6.93 Yuddhakanda - Trinavatitama Sargah

ॐ

6.93 යුද්ධකාණ්ඩ - ත්රිනවතිතම සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ ත්රිනවතිතමස්සර්ගඃ .

තතඃපෞලස්ත්යසචිවාශ්රුත්වාචේන්ද්රජිතෝවධම් .

ආචචක්ෂුරභිජ්ඤායදශග්රීවායසව්යථාඃ .. 1 ..

යුද්ධේහතෝමහාරාජලක්ෂ්මණේනතවාත්මජඃ .

විභීෂණසහායේනමිෂතාන්නෝමහාද්යුතිඃ .. 2 ..

ශූරංශූරේණසම්ගම්යසම්යුගේෂ්වපරාජිතඃ .

ලක්ෂ්මණේනහතශ්ශූරඃපුත්රස්තේමහේන්ද්රජිත් .. 3 ..

ගතස්සපරමාන්ලෝකාන්ශරෛස්සන්තාප්යලක්ෂ්මණම් .

ස තම්ප්රතිභයංශ්රුත්වාවධම්පුත්රස්යදාරුණම් .. 4 ..

ඝෝරමින්ද්රජිතඃසඞ්ඛ්යේකශ්මලම්ප්රාවිශන්මහත් .

උපලභ්යචිරාත්සඤ්ජ්ඤාං රාජාරාක්ෂසපුඞ්ගව .. 5 ..

පුත්රශෝකාකුලෝදීනෝවිලලාපාකුලේන්ද්රියඃ .

හාරාක්ෂසචමූමුඛ්යමමවත්සමහාබල .. 6 ..

ජිත්වේන්ද්රඞ්කථමද්යත්වංලක්ෂ්මණස්යවශඞ්ගතඃ .

නනුත්වමිෂුභිඃක්රුද්ධෝභින්ද්යාඃකාලාන්තකාවපි .. 7 ..

මන්දරස්යාපිශෘඞ්ගාණිකිම්පුනර්ලක්ෂ්මණංයුධි .

අද්යවෛනස්වතෝරාජාභූයෝබහුමතෝමම .. 8 ..

යේනාද්යත්වම්මහාබාහෝ සංයුක්තඃකාලධර්මණා .

ඒෂපන්ථාඃසුයෝධානාංසර්වාමරගණේෂ්වපි .. 9 ..

යඃකෘතේහන්යතේභර්තුස්සපුමාන්ස්වර්ගමෘච්ඡති .

අද්යදේවගණාස්සර්වේලෝකපාලාමහර්ෂයඃ .. 10 ..

හතමින්ද්රජිතන්දෘෂ්ටවාසුඛංස්වප්ස්යන්තිනිර්භයාඃ .

අද්යලෝකාස්ත්රයඃ කෘත්ස්නාපෘථිවී ච සකානනා .. 11 ..

ඒකේනේන්ද්රජිතාහීනාශූන්යේවප්රතිභාතිමේ .

අද්යනෛරෘතකන්යානාංශ්රෝෂ්යාම්යන්තඃපුරේරවම් .. 12 ..

කරේණුසඞ්ඝස්යයථානිනාදඞ්ගිරිගහ්වරේ .

යෞවරාජ්යං ච ලඞ්කාං ච රක්ෂාංසි ච පරන්තප .. 13 ..

මාතරම්මාං ච භාර්යාශ්චක්වගතෝ(අ)සිවිහායනඃ .

මමනාමත්වයාවීරගතස්යයමසාදනම් .. 14 ..

ප්රේතකාර්යාණිකාර්යාණිවිපරීතේහිවර්තසේ .

ස ත්වඤ්ජීවතිසුග්රීවේලක්ෂ්මණේන ච රාඝවේ .. 15 ..

මමශල්යමනුද්ධෘත්යක්වගතෝ(අ)සිවිහායනඃ .

ඒවමාදිවිලාපාර්තංරාවණංරාක්ෂසාධිපම් .. 16 ..

ආවිවේශමහාන් කෝපඃපුත්රව්යසනසම්භවඃ .

