Gitagovindam Dvadashah Sargah - Suprita Pitambarah

ॐ

கீதகோவிந்தம் த்வாதஶஃ ஸர்கஃ - ஸுப்ரீத பீதாம்பரஃ

Vishnu Gita Jayadeva Tamil

॥ த்வாதஶஃ ஸர்கஃ ॥

॥ ஸுப்ரீதபீதாம்பரஃ ॥

கதவதி ஸகீவ்ரு'ந்தேऽமந்தத்ரபாபரநிர்பர-ஸ்மரபரவஶாகூதஸ்பீதஸ்மிதஸ்நபிதாதரம் ।

ஸரஸமநஸம் த்ரு'ஷ்ட்வா ராதாம் முஹுர்நவபல்லவ-ப்ரஸவஶயநே நிக்ஷிப்தாக்ஷீமுவாச ஹரஃ ॥ 68 ॥

॥ கீதம் 23 ॥

கிஸலயஶயநதலே குரு காமிநி சரணநலிநவிநிவேஶம் ।

தவ பதபல்லவவைரிபராபவமிதமநுபவது ஸுவேஶம் ॥

க்ஷணமதுநா நாராயணமநுகதமநுஸர ராதிகே ॥ 1 ॥

கரகமலேந கரோமி சரணமஹமாகமிதாஸி விதூரம் ।

க்ஷணமுபகுரு ஶயநோபரி மாமிவ நூபுரமநுகதிஶூரம் ॥ 2 ॥

வதநஸுதாநிதிகலிதமம்ரு'தமிவ ரசய வசநமநுகூலம் ।

விரஹமிவாபநயாமி பயோதரரோதகமுரஸி துகூலம் ॥ 3 ॥

ப்ரியபரிரம்பணரபஸவலிதமிவ புலகிதமதிதுரவாபம் ।

மதுரஸி குசகலஶம் விநிவேஶய ஶோஷய மநஸிஜதாபம் ॥ 4 ॥

அதரஸுதாரஸமுபநய பாவிநி ஜீவய ம்ரு'தமிவ தாஸம் ।

த்வயி விநிஹிதமநஸம் விரஹாநலதக்தவபுஷமவிலாஸம் ॥ 5 ॥

ஶஶிமுகி முகரய மணிரஶநாகுணமநுகுணகண்டநிதாநம் ।

ஶ்ருதியுகலே பிகருதவிகலே மம ஶமய சிராதவஸாதம் ॥ 6 ॥

மாமதிவிபலருஷா விகலீக்ரு'தமவலோகிதமதுநேதம் ।

மீலிதலஜ்ஜிதமிவ நயநம் தவ விரம விஸ்ரு'ஜ ரதிகேதம் ॥ 7 ॥

ஶ்ரீஜயதேவபணிதமிதமநுபதநிகதிதமதுரிபுமோதம் ।

ஜநயது ரஸிகஜநேஷு மநோரமதிரஸபாவவிநோதம் ॥ 8 ॥

மாரங்கே ரதிகேலிஸங்குலரணாரம்பே தயா ஸாஹஸ-ப்ராயம் காந்தஜயாய கிஞ்சிதுபரி ப்ராரம்பி யத்ஸம்ப்ரமாத் ।

நிஷ்பந்தா ஜகநஸ்தலீ ஶிதிலதா தோர்வல்லிருத்கம்பிதம் வக்ஷோ மீலிதமக்ஷி பௌருஷரஸஃ ஸ்த்ரீணாம் குதஃ ஸித்யதி ॥ 69 ॥

