Shrimadbhagavadgita Parayana - Gita Mahatmyam

ॐ

ஶ்ரீமத்பகவத்கீதா பாராயண - கீதா மஹாத்ம்யம்

Mahatmyam Vyasa Tamil

அத கீதாமாஹாத்ம்யம்

தரோவாச

பகவந் பரமேஶாந பக்திரவ்யபிசாரிணீ ।

ப்ராரப்தம் புஜ்யமாநஸ்ய கதம் பவதி ஹே ப்ரபோ ॥ 1 ॥

ஶ்ரீவிஷ்ணுருவாச

ப்ராரப்தம் புஜ்யமாநோ ஹி கீதாப்யாஸரதஃ ஸதா ।

ஸ முக்தஃ ஸ ஸுகீ லோகே கர்மணா நோபலிப்யதே ॥ 2 ॥

மஹாபாபாதிபாபாநி கீதாத்யாநம் கரோதி சேத் ।

க்வசித்ஸ்பர்ஶம் ந குர்வந்தி நலிநீதலமம்புவத் ॥ 3 ॥

கீதாயாஃ புஸ்தகம் யத்ர யத்ர பாடஃ ப்ரவர்ததே ।

தத்ர ஸர்வாணி தீர்தாநி ப்ரயாகாதீநி தத்ர வை ॥ 4 ॥

ஸர்வே தேவாஶ்ச ரு'ஷயஃ யோகிநஃ பந்நகாஶ்ச யே ।

கோபாலா கோபிகா வாऽபி நாரதோத்தவபார்ஷதைஃ ॥ 5 ॥

ஸஹாயோ ஜாயதே ஶீக்ரம் யத்ர கீதா ப்ரவர்ததே ।

யத்ர கீதாவிசாரஶ்ச படநம் பாடநம் ஶ்ருதம் ।

தத்ராஹம் நிஶ்சிதம் ப்ரு'த்வி நிவஸாமி ஸதைவ ஹி ॥ 6 ॥

கீதாஶ்ரயேऽஹம் திஷ்டாமி கீதா மே சோத்தமம் க்ரு'ஹம் ।

கீதாஜ்ஞாநமுபாஶ்ரித்ய த்ரீँல்லோகாந்-பாலயாம்யஹம் ॥ 7 ॥

கீதா மே பரமா வித்யா ப்ரஹ்மரூபா ந ஸம்ஶயஃ ।

அர்தமாத்ராக்ஷரா நித்யா ஸ்வாநிர்வாச்யபதாத்மிகா ॥ 8 ॥

சிதாநந்தேந க்ரு'ஷ்ணேந ப்ரோக்தா ஸ்வமுகதோऽர்ஜுநம் ।

வேதத்ரயீ பராநந்தா தத்த்வார்தஜ்ஞாநஸம்யுதா ॥ 9 ॥

யோऽஷ்டாதஶம் ஜபேந்நித்யம் நரோ நிஶ்சலமாநஸஃ ।

ஜ்ஞாநஸித்திம் ஸ லபதே ததோ யாதி பரம் பதம் ॥ 10 ॥

பாடேऽஸமர்தஃ ஸம்பூர்ணே ததோऽர்தம் பாடமாசரேத் ।

ததா கோதாநஜம் புண்யம் லபதே நாத்ர ஸம்ஶயஃ ॥ 11 ॥

த்ரிபாகம் படமாநஸ்து கங்காஸ்நாநபலம் லபேத் ।

ஷடம்ஶம் ஜபமாநஸ்து ஸோமயாகபலம் லபேத் ॥ 12 ॥

எகாத்யாயம் துயோ நித்யம் படதே பக்திஸம்யுதஃ ।

ருத்ரலோகமவாப்நோதி கணோ பூத்வா வஸேச்சிரம் ॥ 13 ॥

அத்யாயம் ஶ்லோகபாதம் வா நித்யம் யஃ படதே நரஃ ।

ஸ யாதி நரதாம் யாவத் மந்வந்தரம் வஸுந்தரே ॥ 14 ॥

கீதாயாஃ ஶ்லோகதஶகம் ஸப்த பஞ்ச சதுஷ்டயம் ।

த்வௌத்ரீநேகம் ததர்தம் வா ஶ்லோகாநாம் யஃ படேந்நரஃ ॥ 15 ॥

சந்த்ரலோகமவாப்நோதி வர்ஷாணாமயுதம் த்ரு'வம் ।

கீதாபாடஸமாயுக்தஃ ம்ரு'தோ மாநுஷதாம் வ்ரஜேத் ॥ 16 ॥

கீதாப்யாஸம் புநஃ க்ரு'த்வா லபதே முக்திமுத்தமம் ।

கீதேத்யுச்சாரஸம்யுக்தஃ ம்ரியமாணோ கதிம் லபேத் ॥ 17 ॥

கீதார்தஶ்ரவணாஸக்தஃ மஹாபாபயுதோऽபி வா ।

வைகுண்டம் ஸமவாப்நோதி விஷ்ணுநா ஸஹமோததே ॥ 18 ॥

கீதார்தம் த்யாயதே நித்யம் க்ரு'த்வா கர்மாணி பூரிஶஃ ।

ஜீவந்முக்தஃ ஸ விஜ்ஞேயஃ தேஹாந்தே பரமம் பதம் ॥ 19 ॥

