📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
தேவீ வைபவாஶ்சர்ய அஷ்டோத்தர ஶத நாம ஸ்தோத்ரம்
Devi Vaibhavashcharya Ashtottara Shata Nama Stotram
Tara Ashtottara Sata Namavali Tamil
அஸ்ய ஶ்ரீ தேவீவைபவாஶ்சர்யாஷ்டோத்தரஶததிவ்யநாம ஸ்தோத்ரமஹாமந்த்ரஸ்ய ஆநந்தபைரவ ரு'ஷிஃ, அநுஷ்டுப் சந்தஃ, ஶ்ரீ ஆநந்தபைரவீ ஶ்ரீமஹாத்ரிபுரஸுந்தரீ தேவதா, ஐம் பீஜம், ஹ்ரீம் ஶக்திஃ, ஶ்ரீம் கீலகம், மம ஶ்ரீஆநந்தபைரவீ ஶ்ரீமஹாத்ரிபுரஸுந்தரீ ப்ரஸாதஸித்த்யர்தே ஜபே விநியோகஃ ।
த்யாநம்
குங்குமபங்கஸமாபா-
-மங்குஶபாஶேக்ஷுகோதண்டஶராம் ।
பங்கஜமத்யநிஷண்ணாம்
பங்கேருஹலோசநாம் பராம் வந்தே ॥
பஞ்சபூஜா
லம் ப்ரு'திவ்யாத்மிகாயை கந்தம் ஸமர்பயாமி ।
ஹம் ஆகாஶாத்மிகாயை புஷ்பைஃ பூஜயாமி ।
யம் வாய்வாத்மிகாயை தூபமாக்ராபயாமி ।
ரம் அக்ந்யாத்மிகாயை தீபம் தர்ஶயாமி ।
வம் அம்ரு'தாத்மிகாயை அம்ரு'தம் மஹாநைவேத்யம் நிவேதயாமி ।
ஸம் ஸர்வாத்மிகாயை ஸர்வோபசாராந் ஸமர்பயாமி ॥
ௐ ஐம் ஹ்ரீம் ஶ்ரீம் ।
பரமாநந்தலஹரீ பரசைதந்யதீபிகா ।
ஸ்வயம்ப்ரகாஶகிரணா நித்யவைபவஶாலிநீ ॥ 1 ॥
விஶுத்தகேவலாகண்டஸத்யகாலாத்மரூபிணீ ।
ஆதிமத்யாந்தரஹிதா மஹாமாயாவிலாஸிநீ ॥ 2 ॥
குணத்ரயபரிச்சேத்ரீ ஸர்வதத்த்வப்ரகாஶிநீ ।
ஸ்த்ரீபும்ஸபாவரஸிகா ஜகத்ஸர்காதிலம்படா ॥ 3 ॥
அஶேஷநாமரூபாதிபேதச்சேதரவிப்ரபா ।
அநாதிவாஸநாரூபா வாஸநோத்யத்ப்ரபஞ்சிகா ॥ 4 ॥
ப்ரபஞ்சோபஶமப்ரௌடா சராசரஜகந்மயீ ।
ஸமஸ்தஜகதாதாரா ஸர்வஸஞ்ஜீவநோத்ஸுகா ॥ 5 ॥
பக்தசேதோமயாநந்தஸ்வார்தவைபவவிப்ரமா ।
ஸர்வாகர்ஷணவஶ்யாதிஸர்வகர்மதுரந்தரா ॥ 6 ॥
விஜ்ஞாநபரமாநந்தவித்யா ஸந்தாநஸித்திதா ।
ஆயுராரோக்யஸௌபாக்யபலஶ்ரீகீர்திபாக்யதா ॥ 7 ॥
தநதாந்யமணீவஸ்த்ரபூஷாலேபநமால்யதா ।
க்ரு'ஹக்ராமமஹாராஜ்யஸாம்ராஜ்யஸுகதாயிநீ ॥ 8 ॥
ஸப்தாங்கஶக்திஸம்பூர்ணஸார்வபௌமபலப்ரதா ।
ப்ரஹ்மவிஷ்ணுஶிவேந்த்ராதிபதவிஶ்ராணநக்ஷமா ॥ 9 ॥
புக்திமுக்திமஹாபக்திவிரக்த்யத்வைததாயிநீ ।
நிக்ரஹாநுக்ரஹாத்யக்ஷா ஜ்ஞாநநிர்த்வைததாயிநீ ॥ 10 ॥
பரகாயப்ரவேஶாதியோகஸித்திப்ரதாயிநீ ।
ஶிஷ்டஸஞ்ஜீவநப்ரௌடா துஷ்டஸம்ஹாரஸித்திதா ॥ 11 ॥
லீலாவிநிர்மிதாநேககோடிப்ரஹ்மாண்டமண்டலா ।
ஏகாநேகாத்மிகா நாநாரூபிண்யர்தாங்கநேஶ்வரீ ॥ 12 ॥
ஶிவஶக்திமயீ நித்யஶ்ரு'ங்காரைகரஸப்ரியா ।
துஷ்டா புஷ்டாऽபரிச்சிந்நா நித்யயௌவநமோஹிநீ ॥ 13 ॥
