Chanakya Niti - Saptadasho'dhyayah

ॐ

சாணக்ய நீதி - ஸப்ததஶோऽத்யாயஃ

Chanakya Tamil

புஸ்தகப்ரத்யயாதீதம் நாதீதம் குருஸந்நிதௌ ।

ஸபாமத்யே ந ஶோபந்தே ஜாரகர்பா இவ ஸ்த்ரியஃ ॥ 01 ॥

க்ரு'தே ப்ரதிக்ரு'திம் குர்யாத்திம்ஸநே ப்ரதிஹிம்ஸநம் ।

தத்ர தோஷோ ந பததி துஷ்டே துஷ்டம் ஸமாசரேத் ॥ 02 ॥

யத்தூரம் யத்துராராத்யம் யச்ச தூரே வ்யவஸ்திதம் ।

தத்ஸர்வம் தபஸா ஸாத்யம் தபோ ஹி துரதிக்ரமம் ॥ 03 ॥

லோபஶ்சேதகுணேந கிம் பிஶுநதா யத்யஸ்தி கிம் பாதகைஃ

ஸத்யம் சேத்தபஸா ச கிம் ஶுசி மநோ யத்யஸ்தி தீர்தேந கிம் ।

ஸௌஜந்யம் யதி கிம் குணைஃ ஸுமஹிமா யத்யஸ்தி கிம் மண்டநைஃ

ஸத்வித்யா யதி கிம் தநைரபயஶோ யத்யஸ்தி கிம் ம்ரு'த்யுநா ॥ 04 ॥

பிதா ரத்நாகரோ யஸ்ய லக்ஷ்மீர்யஸ்ய ஸஹோதரா ।

ஶங்கோ பிக்ஷாடநம் குர்யாந்ந தத்தமுபதிஷ்டதே ॥ 05 ॥

அஶக்தஸ்து பவேத்ஸாது-ர்ப்ரஹ்மசாரீ வா நிர்தநஃ ।

வ்யாதிதோ தேவபக்தஶ்ச வ்ரு'த்தா நாரீ பதிவ்ரதா ॥ 06 ॥

நாऽந்நோதகஸமம் தாநம் ந திதிர்த்வாதஶீ ஸமா ।

ந காயத்ர்யாஃ பரோ மந்த்ரோ ந மாதுர்தைவதம் பரம் ॥ 07 ॥

தக்ஷகஸ்ய விஷம் தந்தே மக்ஷிகாயாஸ்து மஸ்தகே ।

வ்ரு'ஶ்சிகஸ்ய விஷம் புச்சே ஸர்வாங்கே துர்ஜநே விஷம் ॥ 08 ॥

பத்யுராஜ்ஞாம் விநா நாரீ ஹ்யுபோஷ்ய வ்ரதசாரிணீ ।

ஆயுஷ்யம் ஹரதே பர்துஃ ஸா நாரீ நரகம் வ்ரஜேத் ॥ 09 ॥

ந தாநைஃ ஶுத்யதே நாரீ நோபவாஸஶதைரபி ।

ந தீர்தஸேவயா தத்வத்பர்துஃ பதோதகைர்யதா ॥ 10 ॥

பாதஶேஷம் பீதஶேஷம் ஸந்த்யாஶேஷம் ததைவ ச ।

ஶ்வாநமூத்ரஸமம் தோயம் பீத்வா சாந்த்ராயணம் சரேத் ॥ 11 ॥

தாநேந பாணிர்ந து கங்கணேந

ஸ்நாநேந ஶுத்திர்ந து சந்தநேந ।

மாநேந த்ரு'ப்திர்ந து போஜநேந

ஜ்ஞாநேந முக்திர்ந து முண்டநேந ॥ 12 ॥

நாபிதஸ்ய க்ரு'ஹே க்ஷௌரம் பாஷாணே கந்தலேபநம் ।

ஆத்மரூபம் ஜலே பஶ்யந் ஶக்ரஸ்யாபி ஶ்ரியம் ஹரேத் ॥ 13 ॥

ஸத்யஃ ப்ரஜ்ஞாஹரா துண்டீ ஸத்யஃ ப்ரஜ்ஞாகரீ வசா ।

ஸத்யஃ ஶக்திஹரா நாரீ ஸத்யஃ ஶக்திகரம் பயஃ ॥ 14 ॥

பரோபகரணம் யேஷாம் ஜாகர்தி ஹ்ரு'தயே ஸதாம் ।

நஶ்யந்தி விபதஸ்தேஷாம் ஸம்பதஃ ஸ்யுஃ பதே பதே ॥ 15 ॥

யதி ராமா யதி ச ரமா யதி தநயோ விநயகுணோபேதஃ ।

தநயே தநயோத்பத்திஃ ஸுரவரநகரே கிமாதிக்யம் ॥ 16 ॥

ஆஹாரநித்ராபயமைதுநாநி

ஸமாநி சைதாநி ந்ரு'ணாம் பஶூநாம் ।

ஜ்ஞாநம் நராணாமதிகோ விஶேஷோ

ஜ்ஞாநேந ஹீநாஃ பஶுபிஃ ஸமாநாஃ ॥ 17 ॥

தாநார்திநோ மதுகரா யதி கர்ணதாலைர்தூரீக்ரு'தாஃ

தூரீக்ரு'தாஃ கரிவரேண மதாந்தபுத்த்யா ।

தஸ்யைவ கண்டயுக்மமண்டநஹாநிரேஷா

ப்ரு'ங்காஃ புநர்விகசபத்மவநே வஸந்தி ॥ 18 ॥

ராஜா வேஶ்யா யமஶ்சாக்நிஸ்தஸ்கரோ பாலயாசகௌ ।

பரதுஃகம் ந ஜாநந்தி அஷ்டமோ க்ராமகண்டகஃ ॥ 19 ॥

அதஃ பஶ்யஸி கிம் பாலே பதிதம் தவ கிம் புவி ।

ரே ரே மூர்க ந ஜாநாஸி கதம் தாருண்யமௌக்திகம் ॥ 20 ॥

வ்யாலாஶ்ரயாபி விகலாபி ஸகண்டகாபி

வக்ராபி பங்கிலபவாபி துராஸதாபி ।

கந்தேந பந்துரஸி கேதகி ஸர்வஜந்தா

ரேகோ குணஃ கலு நிஹந்தி ஸமஸ்ததோஷாந் ॥ 21 ॥

Roman (IAST) Transliteration

pustakapratyayādhītaṃ nādhītaṃ gurusannidhau |

