Adya Kalika Ashtottara Shata Namavalih

ॐ

ஆத்ய காலிகா அஷ்டோத்தர ஶத நாமாவலிஃ

Kali Ashtottara Sata Namavali Tamil

ஶ்ரீஸதாஶிவ உவாச

ஶ்ரு'ணு தேவி ஜகத்வந்த்யே ஸ்தோத்ரமேததநுத்தமம் ।

படநாச்ச்ரவணாத்யஸ்ய ஸர்வஸித்தீஶ்வரோ பவேத் ॥ 1 ॥

அஸௌபாக்யப்ரஶமநம் ஸுகஸம்பத்விவர்தநம் ।

அகாலம்ரு'த்யுஹரணம் ஸர்வாபத்விநிவாரணம் ॥ 2 ॥

ஶ்ரீமதாத்யாகாலிகாயாஃ ஸுகஸாந்நித்யகாரணம் ।

ஸ்தவஸ்யாஸ்ய ப்ரஸீதேந த்ரிபுராரிரஹம் ப்ரியே ॥ 3 ॥

ஸ்தோத்ரஸ்யாஸ்ய ரு'ஷிர்தேவி ஸதாஶிவ உதாஹ்ரு'தஃ ।

சந்தோऽநுஷ்டுப்தேவதாத்யா காலிகா பரிகீர்திதா ।

தர்மகாமார்தமோக்ஷேஷு விநியோகஃ ப்ரகீர்திதஃ ॥ 4 ॥

அத ஸ்தோத்ரம்

ஹ்ரீம் காலீ ஶ்ரீம் கராலீ ச க்ரீம் கல்யாணீ கலாவதீ ।

கமலா கலிதர்பக்நீ கபர்தீஶக்ரு'பாந்விதா ॥ 5 ॥

காலிகா காலமாதா ச காலாநலஸமத்யுதிஃ ।

கபர்திநீ கராலாஸ்யா கருணாம்ரு'தஸாகரா ॥ 6 ॥

க்ரு'பாமயீ க்ரு'பாதாரா க்ரு'பாபாரா க்ரு'பாகமா ।

க்ரு'ஶாநுஃ கபிலா க்ரு'ஷ்ணா க்ரு'ஷ்ணாநந்தவிவர்திநீ ॥ 7 ॥

காலராத்ரிஃ காமரூபா காமபாஶவிமோசிநீ ।

காதம்பிநீ கலாதாரா கலிகல்மஷநாஶிநீ ॥ 8 ॥

குமாரீபூஜநப்ரீதா குமாரீபூஜகாலயா ।

குமாரீபோஜநாநந்தா குமாரீரூபதாரிணீ ॥ 9 ॥

கதம்பவநஸஞ்சாரா கதம்பவநவாஸிநீ ।

கதம்பபுஷ்பஸந்தோஷா கதம்பபுஷ்பமாலிநீ ॥ 10 ॥

கிஶோரீ கலகண்டா ச கலநாதநிநாதிநீ ।

காதம்பரீபாநரதா ததா காதம்பரீப்ரியா ॥ 11 ॥

கபாலபாத்ரநிரதா கங்காலமால்யதாரிணீ ।

கமலாஸநஸந்துஷ்டா கமலாஸநவாஸிநீ ॥ 12 ॥

கமலாலயமத்யஸ்தா கமலாமோதமோதிநீ ।

கலஹம்ஸகதிஃ க்லைப்யநாஶிநீ காமரூபிணீ ॥ 13 ॥

காமரூபக்ரு'தாவாஸா காமபீடவிலாஸிநீ ।

கமநீயா கல்பலதா கமநீயவிபூஷணா ॥ 14 ॥

கமநீயகுணாராத்யா கோமலாங்கீ க்ரு'ஶோதரீ ।

காரணாம்ரு'தஸந்தோஷா காரணாநந்தஸித்திதா ॥ 15 ॥

காரணாநந்தஜாபேஷ்டா காரணார்சநஹர்ஷிதா ।

காரணார்ணவஸம்மக்நா காரணவ்ரதபாலிநீ ॥ 16 ॥

கஸ்தூரீஸௌரபாமோதா கஸ்தூரீதிலகோஜ்ஜ்வலா ।

கஸ்தூரீபூஜநரதா கஸ்தூரீபூஜகப்ரியா ॥ 17 ॥

கஸ்தூரீதாஹஜநநீ கஸ்தூரீம்ரு'கதோஷிணீ ।

கஸ்தூரீபோஜநப்ரீதா கர்பூராமோதமோதிதா ॥ 18 ॥

கர்பூரமாலாபரணா கர்பூரசந்தநோக்ஷிதா ।

