Aditya Kavacham — InfoLyter.in

ॐ

ஆதித்ய கவசம்

Aditya Kavacham

Surya Kavacham Tamil

அஸ்ய ஶ்ரீ ஆதித்யகவசஸ்தோத்ரமஹாமந்த்ரஸ்ய அகஸ்த்யோ பகவாந்ரு'ஷிஃ அநுஷ்டுப்சந்தஃ ஆதித்யோ தேவதா ஶ்ரீம் பீஜம் ணீம் ஶக்திஃ ஸூம் கீலகம் மம ஆதித்யப்ரஸாதஸித்த்யர்தே ஜபே விநியோகஃ ।

த்யாநம்

ஜபாகுஸுமஸங்காஶம் த்விபுஜம் பத்மஹஸ்தகம்

ஸிந்தூராம்பரமால்யம் ச ரக்தகந்தாநுலேபநம் ।

மாணிக்யரத்நகசித-ஸர்வாபரணபூஷிதம்

ஸப்தாஶ்வரதவாஹம் து மேரும் சைவ ப்ரதக்ஷிணம் ॥

தேவாஸுரவரைர்வந்த்யம் க்ரு'ணிபிஃ பரிஸேவிதம் ।

த்யாயேத்படேத்ஸுவர்ணாபம் ஸூர்யஸ்ய கவசம் முதா ॥

கவசம்

க்ரு'ணிஃ பாது ஶிரோதேஶே ஸூர்யஃ பாது லலாடகம் ।

ஆதித்யோ லோசநே பாது ஶ்ருதீ பாது திவாகரஃ ॥

க்ராணம் பாது ஸதா பாநுஃ முகம் பாது ஸதாரவிஃ ।

ஜிஹ்வாம் பாது ஜகந்நேத்ரஃ கண்டம் பாது விபாவஸுஃ ॥

ஸ்கந்தௌ க்ரஹபதிஃ பாது புஜௌ பாது ப்ரபாகரஃ ।

கராவப்ஜகரஃ பாது ஹ்ரு'தயம் பாது நபோமணிஃ ॥

த்வாதஶாத்மா கடிம் பாது ஸவிதா பாது ஸக்திநீ ।

ஊரூ பாது ஸுரஶ்ரேஷ்டோ ஜாநுநீ பாது பாஸ்கரஃ ॥

ஜங்கே மே பாது மார்தாண்டோ குல்பௌ பாது த்விஷாம்பதிஃ ।

பாதௌ திநமணிஃ பாது பாது மித்ரோऽகிலம் வபுஃ ॥

ஆதித்யகவசம் புண்யமபேத்யம் வஜ்ரஸந்நிபம் ।

ஸர்வரோகபயாதிப்யோ முச்யதே நாத்ர ஸம்ஶயஃ ॥

ஸம்வத்ஸரமுபாஸித்வா ஸாம்ராஜ்யபதவீம் லபேத் ।

அஶேஷரோகஶாந்த்யர்தம் த்யாயேதாதித்யமண்டலம் ।

ஆதித்ய மண்டல ஸ்துதிஃ –

அநேகரத்நஸம்யுக்தம் ஸ்வர்ணமாணிக்யபூஷணம் ।

கல்பவ்ரு'க்ஷஸமாகீர்ணம் கதம்பகுஸுமப்ரியம் ॥

ஸிந்தூரவர்ணாய ஸுமண்டலாய

ஸுவர்ணரத்நாபரணாய துப்யம் ।

பத்மாதிநேத்ரே ச ஸுபங்கஜாய

ப்ரஹ்மேந்த்ர-நாராயண-ஶங்கராய ॥

ஸம்ரக்தசூர்ணம் ஸஸுவர்ணதோயம்

ஸகுங்குமாபம் ஸகுஶம் ஸபுஷ்பம் ।

ப்ரதத்தமாதாய ச ஹேமபாத்ரே

ப்ரஶஸ்தநாதம் பகவந் ப்ரஸீத ॥

இதி ஆதித்யகவசம் ।

Roman (IAST) Transliteration

asya śrī ādityakavacastotramahāmantrasya agastyo bhagavānṛṣiḥ anuṣṭupchandaḥ ādityo devatā śrīṃ bījaṃ ṇīṃ śaktiḥ sūṃ kīlakaṃ mama ādityaprasādasiddhyarthe jape viniyogaḥ |

dhyānaṃ

japākusumasaṅkāśaṃ dvibhujaṃ padmahastakam

sindūrāmbaramālyaṃ ca raktagandhānulepanam |

māṇikyaratnakhacita-sarvābharaṇabhūṣitam

saptāśvarathavāhaṃ tu meruṃ caiva pradakṣiṇam ||

devāsuravarairvandyaṃ ghṛṇibhiḥ parisevitam |

dhyāyetpaṭhetsuvarṇābhaṃ sūryasya kavacaṃ mudā ||

kavacaṃ

ghṛṇiḥ pātu śirodeśe sūryaḥ pātu lalāṭakam |

ādityo locane pātu śrutī pātu divākaraḥ ||

ghrāṇaṃ pātu sadā bhānuḥ mukhaṃ pātu sadāraviḥ |

jihvāṃ pātu jagannetraḥ kaṇṭhaṃ pātu vibhāvasuḥ ||

skandhau grahapatiḥ pātu bhujau pātu prabhākaraḥ |

karāvabjakaraḥ pātu hṛdayaṃ pātu nabhomaṇiḥ ||

dvādaśātmā kaṭiṃ pātu savitā pātu sakthinī |

ūrū pātu suraśreṣṭo jānunī pātu bhāskaraḥ ||

jaṅghe me pātu mārtāṇḍo gulphau pātu tviṣāmpatiḥ |

pādau dinamaṇiḥ pātu pātu mitro'khilaṃ vapuḥ ||

ādityakavacaṃ puṇyamabhedyaṃ vajrasannibham |

sarvarogabhayādibhyo mucyate nātra saṃśayaḥ ||

saṃvatsaramupāsitvā sāmrājyapadavīṃ labhet |

aśeṣarogaśāntyarthaṃ dhyāyedādityamaṇḍalam |

āditya maṇḍala stutiḥ –

anekaratnasaṃyuktaṃ svarṇamāṇikyabhūṣaṇam |

kalpavṛkṣasamākīrṇaṃ kadambakusumapriyam ||

sindūravarṇāya sumaṇḍalāya

suvarṇaratnābharaṇāya tubhyam |

padmādinetre ca supaṅkajāya

brahmendra-nārāyaṇa-śaṅkarāya ||

saṃraktacūrṇaṃ sasuvarṇatoyaṃ

sakuṅkumābhaṃ sakuśaṃ sapuṣpam |

pradattamādāya ca hemapātre

praśastanādaṃ bhagavan prasīda ||

iti ādityakavacam |