ஸமஸ்ததேவதாரூபா ஸர்வதேவாதிதேவதா ।
தேவர்ஷிபித்ரு'ஸித்தாதியோகிநீபைரவாத்மிகா ॥ 14 ॥
நிதிஸித்திமணீமுத்ரா ஶஸ்த்ராஸ்த்ராயுதபாஸுரா ।
சத்ரசாமரவாதித்ரபதாகாவ்யஜநாஞ்சிதா ॥ 15 ॥
ஹஸ்த்யஶ்வரதபாதாதாமாத்யஸேநாஸுஸேவிதா ।
புரோஹிதகுலாசார்யகுருஶிஷ்யாதிஸேவிதா ॥ 16 ॥
ஸுதாஸமுத்ரமத்யோத்யத்ஸுரத்ருமநிவாஸிநீ ।
மணித்வீபாந்தரப்ரோத்யத்கதம்பவநவாஸிநீ ॥ 17 ॥
சிந்தாமணிக்ரு'ஹாந்தஃஸ்தா மணிமண்டபமத்யகா ।
ரத்நஸிம்ஹாஸநப்ரோத்யச்சிவமஞ்சாதிஶாயிநீ ॥ 18 ॥
ஸதாஶிவமஹாலிங்கமூலஸங்கட்டயோநிகா ।
அந்யோந்யாலிங்கஸங்கர்ஷகண்டூஸங்க்ஷுப்தமாநஸா ॥ 19 ॥
கலோத்யத்பிந்துகாலிந்யாதுர்யநாதபரம்பரா ।
நாதாந்தாநந்தஸந்தோஹஸ்வயம்வ்யக்தவசோऽம்ரு'தா ॥ 20 ॥
காமராஜமஹாதந்த்ரரஹஸ்யாசாரதக்ஷிணா ।
மகாரபஞ்சகோத்பூதப்ரௌடாந்தோல்லாஸஸுந்தரீ ॥ 21 ॥
ஶ்ரீசக்ரராஜநிலயா ஶ்ரீவித்யாமந்த்ரவிக்ரஹா ।
அகண்டஸச்சிதாநந்தஶிவஶக்த்யைக்யரூபிணீ ॥ 22 ॥
த்ரிபுரா த்ரிபுரேஶாநீ மஹாத்ரிபுரஸுந்தரீ ।
த்ரிபுராவாஸரஸிகா த்ரிபுராஶ்ரீஸ்வரூபிணீ ॥ 23 ॥
மஹாபத்மவநாந்தஸ்தா ஶ்ரீமத்த்ரிபுரமாலிநீ ।
மஹாத்ரிபுரஸித்தாம்பா ஶ்ரீமஹாத்ரிபுராம்பிகா ॥ 24 ॥
நவசக்ரக்ரமாதேவீ மஹாத்ரிபுரபைரவீ ।
ஶ்ரீமாதா லலிதா பாலா ராஜராஜேஶ்வரீ ஶிவா ॥ 25 ॥
உத்பத்திஸ்திதிஸம்ஹாரக்ரமசக்ரநிவாஸிநீ ।
அர்தமேர்வாத்மசக்ரஸ்தா ஸர்வலோகமஹேஶ்வரீ ॥ 26 ॥
வல்மீகபுரமத்யஸ்தா ஜம்பூவநநிவாஸிநீ ।
அருணாசலஶ்ரு'ங்கஸ்தா வ்யாக்ராலயநிவாஸிநீ ॥ 27 ॥
ஶ்ரீகாலஹஸ்திநிலயா காஶீபுரநிவாஸிநீ ।
ஶ்ரீமத்கைலாஸநிலயா த்வாதஶாந்தமஹேஶ்வரீ ॥ 28 ॥
ஶ்ரீஷோடஶாந்தமத்யஸ்தா ஸர்வவேதாந்தலக்ஷிதா ।
ஶ்ருதிஸ்ம்ரு'திபுராணேதிஹாஸாகமகலேஶ்வரீ ॥ 29 ॥
பூதபௌதிகதந்மாத்ரதேவதாப்ராணஹ்ரு'ந்மயீ ।
ஜீவேஶ்வரப்ரஹ்மரூபா ஶ்ரீகுணாட்யா குணாத்மிகா ॥ 30 ॥
அவஸ்தாத்ரயநிர்முக்தா வாக்ரமோமாமஹீமயீ ।
காயத்ரீபுவநேஶாநீதுர்காகால்யாதிரூபிணீ ॥ 31 ॥
மத்ஸ்யகூர்மவராஹாதிநாநாரூபவிலாஸிநீ ।
மஹாயோகீஶ்வராராத்யா மஹாவீரவரப்ரதா ॥ 32 ॥
ஸித்தேஶ்வரகுலாராத்யா ஶ்ரீமச்சரணவைபவா ॥ 33 ॥
புநர்த்யாநம்
குங்குமபங்கஸமாபா-
-மங்குஶபாஶேக்ஷுகோதண்டஶராம் ।
பங்கஜமத்யநிஷண்ணாம்
பங்கேருஹலோசநாம் பராம் வந்தே ॥
இதி ஶ்ரீகர்பகுலார்ணவதந்த்ரே தேவீ வைபவாஶ்சர்யாஷ்டோத்தரஶதநாம ஸ்தோத்ரம் ।
Roman (IAST) Transliteration