மலநிர்மோசநம் பும்ஸாம் ஜலஸ்நாநம் திநே திநே ।

ஸக்ரு'த்கீதாம்பஸி ஸ்நாநம் ஸம்ஸாரமலநாஶநம் ॥ 20 ॥

கீதாமாஶ்ரித்ய பஹவஃ பூபுஜோ ஜநகாதயஃ ।

நிர்தூதகல்மஷா லோகே கீதா யாதாஃ பரம் பதம் ॥ 21 ॥

தே ஶ்ரு'ண்வந்தி படந்த்யேவ கீதாஶாஸ்த்ரமஹர்நிஶம் ।

ந தே வை மாநுஷா ஜ்ஞேயா தேவா ஏவ ந ஸம்ஶயஃ ॥ 22 ॥

ஜ்ஞாநாஜ்ஞாநக்ரு'தம் நித்யம் இந்த்ரியைர்ஜநிதம் ச யத் ।

தத்ஸர்வம் நாஶமாயாதி கீதாபாடேந தக்ஷணம் ॥ 23 ॥

திக் தஸ்ய ஜ்ஞாநமாசாரம் வ்ரதம் சேஷ்டாம் தபோ யஶஃ ।

கீதார்தபடநம் நாऽஸ்தி நாதமஸ்தத்பரோ ஜநஃ ॥ 24 ॥

ஸம்ஸாரஸாகரம் கோரம் தர்துமிச்சதி யோ ஜநஃ ।

கீதாநாவம் ஸமாருஹ்ய பாரம் யாதி ஸுகேந ஸஃ ॥ 25 ॥

கீதாயாஃ படநம் க்ரு'த்வா மாஹாத்ம்யம் நைவ யஃ படேத் ।

வ்ரு'தா பாடோ பவேத்தஸ்ய ஶ்ரம ஏவ ஹ்யுதாஹ்ரு'தஃ ॥ 26 ॥

ஏதந்மாஹாத்ம்யஸம்யுக்தம் கீதாப்யாஸம் கரோதி யஃ ।

ஸ தத்பலமவாப்நோதி துர்லபாம் கதிமாப்நுயாத் ॥ 27 ॥

ஸூத உவாச

மாஹாத்ம்யமேதத்கீதாயாஃ மயா ப்ரோக்தம் ஸநாதநம் ।

கீதாந்தே ச படேத்யஸ்து யதுக்தம் தத்பலம் பவேத் ॥ 28 ॥

இதி ஶ்ரீ வராஹபுராணே ஶ்ரீ கீதாமாஹாத்ம்யம் ஸம்பூர்ணம் ॥

ௐ ஶாந்திஃ ஶாந்திஃ ஶாந்திஃ ॥

Roman (IAST) Transliteration

atha gītāmāhātmyaṃ

dharovāca

bhagavan parameśāna bhaktiravyabhicāriṇī |

prārabdhaṃ bhujyamānasya kathaṃ bhavati he prabho || 1 ||

śrīviṣṇuruvāca

prārabdhaṃ bhujyamāno hi gītābhyāsarataḥ sadā |

sa muktaḥ sa sukhī loke karmaṇā nopalipyate || 2 ||

mahāpāpādipāpāni gītādhyānaṃ karoti cet |

kvacitsparśaṃ na kurvanti nalinīdalamambuvat || 3 ||

gītāyāḥ pustakaṃ yatra yatra pāṭhaḥ pravartate |

tatra sarvāṇi tīrthāni prayāgādīni tatra vai || 4 ||

sarve devāśca ṛṣayaḥ yoginaḥ pannagāśca ye |

gopālā gopikā vā'pi nāradoddhavapārṣadaiḥ || 5 ||

sahāyo jāyate śīghraṃ yatra gītā pravartate |

yatra gītāvicāraśca paṭhanaṃ pāṭhanaṃ śrutam |

tatrāhaṃ niścitaṃ pṛthvi nivasāmi sadaiva hi || 6 ||

gītāśraye'haṃ tiṣṭhāmi gītā me cottamaṃ gṛham |

gītājñānamupāśritya trī~llokān-pālayāmyaham || 7 ||

gītā me paramā vidyā brahmarūpā na saṃśayaḥ |

ardhamātrākṣarā nityā svānirvācyapadātmikā || 8 ||

cidānandena kṛṣṇena proktā svamukhato'rjunam |

vedatrayī parānandā tattvārthajñānasaṃyutā || 9 ||

yo'ṣṭādaśaṃ japennityaṃ naro niścalamānasaḥ |