அத காந்தம் ரதிக்லாந்தமபி மண்டநவாஞ்சயா ।

நிஜகாத நிராபாதா ராதா ஸ்வாதீநபர்த்ரு'கா ॥ 70 ॥

॥ கீதம் 24 ॥

குரு யதுநந்தந சந்தநஶிஶிரதரேண கரேண பயோதரே ।

ம்ரு'கமதபத்ரகமத்ர மநோபவமங்கலகலஶஸஹோதரே ।

நிஜகாத ஸா யதுநந்தநே க்ரீடதி ஹ்ரு'தயாநந்தநே ॥ 1 ॥

அலிகுலகஞ்ஜநமஞ்ஜநகம் ரதிநாயகஸாயகமோசநே ।

த்வததரசும்பநலம்பிதகஜ்ஜலமுஜ்ஜ்வலய ப்ரிய லோசநே ॥ 2 ॥

நயநகுரங்கதரங்கவிகாஸநிராஸகரே ஶ்ருதிமண்டலே ।

மநஸிஜபாஶவிலாஸதரே ஶுபவேஶ நிவேஶய குண்டலே ॥ 3 ॥

ப்ரமரசயம் ரசஹயந்தமுபரி ருசிரம் ஸுசிரம் மம ஸம்முகே ।

ஜிதகமலே விமலே பரிகர்மய நர்மஜநகமலகம் முகே ॥ 4 ॥

ம்ரு'கமதரஸவலிதம் லலிதம் குரு திலகமலிகரஜநீகரே ।

விஹிதகலங்ககலம் கமலாநந விஶ்ரமிதஶ்ரமஶீகரே ॥ 5 ॥

மம ருசிரே சிகுரே குரு மாநத மாநஸஜத்வஜசாமரே ।

ரதிகலிதே லலிதே குஸுமாநி ஶிகண்டிஶிகண்டகடாமரே ॥ 6 ॥

ஸரஸகநே ஜகநே மம ஶம்பரதாரணவாரணகந்தரே ।

மணிரஶநாவஸநாபரணாநி ஶுபாஶய வாஸய ஸுந்தரே ॥ 7 ॥

ஶ்ரீஜயதேவவசஸி ருசிரே ஹ்ரு'தயம் ஸதயம் குரு மண்டநே ।

ஹரிசரணஸ்மரணாம்ரு'தக்ரு'தகலிகலுஷபவஜ்வரகண்டநே ॥ 8 ॥

ரசய குசயோஃ பத்ரம் சித்ரம் குருஷ்வ கபோலயோ-ர்கடய ஜகநே காஞ்சீமஞ்ச ஸ்ரஜா கபரீபரம் ।

கலய வலயஶ்ரேணீம் பாணௌ பதே குரு நூபுரா-விதி நிகதிதஃ ப்ரீதஃ பீதாம்பரோऽபி ததாகரோத் ॥ 71 ॥

யத்காந்த்கர்வகலாஸு கௌஶலமநுத்யாநம் ச யத்வைஷ்ணவம் யச்ச்ரு'ங்காரவிவேகதத்வமபி யத்காவ்யேஷு லீலாயிதம் ।

தத்ஸர்வம் ஜயதேவபண்டிதகவேஃ க்ரு'ஷ்ணைகதாநாத்மநஃ ஸாநந்தாஃ பரிஶோதயந்து ஸுதியஃ ஶ்ரீகீதகோவிந்ததஃ ॥ 72 ॥

ஶ்ரீபோஜதேவப்ரபவஸ்ய ராமாதேவீஸுதஶ்ரீஜயதேவகஸ்ய ।

பராஶராதிப்ரியவர்ககண்டே ஶ்ரீகீதகோவிந்தகவித்வமஸ்து ॥ 73 ॥

॥ இதி ஶ்ரீஜயதேவக்ரு'தௌ கீதகோவிந்தே ஸுப்ரீதபீதாம்பரோ நாம த்வாதஶஃ ஸர்கஃ ॥

॥ இதி கீதகோவிந்தம் ஸமாப்தம் ॥

Roman (IAST) Transliteration

|| dvādaśaḥ sargaḥ ||

|| suprītapītāmbaraḥ ||

gatavati sakhīvṛnde'mandatrapābharanirbhara-smaraparavaśākūtasphītasmitasnapitādharam |

sarasamanasaṃ dṛṣṭvā rādhāṃ muhurnavapallava-prasavaśayane nikṣiptākṣīmuvāca haraḥ || 68 ||

