Chanakya Niti - Navamo'dhyayah

ॐ

சாணக்ய நீதி - நவமோऽத்யாயஃ

Tamil

முக்திமிச்சஸி சேத்தாத விஷயாந்விஷவத்த்யஜ ।

க்ஷமார்ஜவதயாஶௌசம் ஸத்யம் பீயூஷவத்பிப ॥ 01 ॥

பரஸ்பரஸ்ய மர்மாணி யே பாஷந்தே நராதமாஃ ।

த ஏவ விலயம் யாந்தி வல்மீகோதரஸர்பவத் ॥ 02 ॥

கந்தஃ ஸுவர்ணே பலமிக்ஷுதண்டே

நாகரி புஷ்பம் கலு சந்தநஸ்ய ।

வித்வாந்தநாட்யஶ்ச ந்ரு'பஶ்சிராயுஃ

தாதுஃ புரா கோऽபி ந புத்திதோऽபூத் ॥ 03 ॥

ஸர்வௌஷதீநாமம்ரு'தா ப்ரதாநா

ஸர்வேஷு ஸௌக்யேஷ்வஶநம் ப்ரதாநம் ।

ஸர்வேந்த்ரியாணாம் நயநம் ப்ரதாநம்

ஸர்வேஷு காத்ரேஷு ஶிரஃ ப்ரதாநம் ॥ 04 ॥

தூதோ ந ஸஞ்சரதி கே ந சலேச்ச வார்தா

பூர்வம் ந ஜல்பிதமிதம் ந ச ஸங்கமோऽஸ்தி ।

வ்யோம்நி ஸ்திதம் ரவிஶாஶிக்ரஹணம் ப்ரஶஸ்தம்

ஜாநாதி யோ த்விஜவரஃ ஸ கதம் ந வித்வாந் ॥ 05 ॥

வித்யார்தீ ஸேவகஃ பாந்தஃ க்ஷுதார்தோ பயகாதரஃ ।

பாண்டாரீ ப்ரதிஹாரீ ச ஸப்த ஸுப்தாந்ப்ரபோதயேத் ॥ 06 ॥

அஹிம் ந்ரு'பம் ச ஶார்தூலம் வ்ரு'த்தம் ச பாலகம் ததா ।

பரஶ்வாநம் ச மூர்கம் ச ஸப்த ஸுப்தாந்ந போதயேத் ॥ 07 ॥

அர்தாதீதாஶ்ச யைர்வேதாஸ்ததா ஶூத்ராந்நபோஜநாஃ ।

தே த்விஜாஃ கிம் கரிஷ்யந்தி நிர்விஷா இவ பந்நகாஃ ॥ 08 ॥

யஸ்மிந்ருஷ்டே பயம் நாஸ்தி துஷ்டே நைவ தநாகமஃ ।

நிக்ரஹோऽநுக்ரஹோ நாஸ்தி ஸ ருஷ்டஃ கிம் கரிஷ்யதி ॥ 09 ॥

நிர்விஷேணாபி ஸர்பேண கர்தவ்யா மஹதீ பணா ।

விஷமஸ்து ந சாப்யஸ்து கடாடோபோ பயங்கரஃ ॥ 10 ॥

ப்ராதர்த்யூதப்ரஸங்கேந மத்யாஹ்நே ஸ்த்ரீப்ரஸங்கதஃ ।

ராத்ரௌ சௌரப்ரஸங்கேந காலோ கச்சந்தி தீமதாம் ॥ 11 ॥

ஸ்வஹஸ்தக்ரதிதா மாலா ஸ்வஹஸ்தக்ரு'ஷ்டசந்தநம் ।

ஸ்வஹஸ்தலிகிதம் ஸ்தோத்ரம் ஶக்ரஸ்யாபி ஶ்ரியம் ஹரேத் ॥ 12 ॥

இக்ஷுதண்டாஸ்திலாஃ ஶூத்ராஃ காந்தா ஹேம ச மேதிநீ ।

சந்தநம் ததி தாம்பூலம் மர்தநம் குணவர்தநம் ॥ 13 ॥

தஹ்யமாநாஃ ஸுதீவ்ரேண நீசாஃ பரயஶோऽக்நிநா

அஶக்தாஸ்தத்பதம் கந்தும் ததோ நிந்தாம் ப்ரகுர்வதே ।

தரித்ரதா தீரதயா விராஜதேகுவஸ்த்ரதா ஶுப்ரதயா விராஜதே

கதந்நதா சோஷ்ணதயா விராஜதே குரூபதா ஶீலதயா விராஜதே ॥ 14 ॥

Roman (IAST) Transliteration

muktimicchasi cettāta viṣayānviṣavattyaja |

kṣamārjavadayāśaucaṃ satyaṃ pīyūṣavatpiba || 01 ||

parasparasya marmāṇi ye bhāṣante narādhamāḥ |

ta eva vilayaṃ yānti valmīkodarasarpavat || 02 ||

gandhaḥ suvarṇe phalamikṣudaṇḍe

nākari puṣpaṃ khalu candanasya |

vidvāndhanāḍhyaśca nṛpaścirāyuḥ

dhātuḥ purā ko'pi na buddhido'bhūt || 03 ||

sarvauṣadhīnāmamṛtā pradhānā

sarveṣu saukhyeṣvaśanaṃ pradhānam |

sarvendriyāṇāṃ nayanaṃ pradhānaṃ

sarveṣu gātreṣu śiraḥ pradhānam || 04 ||

dūto na sañcarati khe na calecca vārtā

pūrvaṃ na jalpitamidaṃ na ca saṅgamo'sti |

vyomni sthitaṃ raviśāśigrahaṇaṃ praśastaṃ

jānāti yo dvijavaraḥ sa kathaṃ na vidvān || 05 ||

vidyārthī sevakaḥ pānthaḥ kṣudhārto bhayakātaraḥ |

bhāṇḍārī pratihārī ca sapta suptānprabodhayet || 06 ||

ahiṃ nṛpaṃ ca śārdūlaṃ vṛddhaṃ ca bālakaṃ tathā |

paraśvānaṃ ca mūrkhaṃ ca sapta suptānna bodhayet || 07 ||

ardhādhītāśca yairvedāstathā śūdrānnabhojanāḥ |

te dvijāḥ kiṃ kariṣyanti nirviṣā iva pannagāḥ || 08 ||

yasminruṣṭe bhayaṃ nāsti tuṣṭe naiva dhanāgamaḥ |

nigraho'nugraho nāsti sa ruṣṭaḥ kiṃ kariṣyati || 09 ||

nirviṣeṇāpi sarpeṇa kartavyā mahatī phaṇā |

viṣamastu na cāpyastu ghaṭāṭopo bhayaṅkaraḥ || 10 ||

prātardyūtaprasaṅgena madhyāhne strīprasaṅgataḥ |

rātrau cauraprasaṅgena kālo gacchanti dhīmatām || 11 ||

svahastagrathitā mālā svahastaghṛṣṭacandanam |

svahastalikhitaṃ stotraṃ śakrasyāpi śriyaṃ haret || 12 ||

ikṣudaṇḍāstilāḥ śūdrāḥ kāntā hema ca medinī |

candanaṃ dadhi tāmbūlaṃ mardanaṃ guṇavardhanam || 13 ||

dahyamānāḥ sutīvreṇa nīcāḥ parayaśo'gninā

aśaktāstatpadaṃ gantuṃ tato nindāṃ prakurvate |

daridratā dhīratayā virājatekuvastratā śubhratayā virājate

kadannatā coṣṇatayā virājate kurūpatā śīlatayā virājate || 14 ||