Ashtavakra Gita Panchadasho'dhyayah

ॐ

அஷ்டாவக்ர கீதா பஞ்சதஶோऽத்யாயஃ

Gita Tamil

அஷ்டாவக்ர உவாச ॥

யதாததோபதேஶேந க்ரு'தார்தஃ ஸத்த்வபுத்திமாந் ।

ஆஜீவமபி ஜிஜ்ஞாஸுஃ பரஸ்தத்ர விமுஹ்யதி ॥ 15-1॥

மோக்ஷோ விஷயவைரஸ்யம் பந்தோ வைஷயிகோ ரஸஃ ।

ஏதாவதேவ விஜ்ஞாநம் யதேச்சஸி ததா குரு ॥ 15-2॥

வாக்மிப்ராஜ்ஞாமஹோத்யோகம் ஜநம் மூகஜடாலஸம் ।

கரோதி தத்த்வபோதோऽயமதஸ்த்யக்தோ புபுக்ஷபிஃ ॥ 15-3॥

ந த்வம் தேஹோ ந தே தேஹோ போக்தா கர்தா ந வா பவாந் ।

சித்ரூபோऽஸி ஸதா ஸாக்ஷீ நிரபேக்ஷஃ ஸுகம் சர ॥ 15-4॥

ராகத்வேஷௌ மநோதர்மௌ ந மநஸ்தே கதாசந ।

நிர்விகல்போऽஸி போதாத்மா நிர்விகாரஃ ஸுகம் சர ॥ 15-5॥

ஸர்வபூதேஷு சாத்மாநம் ஸர்வபூதாநி சாத்மநி ।

விஜ்ஞாய நிரஹங்காரோ நிர்மமஸ்த்வம் ஸுகீ பவ ॥ 15-6॥

விஶ்வம் ஸ்புரதி யத்ரேதம் தரங்கா இவ ஸாகரே ।

தத்த்வமேவ ந ஸந்தேஹஶ்சிந்மூர்தே விஜ்வரோ பவ ॥ 15-7॥

ஶ்ரத்தஸ்வ தாத ஶ்ரத்தஸ்வ நாத்ர மோஹம் குருஷ்வ போஃ ।

ஜ்ஞாநஸ்வரூபோ பகவாநாத்மா த்வம் ப்ரக்ரு'தேஃ பரஃ ॥ 15-8॥

குணைஃ ஸம்வேஷ்டிதோ தேஹஸ்திஷ்டத்யாயாதி யாதி ச ।

ஆத்மா ந கந்தா நாகந்தா கிமேநமநுஶோசஸி ॥ 15-9॥

தேஹஸ்திஷ்டது கல்பாந்தம் கச்சத்வத்யைவ வா புநஃ ।

க்வ வ்ரு'த்திஃ க்வ ச வா ஹாநிஸ்தவ சிந்மாத்ரரூபிணஃ ॥ 15-10॥

த்வய்யநந்தமஹாம்போதௌ விஶ்வவீசிஃ ஸ்வபாவதஃ ।

உதேது வாஸ்தமாயாது ந தே வ்ரு'த்திர்ந வா க்ஷதிஃ ॥ 15-11॥

தாத சிந்மாத்ரரூபோऽஸி ந தே பிந்நமிதம் ஜகத் ।

அதஃ கஸ்ய கதம் குத்ர ஹேயோபாதேயகல்பநா ॥ 15-12॥

ஏகஸ்மிந்நவ்யயே ஶாந்தே சிதாகாஶேऽமலே த்வயி ।

குதோ ஜந்ம குதோ கர்ம குதோऽஹங்கார ஏவ ச ॥ 15-13॥

யத்த்வம் பஶ்யஸி தத்ரைகஸ்த்வமேவ ப்ரதிபாஸஸே ।

கிம் ப்ரு'தக் பாஸதே ஸ்வர்ணாத் கடகாங்கதநூபுரம் ॥ 15-14॥

அயம் ஸோऽஹமயம் நாஹம் விபாகமிதி ஸந்த்யஜ ।

ஸர்வமாத்மேதி நிஶ்சித்ய நிஃஸங்கல்பஃ ஸுகீ பவ ॥ 15-15॥

தவைவாஜ்ஞாநதோ விஶ்வம் த்வமேகஃ பரமார்ததஃ ।

த்வத்தோऽந்யோ நாஸ்தி ஸம்ஸாரீ நாஸம்ஸாரீ ச கஶ்சந ॥ 15-16॥

ப்ராந்திமாத்ரமிதம் விஶ்வம் ந கிஞ்சிதிதி நிஶ்சயீ ।

நிர்வாஸநஃ ஸ்பூர்திமாத்ரோ ந கிஞ்சிதிவ ஶாம்யதி ॥ 15-17॥

ஏக ஏவ பவாம்போதாவாஸீதஸ்தி பவிஷ்யதி ।

ந தே பந்தோऽஸ்தி மோக்ஷோ வா க்ரு'தக்ரு'த்யஃ ஸுகம் சர ॥ 15-18॥

மா ஸங்கல்பவிகல்பாப்யாம் சித்தம் க்ஷோபய சிந்மய ।

உபஶாம்ய ஸுகம் திஷ்ட ஸ்வாத்மந்யாநந்தவிக்ரஹே ॥ 15-19॥

த்யஜைவ த்யாநம் ஸர்வத்ர மா கிஞ்சித் ஹ்ரு'தி தாரய ।

ஆத்மா த்வம் முக்த ஏவாஸி கிம் விம்ரு'ஶ்ய கரிஷ்யஸி ॥ 15-20॥

Roman (IAST) Transliteration

aṣṭāvakra uvāca ||

