📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.40 බාලකාණ්ඩ - චත්වාරිංශ සර්ගඃ
1.40 Balakanda - Chatvarimsha Sargah
Valmiki Sinhala
ශ්රීමද්වාල්මීකීය රාමායණේ බාලකාණ්ඩම් .
අථ චත්වාරිංශස්සර්ගඃ .
. දේවතානාං වචශ්ශ්රුත්වා භගවාන්වෛ පිතාමහඃ .
ප්රත්යුවාච සුසන්ත්රස්තාන්කෘතාන්තබලමෝහිතාන් .. 1 ..
යස්යේයං වසුධා කෘත්ස්නා වාසුදේවස්ය ධීමතඃ .
කාපිලං රූපමාස්ථාය ධාරයත්යනිශං ධරාම් .. 2 ..
තස්ය කෝපාග්නිනා දග්ධා භවිෂ්යන්ති නෘපාත්මජාඃ .
පෘථිව්යාශ්චාපි නිර්භේදෝ(අ)දෘෂ්ට ඒව සනාතනඃ .. 3 ..
සගරස්ය ච පුත්රාණාං විනාශෝ(අ)දීර්ඝජීවිනාම් .
පිතාමහවචශ්ශ්රුත්වා ත්රයස්ත්රිංශදරින්දම .. 4 ..
දේවාඃ පරමසංහෘෂ්ටාඃ පුනර්ජග්මුර්යථාගතම් .
සගරස්ය ච පුත්රාණාං ප්රාදුරාසීන්මහාත්මනාම් .. 5 ..
පෘථිව්යාං භිද්යමානායාං නිර්ඝාතසමනිස්වනඃ .
තතෝ භිත්වා මහීං සර්වේ කෘත්වා චාභිප්රදක්ෂිණම් .. 6 ..
සහිතා ස්සගරාස්සර්වේ පිතරං වාක්යමබ්රුවන් .
0 පරික්රාන්තා මහී සර්වා සත්ත්වවන්තශ්ච සූදිතාඃ .. 7 ..
දේවදානවරක්ෂාංසි පිශාචෝරගකින්නරාඃ .
න ච පශ්යාමහේ(අ)ශ්වං තමශ්වහර්තාරමේව ච .. 8 ..
කිං කරිෂ්යාම භද්රං තේ බුද්ධිරත්ර විචාර්යතාම් .
තේෂාං තද්වචනං ශ්රුත්වා පුත්රාණාං රාජසත්තමඃ .. 9 ..
සමන්යුරබ්රවීද්වාක්යං සගරෝ රඝුනන්දන .
භූයඃ ඛනත භද්රං වෝ නිර්භිද්ය වසුධාතලම් .. 10 ..
අශ්වහර්තාරමාසාද්ය කෘතාර්ථාශ්ච නිවර්තථ .
පිතුර්වචනමාසාද්ය සගරස්ය මහාත්මනඃ .. 11 ..
ෂෂ්ටිඃ පුත්රසහස්රාණි රසාතලමභිද්රවන් .
ඛන්යමානේ තතස්තස්මින් දදෘශුඃ පර්වතෝපමම් .. 12 ..
දිශාගජං විරූපාක්ෂං ධාරයන්තං මහීතලම් .
සපර්වතවනාං කෘත්ස්නාං පෘථිවීං රඝුනන්දන .. 13 ..
ශිරසා ධාරයාමාස විරූපාක්ෂෝ මහාගජඃ .
යදා පර්වණි කාකුත්ස්ථ විශ්රමාර්ථං මහාගජඃ .. 14 ..
ඛේදාච්චාලයතේ ශීර්ෂං භූමිකම්පස්තදාභවේත් .
තං තේ ප්රදක්ෂිණං කෘත්වා දිශාපාලං මහාගජම් .. 15 ..
මානයන්තෝ හි තේ රාම ජග්මුර්භිත්ත්වා රසාතලම් .
තතඃ පූර්වාං දිශං භිත්ත්වා දක්ෂිණාං බිභිදුඃ පුනඃ .. 16 ..
දක්ෂිණස්යාමපි දිශි දදෘශුස්තේ මහාගජම් .
මහාපද්මං මහාත්මානං සුමහත්පර්වතෝපමම් .. 17 ..
ශිරසා ධාරයන්තං තේ විස්මයං ජග්මුරුත්තමම් .
