6.124 Yuddhakanda - Chaturvimshatyadhikashatatama Sargah

ॐ

6.124 යුද්ධකාණ්ඩ - චතුර්විංශත්යධිකශතතම සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ චතුර්විංශත්යධිකශතතමස්සර්ගඃ .

තාංරාත්රිමුෂිතංරාමංසුඛෝත්ථිමරින්දමම් .

අබ්රවීත්ප්රාඤ්ජලිර්වාක්යඤ්ජයම්පෘෂ්ටවාවිභීෂණඃ .. 1 ..

ස්නානානිචාඞ්ගරාගාණිවස්ත්රාණ්යාභරණානි ච .

චන්දනානි ච දිව්යානිමාල්යානිවිවිධානි ච .. 2 ..

අලඞ්කාරවිදශ්චේමානාර්යඃපද්මනිභේක්ෂණාඃ .

උපස්ථිතාස්ත්වාංවිධවත්ස්නාපයිෂ්යන්තිරාඝව .. 3 ..

ඒවමුක්තස්තුකාකුත්ස්ථඃ ප්රත්යුවාචවිභීෂණම් .

හරීන්සුග්රීවමුඛ්යාංස්ත්වංස්නානේනෝපනිමන්ත්රය .. 4 ..

ස තුතාම්යතිධර්මාත්මාමමහේතෝස්සුඛෝචිතඃ .

සුකුමාරෝමහාබාහෝකුමාරඃ සත්යසංශ්රයඃ .. 5 ..

තංවිනාකෛකයීපුත්රම්භරතන්ධර්මචාරිණම් .

න මේස්නානම්බහුමතංවස්ත්රාණ්යාභරණානි ච .. 6 ..

ඒතත්පශ්යයථාක්ෂිප්රම්ප්රතිගච්ඡාමතාම්පුරීම් .

අයෝධ්යාඞ්ගච්ඡතෝහ්යේෂපන්ථාඃපරමදුර්ගමඃ .. 7 ..

ඒවමුක්තස්තුකාකුත්ස්ථම්ප්රත්යුවාචවිභීෂණඃ .

අහ්නාත්වාම්ප්රාපයිෂ්යාමිතාම්පුරීම්පාර්ථිවාත්මජ .. 8 ..

පුෂ්පකන්නාමභද්රන්තේවිමානංසූර්යසන්නිභම් .

මමභ්රාතුඃකුබේරස්යරාවණේනබලීයසා .. 9 ..

හෘතන්නිර්ජිත්යසඞ්ග්රාමේකාමගන්දිව්යමුත්තමම් .

ත්වදර්ථම්පාලිතඤ්චේදන්තිෂ්ඨත්යතුලවික්රම .. 10 ..

තදිදම්මේඝසඞ්කාශංවිමානමිහතිෂ්ඨති .

තේනයාස්යසියානේනත්වමයෝධ්යාඞ්ගතජ්වරඃ .. 11 ..

අහන්තේයුද්යනුග්රාහ්යෝයදිස්මරසිමේගුණාන් .

වසතාවදිහප්රාජ්ඤ යද්යස්තිමයිසෞහෘදම් .. 12 ..

ලක්ෂ්මණේනසහභ්රාත්රාවෛදේහ්යාභාර්යයාසහ .

අර්චිතස්සර්වකාමෛස්ත්වන්තතෝරාම ගමිෂ්යසි .. 13 ..

ප්රීතියුක්තස්යවිහිතාංසසෛන්යඃසසුහෘද්ගණඃ .

සක්රතියාංරාමමේතාවද්ගෘහේණත්වම්මයෝද්යතාම් .. 14 ..

ප්රණයාද්භහුමානාච්චසෞහාර්දේන ච රාඝව .

ප්රසාදායාමිප්රේෂ්යෝ(අ)හං න ඛල්වාජ්ඤාපයාමිතේ .. 15 ..

ඒවමුක්තස්තතෝරාමඃප්රත්යුවාචවිභීෂණම් .

රක්ෂසාංවානරාණාං ච සර්වේෂාමේවශෘණ්වතාම් .. 16 ..

පූජිතෝ(අ)ස්මිත්වයාවීර සාචිව්යේනපරන්තප .

සර්වාත්මනා ච චේෂ්ටාභිඃසෞහාර්දේනපරේණ ච .. 17 ..

