Surya Sahasra Nama Stotram

ॐ

සූර්ය සහස්ර නාම ස්තෝත්රම්

Surya Stotram Sinhala

අස්ය ශ්රී සූර්ය සහස්රනාම ස්තෝත්රස්ය වේදව්යාස ඍෂිඃ අනුෂ්ටුප්ඡන්දඃ සවිතා දේවතා සර්වාභීෂ්ට සිද්ධ්යර්ථේ ජපේ විනියෝගඃ .

ධ්යානම් .

ධ්යේයඃ සදා සවිතෘමණ්ඩලමධ්යවර්තී

නාරායණඃ සරසිජාසනසන්නිවිෂ්ටඃ .

කේයූරවාන් මකරකුණ්ඩලවාන් කිරීටී

හාරී හිරණ්මයවපුර්ධෘතශඞ්ඛචක්රඃ ..

ස්තෝත්රම් .

ඕං විශ්වවිද්විශ්වජිත්කර්තා විශ්වාත්මා විශ්වතෝමුඛඃ .

විශ්වේශ්වරෝ විශ්වයෝනිර්නියතාත්මා ජිතේන්ද්රියඃ .. 1 ..

කාලාශ්රයඃ කාලකර්තා කාලහා කාලනාශනඃ .

මහායෝගී මහාසිද්ධිර්මහාත්මා සුමහාබලඃ .. 2 ..

ප්රභුර්විභුර්භූතනාථෝ භූතාත්මා භුවනේශ්වරඃ .

භූතභව්යෝ භාවිතාත්මා භූතාන්තඃකරණං ශිවඃ .. 3 ..

ශරණ්යඃ කමලානන්දෝ නන්දනෝ නන්දවර්ධනඃ .

වරේණ්යෝ වරදෝ යෝගී සුසංයුක්තඃ ප්රකාශකඃ .. 4 ..

ප්රාප්තයානඃ පරප්රාණඃ පූතාත්මා ප්රියතඃ ප්රියඃ . [ප්රයතඃ]

නයඃ සහස්රපාත් සාධුර්දිව්යකුණ්ඩලමණ්ඩිතඃ .. 5 ..

අව්යඞ්ගධාරී ධීරාත්මා සවිතා වායුවාහනඃ .

සමාහිතමතිර්දාතා විධාතා කෘතමඞ්ගලඃ .. 6 ..

කපර්දී කල්පපාද්රුද්රඃ සුමනා ධර්මවත්සලඃ .

සමායුක්තෝ විමුක්තාත්මා කෘතාත්මා කෘතිනාං වරඃ .. 7 ..

අවිචින්ත්යවපුඃ ශ්රේෂ්ඨෝ මහායෝගී මහේශ්වරඃ .

කාන්තඃ කාමාරිරාදිත්යෝ නියතාත්මා නිරාකුලඃ .. 8 ..

කාමඃ කාරුණිකඃ කර්තා කමලාකරබෝධනඃ .

සප්තසප්තිරචින්ත්යාත්මා මහාකාරුණිකෝත්තමඃ .. 9 ..

සඤ්ජීවනෝ ජීවනාථෝ ජයෝ ජීවෝ ජගත්පතිඃ .

අයුක්තෝ විශ්වනිලයඃ සංවිභාගී වෘෂධ්වජඃ .. 10 ..

වෘෂාකපිඃ කල්පකර්තා කල්පාන්තකරණෝ රවිඃ .

ඒකචක්රරථෝ මෞනී සුරථෝ රථිනාං වරඃ .. 11 ..

සක්රෝධනෝ රශ්මිමාලී තේජෝරාශිර්විභාවසුඃ .

දිව්යකෘද්දිනකෘද්දේවෝ දේවදේවෝ දිවස්පතිඃ .. 12 ..

දීනනාථෝ හරෝ හෝතා දිව්යබාහුර්දිවාකරඃ .

යජ්ඤෝ යජ්ඤපතිඃ පූෂා ස්වර්ණරේතාඃ පරාවරඃ .. 13 ..

පරාපරජ්ඤස්තරණිරංශුමාලී මනෝහරඃ .

ප්රාජ්ඤඃ ප්රාජ්ඤපතිඃ සූර්යඃ සවිතා විෂ්ණුරංශුමාන් .. 14 ..

සදාගතිර්ගන්ධවහෝ විහිතෝ විධිරාශුගඃ .

පතඞ්ගඃ පතගඃ ස්ථාණුර්විහඞ්ගෝ විහගෝ වරඃ .. 15 ..

හර්යශ්වෝ හරිතාශ්වශ්ච හරිදශ්වෝ ජගත්ප්රියඃ .

ත්ර්යම්බකඃ සර්වදමනෝ භාවිතාත්මා භිෂග්වරඃ .. 16 ..

ආලෝකකෘල්ලෝකනාථෝ ලෝකාලෝකනමස්කෘතඃ .

කාලඃ කල්පාන්තකෝ වහ්නිස්තපනඃ සම්ප්රතාපනඃ .. 17 ..

විලෝචනෝ විරූපාක්ෂඃ සහස්රාක්ෂඃ පුරන්දරඃ .

සහස්රරශ්මිර්මිහිරෝ විවිධාම්බරභූෂණඃ .. 18 ..

ඛගඃ ප්රතර්දනෝ ධන්යෝ හයගෝ වාග්විශාරදඃ .

ශ්රීමානශිශිරෝ වාග්මී ශ්රීපතිඃ ශ්රීනිකේතනඃ .. 19 ..

ශ්රීකණ්ඨඃ ශ්රීධරඃ ශ්රීමාන් ශ්රීනිවාසෝ වසුප්රදඃ .

කාමචාරී මහාමායෝ මහෝග්රෝ(අ)විදිතාමයඃ .. 20 ..

තීර්ථක්රියාවාන් සුනයෝ විභක්තෝ භක්තවත්සලඃ .

කීර්තිඃ කීර්තිකරෝ නිත්යඃ කුණ්ඩලී කවචී රථී .. 21 ..

හිරණ්යරේතාඃ සප්තාශ්වඃ ප්රයතාත්මා පරන්තපඃ .

බුද්ධිමානමරශ්රේෂ්ඨෝ රෝචිෂ්ණුඃ පාකශාසනඃ .. 22 ..

සමුද්රෝ ධනදෝ ධාතා මාන්ධාතා කශ්මලාපහඃ .

තමෝඝ්නෝ ධ්වාන්තහා වහ්නිර්හෝතා(අ)න්තඃකරණෝ ගුහඃ .. 23 ..

පශුමාන් ප්රයතානන්දෝ භූතේශඃ ශ්රීමතාං වරඃ .

නිත්යෝ(අ)දිතෝ නිත්යරථඃ සුරේශඃ සුරපූජිතඃ .. 24 ..

අජිතෝ විජිතෝ ජේතා ජඞ්ගමස්ථාවරාත්මකඃ .