තතඃ ප්රදක්ෂිණං කෘත්වා සගරස්ය මහාත්මනඃ .. 18 ..
ෂෂ්ටිඃ පුත්රසහස්රාණි පශ්චිමාං බිභිදුර්දිශම් .
පශ්චිමායාමපි දිශි මහාන්තමචලෝපමම් .. 19 ..
දිශාගජං සෞමනසං දදෘශුස්තේ මහාබලාඃ .
තං තේ ප්රදක්ෂිණං කෘත්වා පෘෂ්ට්වා චාපි නිරාමයම් .
ඛනන්ත ස්සමුපක්රාන්තා දිශං හෛමවතීං තතඃ .. 20 ..
උත්තරස්යාං රඝුශ්රේෂ්ඨ දදෘශුර්හිමපාණ්ඩුරම් .. 21 ..
භද්රං භද්රේණ වපුෂා ධාරයන්තං මහීමිමාම් .
සමාලභ්ය තත ස්සර්වේ කෘත්වා චෛනං ප්රදක්ෂිණම් .. 22 ..
ෂෂ්ටිඃ පුත්රසහස්රාණි බිභිදුර්වසුධාතලම් .
තතඃ ප්රාගුත්තරාං ගත්වා සාගරාඃ ප්රථිතාං දිශම් .. 23 ..
රෝෂාදභ්යඛනන් සර්වේ පෘථිවීං සගරාත්මජාඃ .
තේ තු සර්වේ මහාත්මානෝ භීමවේගා මහාබලාඃ .. 24 ..
දදෘශුඃ කපිලං තත්ර වාසුදේවං සනාතනම් .
හයං ච තස්ය දේවස්ය චරන්තමවිදූරතඃ .. 25 ..
ප්රහර්ෂමතුලං ප්රාප්තාස්සර්වේ තේ රඝුනන්දන .
තේ තං හයවරං ජ්ඤාත්වා ක්රෝධපර්යාකුලේක්ෂණාඃ .. 26 ..
ඛනිත්රලාඞ්ගලධරා නානාවෘක්ෂශිලාධරාඃ .
අභ්යධාවන්ත සඞ්ක්රුද්ධාස්තිෂ්ඨ තිෂ්ඨේති චාබ්රුවන් .. 27 ..
අස්මාකං ත්වං හි තුරගං යජ්ඤීයං හෘතවානසි .
දුර්මේධස්ත්වං හි සම්ප්රාප්තාන් විද්ධි නස්සගරාත්මජාන් .. 28 ..
ශ්රුත්වා තු වචනං තේෂාං කපිලෝ රඝුනන්දන .
රෝෂේණ මහතා(අ)(අ)විෂ්ටෝ හුඞ්කාරමකරෝත්තදා .. 29 ..
තතස්තේනාප්රමේයේන කපිලේන මහාත්මනා .
භස්මරාශීකෘතාස්සර්වේ කාකුත්ස්ථ සගරාත්මජාඃ .. 30 ..
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාණ්ඩේ චත්වාරිංශස්සර්ගඃ ..
Roman (IAST) Transliteration
śrīmadvālmīkīya rāmāyaṇe bālakāṇḍam |
atha catvāriṃśassargaḥ |
. devatānāṃ vacaśśrutvā bhagavānvai pitāmahaḥ |
pratyuvāca susantrastānkṛtāntabalamohitān || 1 ||
yasyeyaṃ vasudhā kṛtsnā vāsudevasya dhīmataḥ |
kāpilaṃ rūpamāsthāya dhārayatyaniśaṃ dharām || 2 ||
tasya kopāgninā dagdhā bhaviṣyanti nṛpātmajāḥ |
pṛthivyāścāpi nirbhedo'dṛṣṭa eva sanātanaḥ || 3 ||
sagarasya ca putrāṇāṃ vināśo'dīrghajīvinām |
pitāmahavacaśśrutvā trayastriṃśadarindama || 4 ||
devāḥ paramasaṃhṛṣṭāḥ punarjagmuryathāgatam |
sagarasya ca putrāṇāṃ prādurāsīnmahātmanām || 5 ||
pṛthivyāṃ bhidyamānāyāṃ nirghātasamanisvanaḥ |
tato bhitvā mahīṃ sarve kṛtvā cābhipradakṣiṇam || 6 ||
sahitā ssagarāssarve pitaraṃ vākyamabruvan |
0 parikrāntā mahī sarvā sattvavantaśca sūditāḥ || 7 ||
devadānavarakṣāṃsi piśācoragakinnarāḥ |
na ca paśyāmahe'śvaṃ tamaśvahartārameva ca || 8 ||
kiṃ kariṣyāma bhadraṃ te buddhiratra vicāryatām |
teṣāṃ tadvacanaṃ śrutvā putrāṇāṃ rājasattamaḥ || 9 ||