|| gītaṃ 23 ||

kisalayaśayanatale kuru kāmini caraṇanalinaviniveśam |

tava padapallavavairiparābhavamidamanubhavatu suveśam ||

kṣaṇamadhunā nārāyaṇamanugatamanusara rādhike || 1 ||

karakamalena karomi caraṇamahamāgamitāsi vidūram |

kṣaṇamupakuru śayanopari māmiva nūpuramanugatiśūram || 2 ||

vadanasudhānidhigalitamamṛtamiva racaya vacanamanukūlam |

virahamivāpanayāmi payodhararodhakamurasi dukūlam || 3 ||

priyaparirambhaṇarabhasavalitamiva pulakitamatiduravāpam |

madurasi kucakalaśaṃ viniveśaya śoṣaya manasijatāpam || 4 ||

adharasudhārasamupanaya bhāvini jīvaya mṛtamiva dāsam |

tvayi vinihitamanasaṃ virahānaladagdhavapuṣamavilāsam || 5 ||

śaśimukhi mukharaya maṇiraśanāguṇamanuguṇakaṇṭhanidānam |

śrutiyugale pikarutavikale mama śamaya cirādavasādam || 6 ||

māmativiphalaruṣā vikalīkṛtamavalokitamadhunedam |

mīlitalajjitamiva nayanaṃ tava virama visṛja ratikhedam || 7 ||

śrījayadevabhaṇitamidamanupadanigaditamadhuripumodam |

janayatu rasikajaneṣu manoramatirasabhāvavinodam || 8 ||

māraṅke ratikelisaṅkularaṇārambhe tayā sāhasa-prāyaṃ kāntajayāya kiñcidupari prārambhi yatsambhramāt |

niṣpandā jaghanasthalī śithilatā dorvallirutkampitaṃ vakṣo mīlitamakṣi pauruṣarasaḥ strīṇāṃ kutaḥ sidhyati || 69 ||

atha kāntaṃ ratiklāntamapi maṇḍanavāñchayā |

nijagāda nirābādhā rādhā svādhīnabhartṛkā || 70 ||

|| gītaṃ 24 ||

kuru yadunandana candanaśiśiratareṇa kareṇa payodhare |

mṛgamadapatrakamatra manobhavamaṅgalakalaśasahodare |

nijagāda sā yadunandane krīḍati hṛdayānandane || 1 ||

alikulagañjanamañjanakaṃ ratināyakasāyakamocane |

tvadadharacumbanalambitakajjalamujjvalaya priya locane || 2 ||

nayanakuraṅgataraṅgavikāsanirāsakare śrutimaṇḍale |

manasijapāśavilāsadhare śubhaveśa niveśaya kuṇḍale || 3 ||

bhramaracayaṃ racahayantamupari ruciraṃ suciraṃ mama sammukhe |

jitakamale vimale parikarmaya narmajanakamalakaṃ mukhe || 4 ||

mṛgamadarasavalitaṃ lalitaṃ kuru tilakamalikarajanīkare |

vihitakalaṅkakalaṃ kamalānana viśramitaśramaśīkare || 5 ||

mama rucire cikure kuru mānada mānasajadhvajacāmare |

ratigalite lalite kusumāni śikhaṇḍiśikhaṇḍakaḍāmare || 6 ||

sarasaghane jaghane mama śambaradāraṇavāraṇakandare |

maṇiraśanāvasanābharaṇāni śubhāśaya vāsaya sundare || 7 ||

śrījayadevavacasi rucire hṛdayaṃ sadayaṃ kuru maṇḍane |

haricaraṇasmaraṇāmṛtakṛtakalikaluṣabhavajvarakhaṇḍane || 8 ||

racaya kucayoḥ patraṃ citraṃ kuruṣva kapolayo-rghaṭaya jaghane kāñcīmañca srajā kabarībharam |

kalaya valayaśreṇīṃ pāṇau pade kuru nūpurā-viti nigatitaḥ prītaḥ pītāmbaro'pi tathākarot || 71 ||

yadgāndhgarvakalāsu kauśalamanudhyānaṃ ca yadvaiṣṇavaṃ yacchṛṅgāravivekatatvamapi yatkāvyeṣu līlāyitam |

tatsarvaṃ jayadevapaṇḍitakaveḥ kṛṣṇaikatānātmanaḥ sānandāḥ pariśodhayantu sudhiyaḥ śrīgītagovindataḥ || 72 ||

śrībhojadevaprabhavasya rāmādevīsutaśrījayadevakasya |

parāśarādipriyavargakaṇṭhe śrīgītagovindakavitvamastu || 73 ||

|| iti śrījayadevakṛtau gītagovinde suprītapītāmbaro nāma dvādaśaḥ sargaḥ ||

|| iti gītagovindaṃ samāptam ||