கர்பூரகாரணாஹ்லாதா கர்பூராம்ரு'தபாயிநீ ॥ 19 ॥

கர்பூரஸாகரஸ்நாதா கர்பூரஸாகராலயா ।

கூர்சபீஜஜபப்ரீதா கூர்சஜாபபராயணா ॥ 20 ॥

குலீநா கௌலிகாராத்யா கௌலிகப்ரியகாரிணீ ।

குலாசாரா கௌதுகிநீ குலமார்கப்ரதர்ஶிநீ ॥ 21 ॥

காஶீஶ்வரீ கஷ்டஹர்த்ரீ காஶீஶவரதாயிநீ ।

காஶீஶ்வரக்ரு'தாமோதா காஶீஶ்வரமநோரமா ॥ 22 ॥

கலமஞ்ஜீரசரணா க்வணத்காஞ்சீவிபூஷணா ।

காஞ்சநாத்ரிக்ரு'தாகாரா காஞ்சநாசலகௌமுதீ ॥ 23 ॥

காமபீஜஜபாநந்தா காமபீஜஸ்வரூபிணீ ।

குமதிக்நீ குலீநார்திநாஶிநீ குலகாமிநீ ॥ 24 ॥

க்ரீம் ஹ்ரீம் ஶ்ரீம் மந்த்ரவர்ணேந காலகண்டககாதிநீ ।

இத்யாத்யாகாலிகாதேவ்யாஃ ஶதநாம ப்ரகீர்திதம் ॥ 25 ॥

ககாரகூடகடிதம் காலீரூபஸ்வரூபகம் ।

பூஜாகாலே படேத்யஸ்து காலிகாக்ரு'தமாநஸஃ ॥ 26 ॥

மந்த்ரஸித்திர்பவேதாஶு தஸ்ய காலீ ப்ரஸீததி ।

புத்திம் வித்யாம் ச லபதே குரோராதேஶமாத்ரதஃ ॥ 27 ॥

தநவாந் கீர்திமாந் பூயாத்தாநஶீலோ தயாந்விதஃ ।

புத்ரபௌத்ரஸுகைஶ்வர்யைர்மோததே ஸாதகோ புவி ॥ 28 ॥

பௌமாவாஸ்யாநிஶாபாகே மபஞ்சகஸமந்விதஃ ।

பூஜயித்வா மஹாகாலீமாத்யாம் த்ரிபுவநேஶ்வரீம் ॥ 29 ॥

படித்வா ஶதநாமாநி ஸாக்ஷாத்காலீமயோ பவேத் ।

நாஸாத்யம் வித்யதே தஸ்ய த்ரிஷு லோகேஷு கிஞ்சந ॥ 30 ॥

வித்யாயாம் வாக்பதிஃ ஸாக்ஷாத் தநே தநபதிர்பவேத் ।

ஸமுத்ர இவ காம்பீர்யே பலே ச பவநோபமஃ ॥ 31 ॥

திக்மாம்ஶுரிவ துஷ்ப்ரேக்ஷ்யஃ ஶஶிவச்சுபதர்ஶநஃ ।

ரூபே மூர்திதரஃ காமோ யோஷிதாம் ஹ்ரு'தயங்கமஃ ॥ 32 ॥

ஸர்வத்ர ஜயமாப்நோதி ஸ்தவஸ்யாஸ்ய ப்ரஸாததஃ ।

யம் யம் காமம் புரஸ்க்ரு'த்ய ஸ்தோத்ரமேததுதீரயேத் ॥ 33 ॥

தம் தம் காமமவாப்நோதி ஶ்ரீமதாத்யாப்ரஸாததஃ ।

ரணே ராஜகுலே த்யூதே விவாதே ப்ராணஸங்கடே ॥ 34 ॥

தஸ்யுக்ரஸ்தே க்ராமதாஹே ஸிம்ஹவ்யாக்ராவ்ரு'தே ததா ।

அரண்யே ப்ராந்தரே துர்கே க்ரஹராஜபயேऽபி வா ॥ 35 ॥

ஜ்வரதாஹே சிரவ்யாதௌ மஹாரோகாதிஸங்குலே ।

பாலக்ரஹாதி ரோகே ச ததா துஃஸ்வப்நதர்ஶநே ॥ 36 ॥

துஸ்தரே ஸலிலே வாபி போதே வாதவிபத்கதே ।

விசிந்த்ய பரமாம் மாயாமாத்யாம் காலீம் பராத்பராம் ॥ 37 ॥

யஃ படேச்சதநாமாநி த்ரு'டபக்திஸமந்விதஃ ।

ஸர்வாபத்ப்யோ விமுச்யேத தேவி ஸத்யம் ந ஸம்ஶயஃ ॥ 38 ॥