samanyurabravīdvākyaṃ sagaro raghunandana |
bhūyaḥ khanata bhadraṃ vo nirbhidya vasudhātalam || 10 ||
aśvahartāramāsādya kṛtārthāśca nivartatha |
piturvacanamāsādya sagarasya mahātmanaḥ || 11 ||
ṣaṣṭiḥ putrasahasrāṇi rasātalamabhidravan |
khanyamāne tatastasmin dadṛśuḥ parvatopamam || 12 ||
diśāgajaṃ virūpākṣaṃ dhārayantaṃ mahītalam |
saparvatavanāṃ kṛtsnāṃ pṛthivīṃ raghunandana || 13 ||
śirasā dhārayāmāsa virūpākṣo mahāgajaḥ |
yadā parvaṇi kākutstha viśramārthaṃ mahāgajaḥ || 14 ||
khedāccālayate śīrṣaṃ bhūmikampastadābhavet |
taṃ te pradakṣiṇaṃ kṛtvā diśāpālaṃ mahāgajam || 15 ||
mānayanto hi te rāma jagmurbhittvā rasātalam |
tataḥ pūrvāṃ diśaṃ bhittvā dakṣiṇāṃ bibhiduḥ punaḥ || 16 ||
dakṣiṇasyāmapi diśi dadṛśuste mahāgajam |
mahāpadmaṃ mahātmānaṃ sumahatparvatopamam || 17 ||
śirasā dhārayantaṃ te vismayaṃ jagmuruttamam |
tataḥ pradakṣiṇaṃ kṛtvā sagarasya mahātmanaḥ || 18 ||
ṣaṣṭiḥ putrasahasrāṇi paścimāṃ bibhidurdiśam |
paścimāyāmapi diśi mahāntamacalopamam || 19 ||
diśāgajaṃ saumanasaṃ dadṛśuste mahābalāḥ |
taṃ te pradakṣiṇaṃ kṛtvā pṛṣṭvā cāpi nirāmayam |
khananta ssamupakrāntā diśaṃ haimavatīṃ tataḥ || 20 ||
uttarasyāṃ raghuśreṣṭha dadṛśurhimapāṇḍuram || 21 ||
bhadraṃ bhadreṇa vapuṣā dhārayantaṃ mahīmimām |
samālabhya tata ssarve kṛtvā cainaṃ pradakṣiṇam || 22 ||
ṣaṣṭiḥ putrasahasrāṇi bibhidurvasudhātalam |
tataḥ prāguttarāṃ gatvā sāgarāḥ prathitāṃ diśam || 23 ||
roṣādabhyakhanan sarve pṛthivīṃ sagarātmajāḥ |
te tu sarve mahātmāno bhīmavegā mahābalāḥ || 24 ||
dadṛśuḥ kapilaṃ tatra vāsudevaṃ sanātanam |
hayaṃ ca tasya devasya carantamavidūrataḥ || 25 ||
praharṣamatulaṃ prāptāssarve te raghunandana |
te taṃ hayavaraṃ jñātvā krodhaparyākulekṣaṇāḥ || 26 ||
khanitralāṅgaladharā nānāvṛkṣaśilādharāḥ |
abhyadhāvanta saṅkruddhāstiṣṭha tiṣṭheti cābruvan || 27 ||
asmākaṃ tvaṃ hi turagaṃ yajñīyaṃ hṛtavānasi |
durmedhastvaṃ hi samprāptān viddhi nassagarātmajān || 28 ||
śrutvā tu vacanaṃ teṣāṃ kapilo raghunandana |
roṣeṇa mahatā''viṣṭo huṅkāramakarottadā || 29 ||
tatastenāprameyena kapilena mahātmanā |
bhasmarāśīkṛtāssarve kākutstha sagarātmajāḥ || 30 ||
ityārṣe śrīmadrāmāyaṇe vālmīkīya ādikāvye bālakāṇḍe catvāriṃśassargaḥ ||