jñānasiddhiṃ sa labhate tato yāti paraṃ padam || 10 ||

pāṭhe'samarthaḥ sampūrṇe tato'rdhaṃ pāṭhamācaret |

tadā godānajaṃ puṇyaṃ labhate nātra saṃśayaḥ || 11 ||

tribhāgaṃ paṭhamānastu gaṅgāsnānaphalaṃ labhet |

ṣaḍaṃśaṃ japamānastu somayāgaphalaṃ labhet || 12 ||

èkādhyāyaṃ tuyo nityaṃ paṭhate bhaktisaṃyutaḥ |

rudralokamavāpnoti gaṇo bhūtvā vasecciram || 13 ||

adhyāyaṃ ślokapādaṃ vā nityaṃ yaḥ paṭhate naraḥ |

sa yāti naratāṃ yāvat manvantaraṃ vasundhare || 14 ||

gītāyāḥ ślokadaśakaṃ sapta pañca catuṣṭayam |

dvautrīnekaṃ tadardhaṃ vā ślokānāṃ yaḥ paṭhennaraḥ || 15 ||

candralokamavāpnoti varṣāṇāmayutaṃ dhṛvam |

gītāpāṭhasamāyuktaḥ mṛto mānuṣatāṃ vrajet || 16 ||

gītābhyāsaṃ punaḥ kṛtvā labhate muktimuttamam |

gītetyuccārasaṃyuktaḥ mriyamāṇo gatiṃ labhet || 17 ||

gītārthaśravaṇāsaktaḥ mahāpāpayuto'pi vā |

vaikuṇṭhaṃ samavāpnoti viṣṇunā sahamodate || 18 ||

gītārthaṃ dhyāyate nityaṃ kṛtvā karmāṇi bhūriśaḥ |

jīvanmuktaḥ sa vijñeyaḥ dehānte paramaṃ padam || 19 ||

malanirmocanaṃ puṃsāṃ jalasnānaṃ dine dine |

sakṛdgītāmbhasi snānaṃ saṃsāramalanāśanam || 20 ||

gītāmāśritya bahavaḥ bhūbhujo janakādayaḥ |

nirdhūtakalmaṣā loke gītā yātāḥ paraṃ padam || 21 ||

te śṛṇvanti paṭhantyeva gītāśāstramaharniśam |

na te vai mānuṣā jñeyā devā eva na saṃśayaḥ || 22 ||

jñānājñānakṛtaṃ nityaṃ indriyairjanitaṃ ca yat |

tatsarvaṃ nāśamāyāti gītāpāṭhena takṣaṇam || 23 ||

dhik tasya jñānamācāraṃ vrataṃ ceṣṭāṃ tapo yaśaḥ |

gītārthapaṭhanaṃ nā'sti nādhamastatparo janaḥ || 24 ||

saṃsārasāgaraṃ ghoraṃ tartumicchati yo janaḥ |

gītānāvaṃ samāruhya pāraṃ yāti sukhena saḥ || 25 ||

gītāyāḥ paṭhanaṃ kṛtvā māhātmyaṃ naiva yaḥ paṭhet |

vṛthā pāṭho bhavettasya śrama eva hyudāhṛtaḥ || 26 ||

etanmāhātmyasaṃyuktaṃ gītābhyāsaṃ karoti yaḥ |

sa tatphalamavāpnoti durlabhāṃ gatimāpnuyāt || 27 ||

sūta uvāca

māhātmyametadgītāyāḥ mayā proktaṃ sanātanam |

gītānte ca paṭhedyastu yaduktaṃ tatphalaṃ bhavet || 28 ||

iti śrī varāhapurāṇe śrī gītāmāhātmyaṃ sampūrṇam ||

oṃ śāntiḥ śāntiḥ śāntiḥ ||