ජීවානන්දෝ නිත්යගාමී විජේතා විජයප්රදඃ .. 25 ..

පර්ජන්යෝ(අ)ග්නිඃ ස්ථිතිඃ ස්ථේයඃ ස්ථවිරෝ(අ)ථ නිරඤ්ජනඃ .

ප්රද්යෝතනෝ රථාරූඪඃ සර්වලෝකප්රකාශකඃ .. 26 ..

ධ්රුවෝ මේෂී මහාවීර්යෝ හංසඃ සංසාරතාරකඃ .

සෘෂ්ටිකර්තා ක්රියාහේතුර්මාර්තණ්ඩෝ මරුතාං පතිඃ .. 27 ..

මරුත්වාන් දහනස්ත්වෂ්ටා භගෝ භර්ගෝ(අ)ර්යමා කපිඃ .

වරුණේශෝ ජගන්නාථඃ කෘතකෘත්යඃ සුලෝචනඃ .. 28 ..

විවස්වාන් භානුමාන් කාර්යඃ කාරණස්තේජසාං නිධිඃ .

අසඞ්ගගාමී තිග්මාංශුර්ධර්මාංශුර්දීප්තදීධිතිඃ .. 29 ..

සහස්රදීධිතිර්බ්රධ්නඃ සහස්රාංශුර්දිවාකරඃ .

ගභස්තිමාන් දීධිතිමාන් ස්රග්වී මණිකුලද්යුතිඃ .. 30 ..

භාස්කරඃ සුරකාර්යජ්ඤඃ සර්වජ්ඤස්තීක්ෂ්ණදීධිතිඃ .

සුරජ්යේෂ්ඨඃ සුරපතිර්බහුජ්ඤෝ වචසාං පතිඃ .. 31 ..

තේජෝනිධිර්බෘහත්තේජා බෘහත්කීර්තිර්බෘහස්පතිඃ .

අහිමානූර්ජිතෝ ධීමානාමුක්තඃ කීර්තිවර්ධනඃ .. 32 ..

මහාවෛද්යෝ ගණපතිර්ධනේශෝ ගණනායකඃ .

තීව්රප්රතාපනස්තාපී තාපනෝ විශ්වතාපනඃ .. 33 ..

කාර්තස්වරෝ හෘෂීකේශඃ පද්මානන්දෝ(අ)තිනන්දිතඃ .

පද්මනාභෝ(අ)මෘතාහාරඃ ස්ථිතිමාන් කේතුමාන් නභඃ .. 34 ..

අනාද්යන්තෝ(අ)ච්යුතෝ විශ්වෝ විශ්වාමිත්රෝ ඝෘණිර්විරාට් .

ආමුක්තකවචෝ වාග්මී කඤ්චුකී විශ්වභාවනඃ .. 35 ..

අනිමිත්තගතිඃ ශ්රේෂ්ඨඃ ශරණ්යඃ සර්වතෝමුඛඃ .

විගාහී වේණුරසහඃ සමායුක්තඃ සමාක්රතුඃ .. 36 ..

ධර්මකේතුර්ධර්මරතිඃ සංහර්තා සංයමෝ යමඃ .

ප්රණතාර්තිහරෝ වායුඃ සිද්ධකාර්යෝ ජනේශ්වරඃ .. 37 ..

නභෝ විගාහනඃ සත්යඃ සවිතාත්මා මනෝහරඃ .

හාරී හරිර්හරෝ වායුරෘතුඃ කාලානලද්යුතිඃ .. 38 ..

සුඛසේව්යෝ මහාතේජා ජගතාමේකකාරණම් .

මහේන්ද්රෝ විෂ්ටුතඃ ස්තෝත්රං ස්තුතිහේතුඃ ප්රභාකරඃ .. 39 ..

සහස්රකර ආයුෂ්මාන් අරෝෂඃ සුඛදඃ සුඛී .

ව්යාධිහා සුඛදඃ සෞඛ්යං කල්යාණඃ කලතාං වරඃ .. 40 ..

ආරෝග්යකාරණං සිද්ධිරෘද්ධිර්වෘද්ධිර්බෘහස්පතිඃ .

හිරණ්යරේතා ආරෝග්යං විද්වාන් බ්රධ්නෝ බුධෝ මහාන් .. 41 ..

ප්රාණවාන් ධෘතිමාන් ඝර්මෝ ඝර්මකර්තා රුචිප්රදඃ .

සර්වප්රියඃ සර්වසහඃ සර්වශත්රුවිනාශනඃ .. 42 ..

ප්රාංශුර්විද්යෝතනෝ ද්යෝතඃ සහස්රකිරණඃ කෘතී .

කේයූරී භූෂණෝද්භාසී භාසිතෝ භාසනෝ(අ)නලඃ .. 43 ..

ශරණ්යාර්තිහරෝ හෝතා ඛද්යෝතඃ ඛගසත්තමඃ .

සර්වද්යෝතෝ භවද්යෝතඃ සර්වද්යුතිකරෝ මතඃ .. 44 ..

කල්යාණඃ කල්යාණකරඃ කල්යඃ කල්යකරඃ කවිඃ .

කල්යාණකෘත් කල්යවපුඃ සර්වකල්යාණභාජනම් .. 45 ..

ශාන්තිප්රියඃ ප්රසන්නාත්මා ප්රශාන්තඃ ප්රශමප්රියඃ .

උදාරකර්මා සුනයඃ සුවර්චා වර්චසෝජ්ජ්වලඃ .. 46 ..

වර්චස්වී වර්චසාමීශස්ත්රෛලෝක්යේශෝ වශානුගඃ .

තේජස්වී සුයශා වර්ෂ්මී වර්ණාධ්යක්ෂෝ බලිප්රියඃ .. 47 ..

යශස්වී තේජෝනිලයස්තේජස්වී ප්රකෘතිස්ථිතඃ .

ආකාශගඃ ශීඝ්රගතිරාශුගෝ ගතිමාන් ඛගඃ .. 48 ..

ගෝපතිර්ග්රහදේවේශෝ ගෝමානේකඃ ප්රභඤ්ජනඃ .

ජනිතා ප්රජනෝ ජීවෝ දීපඃ සර්වප්රකාශකඃ .. 49 ..

සර්වසාක්ෂී යෝගනිත්යෝ නභස්වානසුරාන්තකඃ .

රක්ෂෝඝ්නෝ විඝ්නශමනඃ කිරීටී සුමනඃප්රියඃ .. 50 ..

මරීචිමාලී සුමතිඃ කෘතාභිඛ්යවිශේෂකඃ .

ශිෂ්ටාචාරඃ ශුභාචාරඃ ස්වචාරාචාරතත්පරඃ .. 51 ..

මන්දාරෝ මාඨරෝ වේණුඃ ක්ෂුධාපඃ ක්ෂ්මාපතිර්ගුරුඃ .

සුවිශිෂ්ටෝ විශිෂ්ටාත්මා විධේයෝ ජ්ඤානශෝභනඃ .. 52 ..