ප්රකෘත්යාකෝපනංහ්යේනම්පුත්රස්යපුනරාධයඃ .. 17 ..

දීප්තංසන්දීපයාමාසුර්ඝර්මේ(අ)ර්කමිවරශ්මයඃ .

ලලාටේභ්රුකුටීභිශ්චසඞ්ගතාභිර්ව්යරෝචත .. 18 ..

යුගාන්තේසහනක්රෛස්තුමහෝර්මිභිරිවෝදධිඃ .

කෝපාද්විජෘම්භමාණස්යවක්ත්රාද්ව්යක්තමිවජ්වලන් .. 19 ..

උත්පපාතසධූමානගිර්වෘත්රස්යවදනාදිව .

ස පුත්රවධසන්තප්තශ්ශූරඃක්රෝධවශඞ්ගතඃ .. 20 ..

සමීක්ෂ්යරාවණෝබුද්ධ්යාවෛදේහ්යාරෝචයද්වධම් .

තස්යප්රකෘත්යාරක්තේ ච රක්තේක්රෝථානගිනාපි ච .. 21 ..

රාවණස්යමහාඝෝරේදීප්තේනේත්රේබභූවතුඃ .

ඝෝරම්ප්රකෘත්යාරූපන්තත්තස්යක්රෝධාග්නිමූර්ඡිතම් .. 22 ..

බභූවරූපඞ්ක්රුද්ධස්යරුද්රස්යේවදුරාසදම් .

තස්යක්රුද්ධස්යනේත්රාභ්යාම්ප්රාපතන්නාශ්රෘබින්දවඃ .. 23 ..

දීපාභ්යාමිවදීප්තාභ්යාංසාර්චිෂස්ස්නේහබින්දවඃ .

දන්තාවනිදශතස්තස්යශ්රූයතේදශනස්වනඃ .. 24 ..

යන්ත්රස්යාවේෂ්ට්යමාණස්ය මහතෝ දානවෛරිව .

කාලානගිරිවසඞ්ක්රුද්ධෝයාංයාන්දිශමවෛක්ෂත .. 25 ..

තස්යාන්තස්යාම්භයත්රස්තාරාක්ෂසාස්සන්විලියලිරේ .

තමන්තකමිවක්රුද්ධඤ්චරාචරචිඛාදිෂුම් .. 26 ..

වීක්ෂමාණන්දිශස්සර්වාරාක්ෂසානෝපචක්රමුඃ .

තතඃපරමසඞ්ක්රුද්ධෝරාවණෝරාක්ෂසාධිපඃ .. 27 ..

අබ්රවීද්රක්ෂසාම්මධ්යේසංස්තම්භයිෂුරාහවේ .

මයාවර්ෂසහස්රාණිචරිත්වාපරමන්තපඃ .. 28 ..

තේෂුතේෂ්වවකාශේෂුස්වයම්භූඃපරිතෝෂිතඃ .

තස්යෛවතපසෝව්යුෂ්ට්යාප්රසාදාච්ඡස්වයම්භුවඃ .. 29 ..

නාසුරේභ්යෝ න දේවේභ්යෝභයම්මමකදාචන .

කවචම්බ්රහ්මදත්තම්මේයදාදිත්යසමප්රභම් .. 30 ..

දේවාසුරවිමර්ධේෂු න භින්නංවජ්රමුෂ්ටිභිඃ .

තේනමාමද්යසම්යුක්තංරථස්ථමිහසම්යුගේ .. 31 ..

ප්රතීයාත්කෝ(අ)ද්යමාමාජෞසාක්ෂාදපිපුරන්දරඃ .

ත්තදාතිප්රසන්නේනසශරඞ්කාර්මුකම්මහත් .. 32 ..

දේවාසුරවිමර්ධේෂුමමදත්තංස්වයම්භුවා .

අද්යතූර්යශතෛර්භීමන්ධනුරුත්ථාප්යතාම්මම .. 33 ..

රාමලක්ෂ්මණයෝරේවවධායපරමාහවේ .

