Dvadasha Jyotirlinga Stotram

ॐ

த்வாதஶ ஜ்யோதிர்லிங்க ஸ்தோத்ரம்

Shiva Stotram Tamil

ஸௌராஷ்ட்ரதேஶே விஶதேऽதிரம்யே ஜ்யோதிர்மயம் சந்த்ரகலாவதம்ஸம் ।

பக்திப்ரதாநாய க்ரு'பாவதீர்ணம் தம் ஸோமநாதம் ஶரணம் ப்ரபத்யே ॥ 1॥

ஶ்ரீஶைலஶ‍ரு'ங்கே விபுதாதிஸங்கே துலாத்ரிதுங்கேऽபி முதா வஸந்தம் ।

தமர்ஜுநம் மல்லிகபூர்வமேகம் நமாமி ஸம்ஸாரஸமுத்ரஸேதும் ॥ 2॥

அவந்திகாயாம் விஹிதாவதாரம் முக்திப்ரதாநாய ச ஸஜ்ஜநாநாம் ।

அகாலம்ரு'த்யோஃ பரிரக்ஷணார்தம் வந்தே மஹாகாலமஹாஸுரேஶம் ॥ 3॥

காவேரிகாநர்மதயோஃ பவித்ரே ஸமாகமே ஸஜ்ஜநதாரணாய ।

ஸதைவமாந்தாத்ரு'புரே வஸந்தமோங்காரமீஶம் ஶிவமேகமீடே ॥ 4॥

பூர்வோத்தரே ப்ரஜ்வலிகாநிதாநே ஸதா வஸந்தம் கிரிஜாஸமேதம் ।

ஸுராஸுராராதிதபாதபத்மம் ஶ்ரீவைத்யநாதம் தமஹம் நமாமி ॥ 5॥

யாம்யே ஸதங்கே நகரேऽதிரம்யே விபூஷிதாங்கம் விவிதைஶ்ச போகைஃ ।

ஸத்பக்திமுக்திப்ரதமீஶமேகம் ஶ்ரீநாகநாதம் ஶரணம் ப்ரபத்யே ॥ 6॥

மஹாத்ரிபார்ஶ்வே ச தடே ரமந்தம் ஸம்பூஜ்யமாநம் ஸததம் முநீந்த்ரைஃ ।

ஸுராஸுரைர்யக்ஷ மஹோரகாட்யைஃ கேதாரமீஶம் ஶிவமேகமீடே ॥ 7॥

ஸஹ்யாத்ரிஶீர்ஷே விமலே வஸந்தம் கோதாவரிதீரபவித்ரதேஶே ।

யத்தர்ஶநாத்பாதகமாஶு நாஶம் ப்ரயாதி தம் த்ர்யம்பகமீஶமீடே ॥ 8॥

ஸுதாம்ரபர்ணீஜலராஶியோகே நிபத்ய ஸேதும் விஶிகைரஸங்க்யைஃ ।

ஶ்ரீராமசந்த்ரேண ஸமர்பிதம் தம் ராமேஶ்வராக்யம் நியதம் நமாமி ॥ 9॥

யம் டாகிநிஶாகிநிகாஸமாஜே நிஷேவ்யமாணம் பிஶிதாஶநைஶ்ச ।

ஸதைவ பீமாதிபதப்ரஸித்தம் தம் ஶங்கரம் பக்தஹிதம் நமாமி ॥ 10॥

ஸாநந்தமாநந்தவநே வஸந்தமாநந்தகந்தம் ஹதபாபவ்ரு'ந்தம் ।

வாராணஸீநாதமநாதநாதம் ஶ்ரீவிஶ்வநாதம் ஶரணம் ப்ரபத்யே ॥ 11॥

இலாபுரே ரம்யவிஶாலகேऽஸ்மிந் ஸமுல்லஸந்தம் ச ஜகத்வரேண்யம் ।

வந்தே மஹோதாரதரஸ்வபாவம் க்ரு'ஷ்ணேஶ்வராக்யம் ஶரணம் ப்ரபத்யே ॥ 12॥

ஜ்யோதிர்மயத்வாதஶலிங்ககாநாம் ஶிவாத்மநாம் ப்ரோக்தமிதம் க்ரமேண ।

ஸ்தோத்ரம் படித்வா மநுஜோऽதிபக்த்யா பலம் ததாலோக்ய நிஜம் பஜேச்ச ॥

॥ இதி ஶ்ரீமத்ஶங்கராசார்யவிரசிதம்

த்வாதஶஜ்யோதிர்லிங்கஸ்தோத்ரம் ஸம்பூர்ணம் ॥

Roman (IAST) Transliteration

saurāṣṭradeśe viśade'tiramye jyotirmayaṃ candrakalāvataṃsam |

bhaktipradānāya kṛpāvatīrṇaṃ taṃ somanāthaṃ śaraṇaṃ prapadye || 1||

śrīśailaśa‍ṛṅge vibudhātisaṅge tulādrituṅge'pi mudā vasantam |

tamarjunaṃ mallikapūrvamekaṃ namāmi saṃsārasamudrasetum || 2||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3||

kāverikānarmadayoḥ pavitre samāgame sajjanatāraṇāya |

sadaivamāndhātṛpure vasantamoṅkāramīśaṃ śivamekamīḍe || 4||

pūrvottare prajvalikānidhāne sadā vasantaṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 6||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 7||

sahyādriśīrṣe vimale vasantaṃ godāvaritīrapavitradeśe |

yaddharśanātpātakamāśu nāśaṃ prayāti taṃ tryambakamīśamīḍe || 8||

sutāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 9||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddaṃ taṃ śaṅkaraṃ bhaktahitaṃ namāmi || 10||

sānandamānandavane vasantamānandakandaṃ hatapāpavṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 11||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||

|| iti śrīmadśaṅkarācāryaviracitaṃ

dvādaśajyotirliṅgastotraṃ sampūrṇam ||