මහාශ්වේතඃ ප්රියෝ ජ්ඤේයඃ සාමගෝ මෝක්ෂදායකඃ .

සර්වවේදප්රගීතාත්මා සර්වවේදලයෝ මහාන් .. 53 ..

වේදමූර්තිශ්චතුර්වේදෝ වේදභෘද්වේදපාරගඃ .

ක්රියාවානසිතෝ ජිෂ්ණුර්වරීයාංශුර්වරප්රදඃ .. 54 ..

ව්රතචාරී ව්රතධරෝ ලෝකබන්ධුරලඞ්කෘතඃ .

අලඞ්කාරාක්ෂරෝ වේද්යෝ විද්යාවාන් විදිතාශයඃ .. 55 ..

ආකාරෝ භූෂණෝ භූෂ්යෝ භූෂ්ණුර්භුවනපූජිතඃ .

චක්රපාණිර්ධ්වජධරඃ සුරේශෝ ලෝකවත්සලඃ .. 56 ..

වාග්මිපතිර්මහාබාහුඃ ප්රකෘතිර්විකෘතිර්ගුණඃ .

අන්ධකාරාපහඃ ශ්රේෂ්ඨෝ යුගාවර්තෝ යුගාදිකෘත් .. 57 ..

අප්රමේයඃ සදායෝගී නිරහඞ්කාර ඊශ්වරඃ .

ශුභප්රදඃ ශුභඃ ශාස්තා ශුභකර්මා ශුභප්රදඃ .. 58 ..

සත්යවාන් ශ්රුතිමානුච්චෛර්නකාරෝ වෘද්ධිදෝ(අ)නලඃ .

බලභෘද්බලදෝ බන්ධුර්මතිමාන් බලිනාං වරඃ .. 59 ..

අනඞ්ගෝ නාගරාජේන්ද්රඃ පද්මයෝනිර්ගණේශ්වරඃ .

සංවත්සර ඍතුර්නේතා කාලචක්රප්රවර්තකඃ .. 60 ..

පද්මේක්ෂණඃ පද්මයෝනිඃ ප්රභාවානමරඃ ප්රභුඃ .

සුමූර්තිඃ සුමතිඃ සෝමෝ ගෝවින්දෝ ජගදාදිජඃ .. 61 ..

පීතවාසාඃ කෘෂ්ණවාසා දිග්වාසාස්ත්වින්ද්රියාතිගඃ .

අතීන්ද්රියෝ(අ)නේකරූපඃ ස්කන්දඃ පරපුරඤ්ජයඃ .. 62 ..

ශක්තිමාන් ජලධෘග්භාස්වාන් මෝක්ෂහේතුරයෝනිජඃ .

සර්වදර්ශී ජිතාදර්ශෝ දුඃස්වප්නාශුභනාශනඃ .. 63 ..

මාඞ්ගල්යකර්තා තරණිර්වේගවාන් කශ්මලාපහඃ .

ස්පෂ්ටාක්ෂරෝ මහාමන්ත්රෝ විශාඛෝ යජනප්රියඃ .. 64 ..

විශ්වකර්මා මහාශක්තිර්ද්යුතිරීශෝ විහඞ්ගමඃ .

විචක්ෂණෝ දක්ෂ ඉන්ද්රඃ ප්රත්යූෂඃ ප්රියදර්ශනඃ .. 65 ..

අඛින්නෝ වේදනිලයෝ වේදවිද්විදිතාශයඃ .

ප්රභාකරෝ ජිතරිපුඃ සුජනෝ(අ)රුණසාරථිඃ .. 66 ..

කුනාශී සුරතඃ ස්කන්දෝ මහිතෝ(අ)භිමතෝ ගුරුඃ .

ග්රහරාජෝ ග්රහපතිර්ග්රහනක්ෂත්රමණ්ඩලඃ .. 67 ..

භාස්කරඃ සතතානන්දෝ නන්දනෝ නරවාහනඃ .

මඞ්ගලෝ(අ)ථ මඞ්ගලවාන් මාඞ්ගල්යෝ මඞ්ගලාවහඃ .. 68 ..

මඞ්ගල්යචාරුචරිතඃ ශීර්ණඃ සර්වව්රතෝ ව්රතී .

චතුර්මුඛඃ පද්මමාලී පූතාත්මා ප්රණතාර්තිහා .. 69 ..

අකිඤ්චනඃ සතාමීශෝ නිර්ගුණෝ ගුණවාඤ්ඡුචිඃ .

සම්පූර්ණඃ පුණ්ඩරීකාක්ෂෝ විධේයෝ යෝගතත්පරඃ .. 70 ..

සහස්රාංශුඃ ක්රතුමතිඃ සර්වජ්ඤඃ සුමතිඃ සුවාක් .

සුවාහනෝ මාල්යදාමා කෘතාහාරෝ හරිප්රියඃ .. 71 ..

බ්රහ්මා ප්රචේතාඃ ප්රථිතඃ ප්රයතාත්මා ස්ථිරාත්මකඃ .

ශතවින්දුඃ ශතමුඛෝ ගරීයානනලප්රභඃ .. 72 ..

ධීරෝ මහත්තරෝ විප්රඃ පුරාණපුරුෂෝත්තමඃ .

විද්යාරාජාධිරාජෝ හි විද්යාවාන් භූතිදඃ ස්ථිතඃ .. 73 ..

අනිර්දේශ්යවපුඃ ශ්රීමාන් විපාප්මා බහුමඞ්ගලඃ .

ස්වඃස්ථිතඃ සුරථඃ ස්වර්ණෝ මෝක්ෂදෝ බලිකේතනඃ .. 74 ..

නිර්ද්වන්ද්වෝ ද්වන්ද්වහා ස්වර්ගඃ සර්වගඃ සම්ප්රකාශකඃ .

දයාලුඃ සූක්ෂ්මධීඃ ක්ෂාන්තිඃ ක්ෂේමාක්ෂේමස්ථිතිප්රියඃ .. 75 ..

භූධරෝ භූපතිර්වක්තා පවිත්රාත්මා ත්රිලෝචනඃ .

මහාවරාහඃ ප්රියකෘද්දාතා භෝක්තා(අ)භයප්රදඃ .. 76 ..

චක්රවර්තී ධෘතිකරඃ සම්පූර්ණෝ(අ)ථ මහේශ්වරඃ .

චතුර්වේදධරෝ(අ)චින්ත්යෝ විනින්ද්යෝ විවිධාශනඃ .. 77 ..

විචිත්රරථ ඒකාකී සප්තසප්තිඃ පරාත්පරඃ .

සර්වෝදධිස්ථිතිකරඃ ස්ථිතිස්ථේයඃ ස්ථිතිප්රියඃ .. 78 ..

නිෂ්කලඃ පුෂ්කලෝ විභුර්වසුමාන් වාසවප්රියඃ .

