Chanakya Niti - Saptamo'dhyayah

ॐ

சாணக்ய நீதி - ஸப்தமோऽத்யாயஃ

Tamil

அர்தநாஶம் மநஸ்தாபம் க்ரு'ஹே துஶ்சரிதாநி ச ।

வஞ்சநம் சாபமாநம் ச மதிமாந்ந ப்ரகாஶயேத் ॥ 01 ॥

தநதாந்யப்ரயோகேஷு வித்யாஸங்க்ரஹணே ததா ।

ஆஹாரே வ்யவஹாரே ச த்யக்தலஜ்ஜஃ ஸுகீ பவேத் ॥ 02 ॥

ஸந்தோஷாம்ரு'தத்ரு'ப்தாநாம் யத்ஸுகம் ஶாந்திரேவ ச ।

ந ச தத்தநலுப்தாநாமிதஶ்சேதஶ்ச தாவதாம் ॥ 03 ॥

ஸந்தோஷஸ்த்ரிஷு கர்தவ்யஃ ஸ்வதாரே போஜநே தநே ।

த்ரிஷு சைவ ந கர்தவ்யோऽத்யயநே ஜபதாநயோஃ ॥ 04 ॥

விப்ரயோர்விப்ரவஹ்ந்யோஶ்ச தம்பத்யோஃ ஸ்வாமிப்ரு'த்யயோஃ ।

அந்தரேண ந கந்தவ்யம் ஹலஸ்ய வ்ரு'ஷபஸ்ய ச ॥ 05 ॥

பாதாப்யாம் ந ஸ்ப்ரு'ஶேதக்நிம் குரும் ப்ராஹ்மணமேவ ச ।

நைவ காம் ந குமாரீம் ச ந வ்ரு'த்தம் ந ஶிஶும் ததா ॥ 06 ॥

ஶகடம் பஞ்சஹஸ்தேந தஶஹஸ்தேந வாஜிநம் ।

கஜம் ஹஸ்தஸஹஸ்ரேண தேஶத்யாகேந துர்ஜநம் ॥ 07 ॥

ஹஸ்தீ அங்குஶமாத்ரேண வாஜீ ஹஸ்தேந தாட்யதே ।

ஶ‍ரு'ங்கீ லகுடஹஸ்தேந கட்கஹஸ்தேந துர்ஜநஃ ॥ 08 ॥

துஷ்யந்தி போஜநே விப்ரா மயூரா கநகர்ஜிதே ।

ஸாதவஃ பரஸம்பத்தௌ கலாஃ பரவிபத்திஷு ॥ 09 ॥

அநுலோமேந பலிநம் ப்ரதிலோமேந துர்ஜநம் ।

ஆத்மதுல்யபலம் ஶத்ரும் விநயேந பலேந வா ॥ 10 ॥

பாஹுவீர்யம் பலம் ராஜ்ஞாம் ப்ரஹ்மணோ ப்ரஹ்மவித்பலீ ।

ரூபயௌவநமாதுர்யம் ஸ்த்ரீணாம் பலமநுத்தமம் ॥ 11 ॥

நாத்யந்தம் ஸரலைர்பாவ்யம் கத்வா பஶ்ய வநஸ்தலீம் ।

சித்யந்தே ஸரலாஸ்தத்ர குப்ஜாஸ்திஷ்டந்தி பாதபாஃ ॥ 12 ॥

யத்ரோதகம் தத்ர வஸந்தி ஹம்ஸா-

ஸ்ததைவ ஶுஷ்கம் பரிவர்ஜயந்தி ।

ந ஹம்ஸதுல்யேந நரேண பாவ்யம்

புநஸ்த்யஜந்தஃ புநராஶ்ரயந்தே ॥ 13 ॥

உபார்ஜிதாநாம் வித்தாநாம் த்யாக ஏவ ஹி ரக்ஷணம் ।

தடாகோதரஸம்ஸ்தாநாம் பரீவாஹ இவாம்பஸாம் ॥ 14 ॥

யஸ்யார்தாஸ்தஸ்ய மித்ராணி யஸ்யார்தாஸ்தஸ்ய பாந்தவாஃ ।

யஸ்யார்தாஃ ஸ புமாँல்லோகே யஸ்யார்தாஃ ஸ ச பண்டிதஃ ॥ 15 ॥

ஸ்வர்கஸ்திதாநாமிஹ ஜீவலோகே

சத்வாரி சிஹ்நாநி வஸந்தி தேஹே ।

தாநப்ரஸங்கோ மதுரா ச வாணீ

தேவார்சநம் ப்ராஹ்மணதர்பணம் ச ॥ 16 ॥

அத்யந்தகோபஃ கடுகா ச வாணீ

தரித்ரதா ச ஸ்வஜநேஷு வைரம் ।

நீசப்ரஸங்கஃ குலஹீநஸேவா

சிஹ்நாநி தேஹே நரகஸ்திதாநாம் ॥ 17 ॥

கம்யதே யதி ம்ரு'கேந்த்ரமந்திரம்

லப்யதே கரிகபாலமௌக்திகம் ।

ஜம்புகாலயகதே ச ப்ராப்யதே

வத்ஸபுச்சகரசர்மகண்டநம் ॥ 18 ॥

ஶுநஃ புச்சமிவ வ்யர்தம் ஜீவிதம் வித்யயா விநா ।

ந குஹ்யகோபநே ஶக்தம் ந ச தம்ஶநிவாரணே ॥ 19 ॥

வாசாம் ஶௌசம் ச மநஸஃ ஶௌசமிந்த்ரியநிக்ரஹஃ ।

ஸர்வபூததயாஶௌசமேதச்சௌசம் பரார்திநாம் ॥ 20 ॥

புஷ்பே கந்தம் திலே தைலம் காஷ்டேऽக்நிம் பயஸி க்ரு'தம் ।

இக்ஷௌ குடம் ததா தேஹே பஶ்யாத்மாநம் விவேகதஃ ॥ 21 ॥

Roman (IAST) Transliteration

arthanāśaṃ manastāpaṃ gṛhe duścaritāni ca |