sabhāmadhye na śobhante jāragarbhā iva striyaḥ || 01 ||

kṛte pratikṛtiṃ kuryāddhiṃsane pratihiṃsanam |

tatra doṣo na patati duṣṭe duṣṭaṃ samācaret || 02 ||

yaddūraṃ yaddurārādhyaṃ yacca dūre vyavasthitam |

tatsarvaṃ tapasā sādhyaṃ tapo hi duratikramam || 03 ||

lobhaścedaguṇena kiṃ piśunatā yadyasti kiṃ pātakaiḥ

satyaṃ cettapasā ca kiṃ śuci mano yadyasti tīrthena kim |

saujanyaṃ yadi kiṃ guṇaiḥ sumahimā yadyasti kiṃ maṇḍanaiḥ

sadvidyā yadi kiṃ dhanairapayaśo yadyasti kiṃ mṛtyunā || 04 ||

pitā ratnākaro yasya lakṣmīryasya sahodarā |

śaṅkho bhikṣāṭanaṃ kuryānna dattamupatiṣṭhate || 05 ||

aśaktastu bhavetsādhu-rbrahmacārī vā nirdhanaḥ |

vyādhito devabhaktaśca vṛddhā nārī pativratā || 06 ||

nā'nnodakasamaṃ dānaṃ na tithirdvādaśī samā |

na gāyatryāḥ paro mantro na māturdaivataṃ param || 07 ||

takṣakasya viṣaṃ dante makṣikāyāstu mastake |

vṛścikasya viṣaṃ pucche sarvāṅge durjane viṣam || 08 ||

patyurājñāṃ vinā nārī hyupoṣya vratacāriṇī |

āyuṣyaṃ harate bhartuḥ sā nārī narakaṃ vrajet || 09 ||

na dānaiḥ śudhyate nārī nopavāsaśatairapi |

na tīrthasevayā tadvadbhartuḥ padodakairyathā || 10 ||

pādaśeṣaṃ pītaśeṣaṃ sandhyāśeṣaṃ tathaiva ca |

śvānamūtrasamaṃ toyaṃ pītvā cāndrāyaṇaṃ caret || 11 ||

dānena pāṇirna tu kaṅkaṇena

snānena śuddhirna tu candanena |

mānena tṛptirna tu bhojanena

jñānena muktirna tu muṇḍanena || 12 ||

nāpitasya gṛhe kṣauraṃ pāṣāṇe gandhalepanam |

ātmarūpaṃ jale paśyan śakrasyāpi śriyaṃ haret || 13 ||

sadyaḥ prajñāharā tuṇḍī sadyaḥ prajñākarī vacā |

sadyaḥ śaktiharā nārī sadyaḥ śaktikaraṃ payaḥ || 14 ||

paropakaraṇaṃ yeṣāṃ jāgarti hṛdaye satām |

naśyanti vipadasteṣāṃ sampadaḥ syuḥ pade pade || 15 ||

yadi rāmā yadi ca ramā yadi tanayo vinayaguṇopetaḥ |

tanaye tanayotpattiḥ suravaranagare kimādhikyam || 16 ||

āhāranidrābhayamaithunāni

samāni caitāni nṛṇāṃ paśūnām |

jñānaṃ narāṇāmadhiko viśeṣo

jñānena hīnāḥ paśubhiḥ samānāḥ || 17 ||

dānārthino madhukarā yadi karṇatālairdūrīkṛtāḥ

dūrīkṛtāḥ karivareṇa madāndhabuddhyā |

tasyaiva gaṇḍayugmamaṇḍanahānireṣā

bhṛṅgāḥ punarvikacapadmavane vasanti || 18 ||

rājā veśyā yamaścāgnistaskaro bālayācakau |

paraduḥkhaṃ na jānanti aṣṭamo grāmakaṇṭakaḥ || 19 ||

adhaḥ paśyasi kiṃ bāle patitaṃ tava kiṃ bhuvi |

re re mūrkha na jānāsi gataṃ tāruṇyamauktikam || 20 ||

vyālāśrayāpi vikalāpi sakaṇṭakāpi

vakrāpi paṅkilabhavāpi durāsadāpi |

gandhena bandhurasi ketaki sarvajantā

reko guṇaḥ khalu nihanti samastadoṣān || 21 ||