පශුමාන් වාසවස්වාමී වසුධාමා වසුප්රදඃ .. 79 ..

බලවාන් ජ්ඤානවාංස්තත්ත්වමෝඞ්කාරස්ත්රිෂුසංස්ථිතඃ .

සඞ්කල්පයෝනිර්දිනකෘද්භගවාන් කාරණාපහඃ .. 80 ..

නීලකණ්ඨෝ ධනාධ්යක්ෂශ්චතුර්වේදප්රියංවදඃ .

වෂට්කාරෝද්ගාතා හෝතා ස්වාහාකාරෝ හුතාහුතිඃ .. 81 ..

ජනාර්දනෝ ජනානන්දෝ නරෝ නාරායණෝ(අ)ම්බුදඃ .

සන්දේහනාශනෝ වායුර්ධන්වී සුරනමස්කෘතඃ .. 82 ..

විග්රහී විමලෝ වින්දුර්විශෝකෝ විමලද්යුතිඃ .

ද්යුතිමාන් ද්යෝතනෝ විද්යුද්විද්යාවාන් විදිතෝ බලී .. 83 ..

ඝර්මදෝ හිමදෝ හාසඃ කෘෂ්ණවර්ත්මා සුතාජිතඃ .

සාවිත්රීභාවිතෝ රාජා විශ්වාමිත්රෝ ඝෘණිර්විරාට් .. 84 ..

සප්තාර්චිඃ සප්තතුරගඃ සප්තලෝකනමස්කෘතඃ .

සම්පූර්ණෝ(අ)ථ ජගන්නාථඃ සුමනාඃ ශෝභනප්රියඃ .. 85 ..

සර්වාත්මා සර්වකෘත් සෘෂ්ටිඃ සප්තිමාන් සප්තමීප්රියඃ .

සුමේධා මේධිකෝ මේධ්යෝ මේධාවී මධුසූදනඃ .. 86 ..

අඞ්ගිරඃපතිඃ කාලජ්ඤෝ ධූමකේතුඃ සුකේතනඃ .

සුඛී සුඛප්රදඃ සෞඛ්යඃ කාන්තිඃ කාන්තිප්රියෝ මුනිඃ .. 87 ..

සන්තාපනඃ සන්තපන ආතපස්තපසාං පතිඃ .

උමාපතිඃ සහස්රාංශුඃ ප්රියකාරී ප්රියඞ්කරඃ .. 88 ..

ප්රීතිර්විමන්යුරම්භෝත්ථඃ ඛඤ්ජනෝ ජගතාං පතිඃ .

ජගත්පිතා ප්රීතමනාඃ සර්වඃ ඛර්වෝ ගුහෝ(අ)චලඃ .. 89 ..

සර්වගෝ ජගදානන්දෝ ජගන්නේතා සුරාරිහා .

ශ්රේයඃ ශ්රේයස්කරෝ ජ්යායාන් මහානුත්තම උද්භවඃ .. 90 ..

උත්තමෝ මේරුමේයෝ(අ)ථ ධරණෝ ධරණීධරඃ .

ධරාධ්යක්ෂෝ ධර්මරාජෝ ධර්මාධර්මප්රවර්තකඃ .. 91 ..

රථාධ්යක්ෂෝ රථගතිස්තරුණස්තනිතෝ(අ)නලඃ .

උත්තරෝ(අ)නුත්තරස්තාපී අවාක්පතිරපාං පතිඃ .. 92 ..

පුණ්යසඞ්කීර්තනඃ පුණ්යෝ හේතුර්ලෝකත්රයාශ්රයඃ .

ස්වර්භානුර්විගතානන්දෝ විශිෂ්ටෝත්කෘෂ්ටකර්මකෘත් .. 93 ..

ව්යාධිප්රණාශනඃ ක්ෂේමඃ ශූරඃ සර්වජිතාං වරඃ .

ඒකරථෝ රථාධීශඃ පිතා ශනෛශ්චරස්ය හි .. 94 ..

වෛවස්වතගුරුර්මෘත්යුර්ධර්මනිත්යෝ මහාව්රතඃ .

ප්රලම්බහාරසඤ්චාරී ප්රද්යෝතෝ ද්යෝතිතානලඃ .. 95 ..

සන්තාපහෘත් පරෝ මන්ත්රෝ මන්ත්රමූර්තිර්මහාබලඃ .

ශ්රේෂ්ඨාත්මා සුප්රියඃ ශම්භුර්මරුතාමීශ්වරේශ්වරඃ .. 96 ..

සංසාරගතිවිච්චේත්තා සංසාරාර්ණවතාරකඃ .

සප්තජිහ්වඃ සහස්රාර්චී රත්නගර්භෝ(අ)පරාජිතඃ .. 97 ..

ධර්මකේතුරමේයාත්මා ධර්මාධර්මවරප්රදඃ .

ලෝකසාක්ෂී ලෝකගුරුර්ලෝකේශශ්චණ්ඩවාහනඃ .. 98 ..

ධර්මයූපෝ යූපවෘක්ෂෝ ධනුෂ්පාණිර්ධනුර්ධරඃ .

පිනාකධෘඞ්මහෝත්සාහෝ මහාමායෝ මහාශනඃ .. 99 ..

වීරඃ ශක්තිමතාං ශ්රේෂ්ඨඃ සර්වශස්ත්රභෘතාං වරඃ .

ජ්ඤානගම්යෝ දුරාරාධ්යෝ ලෝහිතාඞ්ගෝ විවර්ධනඃ .. 100 ..

ඛගෝ(අ)න්ධෝ ධර්මදෝ නිත්යෝ ධර්මකෘච්චිත්රවික්රමඃ .

භගවානාත්මවාන් මන්ත්රස්ත්ර්යක්ෂරෝ නීලලෝහිතඃ .. 101 ..

ඒකෝ(අ)නේකස්ත්රයී කාලඃ සවිතා සමිතිඤ්ජයඃ .

ශාර්ඞ්ගධන්වා(අ)නලෝ භීමඃ සර්වප්රහරණායුධඃ .. 102 ..

සුකර්මා පරමේෂ්ඨී ච නාකපාලී දිවිස්ථිතඃ .

වදාන්යෝ වාසුකිර්වෛද්ය ආත්රේයෝ(අ)ථ පරාක්රමඃ .. 103 ..

ද්වාපරඃ පරමෝදාරඃ පරමෝ බ්රහ්මචර්යවාන් .

උදීච්යවේෂෝ මුකුටී පද්මහස්තෝ හිමාංශුභෘත් .. 104 ..

සිතඃ ප්රසන්නවදනඃ පද්මෝදරනිභානනඃ .

සායං දිවා දිව්යවපුරනිර්දේශ්යෝ මහාලයඃ .. 105 ..

මහාරථෝ මහානීශඃ ශේෂඃ සත්ත්වරජස්තමඃ .

ධෘතාතපත්රප්රතිමෝ විමර්ෂී නිර්ණයඃ ස්ථිතඃ .. 106 ..