ස පුත්රවධසන්තප්තඃක්රූරඃක්රෝධවශඞ්ගතඃ .. 34 ..

සමීක්ෂ්යරාවණෝබුද්ධ්යාසීතාංහන්තුංව්යවස්යත .

ප්රත්යවේක්ෂ්යතාම්රාක්ෂස්සුඝෝරෝඝෝරදර්ශනඃ .. 35 ..

දීනෝදීනස්වරාන්සර්වාංස්තානුවාචනිශාචරාන් .

මායයාමමවත්සේනවඤ්චනාර්ථංවනෞකසාම් .. 36 ..

කිඤ්චිදේවහතන්තත්රසීතේයමිතිදර්ශිතම් .

තදිදන්තථ්යමේවාහඞ්කරිෂ්යේප්රියමාත්මනඃ .. 37 ..

වෛදේහීන්නාශයිෂ්යාමික්ෂත්රබන්ධුමනුව්රතාම් .

ඉත්යේවමුක්ත්වාසචිවාන්ඛඞ්ගමාශුපරාමෘශත් .. 38 ..

උත්ප්ලුත්යගුණසම්පන්නංවිමලාම්බරවර්චසම් .

නිෂ්පපාත ස වේගේනසභාර්යඃසචිවෛර්වෘතඃ .. 39 ..

රාවණඃපුත්රශෝකේනභෘශමාකුලචේතනඃ .

සඞ්ක්රුද්ධඃඛඩගමාදායසහසායත්රමෛථිලී .. 40 ..

ව්රජන්තංරාක්ෂසම්ප්රේක්ෂ්යසිංහනාදංවිචක්රුශුඃ .

ඌචුශ්චාන්යෝන්යමාලිඞ්ග්යසඞ්ක්රුද්ධම්ප්රේක්ෂ්යරාක්ෂසම් .. 41 ..

අද්යෛනන්තාවුභෞදෘෂ්ටවාභ්රාතරෞප්රව්යධිෂ්යතඃ .

ලෝකපාලාහිචත්වාරඃක්රුද්ධේනානේනතර්ජිතාඃ .. 42 ..

බහවඃශත්රවශ්චාන්යේසම්යුගේෂ්වභිපාතිතාඃ .

ත්රිෂුලෝකේෂුරත්නානිභුඞක්තේචාහෘත්යරාවණඃ .. 43 ..

වික්රමේ ච බලේචෛවනාස්ත්යස්යසදෘශෝභුවි .

තේෂාංසඤ්ජල්පමානාමශෝකවනිකාඞ්ගතාම් .. 44 ..

අභිදුද්රාවවෛදේහීංරාවණඃක්රෝධමූර්ඡිතඃ .

වාර්යමාණඃසුසඞ්ක්රුද්ධඃසුහෘද්භිර්හිතබුද්ධිභිඃ .. 45 ..

අභ්යධාවතසඞ්ක්රුද්ධඃඛේග්රහෝරෝහිණීමිව .

මෛථිලීරක්ෂ්යමාණාතුරාක්ෂසීරනින්දිතා .. 46 ..

දදර්ශරාක්ෂසඞ්ක්රුද්ධන්නිස්ත්රිංශවරධාරිණම් .

තන්නිශාම්යසවිස්ත්රිංශංව්යථිතාජනකාත්මජා .. 47 ..

නිවාර්යමාණම්බහුශඃසුහෘද්භිරනිවර්තිනම් .

සීතාදුඃඛසමාවිෂ්ටාවිලපන්තීදමබ්රවීත් .. 48 ..

යථායම්මාමභික්රුද්ධඃසමභිද්රවතිස්වයම් .

වධිෂ්යතිසනාථාම්මාමනාථාමිවදුර්මතිඃ .. 49 ..

බහුශශ්චෝදයාමාසභර්තාරම්මාමනුව්රතාම් .

භාර්යාභවරමස්වේතිප්රත්යාඛ්යාතෝධ්රුවම්මයා .. 50 ..

සෝ(අ)යම්මාමනුපස්ථානේව්යක්තන්නෛරාශ්යමාගතඃ .