ந பாபேப்யோ பயம் தஸ்ய ந ரோகோப்யோ பயம் க்வசித் ।

ஸர்வத்ர விஜயஸ்தஸ்ய ந குத்ராபி பராபவஃ ॥ 39 ॥

தஸ்ய தர்ஶநமாத்ரேண பலாயந்தே விபத்கணாஃ ।

ஸ வக்தா ஸர்வஶாஸ்த்ராணாம் ஸ போக்தா ஸர்வஸம்பதாம் ॥ 40 ॥

ஸ கர்தா ஜாதிதர்மாணாம் ஜ்ஞாதீநாம் ப்ரபுரேவ ஸஃ ।

வாணீ தஸ்ய வஸேத்வக்த்ரே கமலா நிஶ்சலா க்ரு'ஹே ॥ 41 ॥

தந்நாம்நா மாநவாஃ ஸர்வே ப்ரணமந்தி ஸஸம்ப்ரமாஃ ।

த்ரு'ஷ்ட்யா தஸ்ய த்ரு'ணாயந்தே ஹ்யணிமாத்யஷ்டஸித்தயஃ ॥ 42 ॥

ஆத்யாகாலீஸ்வரூபாக்யம் ஶதநாம ப்ரகீர்திதம் ।

அஷ்டோத்தரஶதாவ்ரு'த்யா புரஶ்சர்யாऽஸ்ய கீயதே ॥ 43 ॥

புரஸ்க்ரியாந்விதம் ஸ்தோத்ரம் ஸர்வாபீஷ்டபலப்ரதம் ।

ஶதநாமஸ்துதிமிமாமாத்யாகாலீஸ்வரூபிணீம் ॥ 44 ॥

படேத்வா பாடயேத்வாபி ஶ்ரு'ணுயாச்ச்ராவயேதபி ।

ஸர்வபாபவிநிர்முக்தோ ப்ரஹ்மஸாயுஜ்யமாப்நுயாத் ॥ 45 ॥

இதி மஹாநிர்வாணதந்த்ரே ஸப்தமோல்லாஸாந்தர்கதம் ஶ்ரீ ஆத்யா காலிகா ஶதநாம ஸ்தோத்ரம் ॥

Roman (IAST) Transliteration

śrīsadāśiva uvāca

śṛṇu devi jagadvandye stotrametadanuttamam |

paṭhanācchravaṇādyasya sarvasiddhīśvaro bhavet || 1 ||

asaubhāgyapraśamanaṃ sukhasampadvivardhanam |

akālamṛtyuharaṇaṃ sarvāpadvinivāraṇam || 2 ||

śrīmadādyākālikāyāḥ sukhasānnidhyakāraṇam |

stavasyāsya prasīdena tripurārirahaṃ priye || 3 ||

stotrasyāsya ṛṣirdevi sadāśiva udāhṛtaḥ |

chando'nuṣṭubdevatādyā kālikā parikīrtitā |

dharmakāmārthamokṣeṣu viniyogaḥ prakīrtitaḥ || 4 ||

atha stotram

hrīṃ kālī śrīṃ karālī ca krīṃ kalyāṇī kalāvatī |

kamalā kalidarpaghnī kapardīśakṛpānvitā || 5 ||

kālikā kālamātā ca kālānalasamadyutiḥ |

kapardinī karālāsyā karuṇāmṛtasāgarā || 6 ||

kṛpāmayī kṛpādhārā kṛpāpārā kṛpāgamā |

kṛśānuḥ kapilā kṛṣṇā kṛṣṇānandavivardhinī || 7 ||

kālarātriḥ kāmarūpā kāmapāśavimocinī |

kādambinī kalādhārā kalikalmaṣanāśinī || 8 ||

kumārīpūjanaprītā kumārīpūjakālayā |

kumārībhojanānandā kumārīrūpadhāriṇī || 9 ||

kadambavanasañcārā kadambavanavāsinī |