අහිංසකඃ ශුද්ධමතිරද්විතීයෝ විවර්ධනඃ .

සර්වදෝ ධනදෝ මෝක්ෂෝ විහාරී බහුදායකඃ .. 107 ..

චාරුරාත්රිහරෝ නාථෝ භගවාන් සර්වගෝ(අ)ව්යයඃ .

මනෝහරවපුඃ ශුභ්රඃ ශෝභනඃ සුප්රභාවනඃ .. 108 ..

සුප්රභාවඃ සුප්රතාපඃ සුනේත්රෝ දිග්විදික්පතිඃ .

රාජ්ඤීප්රියඃ ශබ්දකරෝ ග්රහේශස්තිමිරාපහඃ .. 109 ..

සෛංහිකේයරිපුර්දේවෝ වරදෝ වරනායකඃ .

චතුර්භුජෝ මහායෝගී යෝගීශ්වරපතිස්තථා .. 110 ..

අනාදිරූපෝ(අ)දිතිජෝ රත්නකාන්තිඃ ප්රභාමයඃ .

ජගත්ප්රදීපෝ විස්තීර්ණෝ මහාවිස්තීර්ණමණ්ඩලඃ .. 111 ..

ඒකචක්රරථඃ ස්වර්ණරථඃ ස්වර්ණශරීරධෘක් .

නිරාලම්බෝ ගගනගෝ ධර්මකර්මප්රභාවකෘත් .. 112 ..

ධර්මාත්මා කර්මණාං සාක්ෂී ප්රත්යක්ෂඃ පරමේශ්වරඃ .

මේරුසේවී සුමේධාවී මේරුරක්ෂාකරෝ මහාන් .. 113 ..

ආධාරභූතෝ රතිමාංස්තථා ච ධනධාන්යකෘත් .

පාපසන්තාපහර්තා ච මනෝවාඤ්ඡිතදායකඃ .. 114 ..

රෝගහර්තා රාජ්යදායී රමණීයගුණෝ(අ)නෘණී .

කාලත්රයානන්තරූපෝ මුනිවෘන්දනමස්කෘතඃ .. 115 ..

සන්ධ්යාරාගකරඃ සිද්ධඃ සන්ධ්යාවන්දනවන්දිතඃ .

සාම්රාජ්යදානනිරතඃ සමාරාධනතෝෂවාන් .. 116 ..

භක්තදුඃඛක්ෂයකරෝ භවසාගරතාරකඃ .

භයාපහර්තා භගවානප්රමේයපරාක්රමඃ .

මනුස්වාමී මනුපතිර්මාන්යෝ මන්වන්තරාධිපඃ .. 117 ..

ඵලශ්රුතිඃ .

ඒතත්තේ සර්වමාඛ්යාතං යන්මාං ත්වං පරිපෘච්ඡසි .

නාම්නාං සහස්රං සවිතුඃ පරාශර්යෝ යදාහ මේ .. 1 ..

ධන්යං යශස්යමායුෂ්යං දුඃඛදුඃස්වප්නනාශනම් .

බන්ධමෝක්ෂකරං චෛව භානෝර්නාමානුකීර්තනාත් .. 2 ..

යස්ත්විදං ශෘණුයාන්නිත්යං පඨේද්වා ප්රයතෝ නරඃ .

අක්ෂයං සුඛමන්නාද්යං භවේත්තස්යෝපසාධිතම් .. 3 ..

නෘපාග්නිතස්කරභයං ව්යාධිතෝ න භයං භවේත් .

විජයී ච භවේන්නිත්යමාශ්රයං පරමාප්නුයාත් .. 4 ..

කීර්තිමාන් සුභගෝ විද්වාන් ස සුඛී ප්රියදර්ශනඃ .

ජීවේද්වර්ෂශතායුශ්ච සර්වව්යාධිවිවර්ජිතඃ .. 5 ..

නාම්නාං සහස්රමිදමංශුමතඃ පඨේද්යඃ

ප්රාතඃ ශුචිර්නියමවාන් සුසමෘද්ධියුක්තඃ .

දූරේණ තං පරිහරන්ති සදෛව රෝගාඃ

භූතාඃ සුපර්ණමිව සර්වමහෝරගේන්ද්රාඃ .. 6 ..

ඉති ශ්රී භවිෂ්යපුරාණේ සප්තමකල්පේ ශ්රීභගවත්සූර්යස්ය සහස්රනාමස්තෝත්රං සම්පූර්ණම් ..

Roman (IAST) Transliteration

asya śrī sūrya sahasranāma stotrasya vedavyāsa ṛṣiḥ anuṣṭupchandaḥ savitā devatā sarvābhīṣṭa siddhyarthe jape viniyogaḥ |

dhyānam |

dhyeyaḥ sadā savitṛmaṇḍalamadhyavartī

nārāyaṇaḥ sarasijāsanasanniviṣṭaḥ |

keyūravān makarakuṇḍalavān kirīṭī

hārī hiraṇmayavapurdhṛtaśaṅkhacakraḥ ||

stotram |

oṃ viśvavidviśvajitkartā viśvātmā viśvatomukhaḥ |

viśveśvaro viśvayonirniyatātmā jitendriyaḥ || 1 ||

kālāśrayaḥ kālakartā kālahā kālanāśanaḥ |

mahāyogī mahāsiddhirmahātmā sumahābalaḥ || 2 ||

prabhurvibhurbhūtanātho bhūtātmā bhuvaneśvaraḥ |

bhūtabhavyo bhāvitātmā bhūtāntaḥkaraṇaṃ śivaḥ || 3 ||

śaraṇyaḥ kamalānando nandano nandavardhanaḥ |

vareṇyo varado yogī susaṃyuktaḥ prakāśakaḥ || 4 ||

prāptayānaḥ paraprāṇaḥ pūtātmā priyataḥ priyaḥ | [prayataḥ]