ක්රෝධමෝහසමාවිෂ්ටෝනිහන්තුම්මාංසමුද්යතඃ .. 51 ..

අථවාතෞනරව්යාඝ්රෞභ්රාතරෞරාමලක්ෂ්මණෞ .

මන්නිමිත්තමනාර්යේණසමරේ(අ)ද්යනිපාතිතෞ .. 52 ..

භෛරවෝහිමහාන්නාදෝරාක්ෂසානාංශ්රුතෝමයා .

බහූනාමිහහෘෂ්ටානාන්තථාවික්රෝශතාම්ප්රියම් .. 53 ..

අහෝධිඞ්මන්නිමිත්තෝ(අ)යංවිනාශෝරාජපුත්රයෝඃ .

අථවාපුත්රශෝකේනාහත්යාරාමලක්ෂ්මණෞ .. 54 ..

විධමිෂ්යතිමාංරෞද්රෝරාක්ෂසඃපාපනිශ්චයඃ .

හනූමතස්තුතද්වාක්යං න කෘතඞ්ක්ෂුද්රයාමයා .. 55 ..

යද්යහන්තස්යපෘෂ්ඨේවතදායාසමනිර්ජිතා .

නාද්යෛවමනුශෝචේයම්භර්තුරඞ්කගතාසතී .. 56 ..

මන්යේතුහෘදයන්තස්යාඃකෞසල්යායාඃඵලිෂ්යති .

ඒකපුත්රායදාපුත්රංවිනෂ්ටංශ්රෝෂ්යතේයුධි .. 57 ..

සාහිජන්ම ච බාල්යං ච යෞවනං ච මහාත්මනඃ .

ධර්මකාර්යාණිරූපං ච රුදතීසංස්මරිෂ්යති .. 58 ..

නිරාශානිහතේපුත්රේදත්ත්වාශ්රාද්ධමචේතනා .

අග්නිමාවේක්ෂ්යතේනූනමාපෝවාපිප්රවේක්ෂ්යති .. 59 ..

ධිගස්තුකුබ්ජාමසතීම්මන්ථරාම්පාපනිශ්චයාම් .

යන්නිමිත්තමිමංශෝකඞ්කෞසල්යාප්රතිපත්ස්යතේ .. 60 ..

ඉත්යේවම්මෛථිලීන්දෘෂ්ටවාවිලපන්තීන්තපස්විනීම් .

රෝහිණීමිවචන්ද්රේණවිනාග්රහවශඞ්ගතාම් .. 61 ..

ඒතස්මින්නන්තරේතස්යාමාත්යඃශීලවාන් ශුචිඃ .

සුපාර්ශ්වෝනාමමේධාවීරාවණංරක්ෂසේශ්වරම් .. 62 ..

නිවාර්යමාණඃසචිවෛරිදංවචනමබ්රවීත් .

කථන්නාමදශග්රීව සාක්ෂද්වෛශ්රවණානුජ .. 63 ..

හන්තුමිච්ඡසිවෛදේහීඞ්ක්රෝධාද්ධර්මමපාස්ය ච .

වේදවිද්යාව්රතස්නාතඃස්වකර්මනිරතස්තථා .. 64 ..

ස්ත්රියඃකස්මාද්වධංවීරමන්යසේරාක්ෂසේශ්වර .

මෛථිලීංරූපසම්පන්නාම්ප්රත්යවේක්ෂස්වපාර්ථිව .. 65 ..

තස්මින්නේවසහාස්මාභිරාහේවක්රෝධමුත්සෘජ .

අභ්යුත්ථානන්ත්වමද්යෛවකෘෂ්ණපක්ෂචතුර්ධශීම් .. 66 ..

කෘත්වානිර්යාහ්යමාවාස්යාංවිජයායබලෛර්වෘතඃ .

ශූරඃධීමාන් රථීඛඩගීරථප්රවමාස්ථිතඃ .. 67 ..

හත්වාදාශරථිංරාමම්භවාන් ප්රාප්ස්යසිමෛථිලීම් .

