavalaṅghanaḥ || 6

jānunī mārutiḥ pātu ūrū pātvasurāntakaḥ |

guhyaṃ vajratanuḥ pātu jaghanaṃ tu jagaddhitaḥ || 7

āñjaneyaḥ kaṭiṃ pātu nābhiṃ saumitrijīvanaḥ |

udaraṃ pātu hṛdgehī hṛdayaṃ ca mahābalaḥ || 8

vakṣo vālāyudhaḥ pātu stanau cā'mitavikramaḥ |

pārśvau jitendriyaḥ pātu bāhū sugrīvamantrakṛt || 9

karāvakṣa jayī pātu hanumāṃśca tadaṅgulīḥ |

pṛṣṭhaṃ bhaviṣyadrbahmā ca skandhau mati matāṃ varaḥ || 10

kaṇṭhaṃ pātu kapiśreṣṭho mukhaṃ rāvaṇadarpahā |

vaktraṃ ca vaktṛpravaṇo netre devagaṇastutaḥ || 11

brahmāstrasanmānakaro bhruvau me pātu sarvadā |

kāmarūpaḥ kapole me phālaṃ vajranakho'vatu || 12

śiro me pātu satataṃ jānakīśokanāśanaḥ |

śrīrāmabhaktapravaraḥ pātu sarvakalebaram || 13

māmahni pātu sarvajñaḥ pātu rātrau mahāyaśāḥ |

vivasvadantevāsī ca sandhyayoḥ pātu sarvadā || 14

brahmādidevatādattavaraḥ pātu nirantaram |

ya idaṃ kavacaṃ nityaṃ paṭhecca śṛṇuyānnaraḥ || 15

dīrghamāyuravāpnoti balaṃ dṛṣṭiṃ ca vindati |

pādākrāntā bhaviṣyanti paṭhatastasya śatravaḥ |

sthirāṃ sukīrtimārogyaṃ labhate śāśvataṃ sukham || 16

iti nigaditavākyavṛtta tubhyaṃ

sakalamapi svayamāñjaneya vṛttam |

api nijajanarakṣaṇaikadīkṣo

vaśaga tadīya mahāmanuprabhāvaḥ || 17

iti śrī hanumat kavacam ||