Achyutashtakam — InfoLyter.in

ॐ

அச்யுதாஷ்டகம்

Achyutashtakam

Vishnu Ashtakam Adi Shankaracharya Tamil

அச்யுதம் கேஶவம் ராமநாராயணம்

க்ரு'ஷ்ணதாமோதரம் வாஸுதேவம் ஹரிம் ।

ஶ்ரீதரம் மாதவம் கோபிகா வல்லபம்

ஜாநகீநாயகம் ராமசந்த்ரம் பஜே ॥ 1 ॥

அச்யுதம் கேஶவம் ஸத்யபாமாதவம்

மாதவம் ஶ்ரீதரம் ராதிகா ராதிதம் ।

இந்திராமந்திரம் சேதஸா ஸுந்தரம்

தேவகீநந்தநம் நந்தஜம் ஸந்ததே ॥ 2 ॥

[பல்லவி..]

விஷ்ணவே ஜிஷ்ணவே ஶங்கநே சக்ரிணே

ருக்மிணீ ராகிணே ஜாநகீ ஜாநயே ।

வல்லவீ வல்லபாயார்சிதா யாத்மநே

கம்ஸ வித்வம்ஸிநே வம்ஶிநே தே நமஃ ॥ 3 ॥

க்ரு'ஷ்ண கோவிந்த ஹே ராம நாராயண

ஶ்ரீபதே வாஸுதேவாஜித ஶ்ரீநிதே ।

அச்யுதாநந்த ஹே மாதவாதோக்ஷஜ

த்வாரகாநாயக த்ரௌபதீரக்ஷக ॥ 4 ॥

ராக்ஷஸ க்ஷோபிதஃ ஸீதயா ஶோபிதோ

தண்டகாரண்யபூ புண்யதாகாரணஃ ।

லக்ஷ்மணோநாந்விதோ வாநரைஃ ஸேவிதோ

அகஸ்த்ய ஸம்பூஜிதோ ராகவஃ பாது மாம் ॥ 5 ॥

[பல்லவி..]

தேநுகாரிஷ்டகோऽநிஷ்டக்ரு'த்த்வேஷிணாம்

கேஶிஹா கம்ஸஹ்ரு'த்வண்ஶிகாவாதகஃ ।

பூதநாகோபகஃ ஸூரஜாகேலநோ

பாலகோபாலகஃ பாது மாம் ஸர்வதா ॥ 6 ॥

வித்யுதுத்யோதவத்ப்ரஸ்புரத்வாஸஸம்

ப்ராவ்ரு'டம்போதவத்ப்ரோல்லஸத்விக்ரஹம் ।

வந்யயா மாலயா ஶோபிதோரஃஸ்தலம்

லோஹிதாங்க்ரித்வயம் வாரிஜாக்ஷம் பஜே ॥ 7॥

குஞ்சிதைஃ குந்தலை ப்ராஜமாநாநநம்

ரத்நமௌலிம் லஸத்-குண்டலம் கண்டயோஃ ।

ஹாரகேயூரகம் கங்கண ப்ரோஜ்ஜ்வலம்

கிங்கிணீ மஞ்ஜுலம் ஶ்யாமலம் தம் பஜே ॥ 8 ॥

[பல்லவி..]

அச்யுதஸ்யாஷ்டகம் யஃ படேதிஷ்டதம்

ப்ரேமதஃ ப்ரத்யஹம் பூருஷஃ ஸஸ்ப்ரு'ஹம் ।

வ்ரு'த்ததஃ ஸுந்தரம் கர்த்ரு' விஶ்வம்பரஃ

தஸ்ய வஶ்யோ ஹரி ர்ஜாயதே ஸத்வரம் ॥

அச்யுதம் கேஶவம் ராமநாராயணம்

க்ரு'ஷ்ணதாமோதரம் வாஸுதேவம் ஹரிம் ।

ஶ்ரீதரம் மாதவம் கோபிகா வல்லபம்

ஜாநகீநாயகம் ராமசந்த்ரம் பஜே ॥ 1 ।

॥ இதி ஶ்ரீஶங்கராசார்யவிரசிதமச்யுதாஷ்டகம் ஸம்பூர்ணம் ॥

Roman (IAST) Transliteration

acyutaṃ keśavaṃ rāmanārāyaṇaṃ

kṛṣṇadāmodaraṃ vāsudevaṃ harim |

śrīdharaṃ mādhavaṃ gopikā vallabhaṃ

jānakīnāyakaṃ rāmacandraṃ bhaje || 1 ||

acyutaṃ keśavaṃ satyabhāmādhavaṃ

mādhavaṃ śrīdharaṃ rādhikā rādhitam |

indirāmandiraṃ cetasā sundaraṃ

devakīnandanaṃ nandajaṃ sandadhe || 2 ||

[pallavi..]

viṣṇave jiṣṇave śaṅkane cakriṇe

rukmiṇī rāgiṇe jānakī jānaye |

vallavī vallabhāyārcitā yātmane

kaṃsa vidhvaṃsine vaṃśine te namaḥ || 3 ||

kṛṣṇa govinda he rāma nārāyaṇa

śrīpate vāsudevājita śrīnidhe |

acyutānanta he mādhavādhokṣaja

dvārakānāyaka draupadīrakṣaka || 4 ||

rākṣasa kṣobhitaḥ sītayā śobhito

daṇḍakāraṇyabhū puṇyatākāraṇaḥ |

lakṣmaṇonānvito vānaraiḥ sevito

agastya sampūjito rāghavaḥ pātu mām || 5 ||

[pallavi..]

dhenukāriṣṭako'niṣṭakṛddveṣiṇāṃ

keśihā kaṃsahṛdvaṇśikāvādakaḥ |

pūtanākopakaḥ sūrajākhelano

bālagopālakaḥ pātu māṃ sarvadā || 6 ||

vidyududyotavatprasphuradvāsasaṃ

prāvṛḍambhodavatprollasadvigraham |

vanyayā mālayā śobhitoraḥsthalaṃ

lohitāṅghridvayaṃ vārijākṣaṃ bhaje || 7||

kuñcitaiḥ kuntalai bhrājamānānanaṃ

ratnamauliṃ lasat-kuṇḍalaṃ gaṇḍayoḥ |

hārakeyūrakaṃ kaṅkaṇa projjvalaṃ

kiṅkiṇī mañjulaṃ śyāmalaṃ taṃ bhaje || 8 ||

[pallavi..]

acyutasyāṣṭakaṃ yaḥ paṭhediṣṭadaṃ

premataḥ pratyahaṃ pūruṣaḥ saspṛham |

vṛttataḥ sundaraṃ kartṛ viśvambharaḥ

tasya vaśyo hari rjāyate satvaram ||

acyutaṃ keśavaṃ rāmanārāyaṇaṃ

kṛṣṇadāmodaraṃ vāsudevaṃ harim |

śrīdharaṃ mādhavaṃ gopikā vallabhaṃ

jānakīnāyakaṃ rāmacandraṃ bhaje || 1 |

|| iti śrīśaṅkarācāryaviracitamacyutāṣṭakaṃ sampūrṇam ||