ස තද්දුරාත්මාසුහෘදානිවේදිතංවචඃසුධර්ම්යම්ප්රතිගෘහ්යරාවණඃ .

ගෘහඤ්ජගාමථතතශ්චවීර්යවාන් පුනඃසභාං ච ප්රයයෞසුහෘද්වෘතඃ .. 68 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ ත්රිනවතිතමස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha trinavatitamassargaḥ |

tataḥpaulastyasacivāśrutvācendrajitovadham |

ācacakṣurabhijñāyadaśagrīvāyasavyathāḥ || 1 ||

yuddhehatomahārājalakṣmaṇenatavātmajaḥ |

vibhīṣaṇasahāyenamiṣatānnomahādyutiḥ || 2 ||

śūraṃśūreṇasamgamyasamyugeṣvaparājitaḥ |

lakṣmaṇenahataśśūraḥputrastemahendrajit || 3 ||

gatassaparamānlokānśaraissantāpyalakṣmaṇam |

sa tampratibhayaṃśrutvāvadhamputrasyadāruṇam || 4 ||

ghoramindrajitaḥsaṅkhyekaśmalamprāviśanmahat |

upalabhyacirātsañjñāṃ rājārākṣasapuṅgava || 5 ||

putraśokākulodīnovilalāpākulendriyaḥ |

hārākṣasacamūmukhyamamavatsamahābala || 6 ||

jitvendraṅkathamadyatvaṃlakṣmaṇasyavaśaṅgataḥ |

nanutvamiṣubhiḥkruddhobhindyāḥkālāntakāvapi || 7 ||

mandarasyāpiśṛṅgāṇikimpunarlakṣmaṇaṃyudhi |

adyavainasvatorājābhūyobahumatomama || 8 ||

yenādyatvammahābāho saṃyuktaḥkāladharmaṇā |

eṣapanthāḥsuyodhānāṃsarvāmaragaṇeṣvapi || 9 ||

yaḥkṛtehanyatebhartussapumānsvargamṛcchati |

adyadevagaṇāssarvelokapālāmaharṣayaḥ || 10 ||

hatamindrajitandṛṣṭavāsukhaṃsvapsyantinirbhayāḥ |

adyalokāstrayaḥ kṛtsnāpṛthivī ca sakānanā || 11 ||

ekenendrajitāhīnāśūnyevapratibhātime |

adyanairṛtakanyānāṃśroṣyāmyantaḥpureravam || 12 ||

kareṇusaṅghasyayathāninādaṅgirigahvare |

yauvarājyaṃ ca laṅkāṃ ca rakṣāṃsi ca parantapa || 13 ||

mātarammāṃ ca bhāryāścakvagato'sivihāyanaḥ |

mamanāmatvayāvīragatasyayamasādanam || 14 ||

pretakāryāṇikāryāṇiviparītehivartase |

sa tvañjīvatisugrīvelakṣmaṇena ca rāghave || 15 ||

mamaśalyamanuddhṛtyakvagato'sivihāyanaḥ |

evamādivilāpārtaṃrāvaṇaṃrākṣasādhipam || 16 ||

āviveśamahān kopaḥputravyasanasambhavaḥ |

prakṛtyākopanaṃhyenamputrasyapunarādhayaḥ || 17 ||

dīptaṃsandīpayāmāsurgharme'rkamivaraśmayaḥ |

lalāṭebhrukuṭībhiścasaṅgatābhirvyarocata || 18 ||

yugāntesahanakraistumahormibhirivodadhiḥ |

kopādvijṛmbhamāṇasyavaktrādvyaktamivajvalan || 19 ||

utpapātasadhūmānagirvṛtrasyavadanādiva |

sa putravadhasantaptaśśūraḥkrodhavaśaṅgataḥ || 20 ||

samīkṣyarāvaṇobuddhyāvaidehyārocayadvadham |

tasyaprakṛtyārakte ca raktekrothānagināpi ca || 21 ||

rāvaṇasyamahāghoredīptenetrebabhūvatuḥ |

