Shri Ranganatha Ashtottara Shata Nama Stotram

ॐ

ශ්රී රඞ්ගනාථ අෂ්ටෝත්තර ශත නාම ස්තෝත්රම්

Vishnu Ashtottara Sata Namavali Sinhala

අස්ය ශ්රීරඞ්ගනාථාෂ්ටෝත්තරශතනාමස්තෝත්රමහාමන්ත්රස්ය වේදව්යාසෝ භගවානෘෂිඃ අනුෂ්ටුප්ඡන්දඃ භගවාන් ශ්රීමහාවිෂ්ණුර්දේවතා, ශ්රීරඞ්ගශායීති බීජං ශ්රීකාන්ත ඉති ශක්තිඃ ශ්රීප්රද ඉති කීලකං මම සමස්තපාපනාශාර්ථේ ශ්රීරඞ්ගරාජප්රසාද සිද්ධ්යර්ථේ ජපේ විනියෝගඃ .

ධෞම්ය උවාච .

ශ්රීරඞ්ගශායී ශ්රීකාන්තඃ ශ්රීප්රදඃ ශ්රිතවත්සලඃ .

අනන්තෝ මාධවෝ ජේතා ජගන්නාථෝ ජගද්ගුරුඃ .. 1 ..

සුරවර්යඃ සුරාරාධ්යඃ සුරරාජානුජඃ ප්රභුඃ .

හරිර්හතාරිර්විශ්වේශඃ ශාශ්වතඃ ශම්භුරව්යයඃ .. 2 ..

භක්තාර්තිභඤ්ජනෝ වාග්මී වීරෝ විඛ්යාතකීර්තිමාන් .

භාස්කරඃ ශාස්ත්රතත්ත්වජ්ඤෝ දෛත්යශාස්තා(අ)මරේශ්වරඃ .. 3 ..

නාරායණෝ නරහරිර්නීරජාක්ෂෝ නරප්රියඃ .

බ්රහ්මණ්යෝ බ්රහ්මකෘද්බ්රහ්මා බ්රහ්මාඞ්ගෝ බ්රහ්මපූජිතඃ .. 4 ..

කෘෂ්ණඃ කෘතජ්ඤෝ ගෝවින්දෝ හෘෂීකේශෝ(අ)ඝනාශනඃ .

විෂ්ණුර්ජිෂ්ණුර්ජිතාරාතිඃ සජ්ජනප්රිය ඊශ්වරඃ .. 5 ..

ත්රිවික්රමස්ත්රිලෝකේශඃ ත්රය්යර්ථස්ත්රිගුණාත්මකඃ .

කාකුත්ස්ථඃ කමලාකාන්තඃ කාලීයෝරගමර්දනඃ .. 6 ..

කාලාම්බුදශ්යාමලාඞ්ගඃ කේශවඃ ක්ලේශනාශනඃ .

කේශිප්රභඤ්ජනඃ කාන්තෝ නන්දසූනුරරින්දමඃ .. 7 ..

රුක්මිණීවල්ලභඃ ශෞරිර්බලභද්රෝ බලානුජඃ .

දාමෝදරෝ හෘෂීකේශෝ වාමනෝ මධුසූදනඃ .. 8 ..

පූතඃ පුණ්යජනධ්වංසී පුණ්යශ්ලෝකශිඛාමණිඃ .

ආදිමූර්තිර්දයාමූර්තිඃ ශාන්තමූර්තිරමූර්තිමාන් .. 9 ..

පරම්බ්රහ්ම පරන්ධාම පාවනඃ පවනෝ විභුඃ .

චන්ද්රශ්ඡන්දෝමයෝ රාමඃ සංසාරාම්බුධිතාරකඃ .. 10 ..

ආදිතේයෝ(අ)ච්යුතෝ භානුඃ ශඞ්කරශ්ශිව ඌර්ජිතඃ .

මහේශ්වරෝ මහායෝගී මහාශක්තිර්මහත්ප්රියඃ .. 11 ..

දුර්ජනධ්වංසකෝ(අ)ශේෂසජ්ජනෝපාස්තසත්ඵලම් .

පක්ෂීන්ද්රවාහනෝ(අ)ක්ෂෝභ්යඃ ක්ෂීරාබ්ධිශයනෝ විධුඃ .. 12 ..

ජනාර්දනෝ ජගද්ධේතුර්ජිතමන්මථවිග්රහඃ .

චක්රපාණිඃ ශඞ්ඛධාරී ශාර්ඞ්ගී ඛඩ්ගී ගදාධරඃ .. 13 ..

ඒවං විෂ්ණෝශ්ශතං නාම්නාමෂ්ටෝත්තරමිහේරිතම් .

ස්තෝත්රාණාමුත්තමං ගුහ්යං නාමරත්නස්තවාභිධම් .. 14 ..

සර්වදා සර්වරෝගඝ්නං චින්තිතාර්ථඵලප්රදම් .