nayaḥ sahasrapāt sādhurdivyakuṇḍalamaṇḍitaḥ || 5 ||

avyaṅgadhārī dhīrātmā savitā vāyuvāhanaḥ |

samāhitamatirdātā vidhātā kṛtamaṅgalaḥ || 6 ||

kapardī kalpapādrudraḥ sumanā dharmavatsalaḥ |

samāyukto vimuktātmā kṛtātmā kṛtināṃ varaḥ || 7 ||

avicintyavapuḥ śreṣṭho mahāyogī maheśvaraḥ |

kāntaḥ kāmārirādityo niyatātmā nirākulaḥ || 8 ||

kāmaḥ kāruṇikaḥ kartā kamalākarabodhanaḥ |

saptasaptiracintyātmā mahākāruṇikottamaḥ || 9 ||

sañjīvano jīvanātho jayo jīvo jagatpatiḥ |

ayukto viśvanilayaḥ saṃvibhāgī vṛṣadhvajaḥ || 10 ||

vṛṣākapiḥ kalpakartā kalpāntakaraṇo raviḥ |

ekacakraratho maunī suratho rathināṃ varaḥ || 11 ||

sakrodhano raśmimālī tejorāśirvibhāvasuḥ |

divyakṛddinakṛddevo devadevo divaspatiḥ || 12 ||

dīnanātho haro hotā divyabāhurdivākaraḥ |

yajño yajñapatiḥ pūṣā svarṇaretāḥ parāvaraḥ || 13 ||

parāparajñastaraṇiraṃśumālī manoharaḥ |

prājñaḥ prājñapatiḥ sūryaḥ savitā viṣṇuraṃśumān || 14 ||

sadāgatirgandhavaho vihito vidhirāśugaḥ |

pataṅgaḥ patagaḥ sthāṇurvihaṅgo vihago varaḥ || 15 ||

haryaśvo haritāśvaśca haridaśvo jagatpriyaḥ |

tryambakaḥ sarvadamano bhāvitātmā bhiṣagvaraḥ || 16 ||

ālokakṛllokanātho lokālokanamaskṛtaḥ |

kālaḥ kalpāntako vahnistapanaḥ sampratāpanaḥ || 17 ||

vilocano virūpākṣaḥ sahasrākṣaḥ purandaraḥ |

sahasraraśmirmihiro vividhāmbarabhūṣaṇaḥ || 18 ||

khagaḥ pratardano dhanyo hayago vāgviśāradaḥ |

śrīmānaśiśiro vāgmī śrīpatiḥ śrīniketanaḥ || 19 ||

śrīkaṇṭhaḥ śrīdharaḥ śrīmān śrīnivāso vasupradaḥ |

kāmacārī mahāmāyo mahogro'viditāmayaḥ || 20 ||

tīrthakriyāvān sunayo vibhakto bhaktavatsalaḥ |

kīrtiḥ kīrtikaro nityaḥ kuṇḍalī kavacī rathī || 21 ||

hiraṇyaretāḥ saptāśvaḥ prayatātmā parantapaḥ |

buddhimānamaraśreṣṭho rociṣṇuḥ pākaśāsanaḥ || 22 ||

samudro dhanado dhātā māndhātā kaśmalāpahaḥ |

tamoghno dhvāntahā vahnirhotā'ntaḥkaraṇo guhaḥ || 23 ||

paśumān prayatānando bhūteśaḥ śrīmatāṃ varaḥ |

nityo'dito nityarathaḥ sureśaḥ surapūjitaḥ || 24 ||

ajito vijito jetā jaṅgamasthāvarātmakaḥ |

jīvānando nityagāmī vijetā vijayapradaḥ || 25 ||

parjanyo'gniḥ sthitiḥ stheyaḥ sthaviro'tha nirañjanaḥ |

pradyotano rathārūḍhaḥ sarvalokaprakāśakaḥ || 26 ||

dhruvo meṣī mahāvīryo haṃsaḥ saṃsāratārakaḥ |

sṛṣṭikartā kriyāheturmārtaṇḍo marutāṃ patiḥ || 27 ||

marutvān dahanastvaṣṭā bhago bhargo'ryamā kapiḥ |

varuṇeśo jagannāthaḥ kṛtakṛtyaḥ sulocanaḥ || 28 ||

vivasvān bhānumān kāryaḥ kāraṇastejasāṃ nidhiḥ |

asaṅgagāmī tigmāṃśurdharmāṃśurdīptadīdhitiḥ || 29 ||

sahasradīdhitirbradhnaḥ sahasrāṃśurdivākaraḥ |

gabhastimān dīdhitimān sragvī maṇikuladyutiḥ || 30 ||

bhāskaraḥ surakāryajñaḥ sarvajñastīkṣṇadīdhitiḥ |

surajyeṣṭhaḥ surapatirbahujño vacasāṃ patiḥ || 31 ||

tejonidhirbṛhattejā bṛhatkīrtirbṛhaspatiḥ |

ahimānūrjito dhīmānāmuktaḥ kīrtivardhanaḥ || 32 ||

mahāvaidyo gaṇapatirdhaneśo gaṇanāyakaḥ |

tīvrapratāpanastāpī tāpano viśvatāpanaḥ || 33 ||

kārtasvaro hṛṣīkeśaḥ padmānando'tinanditaḥ |

padmanābho'mṛtāhāraḥ sthitimān ketumān nabhaḥ || 34 ||

anādyanto'cyuto viśvo viśvāmitro ghṛṇirvirāṭ |

āmuktakavaco vāgmī kañcukī viśvabhāvanaḥ || 35 ||

animittagatiḥ śreṣṭhaḥ śaraṇyaḥ sarvatomukhaḥ |

vigāhī veṇurasahaḥ samāyuktaḥ samākratuḥ || 36 ||

dharmaketurdharmaratiḥ saṃhartā saṃyamo yamaḥ |

praṇatārtiharo vāyuḥ siddhakāryo janeśvaraḥ || 37 ||

nabho vigāhanaḥ satyaḥ savitātmā manoharaḥ |

hārī harirharo vāyurṛtuḥ kālānaladyutiḥ || 38 ||

sukhasevyo mahātejā jagatāmekakāraṇam |

mahendro viṣṭutaḥ stotraṃ stutihetuḥ prabhākaraḥ || 39 ||

sahasrakara āyuṣmān aroṣaḥ sukhadaḥ sukhī |

vyādhihā sukhadaḥ saukhyaṃ kalyāṇaḥ kalatāṃ varaḥ || 40 ||

ārogyakāraṇaṃ siddhirṛddhirvṛddhirbṛhaspatiḥ |

hiraṇyaretā ārogyaṃ vidvān bradhno budho mahān || 41 ||

prāṇavān dhṛtimān gharmo gharmakartā rucipradaḥ |

sarvapriyaḥ sarvasahaḥ sarvaśatruvināśanaḥ || 42 ||

prāṃśurvidyotano dyotaḥ sahasrakiraṇaḥ kṛtī |

keyūrī bhūṣaṇodbhāsī bhāsito bhāsano'nalaḥ || 43 ||

śaraṇyārtiharo hotā khadyotaḥ khagasattamaḥ |

sarvadyoto bhavadyotaḥ sarvadyutikaro mataḥ || 44 ||

kalyāṇaḥ kalyāṇakaraḥ kalyaḥ kalyakaraḥ kaviḥ |

kalyāṇakṛt kalyavapuḥ sarvakalyāṇabhājanam || 45 ||