ghoramprakṛtyārūpantattasyakrodhāgnimūrchitam || 22 ||

babhūvarūpaṅkruddhasyarudrasyevadurāsadam |

tasyakruddhasyanetrābhyāmprāpatannāśrṛbindavaḥ || 23 ||

dīpābhyāmivadīptābhyāṃsārciṣassnehabindavaḥ |

dantāvanidaśatastasyaśrūyatedaśanasvanaḥ || 24 ||

yantrasyāveṣṭyamāṇasya mahato dānavairiva |

kālānagirivasaṅkruddhoyāṃyāndiśamavaikṣata || 25 ||

tasyāntasyāmbhayatrastārākṣasāssanviliyalire |

tamantakamivakruddhañcarācaracikhādiṣum || 26 ||

vīkṣamāṇandiśassarvārākṣasānopacakramuḥ |

tataḥparamasaṅkruddhorāvaṇorākṣasādhipaḥ || 27 ||

abravīdrakṣasāmmadhyesaṃstambhayiṣurāhave |

mayāvarṣasahasrāṇicaritvāparamantapaḥ || 28 ||

teṣuteṣvavakāśeṣusvayambhūḥparitoṣitaḥ |

tasyaivatapasovyuṣṭyāprasādācchasvayambhuvaḥ || 29 ||

nāsurebhyo na devebhyobhayammamakadācana |

kavacambrahmadattammeyadādityasamaprabham || 30 ||

devāsuravimardheṣu na bhinnaṃvajramuṣṭibhiḥ |

tenamāmadyasamyuktaṃrathasthamihasamyuge || 31 ||

pratīyātko'dyamāmājausākṣādapipurandaraḥ |

ttadātiprasannenasaśaraṅkārmukammahat || 32 ||

devāsuravimardheṣumamadattaṃsvayambhuvā |

adyatūryaśatairbhīmandhanurutthāpyatāmmama || 33 ||

rāmalakṣmaṇayorevavadhāyaparamāhave |

sa putravadhasantaptaḥkrūraḥkrodhavaśaṅgataḥ || 34 ||

samīkṣyarāvaṇobuddhyāsītāṃhantuṃvyavasyata |

pratyavekṣyatāmrākṣassughoroghoradarśanaḥ || 35 ||

dīnodīnasvarānsarvāṃstānuvācaniśācarān |

māyayāmamavatsenavañcanārthaṃvanaukasām || 36 ||

kiñcidevahatantatrasīteyamitidarśitam |

tadidantathyamevāhaṅkariṣyepriyamātmanaḥ || 37 ||

vaidehīnnāśayiṣyāmikṣatrabandhumanuvratām |

ityevamuktvāsacivānkhaṅgamāśuparāmṛśat || 38 ||

utplutyaguṇasampannaṃvimalāmbaravarcasam |

niṣpapāta sa vegenasabhāryaḥsacivairvṛtaḥ || 39 ||

rāvaṇaḥputraśokenabhṛśamākulacetanaḥ |

saṅkruddhaḥkhaḍagamādāyasahasāyatramaithilī || 40 ||

vrajantaṃrākṣasamprekṣyasiṃhanādaṃvicakruśuḥ |

ūcuścānyonyamāliṅgyasaṅkruddhamprekṣyarākṣasam || 41 ||

adyainantāvubhaudṛṣṭavābhrātaraupravyadhiṣyataḥ |

lokapālāhicatvāraḥkruddhenānenatarjitāḥ || 42 ||

bahavaḥśatravaścānyesamyugeṣvabhipātitāḥ |

triṣulokeṣuratnānibhuṅaktecāhṛtyarāvaṇaḥ || 43 ||

vikrame ca balecaivanāstyasyasadṛśobhuvi |

teṣāṃsañjalpamānāmaśokavanikāṅgatām || 44 ||

abhidudrāvavaidehīṃrāvaṇaḥkrodhamūrchitaḥ |

vāryamāṇaḥsusaṅkruddhaḥsuhṛdbhirhitabuddhibhiḥ || 45 ||

abhyadhāvatasaṅkruddhaḥkhegrahorohiṇīmiva |