asya śrī devīvaibhavāścaryāṣṭottaraśatadivyanāma stotramahāmantrasya ānandabhairava ṛṣiḥ, anuṣṭup chandaḥ, śrī ānandabhairavī śrīmahātripurasundarī devatā, aiṃ bījaṃ, hrīṃ śaktiḥ, śrīṃ kīlakaṃ, mama śrīānandabhairavī śrīmahātripurasundarī prasādasiddhyarthe jape viniyogaḥ |
dhyānam
kuṅkumapaṅkasamābhā-
-maṅkuśapāśekṣukodaṇḍaśarām |
paṅkajamadhyaniṣaṇṇāṃ
paṅkeruhalocanāṃ parāṃ vande ||
pañcapūjā
laṃ pṛthivyātmikāyai gandhaṃ samarpayāmi |
haṃ ākāśātmikāyai puṣpaiḥ pūjayāmi |
yaṃ vāyvātmikāyai dhūpamāghrāpayāmi |
raṃ agnyātmikāyai dīpaṃ darśayāmi |
vaṃ amṛtātmikāyai amṛtaṃ mahānaivedyaṃ nivedayāmi |
saṃ sarvātmikāyai sarvopacārān samarpayāmi ||
oṃ aiṃ hrīṃ śrīm |
paramānandalaharī paracaitanyadīpikā |
svayamprakāśakiraṇā nityavaibhavaśālinī || 1 ||
viśuddhakevalākhaṇḍasatyakālātmarūpiṇī |
ādimadhyāntarahitā mahāmāyāvilāsinī || 2 ||
guṇatrayaparicchetrī sarvatattvaprakāśinī |
strīpuṃsabhāvarasikā jagatsargādilampaṭā || 3 ||
aśeṣanāmarūpādibhedacchedaraviprabhā |
anādivāsanārūpā vāsanodyatprapañcikā || 4 ||
prapañcopaśamaprauḍhā carācarajaganmayī |
samastajagadādhārā sarvasañjīvanotsukā || 5 ||
bhaktacetomayānantasvārthavaibhavavibhramā |
sarvākarṣaṇavaśyādisarvakarmadhurandharā || 6 ||
vijñānaparamānandavidyā santānasiddhidā |
āyurārogyasaubhāgyabalaśrīkīrtibhāgyadā || 7 ||
dhanadhānyamaṇīvastrabhūṣālepanamālyadā |
gṛhagrāmamahārājyasāmrājyasukhadāyinī || 8 ||
saptāṅgaśaktisampūrṇasārvabhaumaphalapradā |
brahmaviṣṇuśivendrādipadaviśrāṇanakṣamā || 9 ||
bhuktimuktimahābhaktiviraktyadvaitadāyinī |
nigrahānugrahādhyakṣā jñānanirdvaitadāyinī || 10 ||
parakāyapraveśādiyogasiddhipradāyinī |
śiṣṭasañjīvanaprauḍhā duṣṭasaṃhārasiddhidā || 11 ||
līlāvinirmitānekakoṭibrahmāṇḍamaṇḍalā |
ekānekātmikā nānārūpiṇyardhāṅganeśvarī || 12 ||
śivaśaktimayī nityaśṛṅgāraikarasapriyā |
tuṣṭā puṣṭā'paricchinnā nityayauvanamohinī || 13 ||
samastadevatārūpā sarvadevādhidevatā |
devarṣipitṛsiddhādiyoginībhairavātmikā || 14 ||
nidhisiddhimaṇīmudrā śastrāstrāyudhabhāsurā |
