dhyānam |
kailāsācala madhyasthaṃ kāmitābhīṣṭadāyakam |
brahmādiprārthanāprāptadivyamānuṣavigraham ||
bhaktānugrahaṇaikāntaśāntasvāntasamujjvalam |
saṃyajñaṃ saṃyamīndrāṇāṃ sārvabhaumaṃ jagadgurum ||
kiṅkarībhūtabhaktainaḥ paṅkajātaviśoṣaṇam |
dhyāyāmi śaṅkarācāryaṃ sarvalokaikaśaṅkaram ||
oṃ śrīśaṅkarācāryavaryāya namaḥ |
oṃ brahmānandapradāyakāya namaḥ |
oṃ ajñānatimirādityāya namaḥ |
oṃ sujñānāmbudhicandramase namaḥ |
oṃ varṇāśramapratiṣṭhātre namaḥ |
oṃ śrīmate namaḥ |
oṃ muktipradāyakāya namaḥ |
oṃ śiṣyopadeśaniratāya namaḥ |
oṃ bhaktābhīṣṭapradāyakāya namaḥ |
oṃ sūkṣmatattvarahasyajñāya namaḥ || 10 ||
oṃ kāryākāryaprabodhakāya namaḥ |
oṃ jñānamudrāñcitakarāya namaḥ |
oṃ śiṣyahṛttāpahārakāya namaḥ |
oṃ parivrājāśramoddhartre namaḥ |
oṃ sarvatantrasvatantradhiye namaḥ |
oṃ advaitasthāpanācāryāya namaḥ |
oṃ sākṣācchaṅkararūpadhṛte namaḥ |
oṃ ṣaṇmatasthāpanācāryāya namaḥ |
oṃ trayīmārgaprakāśakāya namaḥ |
oṃ vedavedāntatattvajñāya namaḥ || 20 ||
oṃ durvādimatakhaṇḍanāya namaḥ |
oṃ vairāgyaniratāya namaḥ |
oṃ śāntāya namaḥ |
oṃ saṃsārārṇavatārakāya namaḥ |
oṃ prasannavadanāmbhojāya namaḥ |
oṃ paramārthaprakāśakāya namaḥ |
oṃ purāṇasmṛtisārajñāya namaḥ |
oṃ nityatṛptāya namaḥ |
oṃ mahate namaḥ |
oṃ śucaye namaḥ || 30 ||
oṃ nityānandāya namaḥ |
oṃ nirātaṅkāya namaḥ |
oṃ nissaṅgāya namaḥ |
oṃ nirmalātmakāya namaḥ |
oṃ nirmamāya namaḥ |
oṃ nirahaṅkārāya namaḥ |
oṃ viśvavandyapadāmbujāya namaḥ |
oṃ sattvapradhānāya namaḥ |
oṃ sadbhāvāya namaḥ |
oṃ saṅkhyātītaguṇojvalāya namaḥ || 40 ||
oṃ anaghāya namaḥ |
oṃ sārahṛdayāya namaḥ |
oṃ sudhiye namaḥ |
oṃ sārasvatapradāya namaḥ |
oṃ satyātmane namaḥ |
oṃ puṇyaśīlāya namaḥ |
oṃ sāṅkhyayogavicakṣaṇāya namaḥ |
oṃ taporāśaye namaḥ |
oṃ mahātejase namaḥ |
oṃ guṇatrayavibhāgavide namaḥ || 50 ||
oṃ kalighnāya namaḥ |
oṃ kālakarmajñāya namaḥ |
oṃ tamoguṇanivārakāya namaḥ |
oṃ bhagavate namaḥ |
oṃ bhāratījetre namaḥ |
oṃ śāradāhvānapaṇḍitāya namaḥ |
oṃ dharmādharmavibhāgajñāya namaḥ |
oṃ lakṣyabhedapradarśakāya namaḥ |
oṃ nādabindukalābhijñāya namaḥ |
oṃ yogihṛtpadmabhāskarāya namaḥ || 60 ||
oṃ atīndriyajñānanidhaye namaḥ |
oṃ nityānityavivekavate namaḥ |
oṃ cidānandāya namaḥ |
oṃ cinmayātmane namaḥ |
oṃ parakāyapraveśakṛte namaḥ |
oṃ amānuṣacaritrāḍhyāya namaḥ |
oṃ kṣemadāyine namaḥ |
oṃ kṣamākarāya namaḥ |
oṃ bhavyāya namaḥ |
oṃ bhadrapradāya namaḥ || 70 ||
oṃ bhūrimahimne namaḥ |
oṃ viśvarañjakāya namaḥ |
oṃ svaprakāśāya namaḥ |
oṃ sadādhārāya namaḥ |
oṃ viśvabandhave namaḥ |
oṃ śubhodayāya namaḥ |
oṃ viśālakīrtaye namaḥ |
oṃ vāgīśāya namaḥ |
oṃ sarvalokahitotsukāya namaḥ |
oṃ kailāsayātrāsamprāptacandramauliprapūjakāya namaḥ || 80 ||
oṃ kāñcyāṃ śrīcakrarājākhyayantrasthāpanadīkṣitāya namaḥ |
oṃ śrīcakrātmakatāṭaṅkatoṣitāmbāmanorathāya namaḥ |
oṃ śrībrahmasūtropaniṣadbhāṣyādigranthakalpakāya namaḥ |
oṃ caturdikcaturāmnāya pratiṣṭhātre namaḥ |
oṃ mahāmataye namaḥ |
oṃ dvisaptatimatoccetre namaḥ |
oṃ sarvadigvijayaprabhave namaḥ |
oṃ kāṣāyavasanopetāya namaḥ |
oṃ bhasmoddhūlitavigrahāya namaḥ |
oṃ jñānātmakaikadaṇḍāḍhyāya namaḥ || 90 ||
oṃ kamaṇḍalulasatkarāya namaḥ |
oṃ gurubhūmaṇḍalācāryāya namaḥ |
oṃ bhagavatpādasañjñakāya namaḥ |
oṃ vyāsasandarśanaprītāya namaḥ |
oṃ ṛṣyaśṛṅgapureśvarāya namaḥ |
oṃ saundaryalaharīmukhyabahustotravidhāyakāya namaḥ |
oṃ catuṣṣaṣṭikalābhijñāya namaḥ |
oṃ brahmarākṣasamokṣadāya namaḥ |
oṃ śrīmanmaṇḍanamiśrākhyasvayambhūjayasannutāya namaḥ |
oṃ toṭakācāryasampūjyāya namaḥ || 100 ||
oṃ padmapādārcitāṅghrikāya namaḥ |
oṃ hastāmalakayogīndra brahmajñānapradāyakāya namaḥ |
oṃ sureśvarākhyasacciṣyasannyāsāśramadāyakāya namaḥ |
oṃ nṛsiṃhabhaktāya namaḥ |
oṃ sadratnagarbhaherambapūjakāya namaḥ |
oṃ vyākhyāsiṃhāsanādhīśāya namaḥ |
oṃ jagatpūjyāya namaḥ |
oṃ jagadgurave namaḥ || 108 ||