śāntipriyaḥ prasannātmā praśāntaḥ praśamapriyaḥ |

udārakarmā sunayaḥ suvarcā varcasojjvalaḥ || 46 ||

varcasvī varcasāmīśastrailokyeśo vaśānugaḥ |

tejasvī suyaśā varṣmī varṇādhyakṣo balipriyaḥ || 47 ||

yaśasvī tejonilayastejasvī prakṛtisthitaḥ |

ākāśagaḥ śīghragatirāśugo gatimān khagaḥ || 48 ||

gopatirgrahadeveśo gomānekaḥ prabhañjanaḥ |

janitā prajano jīvo dīpaḥ sarvaprakāśakaḥ || 49 ||

sarvasākṣī yoganityo nabhasvānasurāntakaḥ |

rakṣoghno vighnaśamanaḥ kirīṭī sumanaḥpriyaḥ || 50 ||

marīcimālī sumatiḥ kṛtābhikhyaviśeṣakaḥ |

śiṣṭācāraḥ śubhācāraḥ svacārācāratatparaḥ || 51 ||

mandāro māṭharo veṇuḥ kṣudhāpaḥ kṣmāpatirguruḥ |

suviśiṣṭo viśiṣṭātmā vidheyo jñānaśobhanaḥ || 52 ||

mahāśvetaḥ priyo jñeyaḥ sāmago mokṣadāyakaḥ |

sarvavedapragītātmā sarvavedalayo mahān || 53 ||

vedamūrtiścaturvedo vedabhṛdvedapāragaḥ |

kriyāvānasito jiṣṇurvarīyāṃśurvarapradaḥ || 54 ||

vratacārī vratadharo lokabandhuralaṅkṛtaḥ |

alaṅkārākṣaro vedyo vidyāvān viditāśayaḥ || 55 ||

ākāro bhūṣaṇo bhūṣyo bhūṣṇurbhuvanapūjitaḥ |

cakrapāṇirdhvajadharaḥ sureśo lokavatsalaḥ || 56 ||

vāgmipatirmahābāhuḥ prakṛtirvikṛtirguṇaḥ |

andhakārāpahaḥ śreṣṭho yugāvarto yugādikṛt || 57 ||

aprameyaḥ sadāyogī nirahaṅkāra īśvaraḥ |

śubhapradaḥ śubhaḥ śāstā śubhakarmā śubhapradaḥ || 58 ||

satyavān śrutimānuccairnakāro vṛddhido'nalaḥ |

balabhṛdbalado bandhurmatimān balināṃ varaḥ || 59 ||

anaṅgo nāgarājendraḥ padmayonirgaṇeśvaraḥ |

saṃvatsara ṛturnetā kālacakrapravartakaḥ || 60 ||

padmekṣaṇaḥ padmayoniḥ prabhāvānamaraḥ prabhuḥ |

sumūrtiḥ sumatiḥ somo govindo jagadādijaḥ || 61 ||

pītavāsāḥ kṛṣṇavāsā digvāsāstvindriyātigaḥ |

atīndriyo'nekarūpaḥ skandaḥ parapurañjayaḥ || 62 ||

śaktimān jaladhṛgbhāsvān mokṣaheturayonijaḥ |

sarvadarśī jitādarśo duḥsvapnāśubhanāśanaḥ || 63 ||

māṅgalyakartā taraṇirvegavān kaśmalāpahaḥ |

spaṣṭākṣaro mahāmantro viśākho yajanapriyaḥ || 64 ||

viśvakarmā mahāśaktirdyutirīśo vihaṅgamaḥ |

vicakṣaṇo dakṣa indraḥ pratyūṣaḥ priyadarśanaḥ || 65 ||

akhinno vedanilayo vedavidviditāśayaḥ |

prabhākaro jitaripuḥ sujano'ruṇasārathiḥ || 66 ||

kunāśī surataḥ skando mahito'bhimato guruḥ |

graharājo grahapatirgrahanakṣatramaṇḍalaḥ || 67 ||

bhāskaraḥ satatānando nandano naravāhanaḥ |

maṅgalo'tha maṅgalavān māṅgalyo maṅgalāvahaḥ || 68 ||

maṅgalyacārucaritaḥ śīrṇaḥ sarvavrato vratī |

caturmukhaḥ padmamālī pūtātmā praṇatārtihā || 69 ||

akiñcanaḥ satāmīśo nirguṇo guṇavāñchuciḥ |

sampūrṇaḥ puṇḍarīkākṣo vidheyo yogatatparaḥ || 70 ||

sahasrāṃśuḥ kratumatiḥ sarvajñaḥ sumatiḥ suvāk |

suvāhano mālyadāmā kṛtāhāro haripriyaḥ || 71 ||

brahmā pracetāḥ prathitaḥ prayatātmā sthirātmakaḥ |

śatavinduḥ śatamukho garīyānanalaprabhaḥ || 72 ||

dhīro mahattaro vipraḥ purāṇapuruṣottamaḥ |

vidyārājādhirājo hi vidyāvān bhūtidaḥ sthitaḥ || 73 ||

anirdeśyavapuḥ śrīmān vipāpmā bahumaṅgalaḥ |

svaḥsthitaḥ surathaḥ svarṇo mokṣado baliketanaḥ || 74 ||

nirdvandvo dvandvahā svargaḥ sarvagaḥ samprakāśakaḥ |

dayāluḥ sūkṣmadhīḥ kṣāntiḥ kṣemākṣemasthitipriyaḥ || 75 ||

bhūdharo bhūpatirvaktā pavitrātmā trilocanaḥ |

mahāvarāhaḥ priyakṛddātā bhoktā'bhayapradaḥ || 76 ||

cakravartī dhṛtikaraḥ sampūrṇo'tha maheśvaraḥ |

caturvedadharo'cintyo vinindyo vividhāśanaḥ || 77 ||

vicitraratha ekākī saptasaptiḥ parātparaḥ |

sarvodadhisthitikaraḥ sthitistheyaḥ sthitipriyaḥ || 78 ||

niṣkalaḥ puṣkalo vibhurvasumān vāsavapriyaḥ |

paśumān vāsavasvāmī vasudhāmā vasupradaḥ || 79 ||

balavān jñānavāṃstattvamoṅkārastriṣusaṃsthitaḥ |

saṅkalpayonirdinakṛdbhagavān kāraṇāpahaḥ || 80 ||

nīlakaṇṭho dhanādhyakṣaścaturvedapriyaṃvadaḥ |

vaṣaṭkārodgātā hotā svāhākāro hutāhutiḥ || 81 ||

janārdano janānando naro nārāyaṇo'mbudaḥ |

sandehanāśano vāyurdhanvī suranamaskṛtaḥ || 82 ||

vigrahī vimalo vindurviśoko vimaladyutiḥ |

dyutimān dyotano vidyudvidyāvān vidito balī || 83 ||

gharmado himado hāsaḥ kṛṣṇavartmā sutājitaḥ |

sāvitrībhāvito rājā viśvāmitro ghṛṇirvirāṭ || 84 ||

saptārciḥ saptaturagaḥ saptalokanamaskṛtaḥ |

sampūrṇo'tha jagannāthaḥ sumanāḥ śobhanapriyaḥ || 85 ||