vañcanaṃ cāpamānaṃ ca matimānna prakāśayet || 01 ||

dhanadhānyaprayogeṣu vidyāsaṅgrahaṇe tathā |

āhāre vyavahāre ca tyaktalajjaḥ sukhī bhavet || 02 ||

santoṣāmṛtatṛptānāṃ yatsukhaṃ śāntireva ca |

na ca taddhanalubdhānāmitaścetaśca dhāvatām || 03 ||

santoṣastriṣu kartavyaḥ svadāre bhojane dhane |

triṣu caiva na kartavyo'dhyayane japadānayoḥ || 04 ||

viprayorvipravahnyośca dampatyoḥ svāmibhṛtyayoḥ |

antareṇa na gantavyaṃ halasya vṛṣabhasya ca || 05 ||

pādābhyāṃ na spṛśedagniṃ guruṃ brāhmaṇameva ca |

naiva gāṃ na kumārīṃ ca na vṛddhaṃ na śiśuṃ tathā || 06 ||

śakaṭaṃ pañcahastena daśahastena vājinam |

gajaṃ hastasahasreṇa deśatyāgena durjanam || 07 ||

hastī aṅkuśamātreṇa vājī hastena tāḍyate |

śa‍ṛṅgī laguḍahastena khaḍgahastena durjanaḥ || 08 ||

tuṣyanti bhojane viprā mayūrā ghanagarjite |

sādhavaḥ parasampattau khalāḥ paravipattiṣu || 09 ||

anulomena balinaṃ pratilomena durjanam |

ātmatulyabalaṃ śatruṃ vinayena balena vā || 10 ||

bāhuvīryaṃ balaṃ rājñāṃ brahmaṇo brahmavidbalī |

rūpayauvanamādhuryaṃ strīṇāṃ balamanuttamam || 11 ||

nātyantaṃ saralairbhāvyaṃ gatvā paśya vanasthalīm |

chidyante saralāstatra kubjāstiṣṭhanti pādapāḥ || 12 ||

yatrodakaṃ tatra vasanti haṃsā-

stathaiva śuṣkaṃ parivarjayanti |

na haṃsatulyena nareṇa bhāvyaṃ

punastyajantaḥ punarāśrayante || 13 ||

upārjitānāṃ vittānāṃ tyāga eva hi rakṣaṇam |

taḍāgodarasaṃsthānāṃ parīvāha ivāmbhasām || 14 ||

yasyārthāstasya mitrāṇi yasyārthāstasya bāndhavāḥ |

yasyārthāḥ sa pumā~lloke yasyārthāḥ sa ca paṇḍitaḥ || 15 ||

svargasthitānāmiha jīvaloke

catvāri cihnāni vasanti dehe |

dānaprasaṅgo madhurā ca vāṇī

devārcanaṃ brāhmaṇatarpaṇaṃ ca || 16 ||

atyantakopaḥ kaṭukā ca vāṇī

daridratā ca svajaneṣu vairam |

nīcaprasaṅgaḥ kulahīnasevā

cihnāni dehe narakasthitānām || 17 ||

gamyate yadi mṛgendramandiraṃ

labhyate karikapālamauktikam |

jambukālayagate ca prāpyate

vatsapucchakharacarmakhaṇḍanam || 18 ||

śunaḥ pucchamiva vyarthaṃ jīvitaṃ vidyayā vinā |

na guhyagopane śaktaṃ na ca daṃśanivāraṇe || 19 ||

vācāṃ śaucaṃ ca manasaḥ śaucamindriyanigrahaḥ |

sarvabhūtadayāśaucametacchaucaṃ parārthinām || 20 ||

puṣpe gandhaṃ tile tailaṃ kāṣṭhe'gniṃ payasi ghṛtam |

ikṣau guḍaṃ tathā dehe paśyātmānaṃ vivekataḥ || 21 ||