Chanakya Niti - Trayodasho'dhyayah

ॐ

சாணக்ய நீதி - த்ரயோதஶோऽத்யாயஃ

Chanakya Tamil

முஹூர்தமபி ஜீவேச்ச நரஃ ஶுக்லேந கர்மணா ।

ந கல்பமபி கஷ்டேந லோகத்வயவிரோதிநா ॥ 01 ॥

கதே ஶோகோ ந கர்தவ்யோ பவிஷ்யம் நைவ சிந்தயேத் ।

வர்தமாநேந காலேந வர்தயந்தி விசக்ஷணாஃ ॥ 02 ॥

ஸ்வபாவேந ஹி துஷ்யந்தி தேவாஃ ஸத்புருஷாஃ பிதா ।

ஜ்ஞாதயஃ ஸ்நாநபாநாப்யாம் வாக்யதாநேந பண்டிதாஃ ॥ 03 ॥

ஆயுஃ கர்ம ச வித்தம் ச வித்யா நிதநமேவ ச ।

பஞ்சைதாநி ஹி ஸ்ரு'ஜ்யந்தே கர்பஸ்தஸ்யைவ தேஹிநஃ ॥ 04 (4.1) ॥

அஹோ பத விசித்ராணி சரிதாநி மஹாத்மநாம் ।

லக்ஷ்மீம் த்ரு'ணாய மந்யந்தே தத்பாரேண நமந்தி ச ॥ 05 ॥

யஸ்ய ஸ்நேஹோ பயம் தஸ்ய ஸ்நேஹோ துஃகஸ்ய பாஜநம் ।

ஸ்நேஹமூலாநி துஃகாநி தாநி த்யக்த்வா வஸேத் ஸுகம் ॥ 06 ॥

அநாகதவிதாதா ச ப்ரத்யுத்பந்நமதிஸ்ததா ।

த்வாவேதௌ ஸுகமேதேதே யத்பவிஷ்யோ விநஶ்யதி ॥ 07 ॥

ராஜ்ஞி தர்மிணி தர்மிஷ்டாஃ பாபே பாபாஃ ஸமே ஸமாஃ ।

ராஜாநமநுவர்தந்தே யதா ராஜா ததா ப்ரஜாஃ ॥ 08 ॥

ஜீவந்தம் ம்ரு'தவந்மந்யே தேஹிநம் தர்மவர்ஜிதம் ।

ம்ரு'தோ தர்மேண ஸம்யுக்தோ தீர்கஜீவீ ந ஸம்ஶயஃ ॥ 09 ॥

தர்மார்தகாமமோக்ஷாணாம் யஸ்யைகோऽபி ந வித்யதே ।

அஜாகலஸ்தநஸ்யேவ தஸ்ய ஜந்ம நிரர்தகம் ॥ 10 ॥

தஹ்யமாநாஃ ஸுதீவ்ரேண நீசாஃ பரயஶோऽக்நிநா ।

அஶக்தாஸ்தத்பதம் கந்தும் ததோ நிண்டாம் ப்ரகுர்வதே ॥ 11 ॥

பந்தாய விஷயாஸங்கோ முக்த்யை நிர்விஷயம் மநஃ ।

மந ஏவ மநுஷ்யாணாம் காரணம் பந்தமோக்ஷயோஃ ॥ 12 ॥

தேஹாபிமாநே கலிதம் ஜ்ஞாநேந பரமாத்மநி ।

யத்ர யத்ர மநோ யாதி தத்ர தத்ர ஸமாதயஃ ॥ 13 ॥

ஈப்ஸிதம் மநஸஃ ஸர்வம் கஸ்ய ஸம்பத்யதே ஸுகம் ।

தைவாயத்தம் யதஃ ஸர்வம் தஸ்மாத்ஸந்தோஷமாஶ்ரயேத் ॥ 14 ॥

யதா தேநுஸஹஸ்ரேஷு வத்ஸோ கச்சதி மாதரம் ।

ததா யச்ச க்ரு'தம் கர்ம கர்தாரமநுகச்சதி ॥ 15 ॥

அநவஸ்திதகார்யஸ்ய ந ஜநே ந வநே ஸுகம் ।

ஜநோ தஹதி ஸம்ஸர்காத்வநம் ஸங்கவிவர்ஜநாத் ॥ 16 ॥

கநித்வா ஹி கநித்ரேண பூதலே வாரி விந்ததி ।

ததா குருகதாம் வித்யாம் ஶுஶ்ரூஷுரதிகச்சதி ॥ 17 ॥

கர்மாயத்தம் பலம் பும்ஸாம் புத்திஃ கர்மாநுஸாரிணீ ।

ததாபி ஸுதியஶ்சார்யா ஸுவிசார்யைவ குர்வதே ॥ 18 ॥

ஏகாக்ஷரப்ரதாதாரம் யோ குரும் நாபிவந்ததே ।

ஶ்வாநயோநிஶதம் கத்வா சாண்டாலேஷ்வபிஜாயதே ॥ 19 ॥

யுகாந்தே ப்ரசலேந்மேருஃ கல்பாந்தே ஸப்த ஸாகராஃ ।

ஸாதவஃ ப்ரதிபந்நார்தாந்ந சலந்தி கதாசந ॥ 20 ॥

ப்ரு'திவ்யாம் த்ரீணி ரத்நாநி ஜலமந்நம் ஸுபாஷிதம் ।

மூடைஃ பாஷாணகண்டேஷு ரத்நஸஞ்ஜ்ஞா விதீயதே ॥ 21 ॥

Roman (IAST) Transliteration

muhūrtamapi jīvecca naraḥ śuklena karmaṇā |

