Chanakya Niti - Chaturtho'dhyayah

ॐ

சாணக்ய நீதி - சதுர்தோऽத்யாயஃ

Chanakya Tamil

ஆயுஃ கர்ம ச வித்தம் ச வித்யா நிதநமேவ ச ।

பஞ்சைதாநி ஹி ஸ்ரு'ஜ்யந்தே கர்பஸ்தஸ்யைவ தேஹிநஃ ॥ 01 ॥

ஸாதுப்யஸ்தே நிவர்தந்தே புத்ரமித்ராணி பாந்தவாஃ ।

யே ச தைஃ ஸஹ கந்தாரஸ்தத்தர்மாத்ஸுக்ரு'தம் குலம் ॥ 02 ॥

தர்ஶநத்யாநஸம்ஸ்பர்ஶைர்மத்ஸீ கூர்மீ ச பக்ஷிணீ ।

ஶிஶும் பாலயதே நித்யம் ததா ஸஜ்ஜந-ஸங்கதிஃ ॥ 03 ॥

யாவத்ஸ்வஸ்தோ ஹ்யயம் தேஹோ யாவந்ம்ரு'த்யுஶ்ச தூரதஃ ।

தாவதாத்மஹிதம் குர்யாத்ப்ராணாந்தே கிம் கரிஷ்யதி ॥ 04 ॥

காமதேநுகுணா வித்யா ஹ்யகாலே பலதாயிநீ ।

ப்ரவாஸே மாத்ரு'ஸத்ரு'ஶீ வித்யா குப்தம் தநம் ஸ்ம்ரு'தம் ॥ 05 ॥

ஏகோऽபி குணவாந்புத்ரோ நிர்குணேந ஶதேந கிம் ।

ஏகஶ்சந்த்ரஸ்தமோ ஹந்தி ந ச தாராஃ ஸஹஸ்ரஶஃ ॥ 06 ॥

மூர்கஶ்சிராயுர்ஜாதோऽபி தஸ்மாஜ்ஜாதம்ரு'தோ வரஃ ।

ம்ரு'தஃ ஸ சால்பதுஃகாய யாவஜ்ஜீவம் ஜடோ தஹேத் ॥ 07 ॥

குக்ராமவாஸஃ குலஹீநஸேவா

குபோஜநம் க்ரோதமுகீ ச பார்யா ।

புத்ரஶ்ச மூர்கோ விதவா ச கந்யா

விநாக்நிநா ஷட்ப்ரதஹந்தி காயம் ॥ 08 ॥

கிம் தயா க்ரியதே தேந்வா யா ந தோக்த்ரீ ந கர்பிணீ ।

கோऽர்தஃ புத்ரேண ஜாதேந யோ ந வித்வாந் ந பக்திமாந் ॥ 09 ॥

ஸம்ஸாரதாபதக்தாநாம் த்ரயோ விஶ்ராந்திஹேதவஃ ।

அபத்யம் ச கலத்ரம் ச ஸதாம் ஸங்கதிரேவ ச ॥ 10 ॥

ஸக்ரு'ஜ்ஜல்பந்தி ராஜாநஃ ஸக்ரு'ஜ்ஜல்பந்தி பண்டிதாஃ ।

ஸக்ரு'த்கந்யாஃ ப்ரதீயந்தே த்ரீண்யேதாநி ஸக்ரு'த்ஸக்ரு'த் ॥ 11 ॥

ஏகாகிநா தபோ த்வாப்யாம் படநம் காயநம் த்ரிபிஃ ।

சதுர்பிர்கமநம் க்ஷேத்ரம் பஞ்சபிர்பஹுபீ ரணஃ ॥ 12 ॥

ஸா பார்யா யா ஶுசிர்தக்ஷா ஸா பார்யா யா பதிவ்ரதா ।

ஸா பார்யா யா பதிப்ரீதா ஸா பார்யா ஸத்யவாதிநீ ॥ 13 ॥

அபுத்ரஸ்ய க்ரு'ஹம் ஶூந்யம் திஶஃ ஶூந்யாஸ்த்வபாந்தவாஃ ।

மூர்கஸ்ய ஹ்ரு'தயம் ஶூந்யம் ஸர்வஶூந்யா தரித்ரதா ॥ 14 ॥

அநப்யாஸே விஷம் ஶாஸ்த்ரமஜீர்ணே போஜநம் விஷம் ।

தரித்ரஸ்ய விஷம் கோஷ்டீ வ்ரு'த்தஸ்ய தருணீ விஷம் ॥ 15 ॥

த்யஜேத்தர்மம் தயாஹீநம் வித்யாஹீநம் குரும் த்யஜேத் ।

த்யஜேத்க்ரோதமுகீம் பார்யாம் நிஃஸ்நேஹாந்பாந்தவாம்ஸ்த்யஜேத் ॥ 16 ॥

அத்வா ஜரா தேஹவதாம் பர்வதாநாம் ஜலம் ஜரா ।

அமைதுநம் ஜரா ஸ்த்ரீணாம் வஸ்த்ராணாமாதபோ ஜரா ॥ 17 ॥

கஃ காலஃ காநி மித்ராணி கோ தேஶஃ கௌ வ்யயாகமௌ ।

கஶ்சாஹம் கா ச மே ஶக்திரிதி சிந்த்யம் முஹுர்முஹுஃ ॥ 18 ॥

அக்நிர்தேவோ த்விஜாதீநாம் முநீநாம் ஹ்ரு'தி தைவதம் ।

ப்ரதிமா ஸ்வல்பபுத்தீநாம் ஸர்வத்ர ஸமதர்ஶிநஃ ॥ 19 ॥