න ඛල්වේතන්නකුර්යාන්තේවචනංරාක්ෂසේශ්වර .

තන්තුමේභ්රාතරන්ද්රෂ්ටුම්භරතන්ත්වරතේමනඃ .. 18 ..

මාන්නිවර්තයිතුංයෝ(අ)සෞචිත්රකූටමුපාගතඃ .

ශිරසායාචතෝයස්යවචනං න කෘතම්මයා .. 19 ..

කෞසල්යාං ච සුමිත්රාං ච කෛකේයීං ච යශස්විනීම් .

ගුහං ච සුහෘදඤ්චෛවපෞරාන්ජනපදෛස්සහ .. 20 ..

අනුජානීහමාංසෞම්ය පූජිතෝ(අ)ස්මිවිභීෂණ .

මන්යුර්නඛලුකර්තව්යඃසඛේත්වාඤ්චානුමානයේ .. 21 ..

උපස්ථාපයමේශීඝ්රංවිමානංරාක්ෂසේශ්වර .

කෘතකාර්යස්යමේවාසඃකථංස්යාදිහසම්මතඃ .. 22 ..

ඒවමුක්තස්තුරාමේණරාක්ෂසේන්ද්රෝවිභීෂණඃ .

විමානසූර්යසඞ්කාශමාජුහාවත්වරාන්විතඃ .. 23 ..

තතඃකාඤ්චනචිත්රාඞ්ගංවෛදූර්යමණිවේදිකම් .

කූටාගාරෛඃපරික්ෂිප්තංසර්වතෝරජතප්රභම් .. 24 ..

පාණ්ඩුරාභිඃපතාකාභිර්ධ්වජෛශ්චසමලඞ්කෘතම් .

ශෝභිතඞ්කාඤ්චනෛර්හර්ම්යෛර්හේමපද්මවිභූෂිතෛඃ .. 25 ..

ප්රකීර්ණඞ්කිඞ්කිණීජාලෛර්මුක්තාමණිගවාක්ෂකම් .

ඝණ්ටාජාලෛඃපරික්ෂිප්තංසර්වතෝමධුරස්වනම් .. 26 ..

යන්මේරුශිඛරාකාරන්නිර්මිතංවිශ්වකර්මණා .

බෘහභිර්භූෂිතංහර්ම්යෛර්මුක්තාරජතශෝභිතෛඃ .. 27 ..

තලෛස්ස්ඵටිකචිත්රාඞ්ගෛදූර්යෛශ්චවරාසනෛඃ .

මහාර්හාස්තරණෝපේතෛරුපපන්නම්මහාධනෛඃ .. 28 ..

උපස්ථිතමනාධෘෂ්යන්තද්විමානම්මනෝජවම් .

නිවේදයිත්වාරාමායතස්ථෞතත්රවිභීෂණඃ .. 29 ..

තත්පුෂ්පකඞ්කාමගමංවිමානමුපස්ථිතම්භූධරසන්නිකාශම් .

දෘෂ්ටවාතදාවිස්මයමාජගාමරාමස්සසෞමිත්රිරුදාරසත්ත්වඃ .. 30 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ චතුර්විංශත්යධිකශතතමස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha caturviṃśatyadhikaśatatamassargaḥ |

