Shri Ramashtakam (rama Ashtakam)

ॐ

ශ්රී රාමාෂ්ටකං (රාම අෂ්ටකං)

Rama Ashtakam Sinhala

භජේ විශේෂසුන්දරං සමස්තපාපඛණ්ඩනම් .

ස්වභක්තචිත්තරඤ්ජනං සදෛව රාමමද්වයම් .. 1 ..

ජටාකලාපශෝභිතං සමස්තපාපනාශකම් .

ස්වභක්තභීතිභඤ්ජනං භජේ හ රාමමද්වයම් .. 2 ..

නිජස්වරූපබෝධකං කෘපාකරං භවා(අ)පහම් .

සමං ශිවං නිරඤ්ජනං භජේ හ රාමමද්වයම් .. 3 ..

සදා ප්රපඤ්චකල්පිතං හ්යනාමරූපවාස්තවම් .

නිරාකෘතිං නිරාමයං භජේ හ රාමමද්වයම් .. 4 ..

නිෂ්ප්රපඤ්ච නිර්විකල්ප නිර්මලං නිරාමයම් .

චිදේකරූපසන්තතං භජේ හ රාමමද්වයම් .. 5 ..

භවාබ්ධිපෝතරූපකං හ්යශේෂදේහකල්පිතම් .

ගුණාකරං කෘපාකරං භජේ හ රාමමද්වයම් .. 6 ..

මහාසුවාක්යබෝධකෛර්විරාජමානවාක්පදෛඃ .

පරං ච බ්රහ්ම ව්යාපකං භජේ හ රාමමද්වයම් .. 7 ..

ශිවප්රදං සුඛප්රදං භවච්ඡිදං භ්රමාපහම් .

විරාජමානදෛශිකං භජේ හ රාමමද්වයම් .. 8 ..

රාමාෂ්ටකං පඨති යඃ සුඛදං සුපුණ්යං

ව්යාසේන භාෂිතමිදං ශෘණුතේ මනුෂ්යඃ .

විද්යාං ශ්රියං විපුලසෞඛ්යමනන්තකීර්තිං

සම්ප්රාප්ය දේහවිලයේ ලභතේ ච මෝක්ෂම් .. 9 ..

ඉති ශ්රීව්යාස ප්රෝක්ත ශ්රීරාමාෂ්ටකම් .

Roman (IAST) Transliteration

bhaje viśeṣasundaraṃ samastapāpakhaṇḍanam |

svabhaktacittarañjanaṃ sadaiva rāmamadvayam || 1 ||

jaṭākalāpaśobhitaṃ samastapāpanāśakam |

svabhaktabhītibhañjanaṃ bhaje ha rāmamadvayam || 2 ||

nijasvarūpabodhakaṃ kṛpākaraṃ bhavā'paham |

samaṃ śivaṃ nirañjanaṃ bhaje ha rāmamadvayam || 3 ||

sadā prapañcakalpitaṃ hyanāmarūpavāstavam |

nirākṛtiṃ nirāmayaṃ bhaje ha rāmamadvayam || 4 ||

niṣprapañca nirvikalpa nirmalaṃ nirāmayam |

cidekarūpasantataṃ bhaje ha rāmamadvayam || 5 ||

bhavābdhipotarūpakaṃ hyaśeṣadehakalpitam |

guṇākaraṃ kṛpākaraṃ bhaje ha rāmamadvayam || 6 ||

mahāsuvākyabodhakairvirājamānavākpadaiḥ |

paraṃ ca brahma vyāpakaṃ bhaje ha rāmamadvayam || 7 ||

śivapradaṃ sukhapradaṃ bhavacchidaṃ bhramāpaham |

virājamānadaiśikaṃ bhaje ha rāmamadvayam || 8 ||

rāmāṣṭakaṃ paṭhati yaḥ sukhadaṃ supuṇyaṃ

vyāsena bhāṣitamidaṃ śṛṇute manuṣyaḥ |

vidyāṃ śriyaṃ vipulasaukhyamanantakīrtiṃ

samprāpya dehavilaye labhate ca mokṣam || 9 ||

iti śrīvyāsa prokta śrīrāmāṣṭakam |