kadambapuṣpasantoṣā kadambapuṣpamālinī || 10 ||

kiśorī kalakaṇṭhā ca kalanādaninādinī |

kādambarīpānaratā tathā kādambarīpriyā || 11 ||

kapālapātraniratā kaṅkālamālyadhāriṇī |

kamalāsanasantuṣṭā kamalāsanavāsinī || 12 ||

kamalālayamadhyasthā kamalāmodamodinī |

kalahaṃsagatiḥ klaibyanāśinī kāmarūpiṇī || 13 ||

kāmarūpakṛtāvāsā kāmapīṭhavilāsinī |

kamanīyā kalpalatā kamanīyavibhūṣaṇā || 14 ||

kamanīyaguṇārādhyā komalāṅgī kṛśodarī |

kāraṇāmṛtasantoṣā kāraṇānandasiddhidā || 15 ||

kāraṇānandajāpeṣṭā kāraṇārcanaharṣitā |

kāraṇārṇavasammagnā kāraṇavratapālinī || 16 ||

kastūrīsaurabhāmodā kastūrītilakojjvalā |

kastūrīpūjanaratā kastūrīpūjakapriyā || 17 ||

kastūrīdāhajananī kastūrīmṛgatoṣiṇī |

kastūrībhojanaprītā karpūrāmodamoditā || 18 ||

karpūramālābharaṇā karpūracandanokṣitā |

karpūrakāraṇāhlādā karpūrāmṛtapāyinī || 19 ||

karpūrasāgarasnātā karpūrasāgarālayā |

kūrcabījajapaprītā kūrcajāpaparāyaṇā || 20 ||

kulīnā kaulikārādhyā kaulikapriyakāriṇī |

kulācārā kautukinī kulamārgapradarśinī || 21 ||

kāśīśvarī kaṣṭahartrī kāśīśavaradāyinī |

kāśīśvarakṛtāmodā kāśīśvaramanoramā || 22 ||

kalamañjīracaraṇā kvaṇatkāñcīvibhūṣaṇā |

kāñcanādrikṛtāgārā kāñcanācalakaumudī || 23 ||

kāmabījajapānandā kāmabījasvarūpiṇī |

kumatighnī kulīnārtināśinī kulakāminī || 24 ||

krīṃ hrīṃ śrīṃ mantravarṇena kālakaṇṭakaghātinī |

ityādyākālikādevyāḥ śatanāma prakīrtitam || 25 ||

kakārakūṭaghaṭitaṃ kālīrūpasvarūpakam |

pūjākāle paṭhedyastu kālikākṛtamānasaḥ || 26 ||

mantrasiddhirbhavedāśu tasya kālī prasīdati |

buddhiṃ vidyāṃ ca labhate gurorādeśamātrataḥ || 27 ||

dhanavān kīrtimān bhūyāddānaśīlo dayānvitaḥ |

putrapautrasukhaiśvaryairmodate sādhako bhuvi || 28 ||

bhaumāvāsyāniśābhāge mapañcakasamanvitaḥ |