maithilīrakṣyamāṇāturākṣasīraninditā || 46 ||

dadarśarākṣasaṅkruddhannistriṃśavaradhāriṇam |

tanniśāmyasavistriṃśaṃvyathitājanakātmajā || 47 ||

nivāryamāṇambahuśaḥsuhṛdbhiranivartinam |

sītāduḥkhasamāviṣṭāvilapantīdamabravīt || 48 ||

yathāyammāmabhikruddhaḥsamabhidravatisvayam |

vadhiṣyatisanāthāmmāmanāthāmivadurmatiḥ || 49 ||

bahuśaścodayāmāsabhartārammāmanuvratām |

bhāryābhavaramasvetipratyākhyātodhruvammayā || 50 ||

so'yammāmanupasthānevyaktannairāśyamāgataḥ |

krodhamohasamāviṣṭonihantummāṃsamudyataḥ || 51 ||

athavātaunaravyāghraubhrātaraurāmalakṣmaṇau |

mannimittamanāryeṇasamare'dyanipātitau || 52 ||

bhairavohimahānnādorākṣasānāṃśrutomayā |

bahūnāmihahṛṣṭānāntathāvikrośatāmpriyam || 53 ||

ahodhiṅmannimitto'yaṃvināśorājaputrayoḥ |

athavāputraśokenāhatyārāmalakṣmaṇau || 54 ||

vidhamiṣyatimāṃraudrorākṣasaḥpāpaniścayaḥ |

hanūmatastutadvākyaṃ na kṛtaṅkṣudrayāmayā || 55 ||

yadyahantasyapṛṣṭhevatadāyāsamanirjitā |

nādyaivamanuśoceyambharturaṅkagatāsatī || 56 ||

manyetuhṛdayantasyāḥkausalyāyāḥphaliṣyati |

ekaputrāyadāputraṃvinaṣṭaṃśroṣyateyudhi || 57 ||

sāhijanma ca bālyaṃ ca yauvanaṃ ca mahātmanaḥ |

dharmakāryāṇirūpaṃ ca rudatīsaṃsmariṣyati || 58 ||

nirāśānihateputredattvāśrāddhamacetanā |

agnimāvekṣyatenūnamāpovāpipravekṣyati || 59 ||

dhigastukubjāmasatīmmantharāmpāpaniścayām |

yannimittamimaṃśokaṅkausalyāpratipatsyate || 60 ||

ityevammaithilīndṛṣṭavāvilapantīntapasvinīm |

rohiṇīmivacandreṇavināgrahavaśaṅgatām || 61 ||

etasminnantaretasyāmātyaḥśīlavān śuciḥ |

supārśvonāmamedhāvīrāvaṇaṃrakṣaseśvaram || 62 ||

nivāryamāṇaḥsacivairidaṃvacanamabravīt |

kathannāmadaśagrīva sākṣadvaiśravaṇānuja || 63 ||

hantumicchasivaidehīṅkrodhāddharmamapāsya ca |

vedavidyāvratasnātaḥsvakarmaniratastathā || 64 ||

striyaḥkasmādvadhaṃvīramanyaserākṣaseśvara |

maithilīṃrūpasampannāmpratyavekṣasvapārthiva || 65 ||

tasminnevasahāsmābhirāhevakrodhamutsṛja |

abhyutthānantvamadyaivakṛṣṇapakṣacaturdhaśīm || 66 ||

kṛtvāniryāhyamāvāsyāṃvijayāyabalairvṛtaḥ |

śūraḥdhīmān rathīkhaḍagīrathapravamāsthitaḥ || 67 ||

hatvādāśarathiṃrāmambhavān prāpsyasimaithilīm |

sa taddurātmāsuhṛdāniveditaṃvacaḥsudharmyampratigṛhyarāvaṇaḥ |

gṛhañjagāmathatataścavīryavān punaḥsabhāṃ ca prayayausuhṛdvṛtaḥ || 68 ||

ityārṣe śrīmadrāmāyaṇe vālmīkīya ādikāvye yuddhakāṇḍe trinavatitamassargaḥ ||