ත්වං තු ශීඝ්රං මහාරාජ ගච්ඡ රඞ්ගස්ථලං ශුභම් .. 15 ..

ස්නාත්වා තුලාර්කේ කාවේර්යාං මාහාත්ම්ය ශ්රවණං කුරු .

ගවාශ්වවස්ත්රධාන්යාන්නභූමිකන්යාප්රදෝ භව .. 16 ..

ද්වාදශ්යාං පායසාන්නේන සහස්රං දශ භෝජය .

නාමරත්නස්තවාඛ්යේන විෂ්ණෝරෂ්ටශතේන ච .

ස්තුත්වා ශ්රීරඞ්ගනාථං ත්වමභීෂ්ටඵලමාප්නුහි .. 17 ..

ඉති තුලාකාවේරීමාහාත්ම්යේ ශන්තනුං ප්රති ධෞම්යෝපදිෂ්ට ශ්රීරඞ්ගනාථාෂ්ටෝත්තරශතනාම ස්තෝත්රම් .

Roman (IAST) Transliteration

asya śrīraṅganāthāṣṭottaraśatanāmastotramahāmantrasya vedavyāso bhagavānṛṣiḥ anuṣṭupchandaḥ bhagavān śrīmahāviṣṇurdevatā, śrīraṅgaśāyīti bījaṃ śrīkānta iti śaktiḥ śrīprada iti kīlakaṃ mama samastapāpanāśārthe śrīraṅgarājaprasāda siddhyarthe jape viniyogaḥ |

dhaumya uvāca |

śrīraṅgaśāyī śrīkāntaḥ śrīpradaḥ śritavatsalaḥ |

ananto mādhavo jetā jagannātho jagadguruḥ || 1 ||

suravaryaḥ surārādhyaḥ surarājānujaḥ prabhuḥ |

harirhatārirviśveśaḥ śāśvataḥ śambhuravyayaḥ || 2 ||

bhaktārtibhañjano vāgmī vīro vikhyātakīrtimān |

bhāskaraḥ śāstratattvajño daityaśāstā'mareśvaraḥ || 3 ||

nārāyaṇo naraharirnīrajākṣo narapriyaḥ |

brahmaṇyo brahmakṛdbrahmā brahmāṅgo brahmapūjitaḥ || 4 ||

kṛṣṇaḥ kṛtajño govindo hṛṣīkeśo'ghanāśanaḥ |

viṣṇurjiṣṇurjitārātiḥ sajjanapriya īśvaraḥ || 5 ||

trivikramastrilokeśaḥ trayyarthastriguṇātmakaḥ |

kākutsthaḥ kamalākāntaḥ kālīyoragamardanaḥ || 6 ||

kālāmbudaśyāmalāṅgaḥ keśavaḥ kleśanāśanaḥ |

keśiprabhañjanaḥ kānto nandasūnurarindamaḥ || 7 ||

rukmiṇīvallabhaḥ śaurirbalabhadro balānujaḥ |

dāmodaro hṛṣīkeśo vāmano madhusūdanaḥ || 8 ||

pūtaḥ puṇyajanadhvaṃsī puṇyaślokaśikhāmaṇiḥ |

ādimūrtirdayāmūrtiḥ śāntamūrtiramūrtimān || 9 ||

parambrahma parandhāma pāvanaḥ pavano vibhuḥ |

candraśchandomayo rāmaḥ saṃsārāmbudhitārakaḥ || 10 ||

āditeyo'cyuto bhānuḥ śaṅkaraśśiva ūrjitaḥ |

maheśvaro mahāyogī mahāśaktirmahatpriyaḥ || 11 ||

durjanadhvaṃsako'śeṣasajjanopāstasatphalam |

pakṣīndravāhano'kṣobhyaḥ kṣīrābdhiśayano vidhuḥ || 12 ||

janārdano jagaddheturjitamanmathavigrahaḥ |

cakrapāṇiḥ śaṅkhadhārī śārṅgī khaḍgī gadādharaḥ || 13 ||

evaṃ viṣṇośśataṃ nāmnāmaṣṭottaramiheritam |

stotrāṇāmuttamaṃ guhyaṃ nāmaratnastavābhidham || 14 ||

sarvadā sarvarogaghnaṃ cintitārthaphalapradam |

tvaṃ tu śīghraṃ mahārāja gaccha raṅgasthalaṃ śubham || 15 ||

snātvā tulārke kāveryāṃ māhātmya śravaṇaṃ kuru |

gavāśvavastradhānyānnabhūmikanyāprado bhava || 16 ||

dvādaśyāṃ pāyasānnena sahasraṃ daśa bhojaya |

nāmaratnastavākhyena viṣṇoraṣṭaśatena ca |

stutvā śrīraṅganāthaṃ tvamabhīṣṭaphalamāpnuhi || 17 ||

iti tulākāverīmāhātmye śantanuṃ prati dhaumyopadiṣṭa śrīraṅganāthāṣṭottaraśatanāma stotram |