tāṃrātrimuṣitaṃrāmaṃsukhotthimarindamam |

abravītprāñjalirvākyañjayampṛṣṭavāvibhīṣaṇaḥ || 1 ||

snānānicāṅgarāgāṇivastrāṇyābharaṇāni ca |

candanāni ca divyānimālyānivividhāni ca || 2 ||

alaṅkāravidaścemānāryaḥpadmanibhekṣaṇāḥ |

upasthitāstvāṃvidhavatsnāpayiṣyantirāghava || 3 ||

evamuktastukākutsthaḥ pratyuvācavibhīṣaṇam |

harīnsugrīvamukhyāṃstvaṃsnānenopanimantraya || 4 ||

sa tutāmyatidharmātmāmamahetossukhocitaḥ |

sukumāromahābāhokumāraḥ satyasaṃśrayaḥ || 5 ||

taṃvinākaikayīputrambharatandharmacāriṇam |

na mesnānambahumataṃvastrāṇyābharaṇāni ca || 6 ||

etatpaśyayathākṣiprampratigacchāmatāmpurīm |

ayodhyāṅgacchatohyeṣapanthāḥparamadurgamaḥ || 7 ||

evamuktastukākutsthampratyuvācavibhīṣaṇaḥ |

ahnātvāmprāpayiṣyāmitāmpurīmpārthivātmaja || 8 ||

puṣpakannāmabhadrantevimānaṃsūryasannibham |

mamabhrātuḥkuberasyarāvaṇenabalīyasā || 9 ||

hṛtannirjityasaṅgrāmekāmagandivyamuttamam |

tvadarthampālitañcedantiṣṭhatyatulavikrama || 10 ||

tadidammeghasaṅkāśaṃvimānamihatiṣṭhati |

tenayāsyasiyānenatvamayodhyāṅgatajvaraḥ || 11 ||

ahanteyudyanugrāhyoyadismarasimeguṇān |

vasatāvadihaprājña yadyastimayisauhṛdam || 12 ||

lakṣmaṇenasahabhrātrāvaidehyābhāryayāsaha |

arcitassarvakāmaistvantatorāma gamiṣyasi || 13 ||

prītiyuktasyavihitāṃsasainyaḥsasuhṛdgaṇaḥ |

sakratiyāṃrāmametāvadgṛheṇatvammayodyatām || 14 ||

praṇayādbhahumānāccasauhārdena ca rāghava |

prasādāyāmipreṣyo'haṃ na khalvājñāpayāmite || 15 ||

evamuktastatorāmaḥpratyuvācavibhīṣaṇam |

rakṣasāṃvānarāṇāṃ ca sarveṣāmevaśṛṇvatām || 16 ||

pūjito'smitvayāvīra sācivyenaparantapa |

sarvātmanā ca ceṣṭābhiḥsauhārdenapareṇa ca || 17 ||

na khalvetannakuryāntevacanaṃrākṣaseśvara |

tantumebhrātarandraṣṭumbharatantvaratemanaḥ || 18 ||

mānnivartayituṃyo'saucitrakūṭamupāgataḥ |

śirasāyācatoyasyavacanaṃ na kṛtammayā || 19 ||

kausalyāṃ ca sumitrāṃ ca kaikeyīṃ ca yaśasvinīm |

guhaṃ ca suhṛdañcaivapaurānjanapadaissaha || 20 ||

anujānīhamāṃsaumya pūjito'smivibhīṣaṇa |

manyurnakhalukartavyaḥsakhetvāñcānumānaye || 21 ||

upasthāpayameśīghraṃvimānaṃrākṣaseśvara |

kṛtakāryasyamevāsaḥkathaṃsyādihasammataḥ || 22 ||

evamuktasturāmeṇarākṣasendrovibhīṣaṇaḥ |

vimānasūryasaṅkāśamājuhāvatvarānvitaḥ || 23 ||

tataḥkāñcanacitrāṅgaṃvaidūryamaṇivedikam |

kūṭāgāraiḥparikṣiptaṃsarvatorajataprabham || 24 ||

pāṇḍurābhiḥpatākābhirdhvajaiścasamalaṅkṛtam |

śobhitaṅkāñcanairharmyairhemapadmavibhūṣitaiḥ || 25 ||

prakīrṇaṅkiṅkiṇījālairmuktāmaṇigavākṣakam |

ghaṇṭājālaiḥparikṣiptaṃsarvatomadhurasvanam || 26 ||

yanmeruśikharākārannirmitaṃviśvakarmaṇā |

bṛhabhirbhūṣitaṃharmyairmuktārajataśobhitaiḥ || 27 ||

talaissphaṭikacitrāṅgaidūryaiścavarāsanaiḥ |

mahārhāstaraṇopetairupapannammahādhanaiḥ || 28 ||

upasthitamanādhṛṣyantadvimānammanojavam |

nivedayitvārāmāyatasthautatravibhīṣaṇaḥ || 29 ||

tatpuṣpakaṅkāmagamaṃvimānamupasthitambhūdharasannikāśam |

dṛṣṭavātadāvismayamājagāmarāmassasaumitrirudārasattvaḥ || 30 ||

ityārṣe śrīmadrāmāyaṇe vālmīkīya ādikāvye yuddhakāṇḍe caturviṃśatyadhikaśatatamassargaḥ ||