yathātathopadeśena kṛtārthaḥ sattvabuddhimān |

ājīvamapi jijñāsuḥ parastatra vimuhyati || 15-1||

mokṣo viṣayavairasyaṃ bandho vaiṣayiko rasaḥ |

etāvadeva vijñānaṃ yathecchasi tathā kuru || 15-2||

vāgmiprājñāmahodyogaṃ janaṃ mūkajaḍālasam |

karoti tattvabodho'yamatastyakto bubhukṣabhiḥ || 15-3||

na tvaṃ deho na te deho bhoktā kartā na vā bhavān |

cidrūpo'si sadā sākṣī nirapekṣaḥ sukhaṃ cara || 15-4||

rāgadveṣau manodharmau na manaste kadācana |

nirvikalpo'si bodhātmā nirvikāraḥ sukhaṃ cara || 15-5||

sarvabhūteṣu cātmānaṃ sarvabhūtāni cātmani |

vijñāya nirahaṅkāro nirmamastvaṃ sukhī bhava || 15-6||

viśvaṃ sphurati yatredaṃ taraṅgā iva sāgare |

tattvameva na sandehaścinmūrte vijvaro bhava || 15-7||

śraddhasva tāta śraddhasva nātra mohaṃ kuruṣva bhoḥ |

jñānasvarūpo bhagavānātmā tvaṃ prakṛteḥ paraḥ || 15-8||

guṇaiḥ saṃveṣṭito dehastiṣṭhatyāyāti yāti ca |

ātmā na gantā nāgantā kimenamanuśocasi || 15-9||

dehastiṣṭhatu kalpāntaṃ gacchatvadyaiva vā punaḥ |

kva vṛddhiḥ kva ca vā hānistava cinmātrarūpiṇaḥ || 15-10||

tvayyanantamahāmbhodhau viśvavīciḥ svabhāvataḥ |

udetu vāstamāyātu na te vṛddhirna vā kṣatiḥ || 15-11||

tāta cinmātrarūpo'si na te bhinnamidaṃ jagat |

ataḥ kasya kathaṃ kutra heyopādeyakalpanā || 15-12||

ekasminnavyaye śānte cidākāśe'male tvayi |

kuto janma kuto karma kuto'haṅkāra eva ca || 15-13||

yattvaṃ paśyasi tatraikastvameva pratibhāsase |

kiṃ pṛthak bhāsate svarṇāt kaṭakāṅgadanūpuram || 15-14||

ayaṃ so'hamayaṃ nāhaṃ vibhāgamiti santyaja |

sarvamātmeti niścitya niḥsaṅkalpaḥ sukhī bhava || 15-15||

tavaivājñānato viśvaṃ tvamekaḥ paramārthataḥ |

tvatto'nyo nāsti saṃsārī nāsaṃsārī ca kaścana || 15-16||

bhrāntimātramidaṃ viśvaṃ na kiñciditi niścayī |

nirvāsanaḥ sphūrtimātro na kiñcidiva śāmyati || 15-17||

eka eva bhavāmbhodhāvāsīdasti bhaviṣyati |

na te bandho'sti mokṣo vā kṛtakṛtyaḥ sukhaṃ cara || 15-18||

mā saṅkalpavikalpābhyāṃ cittaṃ kṣobhaya cinmaya |

upaśāmya sukhaṃ tiṣṭha svātmanyānandavigrahe || 15-19||

tyajaiva dhyānaṃ sarvatra mā kiñcid hṛdi dhāraya |

ātmā tvaṃ mukta evāsi kiṃ vimṛśya kariṣyasi || 15-20||