pūjayitvā mahākālīmādyāṃ tribhuvaneśvarīm || 29 ||

paṭhitvā śatanāmāni sākṣātkālīmayo bhavet |

nāsādhyaṃ vidyate tasya triṣu lokeṣu kiñcana || 30 ||

vidyāyāṃ vākpatiḥ sākṣāt dhane dhanapatirbhavet |

samudra iva gāmbhīrye bale ca pavanopamaḥ || 31 ||

tigmāṃśuriva duṣprekṣyaḥ śaśivacchubhadarśanaḥ |

rūpe mūrtidharaḥ kāmo yoṣitāṃ hṛdayaṅgamaḥ || 32 ||

sarvatra jayamāpnoti stavasyāsya prasādataḥ |

yaṃ yaṃ kāmaṃ puraskṛtya stotrametadudīrayet || 33 ||

taṃ taṃ kāmamavāpnoti śrīmadādyāprasādataḥ |

raṇe rājakule dyūte vivāde prāṇasaṅkaṭe || 34 ||

dasyugraste grāmadāhe siṃhavyāghrāvṛte tathā |

araṇye prāntare durge graharājabhaye'pi vā || 35 ||

jvaradāhe ciravyādhau mahārogādisaṅkule |

bālagrahādi roge ca tathā duḥsvapnadarśane || 36 ||

dustare salile vāpi pote vātavipadgate |

vicintya paramāṃ māyāmādyāṃ kālīṃ parātparām || 37 ||

yaḥ paṭhecchatanāmāni dṛḍhabhaktisamanvitaḥ |

sarvāpadbhyo vimucyeta devi satyaṃ na saṃśayaḥ || 38 ||

na pāpebhyo bhayaṃ tasya na rogobhyo bhayaṃ kvacit |

sarvatra vijayastasya na kutrāpi parābhavaḥ || 39 ||

tasya darśanamātreṇa palāyante vipadgaṇāḥ |

sa vaktā sarvaśāstrāṇāṃ sa bhoktā sarvasampadām || 40 ||

sa kartā jātidharmāṇāṃ jñātīnāṃ prabhureva saḥ |

vāṇī tasya vasedvaktre kamalā niścalā gṛhe || 41 ||

tannāmnā mānavāḥ sarve praṇamanti sasambhramāḥ |

dṛṣṭyā tasya tṛṇāyante hyaṇimādyaṣṭasiddhayaḥ || 42 ||

ādyākālīsvarūpākhyaṃ śatanāma prakīrtitam |

aṣṭottaraśatāvṛtyā puraścaryā'sya gīyate || 43 ||

puraskriyānvitaṃ stotraṃ sarvābhīṣṭaphalapradam |

śatanāmastutimimāmādyākālīsvarūpiṇīm || 44 ||

paṭhedvā pāṭhayedvāpi śṛṇuyācchrāvayedapi |

sarvapāpavinirmukto brahmasāyujyamāpnuyāt || 45 ||

iti mahānirvāṇatantre saptamollāsāntargataṃ śrī ādyā kālikā śatanāma stotram ||