na kalpamapi kaṣṭena lokadvayavirodhinā || 01 ||

gate śoko na kartavyo bhaviṣyaṃ naiva cintayet |

vartamānena kālena vartayanti vicakṣaṇāḥ || 02 ||

svabhāvena hi tuṣyanti devāḥ satpuruṣāḥ pitā |

jñātayaḥ snānapānābhyāṃ vākyadānena paṇḍitāḥ || 03 ||

āyuḥ karma ca vittaṃ ca vidyā nidhanameva ca |

pañcaitāni hi sṛjyante garbhasthasyaiva dehinaḥ || 04 (4.1) ||

aho bata vicitrāṇi caritāni mahātmanām |

lakṣmīṃ tṛṇāya manyante tadbhāreṇa namanti ca || 05 ||

yasya sneho bhayaṃ tasya sneho duḥkhasya bhājanam |

snehamūlāni duḥkhāni tāni tyaktvā vaset sukham || 06 ||

anāgatavidhātā ca pratyutpannamatistathā |

dvāvetau sukhamedhete yadbhaviṣyo vinaśyati || 07 ||

rājñi dharmiṇi dharmiṣṭhāḥ pāpe pāpāḥ same samāḥ |

rājānamanuvartante yathā rājā tathā prajāḥ || 08 ||

jīvantaṃ mṛtavanmanye dehinaṃ dharmavarjitam |

mṛto dharmeṇa saṃyukto dīrghajīvī na saṃśayaḥ || 09 ||

dharmārthakāmamokṣāṇāṃ yasyaiko'pi na vidyate |

ajāgalastanasyeva tasya janma nirarthakam || 10 ||

dahyamānāḥ sutīvreṇa nīcāḥ parayaśo'gninā |

aśaktāstatpadaṃ gantuṃ tato niṇḍāṃ prakurvate || 11 ||

bandhāya viṣayāsaṅgo muktyai nirviṣayaṃ manaḥ |

mana eva manuṣyāṇāṃ kāraṇaṃ bandhamokṣayoḥ || 12 ||

dehābhimāne galitaṃ jñānena paramātmani |

yatra yatra mano yāti tatra tatra samādhayaḥ || 13 ||

īpsitaṃ manasaḥ sarvaṃ kasya sampadyate sukham |

daivāyattaṃ yataḥ sarvaṃ tasmātsantoṣamāśrayet || 14 ||

yathā dhenusahasreṣu vatso gacchati mātaram |

tathā yacca kṛtaṃ karma kartāramanugacchati || 15 ||

anavasthitakāryasya na jane na vane sukham |

jano dahati saṃsargādvanaṃ saṅgavivarjanāt || 16 ||

khanitvā hi khanitreṇa bhūtale vāri vindati |

tathā gurugatāṃ vidyāṃ śuśrūṣuradhigacchati || 17 ||

karmāyattaṃ phalaṃ puṃsāṃ buddhiḥ karmānusāriṇī |

tathāpi sudhiyaścāryā suvicāryaiva kurvate || 18 ||

ekākṣarapradātāraṃ yo guruṃ nābhivandate |

śvānayoniśataṃ gatvā cāṇḍāleṣvabhijāyate || 19 ||

yugānte pracalenmeruḥ kalpānte sapta sāgarāḥ |

sādhavaḥ pratipannārthānna calanti kadācana || 20 ||

pṛthivyāṃ trīṇi ratnāni jalamannaṃ subhāṣitam |

mūḍhaiḥ pāṣāṇakhaṇḍeṣu ratnasañjñā vidhīyate || 21 ||