sarvātmā sarvakṛt sṛṣṭiḥ saptimān saptamīpriyaḥ |

sumedhā medhiko medhyo medhāvī madhusūdanaḥ || 86 ||

aṅgiraḥpatiḥ kālajño dhūmaketuḥ suketanaḥ |

sukhī sukhapradaḥ saukhyaḥ kāntiḥ kāntipriyo muniḥ || 87 ||

santāpanaḥ santapana ātapastapasāṃ patiḥ |

umāpatiḥ sahasrāṃśuḥ priyakārī priyaṅkaraḥ || 88 ||

prītirvimanyurambhotthaḥ khañjano jagatāṃ patiḥ |

jagatpitā prītamanāḥ sarvaḥ kharvo guho'calaḥ || 89 ||

sarvago jagadānando jagannetā surārihā |

śreyaḥ śreyaskaro jyāyān mahānuttama udbhavaḥ || 90 ||

uttamo merumeyo'tha dharaṇo dharaṇīdharaḥ |

dharādhyakṣo dharmarājo dharmādharmapravartakaḥ || 91 ||

rathādhyakṣo rathagatistaruṇastanito'nalaḥ |

uttaro'nuttarastāpī avākpatirapāṃ patiḥ || 92 ||

puṇyasaṅkīrtanaḥ puṇyo heturlokatrayāśrayaḥ |

svarbhānurvigatānando viśiṣṭotkṛṣṭakarmakṛt || 93 ||

vyādhipraṇāśanaḥ kṣemaḥ śūraḥ sarvajitāṃ varaḥ |

ekaratho rathādhīśaḥ pitā śanaiścarasya hi || 94 ||

vaivasvatagururmṛtyurdharmanityo mahāvrataḥ |

pralambahārasañcārī pradyoto dyotitānalaḥ || 95 ||

santāpahṛt paro mantro mantramūrtirmahābalaḥ |

śreṣṭhātmā supriyaḥ śambhurmarutāmīśvareśvaraḥ || 96 ||

saṃsāragativiccettā saṃsārārṇavatārakaḥ |

saptajihvaḥ sahasrārcī ratnagarbho'parājitaḥ || 97 ||

dharmaketurameyātmā dharmādharmavarapradaḥ |

lokasākṣī lokagururlokeśaścaṇḍavāhanaḥ || 98 ||

dharmayūpo yūpavṛkṣo dhanuṣpāṇirdhanurdharaḥ |

pinākadhṛṅmahotsāho mahāmāyo mahāśanaḥ || 99 ||

vīraḥ śaktimatāṃ śreṣṭhaḥ sarvaśastrabhṛtāṃ varaḥ |

jñānagamyo durārādhyo lohitāṅgo vivardhanaḥ || 100 ||

khago'ndho dharmado nityo dharmakṛccitravikramaḥ |

bhagavānātmavān mantrastryakṣaro nīlalohitaḥ || 101 ||

eko'nekastrayī kālaḥ savitā samitiñjayaḥ |

śārṅgadhanvā'nalo bhīmaḥ sarvapraharaṇāyudhaḥ || 102 ||

sukarmā parameṣṭhī ca nākapālī divisthitaḥ |

vadānyo vāsukirvaidya ātreyo'tha parākramaḥ || 103 ||

dvāparaḥ paramodāraḥ paramo brahmacaryavān |

udīcyaveṣo mukuṭī padmahasto himāṃśubhṛt || 104 ||

sitaḥ prasannavadanaḥ padmodaranibhānanaḥ |

sāyaṃ divā divyavapuranirdeśyo mahālayaḥ || 105 ||

mahāratho mahānīśaḥ śeṣaḥ sattvarajastamaḥ |

dhṛtātapatrapratimo vimarṣī nirṇayaḥ sthitaḥ || 106 ||

ahiṃsakaḥ śuddhamatiradvitīyo vivardhanaḥ |

sarvado dhanado mokṣo vihārī bahudāyakaḥ || 107 ||

cārurātriharo nātho bhagavān sarvago'vyayaḥ |

manoharavapuḥ śubhraḥ śobhanaḥ suprabhāvanaḥ || 108 ||

suprabhāvaḥ supratāpaḥ sunetro digvidikpatiḥ |

rājñīpriyaḥ śabdakaro graheśastimirāpahaḥ || 109 ||

saiṃhikeyaripurdevo varado varanāyakaḥ |

caturbhujo mahāyogī yogīśvarapatistathā || 110 ||

anādirūpo'ditijo ratnakāntiḥ prabhāmayaḥ |

jagatpradīpo vistīrṇo mahāvistīrṇamaṇḍalaḥ || 111 ||

ekacakrarathaḥ svarṇarathaḥ svarṇaśarīradhṛk |

nirālambo gaganago dharmakarmaprabhāvakṛt || 112 ||

dharmātmā karmaṇāṃ sākṣī pratyakṣaḥ parameśvaraḥ |

merusevī sumedhāvī merurakṣākaro mahān || 113 ||

ādhārabhūto ratimāṃstathā ca dhanadhānyakṛt |

pāpasantāpahartā ca manovāñchitadāyakaḥ || 114 ||

rogahartā rājyadāyī ramaṇīyaguṇo'nṛṇī |

kālatrayānantarūpo munivṛndanamaskṛtaḥ || 115 ||

sandhyārāgakaraḥ siddhaḥ sandhyāvandanavanditaḥ |

sāmrājyadānanirataḥ samārādhanatoṣavān || 116 ||

bhaktaduḥkhakṣayakaro bhavasāgaratārakaḥ |

bhayāpahartā bhagavānaprameyaparākramaḥ |

manusvāmī manupatirmānyo manvantarādhipaḥ || 117 ||

phalaśrutiḥ |

etatte sarvamākhyātaṃ yanmāṃ tvaṃ paripṛcchasi |

nāmnāṃ sahasraṃ savituḥ parāśaryo yadāha me || 1 ||

dhanyaṃ yaśasyamāyuṣyaṃ duḥkhaduḥsvapnanāśanam |

bandhamokṣakaraṃ caiva bhānornāmānukīrtanāt || 2 ||

yastvidaṃ śṛṇuyānnityaṃ paṭhedvā prayato naraḥ |

akṣayaṃ sukhamannādyaṃ bhavettasyopasādhitam || 3 ||

nṛpāgnitaskarabhayaṃ vyādhito na bhayaṃ bhavet |

vijayī ca bhavennityamāśrayaṃ paramāpnuyāt || 4 ||

kīrtimān subhago vidvān sa sukhī priyadarśanaḥ |

jīvedvarṣaśatāyuśca sarvavyādhivivarjitaḥ || 5 ||

nāmnāṃ sahasramidamaṃśumataḥ paṭhedyaḥ

prātaḥ śucirniyamavān susamṛddhiyuktaḥ |

dūreṇa taṃ pariharanti sadaiva rogāḥ

bhūtāḥ suparṇamiva sarvamahoragendrāḥ || 6 ||

iti śrī bhaviṣyapurāṇe saptamakalpe śrībhagavatsūryasya sahasranāmastotraṃ sampūrṇam ||