chatracāmaravāditrapatākāvyajanāñcitā || 15 ||
hastyaśvarathapādātāmātyasenāsusevitā |
purohitakulācāryaguruśiṣyādisevitā || 16 ||
sudhāsamudramadhyodyatsuradrumanivāsinī |
maṇidvīpāntaraprodyatkadambavanavāsinī || 17 ||
cintāmaṇigṛhāntaḥsthā maṇimaṇṭapamadhyagā |
ratnasiṃhāsanaprodyacchivamañcādhiśāyinī || 18 ||
sadāśivamahāliṅgamūlasaṅghaṭṭayonikā |
anyonyāliṅgasaṅgharṣakaṇḍūsaṅkṣubdhamānasā || 19 ||
kalodyadbindukālinyāturyanādaparamparā |
nādāntānandasandohasvayaṃvyaktavaco'mṛtā || 20 ||
kāmarājamahātantrarahasyācāradakṣiṇā |
makārapañcakodbhūtaprauḍhāntollāsasundarī || 21 ||
śrīcakrarājanilayā śrīvidyāmantravigrahā |
akhaṇḍasaccidānandaśivaśaktyaikyarūpiṇī || 22 ||
tripurā tripureśānī mahātripurasundarī |
tripurāvāsarasikā tripurāśrīsvarūpiṇī || 23 ||
mahāpadmavanāntasthā śrīmattripuramālinī |
mahātripurasiddhāmbā śrīmahātripurāmbikā || 24 ||
navacakrakramādevī mahātripurabhairavī |
śrīmātā lalitā bālā rājarājeśvarī śivā || 25 ||
utpattisthitisaṃhārakramacakranivāsinī |
ardhamervātmacakrasthā sarvalokamaheśvarī || 26 ||
valmīkapuramadhyasthā jambūvananivāsinī |
aruṇācalaśṛṅgasthā vyāghrālayanivāsinī || 27 ||
śrīkālahastinilayā kāśīpuranivāsinī |
śrīmatkailāsanilayā dvādaśāntamaheśvarī || 28 ||
śrīṣoḍaśāntamadhyasthā sarvavedāntalakṣitā |
śrutismṛtipurāṇetihāsāgamakaleśvarī || 29 ||
bhūtabhautikatanmātradevatāprāṇahṛnmayī |
jīveśvarabrahmarūpā śrīguṇāḍhyā guṇātmikā || 30 ||
avasthātrayanirmuktā vāgramomāmahīmayī |
gāyatrībhuvaneśānīdurgākālyādirūpiṇī || 31 ||
matsyakūrmavarāhādinānārūpavilāsinī |
mahāyogīśvarārādhyā mahāvīravarapradā || 32 ||
siddheśvarakulārādhyā śrīmaccaraṇavaibhavā || 33 ||
punardhyānam
kuṅkumapaṅkasamābhā-
-maṅkuśapāśekṣukodaṇḍaśarām |
paṅkajamadhyaniṣaṇṇāṃ
paṅkeruhalocanāṃ parāṃ vande ||
iti śrīgarbhakulārṇavatantre devī vaibhavāścaryāṣṭottaraśatanāma stotram |
InfoLyter.in — Sacred Vedic Knowledge Portal · Free forever