Chanakya Niti - Tritiyo'dhyayah

ॐ

சாணக்ய நீதி - த்ரு'தீயோऽத்யாயஃ

Chanakya Tamil

கஸ்ய தோஷஃ குலே நாஸ்தி வ்யாதிநா கோ ந பீடிதஃ ।

வ்யஸநம் கேந ந ப்ராப்தம் கஸ்ய ஸௌக்யம் நிரந்தரம் ॥ 01 ॥

ஆசாரஃ குலமாக்யாதி தேஶமாக்யாதி பாஷணம் ।

ஸம்ப்ரமஃ ஸ்நேஹமாக்யாதி வபுராக்யாதி போஜநம் ॥ 02 ॥

ஸுகுலே யோஜயேத்கந்யாம் புத்ரம் வித்யாஸு யோஜயேத் ।

வ்யஸநே யோஜயேச்சத்ரும் மித்ரம் தர்மேண யோஜயேத் ॥ 03 ॥

துர்ஜநஸ்ய ச ஸர்பஸ்ய வரம் ஸர்போ ந துர்ஜநஃ ।

ஸர்போ தம்ஶதி காலே து துர்ஜநஸ்து பதே பதே ॥ 04 ॥

ஏததர்தே குலீநாநாம் ந்ரு'பாஃ குர்வந்தி ஸங்க்ரஹம் ।

ஆதிமத்யாவஸாநேஷு ந தே கச்சந்தி விக்ரியாம் ॥ 05 ॥

ப்ரலயே பிந்நமர்யாதா பவந்தி கில ஸாகராஃ ।

ஸாகரா பேதமிச்சந்தி ப்ரலயேऽபி ந ஸாதவஃ ॥ 06 ॥

மூர்கஸ்து ப்ரஹர்தவ்யஃ ப்ரத்யக்ஷோ த்விபதஃ பஶுஃ ।

பித்யதே வாக்ய-ஶல்யேந அத்ரு'ஶம் கண்டகம் யதா ॥ 07 ॥

ரூபயௌவநஸம்பந்நா விஶாலகுலஸம்பவாஃ ।

வித்யாஹீநா ந ஶோபந்தே நிர்கந்தாஃ கிம்ஶுகா யதா ॥ 08 ॥

கோகிலாநாம் ஸ்வரோ ரூபம் ஸ்த்ரீணாம் ரூபம் பதிவ்ரதம் ।

வித்யா ரூபம் குரூபாணாம் க்ஷமா ரூபம் தபஸ்விநாம் ॥ 09 ॥

த்யஜேதேகம் குலஸ்யார்தே க்ராமஸ்யார்தே குலம் த்யஜேத் ।

க்ராமம் ஜநபதஸ்யார்தே ஆத்மார்தே ப்ரு'திவீம் த்யஜேத் ॥ 10 ॥

உத்யோகே நாஸ்தி தாரித்ர்யம் ஜபதோ நாஸ்தி பாதகம் ।

மௌநேந கலஹோ நாஸ்தி நாஸ்தி ஜாகரிதே பயம் ॥ 11 ॥

அதிரூபேண வா ஸீதா அதிகர்வேண ராவணஃ ।

அதிதாநாத்பலிர்பத்தோ ஹ்யதிஸர்வத்ர வர்ஜயேத் ॥ 12 ॥

கோ ஹி பாரஃ ஸமர்தாநாம் கிம் தூரம் வ்யவஸாயிநாம் ।

கோ விதேஶஃ ஸுவித்யாநாம் கஃ பரஃ ப்ரியவாதிநாம் ॥ 13 ॥

ஏகேநாபி ஸுவ்ரு'க்ஷேண புஷ்பிதேந ஸுகந்திநா ।

வாஸிதம் தத்வநம் ஸர்வம் ஸுபுத்ரேண குலம் யதா ॥ 14 ॥

ஏகேந ஶுஷ்கவ்ரு'க்ஷேண தஹ்யமாநேந வஹ்நிநா ।

தஹ்யதே தத்வநம் ஸர்வம் குபுத்ரேண குலம் யதா ॥ 15 ॥

ஏகேநாபி ஸுபுத்ரேண வித்யாயுக்தேந ஸாதுநா ।

ஆஹ்லாதிதம் குலம் ஸர்வம் யதா சந்த்ரேண ஶர்வரீ ॥ 16 ॥

கிம் ஜாதைர்பஹுபிஃ புத்ரைஃ ஶோகஸந்தாபகாரகைஃ ।

வரமேகஃ குலாலம்பீ யத்ர விஶ்ராம்யதே குலம் ॥ 17 ॥

லாலயேத்பஞ்சவர்ஷாணி தஶவர்ஷாணி தாடயேத் ।

ப்ராப்தே து ஷோடஶே வர்ஷே புத்ரே மித்ரவதாசரேத் ॥ 18 ॥

உபஸர்கேऽந்யசக்ரே ச துர்பிக்ஷே ச பயாவஹே ।

அஸாதுஜநஸம்பர்கே யஃ பலாயேத்ஸ ஜீவதி ॥ 19 ॥

தர்மார்தகாமமோக்ஷாணாம் யஸ்யைகோऽபி ந வித்யதே ।

அஜாகலஸ்தநஸ்யேவ தஸ்ய ஜந்ம நிரர்தகம் ॥ 20 ॥

மூர்கா யத்ர ந பூஜ்யந்தே தாந்யம் யத்ர ஸுஸஞ்சிதம் ।

தாம்பத்யே கலஹோ நாஸ்தி தத்ர ஶ்ரீஃ ஸ்வயமாகதா ॥ 21 ॥

Roman (IAST) Transliteration