Roman (IAST) Transliteration

āyuḥ karma ca vittaṃ ca vidyā nidhanameva ca |

pañcaitāni hi sṛjyante garbhasthasyaiva dehinaḥ || 01 ||

sādhubhyaste nivartante putramitrāṇi bāndhavāḥ |

ye ca taiḥ saha gantārastaddharmātsukṛtaṃ kulam || 02 ||

darśanadhyānasaṃsparśairmatsī kūrmī ca pakṣiṇī |

śiśuṃ pālayate nityaṃ tathā sajjana-saṅgatiḥ || 03 ||

yāvatsvastho hyayaṃ deho yāvanmṛtyuśca dūrataḥ |

tāvadātmahitaṃ kuryātprāṇānte kiṃ kariṣyati || 04 ||

kāmadhenuguṇā vidyā hyakāle phaladāyinī |

pravāse mātṛsadṛśī vidyā guptaṃ dhanaṃ smṛtam || 05 ||

eko'pi guṇavānputro nirguṇena śatena kim |

ekaścandrastamo hanti na ca tārāḥ sahasraśaḥ || 06 ||

mūrkhaścirāyurjāto'pi tasmājjātamṛto varaḥ |

mṛtaḥ sa cālpaduḥkhāya yāvajjīvaṃ jaḍo dahet || 07 ||

kugrāmavāsaḥ kulahīnasevā

kubhojanaṃ krodhamukhī ca bhāryā |

putraśca mūrkho vidhavā ca kanyā

vināgninā ṣaṭpradahanti kāyam || 08 ||

kiṃ tayā kriyate dhenvā yā na dogdhrī na garbhiṇī |

ko'rthaḥ putreṇa jātena yo na vidvān na bhaktimān || 09 ||

saṃsāratāpadagdhānāṃ trayo viśrāntihetavaḥ |

apatyaṃ ca kalatraṃ ca satāṃ saṅgatireva ca || 10 ||

sakṛjjalpanti rājānaḥ sakṛjjalpanti paṇḍitāḥ |

sakṛtkanyāḥ pradīyante trīṇyetāni sakṛtsakṛt || 11 ||

ekākinā tapo dvābhyāṃ paṭhanaṃ gāyanaṃ tribhiḥ |

caturbhirgamanaṃ kṣetraṃ pañcabhirbahubhī raṇaḥ || 12 ||

sā bhāryā yā śucirdakṣā sā bhāryā yā pativratā |

sā bhāryā yā patiprītā sā bhāryā satyavādinī || 13 ||

aputrasya gṛhaṃ śūnyaṃ diśaḥ śūnyāstvabāndhavāḥ |

mūrkhasya hṛdayaṃ śūnyaṃ sarvaśūnyā daridratā || 14 ||

anabhyāse viṣaṃ śāstramajīrṇe bhojanaṃ viṣam |

daridrasya viṣaṃ goṣṭhī vṛddhasya taruṇī viṣam || 15 ||

tyajeddharmaṃ dayāhīnaṃ vidyāhīnaṃ guruṃ tyajet |

tyajetkrodhamukhīṃ bhāryāṃ niḥsnehānbāndhavāṃstyajet || 16 ||

adhvā jarā dehavatāṃ parvatānāṃ jalaṃ jarā |

amaithunaṃ jarā strīṇāṃ vastrāṇāmātapo jarā || 17 ||

kaḥ kālaḥ kāni mitrāṇi ko deśaḥ kau vyayāgamau |

kaścāhaṃ kā ca me śaktiriti cintyaṃ muhurmuhuḥ || 18 ||

agnirdevo dvijātīnāṃ munīnāṃ hṛdi daivatam |

pratimā svalpabuddhīnāṃ sarvatra samadarśinaḥ || 19 ||