Ashtavakra Gita Trayodasho'dhyayah

ॐ

அஷ்டாவக்ர கீதா த்ரயோதஶோऽத்யாயஃ

Gita Tamil

ஜநக உவாச ॥

அகிஞ்சநபவம் ஸ்வாஸ்த்யம் கௌபீநத்வேऽபி துர்லபம் ।

த்யாகாதாநே விஹாயாஸ்மாதஹமாஸே யதாஸுகம் ॥ 13-1॥

குத்ராபி கேதஃ காயஸ்ய ஜிஹ்வா குத்ராபி கித்யதே ।

மநஃ குத்ராபி தத்த்யக்த்வா புருஷார்தே ஸ்திதஃ ஸுகம் ॥ 13-2॥

க்ரு'தம் கிமபி நைவ ஸ்யாத் இதி ஸஞ்சிந்த்ய தத்த்வதஃ ।

யதா யத்கர்துமாயாதி தத் க்ரு'த்வாஸே யதாஸுகம் ॥ 13-3॥

கர்மநைஷ்கர்ம்யநிர்பந்தபாவா தேஹஸ்தயோகிநஃ ।

ஸம்யோகாயோகவிரஹாதஹமாஸே யதாஸுகம் ॥ 13-4॥

அர்தாநர்தௌ ந மே ஸ்தித்யா கத்யா ந ஶயநேந வா ।

திஷ்டந் கச்சந் ஸ்வபந் தஸ்மாதஹமாஸே யதாஸுகம் ॥ 13-5॥

ஸ்வபதோ நாஸ்தி மே ஹாநிஃ ஸித்திர்யத்நவதோ ந வா ।

நாஶோல்லாஸௌ விஹாயாஸ்மாதஹமாஸே யதாஸுகம் ॥ 13-6॥

ஸுகாதிரூபா நியமம் பாவேஷ்வாலோக்ய பூரிஶஃ ।

ஶுபாஶுபே விஹாயாஸ்மாதஹமாஸே யதாஸுகம் ॥ 13-7॥

Roman (IAST) Transliteration

janaka uvāca ||

akiñcanabhavaṃ svāsthyaṃ kaupīnatve'pi durlabham |

tyāgādāne vihāyāsmādahamāse yathāsukham || 13-1||

kutrāpi khedaḥ kāyasya jihvā kutrāpi khidyate |

manaḥ kutrāpi tattyaktvā puruṣārthe sthitaḥ sukham || 13-2||

kṛtaṃ kimapi naiva syād iti sañcintya tattvataḥ |

yadā yatkartumāyāti tat kṛtvāse yathāsukham || 13-3||

karmanaiṣkarmyanirbandhabhāvā dehasthayoginaḥ |

saṃyogāyogavirahādahamāse yathāsukham || 13-4||

arthānarthau na me sthityā gatyā na śayanena vā |

tiṣṭhan gacchan svapan tasmādahamāse yathāsukham || 13-5||

svapato nāsti me hāniḥ siddhiryatnavato na vā |

nāśollāsau vihāyāsmādahamāse yathāsukham || 13-6||

sukhādirūpā niyamaṃ bhāveṣvālokya bhūriśaḥ |

śubhāśubhe vihāyāsmādahamāse yathāsukham || 13-7||