kasya doṣaḥ kule nāsti vyādhinā ko na pīḍitaḥ |

vyasanaṃ kena na prāptaṃ kasya saukhyaṃ nirantaram || 01 ||

ācāraḥ kulamākhyāti deśamākhyāti bhāṣaṇam |

sambhramaḥ snehamākhyāti vapurākhyāti bhojanam || 02 ||

sukule yojayetkanyāṃ putraṃ vidyāsu yojayet |

vyasane yojayecchatruṃ mitraṃ dharmeṇa yojayet || 03 ||

durjanasya ca sarpasya varaṃ sarpo na durjanaḥ |

sarpo daṃśati kāle tu durjanastu pade pade || 04 ||

etadarthe kulīnānāṃ nṛpāḥ kurvanti saṅgraham |

ādimadhyāvasāneṣu na te gacchanti vikriyām || 05 ||

pralaye bhinnamaryādā bhavanti kila sāgarāḥ |

sāgarā bhedamicchanti pralaye'pi na sādhavaḥ || 06 ||

mūrkhastu prahartavyaḥ pratyakṣo dvipadaḥ paśuḥ |

bhidyate vākya-śalyena adṛśaṃ kaṇṭakaṃ yathā || 07 ||

rūpayauvanasampannā viśālakulasambhavāḥ |

vidyāhīnā na śobhante nirgandhāḥ kiṃśukā yathā || 08 ||

kokilānāṃ svaro rūpaṃ strīṇāṃ rūpaṃ pativratam |

vidyā rūpaṃ kurūpāṇāṃ kṣamā rūpaṃ tapasvinām || 09 ||

tyajedekaṃ kulasyārthe grāmasyārthe kulaṃ tyajet |

grāmaṃ janapadasyārthe ātmārthe pṛthivīṃ tyajet || 10 ||

udyoge nāsti dāridryaṃ japato nāsti pātakam |

maunena kalaho nāsti nāsti jāgarite bhayam || 11 ||

atirūpeṇa vā sītā atigarveṇa rāvaṇaḥ |

atidānādbalirbaddho hyatisarvatra varjayet || 12 ||

ko hi bhāraḥ samarthānāṃ kiṃ dūraṃ vyavasāyinām |

ko videśaḥ suvidyānāṃ kaḥ paraḥ priyavādinām || 13 ||

ekenāpi suvṛkṣeṇa puṣpitena sugandhinā |

vāsitaṃ tadvanaṃ sarvaṃ suputreṇa kulaṃ yathā || 14 ||

ekena śuṣkavṛkṣeṇa dahyamānena vahninā |

dahyate tadvanaṃ sarvaṃ kuputreṇa kulaṃ yathā || 15 ||

ekenāpi suputreṇa vidyāyuktena sādhunā |

āhlāditaṃ kulaṃ sarvaṃ yathā candreṇa śarvarī || 16 ||

kiṃ jātairbahubhiḥ putraiḥ śokasantāpakārakaiḥ |

varamekaḥ kulālambī yatra viśrāmyate kulam || 17 ||

lālayetpañcavarṣāṇi daśavarṣāṇi tāḍayet |

prāpte tu ṣoḍaśe varṣe putre mitravadācaret || 18 ||

upasarge'nyacakre ca durbhikṣe ca bhayāvahe |

asādhujanasamparke yaḥ palāyetsa jīvati || 19 ||

dharmārthakāmamokṣāṇāṃ yasyaiko'pi na vidyate |

ajāgalastanasyeva tasya janma nirarthakam || 20 ||

mūrkhā yatra na pūjyante dhānyaṃ yatra susañcitam |

dāmpatye kalaho nāsti tatra śrīḥ svayamāgatā || 21 ||